Холливудын алдартай тагнуулч хэмээн нэрлэгддэг Энтони Пелличано “Newsweek” сэтгүүлд ярилцлага өгчээ. Тэрбээр ярилцлагадаа Арнольд Шварценеггер, Майкл Жексон, Том Круз, Билл Клинтон болон Моника Левински нарын нууцыг хэрхэн олон нийтэд ил болж байсан тухайгаа дурьдсан байна. Э.Пелличано олны танил хүмүүсийн телефон, гар утсыг нь чагнаж нууц мэдээлэл олж авдаг байжээ. Тэрбээр 2006 онд шүүхээс ял сонсч байсан ч батлан даалтаар суллагдсан аж.

-Руперт Мурдок хэрэгт холбогдлоо. Түүний чадварлаг баг бүрэлдэхүүн олон нийтэд ил боллоо шүү дээ. Харин та тэдэнтэй адилхан ажил эрхэлдэг байсан. Энэ байдал танд хэрхэн нөлөөлсөн бэ?
-Би ажлаа орхисон шүү дээ. Тэгэхээр тийм ч ноцтой нөлөөлөхгүй. “News of the world”-ын нууц мэдээллийн баг олон нийтэд ил болсон нь тэдний нэр хүндэд маш том сэв суулгалаа. Тэгэхээр оддын утас чагнадаг хүмүүс онцгой анхаарч ажиллах хэрэгтэй гэсэн дүгнэлт хийхэд хүрч байна.

-Утас чагнах нь хүний эрхийг зөрчсөн үйлдэл. Тэгвэл утас чагнагчид ажлаа үргэлжлүүлсээр байх уу. Тэдний үйл ажиллагааг хориглох шаардлагатай гэж Холливудын томоохон төлөөлөгчид үзэх боллоо?
-Р.Мурдок их нөлөөтэй хүн. Тиймээс тэдний арга ажиллагааг мэдэх боломж тун бага. Цаашид Холливудын оддын нууцыг дэлгэсээр байх болно. Нууц ажилтнуудын тоног төхөөрөмж цаг тутамд сайжирч байна. Жижиг дуу хураагч ашиглан ажлаа эхэлж байсан бол одоо гэрээс гарч буй интернэтийн сүлжээг хянаж чадах хэмжээнд очиход ойрхон байна. Жижиг дуу хураагч ашиглан ажлаа эхэлж байсан бол одоо гэрээс гарч буй интернэтийн сүлжээг хянаж чадах хэмжээнд очиход ойрхон байна. Энэ бол тусгай албаныхантай дүйцэхүйц хэмжээнд ажиллах болсныг гэрчилнэ.

-“News of the world” корпорацийн эрхлэгч танд ажиллах санал тавьж байхад та татгалзаж байсан тухайгаа ярьсан. Яагаад татгалзах болов. “News of the world” дэлхийн хэмжээнд үйл ажиллагаагаа явуулдаг нэр хүндтэй байгууллага шүү дээ. Cэтгүүлч эгнээнд нэгдэхийг хүсдэггүй гэж үү?
-Р.Мурдок намайг олон жил шаналгасан. Гэхдээ би элсээгүй. Тэр надаас дуучин Бритни Спирсийн нууц мэдээллийг олж өгөхийг хүссэн. Гэтэл Бритни ямар хэмжээний хамгаалалттай байсан билээ. Түүний нууцад нэвтрэхийг хүн бүр хүсч байсан. Харамсалтай нь бүтэлгүйтдэг байлаа. Би Р.Мурдокоос ийм санал ирсэнд гайхсан. Түүнд хандаж “Та тэнэг биш бол надаар ийм ажил хийлгэх гэж байгаадаа итгэлтэй байна уу” гэж асуусан. Тэр үг цөөнтэй болохоор юу ч ярилгүй утсаа тасалчихсан.

