Өдгөө 85 настай Чикагогийн уугуул иргэн тэрбээр их сургуулиа төгссөнийхөө дараагаар 1944-1946 онд АНУ-ын армид алба хааж байж. Энэ үед цэргийн сонинд сэтгүүлч хийдэг байсан нь түүний ирээдүйн гараа болжээ. Тэрээр “PlayBoy” сэтгүүлээ одоогоос 58 жилийн өмнө буюу 1953 онд үүсгэн байгуулжээ. Анхны дугаарынх нь халуухан бүсгүй Marilyn Monroe байсан нь тэр үедээ шуугиан тарьж, гарсан цагаасаа л олны анхаарлыг татаж чадав. Hefner сэтгүүлээ дэлхийн өнцөг булан бүрт түгсэн хэдэн саяар тоологдох захиалагч уншигчтай болгож, олон мянган сайхан хүүхнүүдийг сэтгүүлдээ мөнхөлсөн нэгэн. Магадгүй түүний сэтгүүлийн ачаар сексийн шүтээн бэлэг тэмдэг болсон гоо сайхан бүсгүйчүүд нэр алдрын замаа шулуутгасан гэдэгтэй маргах хүн олдохгүй биз ээ.

1949 онд Милдред Виллиамстай гэр бүл болж 10 жил хамт амьдарч эцэст нь хайрын түүхэндээ цэг тавьжээ. 30 жилийн дараа Kimberley Conrad-тай гэр бүл болсон байна. Тэд 1999 оноос тусдаа амьдрах болсон ч албан ёсоор гэр бүлээ цуцлуулаагүй юм. Hefner 4 хүүхэдтэй.

2005 онд “The Girls Next Door” телевизийн реалити шоунд Holly Madison, Bridget Marquardt болон Kendra Wilkinson гэх халуухан гурван найз бүсгүйтэйгээ хамт оролцож олныг шуугиулсан билээ. Ялангуяа түүнээс 54 насаар дүү загвар өмсөгч Holly Madison түүний сүүлийн хайр байв. Тэд долоон жил гаруй хугацаанд үерхээд 2008 онд салжээ.

Сур: Та эрчүүдийн шүтээн нь байж чаддаг. Харин таны шүтээн хэн бэ?

Hugh Hefner: Намайг олон бүсгүйчүүд тойрон хүрээлж байдаг учраас эрчүүднад шиг байх юмсан гэж хүсдэг байх. Миний шүтээн бол Gene Harlow. 1930-аад оны үеийн сексийн бэлэг тэмдэг болж байсан жүжигчин эмэгтэй. Түүний алаг нүд, алтан шаргал үс тэр үеийн олон залуусыг сөхрүүлсэн дээ.

Сур:Таны сэтгүүлийн нүүр царай болж буй одоогийн бүсгүйчүүд, 58 жилийн өмнөх бүсгүйчүүд хоорондын ялгаа юувэ?

Hugh Hefner: Нэг их ялгаа байхгүй ээ. Гэхдээ бүгд адилгүй гэдэг нь ойлгомжтой. Одоогийн хүүхнүүд өмнөхөөс илүү өндөр, гоо сайхан, эрүүл мэнддээ анхаардаг болж өөрчлөгдсөн л дөө. Дээхэн үеийн хүүхнүүд байгалиараа байдаг байсан бол одооных гоо сайхны хагалгаанд орж, селикон шахуулдаг болсныг бас хэлэх хэрэгтэй байх. Анхны дугаарын нүүр царай Marilyn Monroe сүүлд гарсан Pamelo anderson нарын хооронд бол нэг их ялгаа байхгүй. Ер нь бүсгүй хүний гоо сайхан гэгч зүйл он цагаас хамаараад байдаггүй.

Сур: Таны 58 жилийн түүхтэй сэтгүүл дээрх бүсгүйчүүдээс хамгийн секси нь хэн бэ?

Hugh Hefner: /инээв/ Сайн мэдэхгүй байна. Магадгүй хамгийн сүүлийнх нь байхаа. Дандаа л хамгийн сүүлийнх нь өмнөхөөсөө секси санагддаг юм. Тэгэхээр эхний гарсан нь жоохон уйтгартай болж хувирсан байдаг байх.

Сур: Таны амьдрал кино болох гэж байгаа. Хэнийг өөрийн чинь дүрд тоглоосой гэж хүсч байна?

Hugh Hefner: Robert Downey-д миний дүрд тоглох санал тавьсан байгаа. Би түүнийг миний дүрд сайн тоглож чадна гэдэгт итгэлтэй байна.

