Новгород хотын Ломакино хэмээх тосгонд төрж, үнэн алдартны шашны сургууль төгсөөд, Хөдөө аж ахуйн их сургуульд суралцаж дүүргэжээ.

Япончууд Хятадын умардад 1100 км, Янцы мөрний хөндийд 650 км цөмөрчихсөн, хятадууд тэнгисийн болон агаарын цэргийн флотоо бүхэлд нь, их буу, танкийнхаа тэн хагасыг алдчихаад сvйрлийн ирмэгт тулаад байсан 1937 онд залуу хурандаа Власовыг цэргийн зөвлөхөөр явуулжээ. Тэр үеийн орос цэргийн зөвлөхүүд бүгд нууц нэрээр ажилладаг байсан бөгөөд мань эр Волков нэртэй явсан байна.

Хурандаагийн үйл ажиллагааг Чан Кайши өндөр үнэлдэг байлаа. 1939 оны эцсээр Власовыг нутаг буцахад нь Чан Кайши түүнд талархал илэрхийлж өгсөн Алтан луугийн одон, алтан цаг зэргийг нь ЗХУ хурааж авсан гэдэг.

1941 онд дэслэгч генерал Власов 37 дугаар армийг командлаж байлаа. Асар өргөн хүрээгээр германчууд Киевыг бүслэхэд тэрээр амжиж гараад, Москвагийн ойролцоо 12 дугаар армийг захиран, амжилттай тулалдсан юм. 1942 онд Сталин бүслэгдсэн Ленинградын ойролцоо «мухардсан» Волховын фронтын Цохилтын хоёрдугаар армийг Власовт даатгажээ. 1942 оны нэгдүгээр сарын 7-нд арми тэргүүн эгнээнд Сталинградын зүг давшиж эхэлжээ. Уг давшилтад 54, 4, 52 дугаар армиуд тогтсон газарт байр эзлэн оролцох ёстой байсан ч дайралтад төлөвлөсний дагуу оролцоогүй юм. Власовын арми хоёрдугаар сар гэхэд Германы фронт руу 74 км гүн цөмөрчээ. Гэвч Зөвлөлтийн армийн штаб тэднийг хүн хүчээр сэлбэх, зэвсэг хэрэгслээр хангах ажлыг хийгээгүй аж.

Дөрөвдүгээр сард газар гэсэж, Власовын армийн урд нь ажралгүй гатласан газар нь ухрах, нөөц зэвсэг, хүнс татах боломжтой газрууд нь намаг болон хувирчээ. Тэдний армид агаараас тусламж үзүүлээгүй бөгөөд сум хэрэглэл хомстож, хоол хүнсээр тасран үхсэн адууны өмхийрсөн туурай зэрэг идэж болох бүхнээр гол зогоож байжээ. Власов нөхцөл байдлыг үнэлэн, ухрах зөвшөөрөл хүсэхэд түүнд татгалзсан хариу өгсөн байдаг. Хэзээний бүслэгдсэн 2 дугаар арми 1942 оны 5 дугаар сарын 14-нд тал бүрээсээ Германы довтолгоонд өртөж эхлэв. Тэнгэрт дандаа Германы онгоцууд байсан хэмээн амьд үлдсэн цэргүүд дурссан байдаг. Ингээд нэгэнт оройтсон хойно дээд коммандлалаас ухрах зөвшөөрөл өгч, бүтэн хоёр сарын турш хэдэнтээ ухрахаар оролдсон ч бүслэлтийг сэтэлж чадаагүй юм.
Арми нь тарж бутарсны дараа тэрээр ой мод, намаг дундуур тэнэсээр 7 дугаар сарын 6-нд Сиверскаягийн орчимд Германы цэрэгт бууж өгсөн аж. Германчууд түүнийг Дорнод прусс дахь Лотзены ойролцоох штабтаа аваачиж, өмнө нь баривчлагдсан хэд хэдэн генерал, бригадын улс төрийн комиссар, Москвагийн нэг дүүргийн намын хорооны дарга асан Г.Н.Жиленков нартай уулзуулжээ. Тэд бүгд өмнө нь Сталины бодлогыг шүүмжлэгчид байсан гэдэг.

Дайны жилүүдэд Оросын олон сая цэрэг олзлогдсон бөгөөд тэдний дотроос Власовын арми хамгийн том нь байлаа. Власов Гитлерээс фельдмаршал цол хүртэн, харьцангуй бие даасан эрхтэйгээр “Большевизмгүй, тусгаар тогтносон Орос Улс”-ыг байгуулахын төлөө тэмцэж, Оросын чөлөөлөх арми (РОА)-ийг удирдан гурван жил тулалдсан юм.

