Хөгжлийн банк яагаад ”бvтэлгvйтэв”

2011-10-07

Хөгжлийн банкны хөрөнгө оруулалт “домог” болоод үлдэж байх шиг байна.

Төрийн мэдэлд байх энэ аварга том санхүүгийн институцийн хуулийг баталж, ТУЗ, удирдлага, зохион байгуулалтыг нь цэгцлээд жил гаруй боллоо.

Өнгөрсөн тавдугаар сард Хөгжлийн банк өөрийн гэсэн байртай болж, сүржин нээлт хийсэн. Дараа нь энэ банкны менежментийг солонгосчуудад атгуулах гэрээг үзэглэлээ.

Засгийн газраас бонд гаргах эрхийг нь олгоод, томоохон төслүүдийг санхүүжүүл гээд тушаал шийдвэрийг нь ч гаргачихсан. Дотооддоо арилжаалж болохгүй байна гэхээр нь гадаадын хөрөнгийн зах дээр арилжаалах эрх зүйн боломжийг нь ч бүрдүүлсэн. Нэг ёсондоо Монголд Хөгжлийн банк ямар нэгэн саадгүйгээр ажиллах бүх нөхцөл бүрджээ.

Харамсалтай нь өнөө хэр энэ банкны бондын санхүүжилт гэдэг зүйл харагдсангүй. Шинэ байгууллага учраас зохицуулах зүйл олон байна, ирэх жилээс жигдрэх байх гэх тайлбарыг зарим албаны хүмүүс нь хэлж байна лээ. Гэхдээ энэ бол ердөө л шалтаг.

Энэ хурдаараа /яст мэлхийн/ бол Хөгжлийн банк хөлд орохыг хүлээсээр суутал шинэ бүтээн байгуулалтын төслүүд замхран алга болох нь л дээ. Ер нь Хөгжлийн банкны хөрөнгө оруулалт яагаад бүтэлгүйтчих вэ ээ. үнэндээ Хөгжлийн банк бүтэлгүйтсэнд тэдний буруу ч байхгүй. Харалган бодлогын л гай болж байх шиг байна.

Тодорхой хэлье. Нэгдүгээрт, Хөгжлийн банкнаас гаргаж буй бондын хүү жилийн 5-6 хувь байгаа. Эхний ээлжинд 800 тэрбум төгрөгийн бонд гаргах зөвшөөрлийг Засгийн газраас олгож, үе шаттайгаар дотоодын зах зээл дээр гаргахаар болсон. Гэвч дотоодын хөрөнгө оруулагчдад ийм их хэмжээний бондыг бага хүүтэйгээр худалдан авах чадвар байсангүй.

Тэртэй тэргүй бага хүүтэй бонд дотоодын зах зээл дээрээ борлуулах гэж ядаж байхад Хөгжлийн банкнаас тусдаа Засгийн газрын бонд гэж нэг зүйл гараад ирчихсэн. Тэр бондынх нь хүү Хөгжлийн банкныхаас хавьгүй өндөр буюу 8-9 хувь байна.

Энэ тохиолдолд хөрөнгө оруулагчид аль болох өндөр хүүтэй бондыг худалдан авахыг хичээх нь дамжиггүй. Ийнхүү Засгийн газрын нэг боддого нөгөөгөө дарж орхив. Ингээд Хөгжлийн банкны бонд дотоодын зах зээл дээр үнэгүйдэх нь тодорхой болмогц тогтоолын төсөлд өөрчлөлт оруулж, гадаадын зах зээл дээр гаргахаар боллоо.

Зуучлагч банкуудаа сонгож, Сингапур, Хонконг, Шанхайн хөрөнгийн биржүүд дээр арилжаалах бэлтгэл ажил хийгдэж байна. Гэхдээ гадаадын зах зээл дээр Монголын шинэ тутам байгуулагдсан Хөгжлийн банкны бонд үнэд хүрэхгүй гэж хэлэх эдийн засагчид олон байгаа. Засгийн газрын баталгаатай гэх боловч шинэхэн банкны шинэхэн бонд олон улсын хөрөнгө оруулагчдад тиим ч найдвартай санагдахгүй байна.

Ядаж байхад сүүлийн хэдэн сард дэлхийн хөрөнгийн захзээлүүдтуйлынойлгомжгүй, эргэлзээтэй байлаа. Нөхцөл байдал ийм байхад цоо шинэхэн Монголын Хөгжлийн банкны бонд гараад үнэд хүрэх нь юу л бол. Тэгж байснаас Засгийн газрын бондоо гаргачихвал хамаагүй найдвартай байх.

Хөгжлийн банкны нэрээр бонд гаргахаа больж, зөвхөн Засгийн газар бондоо гаргана гэсэн үт. Эсвэл Засгийн газрын болон Хөгжлийн банкны бондын хүүгийн хэмжээг ижил төвшинд барих ёстой болов уу. Гэвч ийм боддого манай Засгийн газарт одоохондоо алга.

үүнээс гадна Хөгжлийн банкны ТУЗ-ийн бүрэлдэхүүнд асуудал байгаа. Саяхан ТУЗ-ийн захирлаар нь Сангийн яамны Төсвийн бодлогын газрын дарга Б.Батжаргал томилогдсон.