Сур: Та бүсгүйчүүдтэй харилцаж сурсан туршлагатай нэгэн. Эрчүүдийн харилцаан дээрээ гаргадаг хамгийн том алдааг юу гэж боддог вэ?

Hugh Hefner: Сонсдоггүй. Тэдний хамгийн том алдаа бол эмэгтэйчүүдийг сонсож чаддаггүйд юм. Эрчүүд эмэгтэйчүүдийг анхааралтай сонсож, анхаарал тавих хэрэгтэй. Энэ бол энгийн зүйл мэт боловч харилцааны хамгийн гол түлхүүр.

Сур: Амьдралдаа харамсаж байсан үе бий юу?

Hugh Hefner: Гэрлэлтэндээ хармсдаг гэх үү дээ. Гэхдээ нөгөө талаас би энэ хоёр бүсгүйтэй гэр бүл болоогүй бол ийм гайхалтай хүүхдүүдтэй болохгүй байсан гэж боддог. Намайг үргэлж хүүхнүүд хүрээлж байдаг. Би эр хүний хувьд тэдэнд татгалздаггүй. Би олон хүүхэнтэй хамт байж, сексийн амтыг мэдэрч байсан. Гэхдээ гэр бүлийн хүрээнд энэ нь энгийн зүйл биш гэдгийг би мэднэ. Тиймээс хэзээ ч, хэнтэй ч гэрлээгүй байсан нь илүү дээр байсан юм.

Сур: Тэгвэл залуучуудад гэр бүлтэй холбоотой ямар зөвлөгөө өгмөөр байна?

Hugh Hefner: Насан туршдаа хамт байж тэр хүнтэйгээ л амьдарч чадна гэсэн хүнээ олсон бол сайн байна. Эхэндээ романтик хайр дурлалаар эхэлсэн харилцаа эцэстээ бодит бус байх тохиолдол олон байдаг.

Сур: Сүүлийн эхнэрээсээ албан ёсоор салалгүй яагаад өдийг хүргэсэн юм бэ?

Hugh Hefner: Бид салаагүй ч эхнэр нөхрийн харилцаа хэдийн үгүй болсон. Гэхдээ би өсвөр насны хүүхдүүдийнхээ болон хуучин эхнэрийнхээ сэтгэлийг зовоомооргүй байна. Би нэг мөсөн эрх чөлөөтэй болсон гэдгээ мэдэрвэл үүнээс ч аюултай зүйл хийж магадгүй шүү дээ /инээв/.

Сур: Та үлдсэн амьдралдаа хэн нэгэнд үнэнч байж чадах уу?

Hugh Hefner: Одоо нэгэнт өнгөрсөн зүйл. Гэхдээ эр хүн үнэхээр дурлавал биеэрээ биш ч сэтгэлээрээ нэг эмэгтэйд амьдралынхаа турш үнэнч байж чадна. Би анх хүнд дурлаад түүнд насан туршдаа үнэнч байна гэж бодож л явлаа. Даанч тэр өөр хүнтэй явах болсноос хойш би энэ тэнэг утгагүй зүйлийг бодохоо болъё гэж шийдсэн юм. Тэр үед сэтгэлээр их унаж байж билээ/санаа алдав/.

Сур: Holly-гийн тухай юу хэлмээр байна. Та яагаад түүнтэй гэрлэхээс татгалзсан юм бэ?

Hugh Hefner: Би түүнд хайртай. Тэр сайхан бас бүх зүйлдээ гаргууд сайн. Орон дотроо ч. Гэхдээ тэр надаас гэрлэхийг шаардахад надад хэцүү байсан. Бас хүүхэдтэй болохыг хүссэн. Өдий насан дээрээ хүүхэдтэй болно гэдэг хүсээд байхаар зүйл биш л дээ. Тэгээд ч миний гэрлэлт дандаа бүтэлгүйтлээр төгсдөг учраас би дахин тийм байдалд орохыг хүсээгүй. Ийм болоод л тэр надаас салахаар шийдсэн байх.

Сур: Тэр танаас салсныхаа дараа нэлээн хэдэн эртэй нэр холбогдоод амжсан. Энэ үед танд ямар санагдаж байв?

Hugh Hefner: Тэр надтай байхдаа ямар байсан нь чухал болохоос надаас салсныхаа дараа хэнтэй учирсан нь надад хамаагүй. Би түүнийг хааяа их санадаг. Халуухан биеийг нь өвөртөлж сайхан үнэрийг нь үнэрлэж, зөөлөн арьсыг нь илэх юмсан гэж. Гэхдээ энэ бүхэн нэгэнт өнгөрсөн.

