Хэн нь хээрийн нохой вэ

2011-09-29

Одоогоос хагас жилийн ємнє улс тєрийн тоглолтоос шахагдсандаа хорсч шаралхсан Н.Энхбаяр МАХН гэдэг нам байгуулах гэж буйгаа зарлаж, МАН-д шахалт vзvvлэх оролдлого хийж эхэлсэн.

Гэвч хамтдаа зvтгэж ирсэн нєхєд нь замын дундаас "даргынхаа" мєн чанар, далд санаархлыг таньж, тарж бутарснаар МАХН-ын даргын тоглолт уналтад орсон юм. Саяхнаас "анд" М.Энхсайхан нь тvvнтэй яг адил vйлдэл хийж, МVАН-ыг сэргээн байгуулах ажилд ханцуй шамлан орлоо. Тэдний зорилго нэг. Єєрєєр хэлбэл, эрх баригч намуудын хуучин нэрийг ашиглан, ирэх жилийн сонгуульд ганц хоёр санал зулгаах явдал.

М.Энхсайханы хувьд 2005 онд АН-аас VШН байгуулан єрх тусгаарлаж, улс тєрийн хvчийг нь тарамдуулж байсан, тун гаршсан, хур туршлагатай нєхєр. Энэ удаа МVАН-ыг байгуулахаар санаархаж, АН-ыг бажгадуулж эхэллээ. Нам задалж бужигнуулах, єєрийн талд улстєрчдийг урвуулан татах тоглолтдоо тэр Н.Энхбаярыг бодвол илvv гаршсан туршлагатай.

Нєгєє талаар Н.Энхбаяр, М.Энхсайхан хоёрын улс тєрийн намтарт адилхан зvйл олон бий. Аль аль нь эрх баригч намын дарга нар, УИХ-ын гишvvн, Ерєнхий сайд хийж байсан тєдийгvй Ерєнхийлєгчийн сонгуульд єєр хоорондоо єрсєлдєн, ялж ялагдаж байсан гээд нэг vеийн улс тєрчдийн зовлон, жаргалыг vvрч ирсэн туршлагатай хvмvvс. Єнєєдєр ч тэд хажиг зожиг зан, цагаа олоогvй амбиц, улстєрийн ноён нуруугvй чанараасаа болж, улстєрийн ганцаарчилсан тоглолтод орж, тус бvртээ нам байгуулж, эрх мэдлийн тєлєє тэмцэх болсон. Зовлон хvмvvсийг нэгтгэдэг хойно тэд ч єдгєє хоршин, зvv орох зайгvй нєхєрлєж буйгаа ний нуугvй зарлаж эхэллээ. Гэхдээ улстєрийн тоглолтын арга барилын хувьд ялгаа зєрvv бий. Хугацаа єнгєрєх тусам тэрхvv ялгаа нь улам тод ажиглагдах боллоо. М.Энхсайхан нь Н.Энхбаяраас илvv нухацтай, дэс дараалалтай хєдєлж байна. Тэр Н.Энхбаярынхаа алдаа, оноог хєндлєнгєєс анхааралтай харж, дараа нь хєдлєх эсэхээ шийддэг хашир чоно. Харин улстєрийн хvчнvvд аль нь "жинхэнэ чоно" хийгээд "хээрийн нохой вэ" гэдгийг нэг л сайн ялгаж чадахгvй байсаар...

М.Энхсайханы МVАН-ыг байгуулах санаархал нь урдаас нэлээд сайн тєлєвлєсєн vйл ажиллагаа байсан нь харагдаж байна. Хамгийн гол нь Н.Энхбаярын МАХН гэдэг нэрийг бvртгvvлэх ажил хэр амжилттай бvтэхийг анаж байсан хэрэг.

Тvvний зуурсан бантан Н.Энхбаярынхаас ч хорон бєгєєд єтгєн аж. Н.Энхбаяраас хамтран зvтгэгчид нь тэр чигтээ нvvр буруулсан бол М.Энхсайханы баг яг тэр хэвээрээ цугтаа vлдэж байлаа. Ийм ч учраас Н.Энхбаярыг М.Энхсайхан дагалдаж буй биш харин ч эсрэгээр Н.Энхбаяр тvvний ая талыг харж, хєдлєхєєс єєр аргагvй болж байна. МАХН-ын хуралд М.Энхсайхан оролцолгvйгээр, хєндий ажиглаж байсан бол Н.Энхбаяр VШН-ын хуралд уухайн тас гvйн ирж оролцох жишээтэй.

Товчхондоо Н.Энхбаярын МАН-д vзvvлэх хор нєлєєнєєс М.Энхсайханы vзvvлэх тоглолт, маневр АН-д илvv аюултай юм. Зvгээр нэг нам байгуулаад зогсохгvй М.Энхсайхан шинэ концепци, vзэл санаа дэвшvvлэн илvv нарийн бодлого тєлєвлєгєєтэй орж ирж байна. Тvvний томьёолсон "Монгол vндэстэн", "Монгол тєр", "Монгол иргэншил", "Монгол бодлого" гэх ойлголтуудыг нарийвчлан боловсруулж, олон тvмэнд хvргэж чадвал, жирийн сонгогч олон хийгээд vндэсний vзэлтнvvд, сэхээтнvvд дэмжих єндєр магадлал бий .

Хэрэв М.Энхсайхан дэл сул хvчнvvд буюу МАХН, БНН болон гудамжны улстєрчдийг уриалан нэгтгэж чадвал ирэх оны УИХ-ын сонгуульд АН-ын С.Эрдэнээс аваад бусад дэл сул, єрсєлдєх эрх аваагvй гомдогсод гээд МVАН руу гvйх нєхєд бишгvй олдоно. М.Энхсайханы тєлєвлєгєє нь гуравдагч хvчинд оногдох багахан рейтингээс бус харин АН гэх улстєрийн том хvчний саналаас зулгаах байдлаар саналын тоогоо єсгєхєд чиглэх болно. Сонгууль дєхєх тусам М.Энхсайханы зvгээс АН-ын эмзэг газар луу санаанд оромгvй цохилт хийх чадвар бололцоо улам єснє. Энэ нь АН-ын удирдлагуудын хувьд хvндхэн цохилт болох талтай гэсэн vг. Угаасаа МАН ба МАХН-ын хоорондын сєргєлдєєнийг идэвхгvй ажиглаж байсан тэдний толгой дээр тэрхvv чулуу бvр томхон хад болон буухыг санаа ч vгvй байсан биз.

Ийнхvv хоёр "Энх" улстєрийн талбарт шинэ тулаан хийх бэлтгэл ажлаа базааж, фронтын шугам, байлдах хvчин, стратеги, тактикаа нарийвчлан боловсруулж байна. "Энх" нэртэй хvмvvс дайнд дуртай байдаг ажээ.

Д.Мягмарсvрэн

mongoliin unen