-Та утас чагнаснаар шоронд орж байсныг хүмүүс мэднэ. Магадгүй энэ их хэмжээний мөнгө авдагтай чинь холбоотой юу. Нууц биш бол нэг ажиллагаанд хэдэн ам.доллар халаасалдаг байв?
-Би шилдэг урхи бэлтгэгч байлаа. Энэ талаар ярихдаа таатай байна. Ажиллагаа бүртээ 25 мянган ам.доллар авдаг байсан. Нууц мэдэх ажиллагаанд оролцдог залуус чухал мэдээлэл олох бүрт баярт үйл явдал тохиолдсон юм шиг л байдаг байв. Тэгэхээр энэ их хэцүү ажил. Хэн нэгнийг утсаар ярих, гарч явахыг хүлээнэ гэдэг асар их тэвчээр шаарддаг.

-Олны танил хүмүүс хар тамхины хэрэгт холбогддог. Энэ талаар яриач. Тэд ихэвчлэн юу ярьдаг юм бэ. Гудамжны залуусын адил хар тамхийг бүлэглэлүүдээс худалдаж авдаг уу?
-Тэд гэртээ баяр тэмдэглэдэг шүү дээ. Үдэшлэг зохиож, ямар автомашин, хувцсаар гангарч байгаагаа илтгэдэг. Мөн тэд кокаин, героин татаж мансуурдаг. Мэдээж үүнийг ямар нэг бүлэглэлээс авдаг. Хуулиараа бол хориотой шүү дээ. Тухайлбал, Бритни эмчээсээ мансууруулах бодис худалдаж авдаг байсан. Эмч нь эмнэлгийн зориулалтаар ашигладаг ухаан балартуулагч бодисыг түүнд худалддаг байж л дээ. Бритни түүнээс нэг тун морфиныг 350 ам.доллараар худалдаж авдаг байсан.

-Энэ бүх нууцыг дэлгэдэг байхад Майкл Жексоноос ч юм уу, хэн нэгнээс хамтран ажиллах санал танд ирж байв уу?
-Бүгд л намайг гэдэг байсан. Гэвч би тэдний саналаас татгалзах ёстой. Яагаад гэвэл би хэн нэгний төлөө ажиллаж байгаа бол бусад хүнийг үл хүндэтгэх болно гэдгээ мэддэг байсан. Тэгээд ч Майкл Жексон, Арнольд Шварценеггер, Фарра Фаукетт, Кэвин Костнер, Куртней Лав, Крис Рок болон Майкл Овитз нарын тухай мэдээллийг олох нь надад маш сонирхолтой байдаг. Би тэднийг, харин Холбооны мөрдөх товчоо намайг тагнадаг байсан.

-Яагаад. Пелличано тэдэнд ямар хэрэгтэй гэж?
-Олны танил хүмүүс өөрсдийг нь тайван байлгахгүй байгаа хүмүүсийг үзэн яддаг. Иймд Холбооны мөрдөх товчоонд хандаж асуудлаасаа хөндийрөхийг хүсдэг. Тэгээд л мөрдөгчид намайг тагнадаг. Гэтэл би тодорхой, улсын зэрэглэлд хамаарах нууц мэдээлэл олохгүй шүү дээ. Харин ч би Холбооны мөрдөх товчооны мөрдөгчдөд тусалдаг байсан. Линдсей Лохан хар тамхи нуусныг мөрдөгчид сайндаа олчихоогүй. Тэдэнд нууц мэдээлэл олдог залуус тусалсан. Нэг үгээр хэлбэл, бидний олсон мэдээллээр Холбооны мөрдөх товчоо, Хар тамхи, мансууруулах бодистой тэмцэх албаныхан ажлаа хийж байсан.