Сур: “PlayBoy”-ийн ирээдүйн талаар сонирхмоор санагдлаа?

Hugh Hefner: Би компанийхаа үйл ажиллагааг өөрийн хоёр хүүгээ үргэлжлүүлнэ байх гэж бодож байгаа. Тэд хамтран бизнес хийж чадна гэдгээ надад хэлсэн. Би ч үүнд нь эргэлзэхгүй байна.

Сур: Таныг 20 настай залуу бүсгүйчүүдтэй болзож буй шүүмжлэлүүдийг хэрхэн хүлээж авдаг вэ?

Hugh Hefner: Нас ер нь тийм чухал зүйл биш шүү дээ. Нас бол зүгээр л тоо. Насны тоо хэд ч байлаа эрүүл байж, сексийн чадвараа алдахгүй бол би бүсгүйчүүдтэй уулзсаар байгаад л дуусах болно.

Сур: Таны сексийн чадвар одоо хүртэл хэвээрээ гэж үү?

Hugh Hefner: Үгүй бол би яах гэж залуу сайхан бүсгүйчүүдтэй уулзах вэ дээ. Тэд надаас би тэднээс таашаал авч чаддаг. Би үхэн үхтлээ сексийн чадвараа алдахгүй гэдэгтээ огтхон ч эргэлзэхгүй байна. Нас ахих тусам улам сексийн туршлагатай болж байна. Орон дотроо залуу наснаасаа илүү байж чаддаг.

Сур: “Намайг үхэхээр Marilyn Monroe -гийн дэргэд оршуулаарай” гэсэн чинь үнэн үү?

Hugh Hefner: Тиймээ. Тэр миний шүтээн, нэр хүндийн минь нэгэн хэсэг бас миний сайн найз байсан юм. Түүний булшны хажууд газар авсан гэдэг минь үнэн. Түүний дэргэд үүрд хэвтэхийг хүсэхгүй хэн байх вэ дээ.

“PlayBoy”-ын түүхэн дэх шилдэг 10

10. Elizabeth Taylor

Оскарын хоёр удаагийн шагналт жүжигчин Elizabeth Taylor 1963 онд тус сэтгүүлд зургаа авахуулж байжээ. Энэ нь түүний хамгийн халуухан зургуудын нэг болж тэр жилдээ алдарт Cleopatra-гийн дүрд тоглох санал хүлээж авсан гэдэг. Үүнээс тэрээр сая долларын ашиг олсон байна. Тэр үедээ энэ хамгийн их хэмжээний орлого байлаа.

9.Catherine Deneuve

Жүжигчин, загвар өмсөгч, хүмүүнлэгийн ажилтан Catherine Deneuve 1960-аад оны үеийн Европын анхны од гэж хэлж болохоор бүсгүй байв. Франц гаралтай тэрээр анх 20 настайдаа буюу 1963 онд “PlayBoy” сэтгүүл дээр зургаа мөнхөлжээ. Дараагийн жилүүдэд хэд хэдэн удаа “PlayBoy”-ын нүүр царай болжээ.

8. Anna Nicole Smith

Жүжигчин, загвар өмсөгч, телевизийн нэвтрүүлгийн хөтлөгч Anna Nicole Smith 1990-ээд оны үед “PlayBoy”-ын шилдэг нүүр царай болж байсан бүсгүйчүүдийн нэг. Харамсалтай нь энэ сайхан бүсгүйн амьдрал 1997 онд хар тамхи, тайвшруулах эмийг ихээр хэрэглэсэн гэсэн оноштойгоор эмгэнэлтэйгээр дуусгавар болсон юм. Хожмоо түүний сүүлийн найз залуу эмчтэй нь хуйвалдан тайвшруулах эмийг илүү тунгаар өгч байсан нь тогтоогджээ. 39 насандаа өөд болсон тэрээр 1993 онд “PlayBoy”-ын шилдэг нүүр царай бүсгүйгээр тодорч байв.

7. Cindy Crawford

Cindy Crawford шиг олон сэтгүүлд зургаа авахуулсан бүсгүй байхгүй. Тэрээр 1988 онд “PlayBoy”-д анх зургаа тавиулжээ. 1990-ээд оны үеийн хамгийн секси бүсгүй Cindy “PlayBoy -ын 50 жилийн ойгоор 20-р зууны 100 халуухан бүсгүйн нэгээр тодорч байсан юм.

