үзэсгэлэнд зохицсон мэт. Бүсгүйчүүд тэр тусмаа телевизийн урлагийн үзэсгэлэнт эмэгтэйчүүд бидний амьдралыг хөглөгч бас нэгэн хүчин зүйл гэдэгтэй хэн ч маргахгүй биз ээ.

Эмэгтэй хүн ааль ялдам, эрхэмсэг, бардам гээд бүхий л сайхан бүхнийг цогцлоосон төдийгүй авьяас билгээрээ олны хүндэтгэлийг хүлээсэн Холливүдийн сайхан бүсгүйчүүд олон бий.

Эдгээрээс 1940 оноос өнөөдрийг хүртэл хамгийн үзэсгэлэн төгөлдөр 30 бүсгүйг танилцуулж байна.

: Лорин Бэколл – 1940 оны тайз дэлгэцийн од, загвар өмсөгч тэрээр 1924 оны есдүгээр сарын 16-ны өдөр АНУ-ын Нью-Йорк хотод дундаж давхаргын гэр бүлд төрсөн. 174 см өндөр. Түүний тоглосон уран бүтээлүүдээс дурдвал, “Эзэмших, эс эзэмших”, “Их нойрсолт”, “Ки Ларго”, “Салхинаа тэрлэгдсэн үгс”, “Догвилль”, “Мандэрлэй” зэрэг болно.

: Рита Хайворт – АНУ жүжигчин, бүжигчин 1940-д оны супер од тэрээр 1918 оны аравдугаар сарын 17-ны өдөр Брүүклинд төржээ. Испани бүжигчин аав нь түүнийг бүжигчин болгохыг хүсдэг байсан бол Ирланд Английн эрлийз ээж нь харин жүжигчин болгохыг хүсдэг байжээ. Гайхалтай нь гоо үзэсгэлэн төгөлдөр бүсгүй маань эцэг эхийнхээ хоёулангийнх нь хүслийг биелүүлж өөрийнхөө мөрөөдөлд хүрэн хамгийн алдартай жүжигчдийн нэг болсон төдийгүй АНУ-ын кино институт түүний авьяас билгийг өндрөөр үнэлэн “Бүх цаг үеийн гайхалтай од” хэмээн өргөмжилж байжээ.Тэрээр 68 насандаа өөд болсон бөгөөд 37 жилийн турш кино урлагт зүтгэхдээ 61 кинонд дүрээ мөнхөлсөн байна.

: Марлэнэ Дайтрих – АНУ жүжигчин, дуучин 1901 оны 12-р сарын 27-нд Германы Шүнэбэргт төрсөн. Анхлан тэрээр 1920-д оны үед Германд дуугүй кинонд тоглож байгаад Холливүдэд хөл тавьсан байна. Түүнийг нас барснаас хойш долоон жилийн дараа буюу 1999 онд түүний кино урлагт оруулсан хувь нэмрийг үнэлэн АНУ-ын кино институтээс “Бүх цаг үеийн эмэгтэй од” хэмээн өргөмжилжээ. Тэрээр кино урлагт 65 жилийн турш тасралтгүй хүчин зүтгэсэн бөгөөд 1992 оны тавдугаар сарын 6-ны өдөр таалал төгсчээ.

: Бэтти Пэйж – 1950-аад оны загвар өмсөгчдийн сахиусан тэнгэр, сэтгүүлийн зургийн хатан хаан тэрээр 1923 оны дөрөвдүгээр сарын 22-нд Тэнниси мужийн Нашвиллд төржээ. Түүний тас хар үс, цэнхэр нүд, гэрэлтсэн царай гэрэл зурагчид төдийгүй кино урлагийнхны шүтээн болгож чадсан гэдэг. Тэрээр 2008 онд насан өөд болсон байна.

: Ава Гарднер – Өөрийгөө жирийн л нэг эмэгтэй хэмээн тодорхойлсон ч жирийн бус авьяас, үзэсгэлэн гоог хослуулсан АНУ жүжигчин 1922 оны 12-р сарын 24-нд хойд Каролинагийн фермчний хамгийн отгон охин болон мэндэлжээ. 1941 оноос кино урлагт хөл тавьсан түүний карьер маш амжилттай өссөн ч хувийн амьдралын хувьд тийм ч дардан байсангүй. Сайхан бүсгүйн хувь заяа түүнийг тойролгүй хоёр ч удаа гэрлэлтээ цуцлуулан хамгийн сүүлд нь Франк Синатратай амьдралаа холбосон байна. Жүжигчин бүсгүй 67 насандаа өвчний улмаас таалал төгсчээ.