-Арнольд Шварценеггер эхнэр Мария Шриверээсээ салсан тухай мэдээлэл дэлхий нийтийг цочроосон. Энэ үйл явдал хэрхэн эхэлсэн юм бэ. Та түүнийг тагнах ажиллагааг гүйцэтгэж байсан?
-Арнольд Калифорни мужийн амбан захирагч болсноосоо хойш бүсгүйчүүдтэй нэр холбогдож эхэлсэн. Энэ нь гэр бүлийн уур амьсгалыг эвдэх шалтгаан болсон. Тэр Марияд өдөр бүр худлаа ярьж, уулзалтад оролцох, албаны хүнтэй хэлцэл хийж байна гэж тайлбарлаж эхэлсэн. Өөрөөр хэлбэл, энэ батга цаг хугацаа өнгөрөхийн хэрээр томорч, идээлж байгаад саяхан задарлаа шүү дээ. Би Арнольдыг ямар бүсгүйтэй утсаар ярьж байсныг хэлж чадахгүй. Учир нь би түүнийг бүсгүйтэй нэр холбогдож байсныг мэдэх ёстой. Харин тэр бүсгүйг би илчлэх ёсгүй. Түүний амьдралд хөл тавих эрх надад байхгүй.

-Арнольд хүүхдүүдээсээ хагацсан. Ганц бие боллоо. Тэр хүүхдүүддээ хайртай болов уу?
-Тийм ээ. Тэр хүүхдүүдийнхээ дэргэд байхгүй ч гэсэн тэднийг хайрласаар байгаа гэдэгт итгэлтэй байна. Арнольдыг сайн эцэг гэдгийг хүн бүр мэднэ.

мөнгө угаасан хэрэгт буруутгаж байсан шүү дээ?
-Том мэргэжлийн бөхийн тамирчинтай хамт эмэгтэй хүний секс тоглоомоор тоглож байсан. Тэр түүн рүү утсаар ярихдаа ихээхэн эелдэг харьцдаг байлаа. Нэг удаа гэрт нь үл мэдэх нэг эрэгтэй очсон нь нөгөө мэргэжлийн бөх залуу байв. Цааш нь юу болсныг ярих хэрэггүй гэж бодож байна. Ямартай ч Том утсаар ярихдаа “Тоглоом бид хоёр чамайг хүлээж байна” хэмээсэн. Энэ хангалттай болов уу. Харин Том мөнгө угаах ажилд оролцож байсан нь хожим болсон үйл явдал. Тэр өөрийнхөө нэр нөлөөтэйг ашиглаж бохир мөнгө угааж байсныг цагдаа нар тогтоосон. Тухайн үед сая сая ам.доллараар торгоод өнгөрсөн.

-Харин Майкл Жексоны хэрэг явдлууд хэрхэн өрнөсөн бэ. Тэр хүүхдэд бэлгийн дарамт учруулахаар зэхэж байсан. Энэ нь хэзээ эхэлсэн юм бэ. Түүнийг гаж донтой болоход юу нөлөөлсөн юм бол?
-Попын хаан агсан Майкл Жексоныг 1993 оноос насанд хүрээгүй хүүхдэд бэлгийн дарамт учруулсан гэж үздэг. Тэрээр хуулиар олон жил шоронд суух ёстой байв. Гэвч шүүх түүнийг буруутгаж шоронд хорихыг хүсээгүй юм. Учир нь тэр их нэр нөлөөтэй төдийгүй өөрийг нь суллуулахын тулд америкчуудыг уриалахад бэлэн байсан. Иймээс Неверлэндэд болсон үйл явдалд шүүх хатуу хандаагүй. Торгууль төлнө гэдэг их мөнгөтэй оддын хувьд хүнд цохилт юм. Миний бодлоор Майкл Жексон дэлхий нийтийн танил болсноосоо хойш чимээгүй орчинд амьдрахыг илүүд үздэг байсан. Олны танил байх нь түүнд дарамттай санагдаж байсан болов уу.