1944 онд Власов дивизээ Германы дээд командлалтай зөвшилцөлгүйгээр Прагийн ойролцоо хуримтлуулжээ. Энэ үед ЭсЭс-ын генерал Штейнер Прагийг Улаан армид найр тавин өгөлгүй устгах гэж байна гэдгийг Власов мэдсэн аж. Ингээд тэрээр цэргүүддээ Прагийн босогчдод туслах тушаал өгсөнөөр гурван жил Вермахтийн тахтай гуталд гишгүүлсэн чехүүдэд сайхан боломж гарсан юм. Ийнхүү германчуудын тооцоолоогүй талаас дайрч Прагийг Улаан арми биш власовчууд чөлөөлжээ.

Түүний дараа Власовын арми эцсийн найдвар болсон Бавари луу Америкийн холбоотны цэргийн зүг ухарч эхэлсэн юм. Гэтэл холбоотнууд тэднийг Зөвлөлтийн армид бууж өгөх ёстой хэмээн шаарджээ. Учир нь энэ талаар Ялтын бага хурлаар хэлэлцэн тохиролцчихсон байлаа. Власовын арми герман цэргийн хувцастайгаа, Германы нутгийн гүн рүү ухарцгаав. Гэвч тэдэнд үхлээс өөр зам байгаагүй юм.

Сталин Женевийн гэрээнд гарын үсэг зураагүй тул дайсанд баригдсан болон ухарсан хэнийг ч болов урвасанд тооцож, өчиггүй буудан алах ял эчнээ өгдөг байсны улмаас маш олон орос цэрэг эрсийг энэ орчлон дээр гишгэх газаргүй болгож орхисон билээ.

Тэр үед фронт даяар олзлогдсон, хоцорч үлдсэн цэргүүдийг власовчууд буюу урвагчид хэмээн баривчлан хорьж, буудан хороож байжээ. 1948 онд Монголын нутагт төмөр зам барихаар 150 мянган хоригдол ирж ясаа тавьсны ихэнх нь власовчууд байсан юм. Тэд хүнлэг бус, хатуу ширүүн дэглэм дор ажиллаж байсан бөгөөд амиа хорлох явдал асар их гарчээ.

Генерал Власов, Жиленков нар Германы үзэл суртлын сайд Ёзеф Гэбэлс-тэй уулзалт хийж байна.

Генерал Власовыг 1945 онд америкчууд баривчлахад тэр огт эсэргүүцэл үзүүлээгүй байна. Түүнийг оросууд Любянка шоронд хорьж байгаад 1946 оны 8 дугаар сарын 1-нд 12 хүний хамт олны өмнө дүүжлэн хороожээ.

Өдгөө түүний дурсгалын хөшөө Нью-Йоркийн нэгэн оршуулгын газарт бий. Үнэн алдартны сүмийнхэн түүний хороолгосон өдөр болон улаан өндөгний баяраар жилд хоёр удаа очин Генерал Власов болон түүний цэргүүдэд хүндэтгэл үзүүлдэг байна.

Оросын чөлөөлөх армийн цэргүүд. Чех улсын нийслэл Прага хотноо нэр нь үл мэдэгдэх Оросын чөлөөлөх арми (РОА)-ийн 187 дайчдад зориулсан хөшөө байдаг юм.

Нийтлэлч: Д.Билгүүн

ТЭД АМЬ АМЬДРАЛЫНХАА ТӨЛӨӨ ТУЛАЛДСАН ЮМ
Tweet
Bolod.mn

Сэтгэгдэл (2)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
Оросуудын яаж байлддагийг агуу том арми хэдхэн сарын дотор Москва хүртэл ухарч чадсан түүх гэрчилдэг. Бүх дайнуудад Оросууд бууж өгч урваж тэрсэлж байлдаж ирсэн юм.Хамгийн сүүлд Чечений дайнд гэхэд бүхэл бүтэн арми 300 танктай жаахан Грозныид ороод гутамшигтайгаар ялагдаж байсан.Монголчууд мэддэггүй болхоос Чечений 2-р дайнд Оросууд бас л багуудаараа бамбай хийн ард нь байлдсан.Орос офицерүүд нь үүнийгээ Сибир,Ижил мөрний дагуух бага үндэстний хүмүүсийн мэдрэлийн систем харьцангуй тогтвортойгоор тайлбарлаж байгаа юм. Оросууд хөгийн ард түмэн.Өөрсдийг нь үл тоомсорлож доош нь хийдэг Грузин Армянчуудыг толгой дээрээ тахиж.өөрсдийг нь үзэн ядаж хариуг нь барихаас айдаггүй Кавказийн ард түмнүүдээс айж,Азийнхныг үзэн ядаж доош чихдэг..Гэтэл Орос орны 3/4 нь уугуул Оросын биш мөнөөх Татаар,Башкир,Мари,Якут Саха ,Эвэнк, Чукча,Казах,Тыва,Буриад Халимаг Монголчуудын эх нутаг..Оросын цагаачид гэж нэрлэж зодож дээрэмдэх хүмүүс барууны орнуудад Африк,Ойрхи Дундад Дорнод Азиас очсон цагаачдаас шал өөр уугуул эх нутаг дээрээ амьдарч байгаа хүмүүс.