: Мэрилин Монро – 1950-иад оны дунд үеэс эхлэн өдийг хүртэл “Секс билэг тэмдэг” болж олон сая эрчүүдийн харааг, бүсгүйчүүдийн хүндэтгэл, атаархлыг зэрэг хүлээсэн жүжигчин маань АНУ-ын Калифорни муж улсын Лос-Анжелес хотноо 1926 оны зургаадугаар сарын 1-ний өдөр мэндэлжээ. Жинхэнэ нэр нь Норма Жин Мортенсен бол сүүлд Норма Жин Бэйкэр болсон. Харин Монро гэдэг нь түүний ээжийн хуучин овог ажээ. 1953 онд “Найгара” хэмээх кинонд ташаагаа гунхалзуулан алхдаг “Монро алхалт”-аараа хамаг эрчүүдийн анхаарлыг татаж шуугиулсан бөгөөд үүнээс хойш олон олон кинонуудад тоглон гялалзсан амжилтад хүрч Монро шилдэг одуудын эгнээнд орсон билээ. Тэрээр 36-хан насандаа учир битүүлэгээр хорвоогийн мөнх бусыг үзүүлсэн ч өдгөө түүнийг гоо үзэсгэлэнг дэлхий даяар шүтэн биширсээр байгаа билээ.

: Одри Хепберн – Холливүдын үе үеийн сайхан бүсгүйчүүдийн нэг тэрээр 1907 оны тавдугаар сарын 4-ний өдөр Америкийн Коннектикут мужийн Хартфорд хотод мэндэлжээ. Багаасаа урлаг сонирхон, балетчин болохоор хүсч тэмүүлж байсан Одри 1920-иод оны үед Бродвейд “Энэ өдрүүд” жүжигт тоглон жүжигчний гараагаа эхлүүлж байжээ. Удалгүй тэрээр “Тиффанигийн өглөөний зоог” киногоор Оскарын шагнал хүртэж, авъяаслаг жүжигчин гэдгээ баталжээ. Нийтдээ Одри Хепберн 40 гаруй кинонд тоглож, Оскарт 12 удаа нэр дэвшиж байсан байна. Түүний нэр Америкийн киноны шилдэг 50 домогт жүжигчний жагсаалтыг тэргүүлдэг байна. Гоо үзэсгэлэнгийн сахиусан тэнгэр тэрээр 63 насандаа таалал төгсчээ.

: Жэйн Мэнсфилд – Шаргал үс, “элсэн цаг” шиг бие галбир, авьяасаараа Бродвей болон Холливүдэд нэрээ мөнхөлсөн тэрээр 1933 оны дөрөвдүгээр сарын 19-нд Пенселвани мужид төржээ. Тайз дэлгэц, драм, телевиз гээд бүхий л салбарт нэр хүндээ дуурсгасан шаргал үст секс билэг тэмдэг маань кино хальснаа өөрийн сайхан биеийг нүцгэнээр нь мөнхөлж байсан төдийгүй Playboy-ын нүүр царай болж явсан аж. Харамсалтай нь тэрээр 34-хөн насандаа автомашины ослоор хорвоогийн мөнх бусыг үзүүлжээ.

: Грэйс Патрика Келли – “Би Холливүдыг үзэн яддаг. Тийм олон хүн сэтгэл гутралаар шаналж, тийм олон хүн архичин болж, аз жаргалаа алдсан өөр ямар ч газрыг би мэдэхгүй ” хэмээн хэлсэн Грейс 1929 онд АНУ-ын Филадельфи муж улсад үйлдвэрийн эзэн Жон Келлигийн гэр бүлд төржээ. Ирланд, герман гаралтай тэрбээр 1956 оны дөрөвдүгээр сард Монакогийн хант улсын төрийн тэргүүн ханхүү III Реньетэй гэрлэснээр Холливүдын гүнж хэмээх алдраа 26 настайдаа жинхэнэ гүнж хэргэмээр сольсон юм. “Их үд”, “Хөдөөний бүсгүй”, “Хулгайчийг барь”, “Үхлийн жингэнээ” зэрэг кино нь түүний хэр чадварлаг жүжигчин болохыг илтгэдэг. Сүр жавхлант, эрхэмсэг үзэсгэлэнт хэмээн өнөө ч шагшигддаг Грэйс Келли 1982 оны есдүгээр сард автомашины ослоор насан эцэслэжээ.