6. Jenny McCarthy

Ихэнх эмэгтэйчүүд од болсныхоо дараа сэтгүүлд зургаа авахуулдаг. Харин зарим нь сэтгүүлийг ашиглаж од болох гараагаа тавьдаг. Jenny McCarthy бол тэдгээр бүсгүйчүүдийн нэг юм. Тэрээр анх “PlayBoy”-д зургаа тавиулахдаа сувилагчийн сургуулийнхаа төлбөрийг олох зорилготой байсан гэдэг. Гэтэл “PlayBoy” түүнд загвар өмсөгч болох боломжийг олгожээ.Тэр жилдээ сэтгүүлийн шилдэг нүүр царай бүсгүйгээр шалгарч телевизийн хөтлөгчөөр сонгогдсон байна. Түүний зураг хамгийн багаар бодоход 15 удаа “PlayBoy” сэтгүүлийн нүүрийг чимжээ.

5. Jayne Mansfield

Шаргал үст, секс бөмбөг Jayne Mansfield 1950-иад оны үеийн хамгийн шилдэг жүжигчдийн нэг юм. Marilyn Monroe -гийн гол өрсөлдөгч байв. Анх 1955 онд алдарт сэтгүүлд зургаа тавиулсанаас хойш 1967 онд зуурдаар нас барах хүртлээ хэд хэдэн удаа гарч байжээ. Зургаа тавиулсанаас хойш Америкийн секс бэлэг тэмдэг гэж нэрлэгдэх болсон юм.

4. Bo Derek

Bo Derek 1979 онд “10” кинонд халуухан сайхан бүсгүйн дүр бүтээснээсээ хойш эрчүүдийн сэтгэл зүрхийг гижигджээ. Азаар түүний янаг төрхийг ахин харахыг хүссэн залуусын мөрөөдөл тун удалгүй биелж, тэрээр “PlayBoy” сэтгүүлд эротик зургаа тавиулсан юм. Түүний зураг сэтгүүлийн 12 хуудсанд гарсан нь “PlayBoy” -ын түүхэнд гарч байгаагүй явдал болов. 1980 онд “PlayBoy”-д 2 удаа зургаа тавиулсан нь түүний алдрын замналыг улам гэрэлтүүлэв. Түүний гайхалтай нүцгэн зургуудыг харсан хэн ч тэр үеийн хамгийн халуухан бүсгүй гэдэгтэй маргахгүй биз ээ.

3. Ursula Andress

1960-аад оны үеийн секси бүсгүйчүүдийн гол төлөөлөл болсон Ursula Andress “PlayBoy” сэтгүүлд зургаа мөнхөлснөөс 3 жилийн дараа “Жэймс Бонд” киноны гол дүрд тоглох санал хүлээж авсан азтай бүсгүй юм. Тэрээр өөрөө халуухан тачаангүй нэгнээс гадна холливудын алдарт жүжигчин, хүүхнүүдийн зүрх сэтгэлийг эзэмдэгч Merlin Brando, James Dean нартай болзож байжээ.

2. Marilyn Monroe

Marilyn Monroe, энэ нэрийг сонссон хэн бүхний нүдэнд залуухан бас халуухан бүсгүйн дүр тодорч буй биз. Жүжигчин, дуучин, загвар өмсөгч тэрээр “PlayBoy”-ын анхны дугаарыг чимсэн юм.Тэгэхээр “PlayBoy”-г алдрын замд хөтлөх анхны суурийг тэр тавьсан гэхэд хилсдэхгүй. Hugh Hefner ч үүнийг хүлээн зөвшөөрдөг. Гэвч сексийн домог болсон бүсгүй 36-хан насандаа өөд болсон юм. Түүний гэнэтийн үхлийн дараа “PlayBoy” анхны дугаараа ахин хэвлэлтэнд оруулсан бөгөөд тэр дугаар нүд ирмэхийн зуур зарагдаж олон мянган долларын ашиг олжээ.

Pamela Anderson

Том хөх, тонтгор өгзгөөрөө эрчүүдийг алмайруулсан Pamela Anderson-ыг “PlayBoy” алдрын зам руу нь хөтөлсөн юм. Анх 1989 онд зургаа тавиулсан бол хамгийн сүүлд 2007 онд дахин мөнхөрчээ. Энэ хооронд нэлээд олон тусгай дугаар дээр зургаа тавиулж амжсан байна. Түүнийг Hefner-ийн өвөрт нэг биш удаа орсон гэж хүмүүс ярьцгаадаг. Hefner-ийн 82 насны ойгоор тэрээр зөвхөн түүнд зориулан тайчих үзүүлбэр үзүүлж байжээ.

“PlayBoy” сэтгүүлийн үүсгэн байгуулагч Hugh Hefner: Сексийн чадвараа алдахгүй бол бүсгүйчүүдтэй уулзсаар байгаад л дуусна
Tweet
Bolod.mn