болон өгсөн үүрэг даалгаврыг биелүүлэхгүй байгаа” гэх гоморхлоор эхэлсэн. Байнгын хорооныхон чуулганы завсарлагаанаар Замын-Үүдийн боомт дээр очиж ажил байдалтай танилцахад хэдэн сарын өмнөх асуудлууд огт шийдвэрлэгдээгүй, бахь байдгаараа байсан нь ийнхүү тэднийг бухимдуулахад хүргэжээ. Нутаг орон, тойрогтоо ажиллаж буй зарим гишүүд ч “орон нутагт ажил урагшлахгүй нь, хариуцсан ажилтнууд нь амарсан гэдэг хариултыг өгөх ёсгүй л баймаар юм” хэмээн ундууцаж байлаа.

ШҮҮМЖЛЭЛ, СӨРГҮҮЛСЭН ТАЙЛБАР

Тавантолгойн нүүрсний ордыг хэрхэн үр ашигтай ашиглах вэ? Энэ асуултанд ямар хариу хамгийн тохиромжтой байх талаарх хэлэлцүүлгийг Иргэний танхимд зохион байгуулсныг санаж байгаа байх. Энэ өдөр бүхэлдээ Тавантолгойгоор амьсгалсан юм. Хэлэлцүүлэгт оролцогчдын хэлсэн үгийг хувиар гаргавал 70 хувь шүүмжлэл, 30 хувьд нь тайлбар эзэлсэн юм.

Иргэд баруун Цанхи, зүүн Цанхи гэж хоёр хуваах нь буруу, гадны хөрөнгө оруулагчийг оруулахын оронд дотоодын хөрөнгө оруулагчдад боломж олгох зэрэг асуудлыг олонтаа тавьж, техник эдийн засгийн үндэслэл зэрэг олон тооцоо судалгааг ултай суурьтай хийж, мэргэшсэн хүмүүсийн санал үгийг сонсож шийдвэртээ тусгахыг дахин дахин анхааруулсаар байв. Хэлэлцүүлгийн үеэр гарсан тайлбаруудаас гадны хөрөнгө оруулагчид ямар ашиг сонирхолтой байгааг зарласан бөгөөд Тавантолгойн Баруунцанхийн асуудлаар оролцогч улс бүр өөрийн хүсэл сонирхлыг давамгайлсан байдалтай байлгахыг хүсэж байгаагаас тохиролцоонд хүрч чадахгүй байгаа аж. БНХАУ-ын хувьд ийм шаардлага тавих гол хөшүүрэг нь нүүрсийг өөрсдийнхөө нутаг дэвсгэр дээгүүр тээвэрлэхээс гадна эрчим хүчний нүүрсний нөөцийг бид л авах боломжтой гэж байгаа аж. Оросуудын “хөзөр” нь төмөр замын сүлжээтэй холбогдож байгаа бөгөөд түлш нийлүүлэгч гол орон гэдэг нь ч голлон оролцох шалтгаан болно гэж үзэж буй гэнэ. Гуравдагч хөрш гэгдэх Америкийн “Пибоди” нь дэлхийд хүлээн зөвшөөрөгдсөн нэрээ мөн л давамгайлах зүйл болгон ашиглахыг хүсэж байгаа аж. Хэлэлцүүлэг ийнхүү өндөрлөсөн ч асуудал нээлттэй хэвээр үлдлээ.

