Хөгжлийн банкны бонд буюу тэнэглэл

2011-09-27

Энэ онд 50 өрх газраа орон сууцаар сольсныг Нийслэлийн Засаг даргын Тамгын газраас мэдээллээ.

Утаагүй зуухыг айл бүрт 50 мянган төгрөгөөр олгож, эх хотынхоо агаарыг “аврах” аянг төр төмөр нүүрээрээ хэрэгжүүлж эхэлсэн. Гэвч иргэдийн орлого зээл авахад хангалттай түвшинд хүрээгүйгээс эдгээр алхмыг нэг мөр шийдээгүй л байна. “Монгол Улс уул уурхайгаас маш их орлого олж байгаа ч шаардлагатай хөрөнгө оруулалтыг оновчтой салбарт зарцуулж, түүгээрээ ард түмнийхээ орлогыг нэмэгдүүлэх хэрэгтэй” гэж ОУВС-гийн суурин төлөөлөгч асан Бёнг Гюнг Жанг хэлж байсан билээ.

Энэ зорилтыг нэхэж Хөгжлийн банкнаас шинэ он гарахаас өмнө олон улсын зах зээл дээр бонд гаргаж, хун бүрийн мөрөөдөл болсон хангалттай олон орон сууц барихаар Засгийн газрын тогтоол гарсан. Жилийн зургаан хувийн хүүтэй байр ийнхүү биелэх бололтой. Гэхдээ ийм хурдан уу…

Нууц…

Хөгжлийн банк хаана байдаг, хэдэн хүнтэй, ямар төсөл хэрэгжүүлж байгааг мэдэх хүн Монголд хэд бол. Төрийн ордны цөөхөн хүн л үүнд хариулж чадах биз. “Хөгжлийн банкны тухай ямар ч мэдээлэл өгч болохгүй гэсэн бичиг ирсэн” гэж төрийн нэгэн байгууллагын албаны эх сурвалж хэллээ. “Мэдээллийн ил тод нээлттэй байдлыг хангаж, эрх зүйн таатай орчинг бүрдүүлнэ” гэж Ерөнхий сайд С.Батболд ярьсан.
Энэ лоозон нь ажилтай нь зөрөөд байна. 800 тэрбум төгрөгийн бонд гаргаж, орон сууц, өөр олон том төсөл хэрэгжүүлэхээр Засгийн газар мэдээлснээс илүү зүйл алга. “Бонд худалдан авах гэж буй бол тухайн байгууллагын санхүүгийн тайлан, төслийг маш сайтар уншиж танилцах ёстой. Энэ нь ил тод байх ёстой” гэж Хөрөнгийн биржийнхэн хэлдэг биш билүү.

“Тэнэглэл”

“Хөгжлийн банк бонд гаргах гэж буйг тэнэглэл, мангарлал гэж л ойлгож байна даа” хэмээн УИХ-ын гишүүн Ж. Амаржаргал хэлэв. Үнэн хэрэгтээ Монгол Улсын Засгийн газар 263 тэрбум төгрөгийн бондыг зөвхөн дотоодын зах зээлдээ гаргасан. Үүнээс өөр бидэнд туршлага хараахан үгүй. Уг нь гадаад зах зээл дээр бонд гаргах гэж буй нь Монгол Улсын хувьд нэр төрийн хэрэг. Засгийн газар, Хөгжлийн банк хоёрын аль нь бонд гаргах гээд байна? Төрийн байгууллагууд нь мэдээлэл өгч болохгүй гэсэн хачин жигтэй захидалд амаа үдүүлчихсэн болохоор энэ асуултад хариулах эзэн бас л алга.
“Монгол Улс нь биш Хөгжлийн банк нь бонд гаргаад байгааг ойлгохгүй байна. Уг нь Засгийн газар нь гаргаж байж олон улсын зах зээл дээр Монголын үнэ цэнэ тогтож чадна” гэж УИХ-ын гишүүн Ж.Амаржаргал ярьсан юм. “Хөгжлийн банк байгуулна гэж бөөн юм болж байж санасандаа хүрсэн хүмүүс “Ичсэн хүн хүн ална” гэгч болж байна. Тэгээд л юу нь ч мэдэгдэхгүй байдлаар муйхарлаад байгаа юм” гэж парламентч бас өгүүлсэн юм. Тэгэхээр 800 тэрбум төгрөгийн бонд хэмээх нэр томъёо хаанаас эхтэй, хэн энэ үлгэрийг зохиочихоод төгсгөлийг нь олох гэж бэдэрч байгаа нь бас “Тэнэглэл” болж таарах нь.
Учир нь өнөөдрийг хүртэл Хөгжлийн банкны талаар эрж сураад олсон мэдээлэл нь “Байгуулагдаж байгаа” гэсэн хоёр үг. Үүдээ ч нээж амжаагүй банк он гарахаас өмнө дэлхийн зах зээл дээр хэдэн зуун тэрбумын өрийн бичиг арилжаад уул, овоо шиг ихийг бүтээж босгоно гэдэг мянгуужингийн үлгэр бололтой.

