Биднийг очиход сэтгүүлчид болон Боловсрол, шинжлэх ухааны үйлдвэрчний эвлэлийн холбооны дарга Ж.Батзориг тэргүүтэй зургаан гишүүн мэдээлэл хийж байлаа. Тэд энэ үеэр “Монгол Улсын Засгийн газрын 2008-2012 оны үйл ажиллагааны хөтөлбөрт “Цалин тэтгэвэр, тэтгэмжийг 2008 оны түвшнээс гурав дахин өсгөнө” “Нийгмийн түншлэлийг хөгжүүлэх замаар цалинг хөдөлмөрийн бүтээмж өсөлт, амьжиргааны өртгийн өөрчлөлттэй уялдуулан нэмэгдүүлэх нөхцөлийг бүрдүүлнэ” хэмээн тусгасан байдаг талаар дурьдаад, гэвч энэ нь өнөөдрийг хүртэл биелэлээ олсонгүй.

Манай багш нарын цалин 2008 онд 30 хувиар нэмэгдсэн ч энэ хугацаанд өргөн хэрэглээний бараа бүтээгдэхүүний үнэ 60 гаруй хувиар нэмэгдэж, цалин хөлс нь хүрэлцэхгүй байгаа учраас бид Засгийн газрыг 2008-2012 оны үйл ажиллагааны хөтөлбөртөө тусгасан цалин тэтгэвэр тэтгэмжийн талаар амлалтаа биелүүлэхийг шаардаж Засгийн газарт шаардлага хүргүүлэхээр болоод байгаагаа хэлсэн.

12 цаг 30 минутад БСШУЯ-ны үүдэнд “Эрдэмтэд нэг хуушуур иддэг сайд 10 хуушуур иддэг”, “Бидний цалин хаана ч хүрэхгүй байна”, “Зэрэг дэвийн нэмэгдэл олго” гэх мэт янз бүрийн үгтэй лоозон барьж толгойдоо салбар салбарынхаа нэрийг бичсэн цагаан даавуу уясан багш, эрдэм шинжилгээний ажилтнууд цугласан байв.

Тэд сайдыг гарч ирэхийг шаардаж байлаа. Гэтэл яамны мэргэжилтнүүд гарч ирээд жагсагчдад хандан “Өнөөдөр яам дотоод ажилтай байгаа. Та бүхэн ирэх долоо хоногоос ирцгээ” хэмээсэн юм. Тэнд цугларсан эрдэмтэн, багш нар “Бидний амьдрал өнөөдөр үнэхээр хэцүү байна. Цалин амьдралд хүрэлцэхгүй байна. Цалингаас цалингийн хооронд, өрнөөс өрний хооронд амьдарсаар залхаж гүйцлээ. Хурдан гарч ирээд бидэнтэй уулзаач” хэмээн орилолдож байв.

Гэвч тэднийг хэн ч тоосонгүй төлөөлөгчид буцаад орчихов. Энэ үеэр “Шинжлэх ухааны байгууллагуудын үйлдвэрчний эвлэл”-ийн гишүүн н.Зоёо гэгч эмэгтэй “Улс орны ирээдүй хөгжлийн чиг хандлага эрдэмтэн судлаачдаас ихээхэн хамаардаг. Гэтэл манайх шиг эрдэмтэн судлаачдынхаа нийгмийн асуудлыг мартсан улс орон дэлхийд хаана ч байхгүй ээ.

Ийм учраас энэ байгууллагыг хөгжүүлэх, оршин тогтнох гол хөшүүрэг болох ажиллагсдын нийгмийн асуудал тэр дундаа цалин хөлс, урамшууллыг нэмэхгүй байгаа нь амьдралын наад захын шаардлага, хэрэгцээг хангахгүй байгаа. Иймээс энэ асуудлыг шийдэж өгөх зайлшгүй шаардлагатай байна. Үүний төлөө бүгдээрээ хүчээ нэгтгэцгээе” хэмээн жагсагчдыг уриалав.

Эрдэмтэн, багш нар ч түүний саналыг зөвшөөрч байсан юм. Түүнийг ярьсны дараа хижээл насны нэг багш бусдадаа хандан “Бидний асуудлыг шийдэж чадахгүй бол Боловсролын яам гэж байгаад яадаг юм. Ё.Отгонбаяр сайд болон яамны албан хаагчид огцрох хэрэгтэй гэж ярьж байсан. Бид жагсаалын хойд хэсгээр очвол багш нарын нэг нь “Би гэхэд энэ жил сургуульд орж байгаа хүүхэдтэй хэрнээ сургуульд явахад нь шинэ хувцас авч өгч чадалгүй танил, найз нарынхаа хүүхдийн хуучин хувцасыг гуйж өмсүүлээд явуулсан. Хэрвээ цалин амьдрал хүрэлцээтэй байсан бол ганц охиноо анх сургуульд орж байхад нь шинэ хувцас авч өгөөд явуулахгүй юу” хэмээн халаглаж байсан юм.