БӨӨНДСӨН ШИЙДВЭР

Өнгөрсөн долоо хоногийн лхагва гаригт хуралдсан Засгийн газар ч “бөөний худалдаа” эрхэлсэн. Нэг амьсгаагаар нэлээд олон асуудлыг шийдвэрлэсэн нь олон нийт ийнхүү дүгнэхэд хүргэсэн. Тус хуралдаанаас гаргасан шийдвэр оюутан залуусаас нэлээд “коко” үнэлгээ авсан биз. “Хүний хөгжил сан”-гаас иргэнд олгох хувь хишгийг бэлэн бус хэлбэрээр боловсролын үйлчилгээгээр олгож болно гэсэн заалтын дагуу өнгөрсөн жил Хүний хөгжлийн сангийн 500 мянган төгрөгийг их, дээд сургууль, коллежид суралцаж байгаа өдрийн ангийн оюутанд олгох шийдвэр гарч хэрэгжсэн. Үүнийг үргэлжлүүлэх шийдвэрийг Засгийн газар ийн гаргаснаар нэг оюутанд 491960 төгрөгийн санхүүжилт хийхээр болов. Тоо ийм сондгой, нарийвчлалтай гарсан учир нь оюутнуудын Эрүүл мэндийн даатгалыг Хүний хөгжил сангаас төлж байгаатай холбоотой аж. Жоохон тоо бодоод орхивол “Хүний хөгжил сан”-гаас орж ирэх мөнгөнөөс Эрүүл мэндийн даатгалын 8040 төгрөгийг хасаад энэ хариу гарах юм. Мөн хуралдааны танхимаас “Шинэ яармаг” орон сууцны цогцолбор хорооллын санхүүгийн эх үүсвэрийг бүрдүүлэх зорилгоор Хөгжлийн банкинд БНХАУ-ын Эксим банкнаас 300 тэрбум төгрөгийн зээл авах асуудлыг хэлэлцээд зөвшөөрсөн хариуг өгөв. Ингээд 300 тэрбум төгрөгийн зээлийн баталгааг 12 жилийн хугацаатай гаргахаар тохиролцов. Ингэхээр Хан-Уул дүүрэгт орших Яармаг гэр хорооллын замын урд хэсэгт байрлах 970 га газарт 23900 айл, өрх оршин суух орчинг барих ажлын санхүүжилт шийдэгдэж эхлэв.

Үүний дараа гишүүд онцгой албан татварыг сэргээх нь зүйтэй гэдэгт санал нэгдэв. Түүнийхээ дараа Сүхбаатар, Замын-Үүд, Эрээнцав, Алтанбулаг боомтоор орж ирж буй дизелийн түлшинд 0 төгрөгийн онцгой албан татвар ногдуулж байсныг 100.000 төгрөг болгож, бусад алслагдсан боомтоор орж ирж буй автобензин, дизель түлшинд ногдуулж буй онцгой албан татварын хэмжээг хэвээр мөрдөхөөр шийдвэрлэлээ. Энэ нь дизелийн түлшний хангамж хэвийн байдалдаа эргэн орсонтой холбоотой гэнэ.

Түүнчлэн Байгаль, орчин аялал жуучлалын сайд Л.Гансүхийн бэлтгэж оруулсан асуудлаас 2011 онд гадаад оронд амьдаар нь гаргах идлэг шонхор шувуу 240 толгой байхаар тогтоосон шийдвэр, хуш модны самрыг үйлдвэрлэлийн зориулалтаар бэлтгэх, зах зээлд борлуулах, бэлтгэн тээвэрлэхийг хоёр жилийн хугацаатайгаар хориглох тухай санал мөн л дэмжигдэн батлагдлаа. Мөн онцолвол, Цагдаагийн академи, Хилийн цэргийн дээд сургуулийг татан буулгаж, үндсэн болон эргэлтийн хөрөнгийг орон тоо, төсвийн хамт Хууль зүй, дотоод хэргийн яамны харъяа Дотоод хэргийн их сургуульд шилжүүлэх, Цагдаагийн академи болон Хилийн цэргийн дэргэдэх цэргийн ангийг татан буулгаж, Дотоод хэргийн их сургуулийн дэргэд Дотоодын цэргийн анги байгуулахаар тогтсон байна.

ХАМГААЛАХ ЧАДВАРГҮЙ ДИПЛОМАТ ПАСПОРТ

Хурцийг германы талд шилжүүлэн өгөв. Энэ бол манай Засгийн газрын ялагдлыг харууллаа. Харин ийнхүү шилжүүлэн өгөх шийдвэр нь өнгөрөгч зургаадугаар сарын 23-24-ний өдрүүдэд Английн шүүх хуралдаанаас тодорхой болсон юм. Энд Их Британид зорчих үедээ баривчлагдсан Б.Хурц нь гэм буруутай байлаа, буруугүй байсан нь энд ердөө чухал биш. Гагцхүү дипломат халдашгүй эрхтэй байхад нь баривчилсан эсэх нь гол асуудал байв. Харамсалтай нь энэ шүүх хуралдаанаас халдашгүй эрх үйлчлэхгүй гэх шийдвэр гарчээ.