Дэлхийн банкны тэргүүлэх эдийн засагч Рожер ван дэн Бринк: Хөгжлийн банкны бондын тооцоо ч алга

Бонд гаргахад наад зах нь нэг жил шаардагддагийг Дэлхийн банкныхан хэлж байна. Тухайн төслийн техник, эдийн засгийн үндэслэл, ашиг гээд олон зүйлийг тооцох учиртай. Хамгийн ноцтой нь энэ бол тоглоом биш. Хүнээс мөнгө зээлэхийн тулд ямар нэг зүйлээ барьцаалан урт хугацаатайгаар санхүүжилт босгож буй хэрэг. Болзсон хугацаа хүртэл хүүгээ төлөөд эцсийн өдөр нь өрөө барагдуулах учиртай.
Яг л ломбард шиг байгаа биз. “Бонд гаргагч төлбөрийн чадваргүй болох, дампуурах эрсдэл бий. Барьцаанд тавьсан хөрөнгийг худалдан борлуулж бондын төлбөрийг барагдуулахаар хуульд тусгасан нь эрсдлээс хамгаалж буй нэг арга юм” гэж Монголын хөрөнгийн зах зээлийн тэргүүлэгч компани “Би Ди Сек”-ийн Хөрөнгө оруулалтын албаны менежер Ц.Цог хэлж байна.
“Нууц”-аар зэвсэглэсэн Хөгжлийн банк алдвал Монголчуудын төлсөн 800 тэрбум төгрөг тэр чигээрээ салхинд хийсэх нь. Тэгсэн хэр нь Хөгжлийн банкны цаана хэн энэ тооцоо судалгааг хийгээд байгаа нь бүү мэд. “Манайхан арай ч тийм том төслийн судалгаа хийж барахгүй байх. Гадаадынхантай л хамтарч байгаа байх. Гэхдээ яг хэн гэдгийг нь ч мэдэх юм алга” гэж төрийн байгууллагын нэрээ нууцлахыг хүссэн эх сурвалж хэлэв.
Түүнд ирсэн захидлаас өөр мэдээлэл байхгүй тул үүнээс өөрийг ярьж чадсангүй. Он дуусахад гурван cap хүрэхгүй хугацаа үлдлээ. Гурван сарын дотор дуусдаг байгуулагдаагүй банкны хөрөнгө босгох төсөл гэж яг юу байдгийг бид харах л үлдэж,байна уу. Энэ асуултад “Хөгжлийн банкны хувьд санхүүжүүлж болох төслүүдээ эхлээд ялгах хэрэгтэй. Гэхдээ би үүгээрээ зүгээр л төслийн санааг хэлээгүй юм шүү. Ашгаа өгнө гэдгийг нь тогтоосон, техник, эдийн засгийн үндэслэл нь бэлэн болсон төслүүдийг ярьж байна. Хөгжлийн банк өнөөдөр бонд гаргаад, мөнгөтэй болчихлоо гэж бодъё. Тэрүүгээрээ юу хийх гэж? Тооцоог нь хийчихсэн, бэлэн төсөл алга байна шүү дээ” гэж Дэлхийн банкны тэргүүлэх эдийн засагч Рожер ван дэн Бринк ярьжээ.
Тэд хүртэл бидний тухай ийм л мэдээлэлтэй байхад бид бонд гаргана, орон сууц барина, том төсөл хэрэгжүүлнэ, мөнгө босгоно гэж даналзах эрх байна гэж үү.

Ж.Цогзолмаа

"Зууны мэдээ"

Хөгжлийн банкны бонд буюу тэнэглэл
Tweet
Bolod.mn

Сэтгэгдэл (1)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
Манай 1000zahia c o m интернет дэлгuuр маань 3 сарын баталгаа бuх бараандаа өгж эхэллээ! Мөн шинэ бараа ирсэн байгаа. DELL -ийн i3 процессортой нөтбuuк 606 доллар, Toshiba -ийн i3 процессортой нөтбuuк 705,000 төг, SONY -ийн i3 processor, 15 inch, 4GB RAM, 500GB Hard -тай нөтбuuк 1,055,000 төг, мөн эмэгтэй хuмuuст илuu тохиромжтой байх ягаан, улаан өнгөтэй 14 инч -ийн DELL , i3 процессортой нөтбuuк 766,000 төгрөгөөр тус тус зарагдаж байгаа. Бuгд зуун хувь оригиналь. Бuгд uйлдвэрийхээ баглаа, боодол, битuuмжлэлтэйгээ. 1000zahia c o m Монголын хамгийн хямд интернет дэлгuuр!

2011-09-27 | 09:00:10 | 97.64.192.126 |

Мэдээ
Гадаад мэдээ
Видео

Архив ангилал

Хөгжлийн банкны бонд буюу тэнэглэл

Сэтгэгдэл (1)