2011-08-08 | 14:13:33 | 66.218.47.209 |

Зочин
Монголын Төмөр замыг барьж байгуулсан Власовчуудын талаар Монголчууд мэдэх цаг болсон.Азийг үзэн яддаг Орос үндэстний төлөө дайн бүгдэд Оросууд Төв Ази Сибирийн уугуул иргэдийг үхэл тоссон давшилт, хамгаалалт бүгдэд өмнөө барьж бамбай хийн устгасаар ирсэн нь Оросын армийн удирдлагын шинжлэх ухаанд стратегийн төвшинд орсон байдаг. Псковын дэргэд Германуудын 3 дахин хүчтэй бүслэлтэнд орж тусламж аваагүй бараг бүгд үрэгдсэн Цохилтын 2-р арми Татаараас татагдсан цэргүүдээс бүрдэж байсан! Харин Москвагийн дэргэдэх 12-р арми нь Сибир,Дундад Азиас татагдсан цэргүүдээс бүрдэж байсан юм. Дундад зуунд Литов Польшуудийн эсрэг гол тулалдаанд Халимагууд бамбай болж,Наполеоний Москвагийн тулалдаанд бас мөнөөх Халимаг,Башкир,Татаар, Казах цэргүүд Орос цэргүүдийн өмнө орж явдаг байсан түүх 2-р дайнд ч өөрлөгдөөгүй. Зөвлөлт засгийн энх тайвны жилүүдэд арми яаж зохион байгуулагддаг байсныг Оросын армитай танил Монголчууд жаахан гадарлах байх.Шугамын үндсэн ангиудад Орос,Украйн Белорус Грузин Армянчууд алба хааж барилга,төмөр зам,хангалт гэх мэт ач холбодолгүй туслах салбаруудад Азийн бага үндэстэнгүүд алба хаах нэрээр буу барилгүй,цэргийн зохион байгуулалттайгаар цалин мөнгөгүй боолчуудын ажлыг 2 жил хийдэг байсан юм. Оросууд Монголд тусгаар тогтнол өгч өөд татсаныг олон Монголчууд зөвшөөрөхдөө тэд Монголчуудын төлөө биш ТрансСиб төмөр замын урдахь зөөлөн хэвлий нь задгай өөрсдийнхөө төлөө тэгснийг мартдаг. Оросд Монголчуудад гайгүй ханддаг хүмүүс цөөнгүй байсныг санахдаа Монголчууд тэд бараг бүгд яг Орос,Грузин Армян үндэстэнгүүд биш Төв Ази,Сибир,Ижил мөрний дагуух Монголд элэгтэй Турэг голдуу үндэстэнгүүд байсныг мэддэггүй. Орос үндэстэн одоо байтугай интернационал яриж байх үедээ хүртэл Монголчуудыг бүгдээс түүний дотор Африкийн хар, залхуу Арабчуудаас тээр доор тавьж үзэн ядаж доромжлон дээрэлхсээр ирсэн. Одоо Москвад Оросууд Москваг байтугай Оросыг барьж байгуулалцсан якут чукча казах киргиз тажик монгол,хятад солонгос япончуудыг доромжилж дээрэлхэн зодож дээрэмддэг болхоос Грузин,Армян,Польш,Англичуудыг гэлтгүй ядуу Африкийн хүний үнэргүй залхуу хиймэл Афркчуудыг ч тэгдэггүй.Цагтаа Монголчуудыг бичэг үсэгт тайлах үүргээ гүүйцэтгэчихсэн Орос бичгийг Монголоос халах хэрэгтэй.Надад Орос бичэг Монголд тэдний дарсан боолчлолын тамга шиг санагддаг.

2011-08-08 | 10:37:02 | 66.218.47.209 |

Мэдээ
Гадаад мэдээ
Видео