Гэхдээ энд Английн шүүхийг сайшаан хэлэх нэг зүйл байгаа нь шүүхийн шийдвэр гараад тун удалгүй хуралдааныхаа протоколоо шүүх байгууллагынхаа албан ёсны цахим хуудсанд тавьжээ. Үүнийг нь “Ардын эрх” дэлгэн тавьснаар манай албаныханы амнаас ч гараагүй олон зүйлийг ил болгосон. Энэ бол тэднийг манай төрийн албан хаагчдад хариуцлагатай байна гэдэг ямар зүйл байхыг дахин сургасан зүйл болов. Дэлгэгдэн тавьсан уг протоколд хамгийн анхаарал татсан зүйл бол Монгол Улсын дипломат паспорттай иргэн бүр Англи улсад халдашгүй эрхтэй биш болж таарах нь. Үүнийг зөвтгөх тэдний тайлбараар, Их Британи улс нь энэ халдашгүй байдлыг хүлээн зөвшөөрсөн олон улсын гэрээнд гарын үсэг зурснаас биш нэгдэн ороогүй гэнэ. Ингэхээр Монголын ЭСЯ-д ажилладаг дипломат эрхтэй ажилтан л биш бол дипломат паспорттай ч байсан дипломат халдашгүй эрх эдлэхгүй болох нь. Харин энэ талаар ГХЯ өнгөрөгч долоо хоногт албан ёсны тайлбар хийсэнгүй.

ЦӨМИЙН ХАЯГДЛЫН ЭСРЭГ

АНУ-ын дэд ерөнхийлөгчийг Монголд айлчлах үеээр Төрийн хамгаалалтын албаныхан багагүй зүдрэх бололтой. Учир нь тэрхүү америк эрхэмийг иргэний нийгмийнхэн жагсаалаар угтан, замыг нь хаахаар төлөвлөжээ. Иргэний нийгмийнхэн түүнд ийнхүү дургүйцэх шалтгаан нь “Цөмийн хаягдлыг Монголд булшлах тухай” асуудал.

Иргэдийн хардалт, болгоомжлол бодитой байсаар байгаа тул Засгийн газрынхан “түргэн авч” салбарын сайд Г.Занданшатараар “Цөмийн хаягдлыг булшлах тухай ямар ч албан ёсны хэлэлцээр байхгүй” гэх мэдэгдлийг хэлүүлэв. Гэвч эсэргүүцэгчид “албан ёсны хэлэлцээр байхгүй бол албан бус хэлэлцээр хийх гэж ирсэн юм уу” хэмээн хардсаар. Энэ талаарх асуудал эцэстээ юу болохыг хамтдаа харцгаая.

Б.ЭНХМАНДАХ

"Ньюс мн"

Төрийн албаныханд хариуцлага сануулсан халуун өдрүүд
Tweet
Bolod.mn

Сэтгэгдэл (1)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
Манайхаас хамгийн сuuлд Sony нөтбuuк худалдаж авсан хuн манайхаас худалдаж авснаараа 300 доллар хэмнэж байгаа юм гэж хэлсэн. Та гадуур нөтбuuк авах гээд хайгаад явж болно. Тэгээд хамгийн сuuлд нь w w w 1000захиа ком хамгийн хямдаар таны авахыг хuссэн барааг зарж буйг олж мэднэ. Манай дээр DELL -ийн i3 процессортой нөтбuuк 606 доллар. Эмэгтэй хuмuuст илuu тохиромжтой байх улаан өнгөтэй 14 инч -ийн DELL , i3 процессортой нөтбuuк 665 доллар гээд байж байгаа. Бuгд зуун хувь оригиналь. Бuгд uйлдвэрийхээ баглаа, боодол, битuuмжлэлтэйгээ. w w w 1000захиа ком Монголын хамгийн хямд интернет дэлгuuр!

2011-08-22 | 09:16:44 | 174.139.114.99 |

Мэдээ
Гадаад мэдээ
Видео