Харин түүний дэргэд зогсож байсан эмээ “Би тэтгэвэрт гараад тав, зургаан жил болж байна. Тэтгэвэр гэж ганц ч удаа олигтой юм авсангүй. Өвгөн маань хэдэн жилийн өмнө нас барчихсан. Их сургуульд сурдаг хүүхдийнхээ төлбөрийн зөрүүг нь арай гэж төлж байна” хэмээн ярьж байлаа.

Жагсагчид энэ удаа яамандаа боловсролын салбарын багш, ажилтнуудын цалин хөлсийг энэ онд багтаан хоёр дахин нэмэгдүүлэх, хөдөлмөр, нийгмийн зөвшлийн гурван талт улсын хэлэлцээрийг энэ сард багтаан эхлүүлэх, Нэг хүүхдэд ногдох хувьсах зардлын нормативыг бодитой тооцон шинэчлэн батлах, багш нарын унааны зардлыг энэ сард багтаан нэмэгдүүлэх, боловсролын салбарын ажилтнуудын цалин хөлс, нийгмийн хамгааллыг сайжруулах тэдэнтэй холбоотой хууль эрхзүйн актыг гаргаж батлуулахдаа БСШУЯ, тэдний эрх ашгийг төлөөлөн хамгаалж ажилладаг манай холбоотой хамтран ажиллаж санал, байр сууриа нэгтгэн холбогдох газруудад тавьж шийдвэрлүүлэх зэрэг ажлыг хийхийг шаардаж байгаа ажээ.

Жагсагчдыг толгойлж байсан хэсэг улсуудын ярьж байгаагаар өнгөрсөн жилийн тооцоогоор энэ жил манай улс шинжлэх ухааны салбартаа 150 сая төгрөг төсөвлөж байснаа 110 сая төгрөг болтол нь бууруулсан. Энэ мөнгөөр нь бид судалгааны наад захын багаж ч авч хүрэхгүй юм. Шинжлэх ухаан боловсролоо нийгмийн тэргүүлэх салбар болгохыг хүсч байвал 150 сая биш дор хаяж тэрбумыг төсөвлөх шаардлагатай” гэлээ.

Хэсэг хугацааны дараа жагсаал өндөрлөсөн юм. Гэвч тэдний тавьсан шаардлагыг биелүүлэхгүй бол боловсролын яамны үүдэнд суулт зарлахаар төлөвлөөд байгаа ажээ.

Б.Чинзориг

Эх сурвалж: “Нийгмийн толь” сонин

Багш нар цалингаа нэмүүлэхээр жагслаа
Tweet
Bolod.mn

Сэтгэгдэл (4)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
Багш нар цалингаа нэмүүлэнэ гэжээ ямар ч үр бүтээлгүй ажилладаг нөхөдүүд юу хийсэн гэж цалингаа нэмүүлэх гээд байгаа юм бэ жишээ 10 жилийн сургуулийн багш нар юу заадаг юм бүү мэд баахан усан толгойтой аавын цээжнүүд л сургуулиа төгч байна ш дээ

2011-09-26 | 18:50:56 | 202.179.20.253 |

Зочин
Зөв нэмэх хэрэгтэй сайн тэмц....................Батзотиг одоо л чиний шанс мэдэгднэ дээ..../////

2011-09-26 | 14:16:09 | 155.230.166.165 |

Зочин
эмч, сувилагч, багш, цагдаа нарын цалин гэж баарны зөөгчөөс бага байгаа.... анхаарах цаг болсон

2011-09-26 | 11:16:43 | 101.1.204.217 |

Зочин
Манай 1000zahia c o m интернет дэлгuuр маань 3 сарын баталгаа бuх бараандаа өгж эхэллээ! Мөн шинэ бараа ирсэн байгаа. DELL -ийн i3 процессортой нөтбuuк 606 доллар, Toshiba -ийн i3 процессортой нөтбuuк 705,000 төг, SONY -ийн i3 processor, 15 inch, 4GB RAM, 500GB Hard -тай нөтбuuк 1,055,000 төг, мөн эмэгтэй хuмuuст илuu тохиромжтой байх ягаан, улаан өнгөтэй 14 инч -ийн DELL , i3 процессортой нөтбuuк 766,000 төгрөгөөр тус тус зарагдаж байгаа. Бuгд зуун хувь оригиналь. Бuгд uйлдвэрийхээ баглаа, боодол, битuuмжлэлтэйгээ. 1000zahia c o m Монголын хамгийн хямд интернет дэлгuuр!

2011-09-26 | 09:34:33 | 97.64.192.126 |

Мэдээ
Гадаад мэдээ
Видео