Ингэхэд Хөгжлийн банк Сангийн яамнаас тусдаа үйл ажиллагаа явуулж, хөрөнгө босгоно гээгүй билүү. Гэтэл ТУЗ-ийн захирлаар нь Сангийн яамны бүр Төсвийн бодлогын газрын даргыг томилчих юм аа. Зүй нь бол ТУЗ-ийн захирлаар Засгийн газрын тэргүүн өөрөө ч ажиллаж болно шүү дээ.

Хойд хөршид яг ийм жишиг мөрдөгддөг. Өөрөөр хэлбэл, ОХУ-ын Хөгжлийн банкны ТУЗ-ийн захирлаар В.Путин ажилладаг гэсэн. ТУЗ-ийн бүрэлдэхүүний тухайд бүр яриад ч хэрэггүй. Хараат бус мундаг, нэр хүндтэй эдийн засагчид, улсынхаа эдийн засгийн нөхцөл байдлыг мэддэг хүмүүс ТУЗ-д ажиллаж байвал сайн сан.

Харин манай улсын Хөгжлийн банкны ТУЗ-ийн бүрэлдэхүүнийг төрийн албан хаагчид голдуу хүмүүс бүрдүүлжээ. Тодруулбал, Хөгжлийн банкны ТУЗ-д “Эрдэнэс МГЛ” компанийн захирал Б.Энэбиш, Хөгжлийн банкны Тэргүүн дэд захирал Л.Болормаа, Засгийн газрын хэрэг эрхлэх газрын хэлтсийн дарга Б.Даринчулуун, Сангийн яамны Төсвийн бодлогын газрын Орлогын хэлтсийн дарга Ж.Ганбат, ТӨХ-ны хэлтсийн дарга Х.Володя, Монгол банкны Лондон дахь төлөөлөгч Д.Энхжаргал, ХААН банкны гүйцэтгэх захирал асан П.Морроу, Дэлхийн банкны Монгол дахь суурин төлөөлөгч асан С.Меянатан нар ажилладаг. Үүн дээр нэмээд монголчууд Хөгжлийн банкныхаа удирдлагыг БНСУ-аас ирcэн нэг нөхөрт даалгаад өгчихсөн.

Монгол Улсын хөгжлийн бодлогыг хэн нэгэн солонгос хүн хариуцна гэсэн үг. Солонгосчуудаас туршлага судалж болно, харин удирдуулна гэдэг асуудалтай байгаа биз. Ийм байхад Хөгжлийн банк яаж ч хөрөнгө босгож, томоохон төслүүдийг санхүүжүүлэх вэ дээ.

Хөгжлийн банкнаас тусдаа Засгийн газрын бонд гэж нэг зүйл гараад ирчихсэн. Тэр бондынх нь хүү Хөгжлийн банкныхаас хавьгүй өндөр буюу 8-9 хувь байна. Энэ тохиолдолд хөрөнгө оруулагчид аль болох өндөр хүүтэй бондыг худалдан авахыг хичээх нь дамжиггүй.

Эх сурвалж: “Монголын мэдээ”

Хөгжлийн банк яагаад ”бvтэлгvйтэв”
Tweet
Bolod.mn

Сэтгэгдэл (3)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
монголчуудаа суйрэхэд ганц хуруу улдлээ ш дээ! луйварчдийг алаачэй.эсвэл энэ бухэн хамаагуй амдрал болоод байгаа юмуу?ойлгоход хэцүү боллоо.аймаар энэ бухний эцэст нэг юм болноо.

2011-10-07 | 13:44:47 | 108.120.195.66 |

Зочин
АНХНААСАА БҮТЭЛГҮЙТҮҮЛЭХ ГЭЖ БАЙГУУЛСАН ЮМ ЧИНЬ, ХАРИН ЯГ ТӨЛӨВЛӨГӨӨНИЙ ДАГУУ ЯВЖ БАЙНА ДАА

2011-10-07 | 12:52:32 | 202.179.14.69 |

Зочин
Манай 1000zahia c o m интернет дэлгuuр маань 3 сарын баталгаа бuх бараандаа өгж эхэллээ! Мөн шинэ бараа ирсэн байгаа. DELL -ийн i3 процессортой нөтбuuк 606 доллар, Toshiba -ийн i3 процессортой нөтбuuк 705,000 төг, SONY -ийн i3 processor, 15 inch, 4GB RAM, 500GB Hard -тай нөтбuuк 1,055,000 төг, мөн эмэгтэй хuмuuст илuu тохиромжтой байх ягаан, улаан өнгөтэй 14 инч -ийн DELL , i3 процессортой нөтбuuк 766,000 төгрөгөөр тус тус зарагдаж байгаа. Бuгд зуун хувь оригиналь. Бuгд uйлдвэрийхээ баглаа, боодол, битuuмжлэлтэйгээ. 1000zahia c o m Монголын хамгийн хямд интернет дэлгuuр!

2011-10-07 | 11:11:29 | 97.64.192.126 |

Мэдээ
Гадаад мэдээ
Видео

Архив ангилал

Хөгжлийн банк яагаад ”бvтэлгvйтэв”

Сэтгэгдэл (3)