-Тэр өөрийнхөө үхлийн тухай мэдэж байсан уу?
-Түүнд эмч нар олон удаа анхааруулж байсан. Олон сараар аялан тоглолтоор явах нь Майклд хүнд байсан. Тэр энэ бүхнээс залхсанаар гаж зүйлд цаг зарцуулах болсон шүү дээ. Түүний амьдралын сүүлчийн мөчүүд маш том асуудал дунд өнгөрсөн. Тэр өөрийгөө удахгүй нөгөө ертөнцөд очно гэж хэн нэгэнд ам алдаж байсан. Заримдаа би түүнийг яриаг чагнаж байхад зарим мэдээллийг цааш нь дамжуулах хэрэггүй гэж залуусдаа хэлж байсан. Учир нь олон нийт мэдэх ёсгүй асуудал гэж байдаг. Майкл арьсаа солиулсандаа маш их харамсаж байгаа тухайгаа ээждээ ярьдаг байв. Гэхдээ тэр Америкийн арьс өнгөөр ялгаварлан гадуурхах үзлийг тогтворжуулж чадсан хүн гэж боддог. Өнгөт арьстай байсаар байвал онцгой нэр хүнд олж авахгүй гэдэгт би итгэдэг.

-Билл Клинтон Ерөнхийлөгчөөр ажиллаж байхдаа Моника Левинскитэй сексийн харилцаатай байсан тухай та олон нийтэд ил болгосон. Энэ ажил тийм ч амаргүй байсан болов уу. Энэ мэдээллийг ил болгосны төлөө таныг шоронд хорих тухай яригдаж байсан?
-Тухайн үед би шоронд суухдаа дуртай байсан. Яагаад гэвэл удахгүй суллагдах боломжтойгоо мэдэж байлаа. Билл Клинтон зөвхөн Моника Левинскитэй янаг амрагийн харилцаатай байгаагүй. Женнифер Фловерс хэмээх бүсгүйтэй ч холбогддог байсан. Олон нийтэд ил болсон нь экс Ерөнхийлөгчийн нарийн бичиг М.Левинкси. Та болон уншигчид энэ үйл явдлын тухай мэдээлэл сайн байгаа. Харин би яригдаагүй, хөндөгдөөгүй асуудлыг ярих нь зөв болов уу. Билл Клинтон сенатч байхдаа М.Левинскитэй холбоотой байсан. Бүр М.Левински коллежийн оюутан байхдаа түүнтэй харилцаатай байсныг тухайн үед би нийтэд ил болгоогүй. Тэд гэрлэх боломжтой байсан. Гэвч Хилларигаас салах нь Биллийн хувьд асуудал дагуулна гэдгийг мэддэг байж. Харин түүний үүрдийн үнэнч хайрт нь М.Левинкси байсан шүү дээ.

-Тухайн үед Хиллари болон тэдний гэр бүл энэ асуудалд хэрхэн хандаж байв. Одоо Билл, Моника нарын харилцаа ямар байгаа бол?
-Хилларигийн нэг давуу тал нь асуудалд ул суурьтай, маш нягт ханддаг явдал. Иймээс Ерөнхийлөгч нөхрийгөө асуудлаас цэвэрхэн авч гарахад нөлөөлсөн. Нэр хүндтэй хуульчдыг дуудаж, үүссэн нөхцөлд байдалд хэрхэн хандах тухай зөвлөгөө авч байсныг хэвлэлүүд бичиж байлаа. Харин одоо Билл, Моникагийн харилцаа ямар байгааг би мэдэхгүй. Гэхдээ тэд өнгөрсөн оны сүүлчээр уулзаж байсан гэх цуурхал бий.

-Та Ерөнхийлөгчийн тагнаж байхдаа эрсдэлтэй алхам хийж байгаа гэж бодож байв уу. Ерөнхийлөгчийн хамгаалалтын албаныхан танд анхааруулга өгч байсан уу?
-Тийм ээ. Хамгийн өндөр хамгаалалттай АНУ-ын Ерөнхийлөгчийг тагнуулдах амаргүй. Гэхдээ би Билл Клинтоныг Ерөнхийлөгч байхаас өмнө тагнаж байсан болохоор тийм ч хэцүү байгаагүй. Харин Цагаан ордны хамгаалалтын албаныхныг би сайн мэдэхгүй. Тэд миний ажиллагааг илрүүлээгүй шүү дээ.

Д.Түвшинтөр http://www.niigmiintoli.mn/

Оддын утас чагнагч Э.Пелличано: Би оддыг, Холбооны мөрдөх товчоо намайг тагнадаг байлаа
Tweet
Bolod.mn