: Софи Лорен – Италийн гоо үзэсгэлэн, авьяас билгийн “уурхай” болсон бүсгүй маань 1934 оны есдүгээр сарын 9-ны өдөр Ром хотын ядуусын эмнэлэгт төржээ. Эцэг нь гэр бүлийг нь хаяж үгээгүй ядуу амьдарч байсан түүнийг гоо үзэсгэлэн, өөлөхийн аргагүй бие хаа нь өнөөдрийн амжилтанд хүргэжээ. Анхлан түүний хөл тавьсан нь театрын тайз биш загварын тайз байсан аж. Ингэж явсаар хамгийн анх “Далай доорх Африк” кинонд анхны гол дүрээ бүтээснээр алдар хүндийнх нь үүдийг нээсэн байна. Тэрээр бусад одууд шиг салж сарниагүй бүхий л амьдралаа Карло Понтитой өнгөрүүлсэн бөгөөд одоо ч тэрээр цагийн аясд дарагдалгүй үзэсгэлэн гоо хэвээр байгаа билээ.

: Элизабет Тейлор – Тод цэнхэр нүдтэй, хамба хилэн мэт өтгөн хөмсөгтэй энэ эмэгтэйгүйгээр Холливүдын түүхийг төсөөлөхөд тун хэцүү билээ. Холливүдийн домог тэрээр 1932 оны хоёрдугаар сарын 27-нд Лондон хотноо төржээ. Түүнийг долоон настай байхад нь гэр бүлийнхэн нь Америк руу шилжсэн байна. Элизабет Тейлор 10 настайгаас кинонд тоглож эхэлсэн бөгөөд амьдралынхаа туршид нийт 70 орчим кинонд тоглож их бага дүр бүтээжээ. Эртний Египетийн хатан хаан Клеопатраг холливүдын домогт жүжигчин Элизабет Тайлороор төсөөлдөг. Учир нь тэр Клеопатра хатны дүрийг үзэгчдийн сэтгэлд хоногштол бүтээсэн жүжигчин. Алдрын ийм оргилд хүрсэн цөөн хэдэн жүжигчний нэг тэрээр 79 насандаа өвчний улмаас таалал төгссөн билээ.

: Брижит Бардот – Францын загвар өмсөгч, жүжигчин, дуучин, амьтныг эрхийг хамгаалагч, 1960-аад оны “секс билэг тэмдэг” тэрээр 1937 оны есдүгээр сарын 28-нд төржээ. Балетчин болохыг хүсдэг байсан тэрээр 1952 оноос жүжигчин болох гараагаа эхэлсэн бөгөөд нийт 47 кино, хэд хэдэн мюзикльд тоглон 80 гаруй дуутай болсон байна. 1973 оноос кино ертөнцийг орхин амьтны эрхийг хамгаалах үйлст хүчин зүтгэх болжээ.

: Пам Грийр – Америкийн жүжигчин 1970-аад оны төлөөлөл болсон сайхан бүсгүй тэрээр 1949 оны тавдугаар сарын 26-нд Хойд Каролинад төржээ. “Алтан бөмбөрцөг”-ийн “Шилдэг жүжигчин” шагналтай сайхан бүсгүй маань гэрлэж байгаагүй мөн хүүхэдгүй юм байна.

: Жаклин Биссет – Дөрвөн удаагийн “Алтан бөмбөрцөг”-ийн эзэн Английн жүжигчин 1944 оны есдүгээр сарын 13-нд төржээ. 1965 оноос жүжигчнийхээ гарааг эхэлсэн тэрээр одоо ч сайхан хэвээрээ байгаа. Тэрээр “Би залуу байхын төлөө тэгтлээ их чармайгаад байдаггүй. Би үнэхээр залуугаараа байгаагаа мэдэрдэг. Би дурлаж ч амжина гэдэгтээ итгэлтэй байна” хэмээн хэлсэн байдаг.

: Бо Дерик – АНУ-ын жүжигчин, загвар өмсөгч, сайхан бүсгүй тэрээр 1956 оны 11-р сарын 20-нд Калифорнигийн Лонг Бийчд төржээ. Түүний анхны кино нь “Гайхамшиг” байсан бөгөөд үүнийхээ дараагаар “Алуурчин халим”, “Арав” зэрэг олон тайз дэлгэцийн бүтээлд дүрээ мөнхөлсөн юм.

: Шарон Стоун – “Төрөлх араншин”, “Казино” зэрэг кинонд тоглож нэр алдрын оргилд хүрсэн ер бусын үзэсгэлэнтэй тэрээр 1958 оны гуравдугаар сарын 10-нд Пенсильванийн Мидвилд төржээ. Шарон Стоун бүр багаасаа л үеийнхээ хүүхдүүдээс огт өөр байжээ. Анх таван настайдаа сургуульд орохдоо шууд хоёрдугаар ангид орж, 18 настайдаа коллежоо бакалавр зэрэгтэй дүүргээд Пенсильваны гоо бүсгүй шалгаруулах тэмцээнд оролцож тэргүүн байрын шагналыг хүртсэн юм. Тэрээр сэтгүүлчдэд ярилцлага өгөхдөө мэдлэг чадварын хувьд Эйнштейнээс дутахааргүй хэмээн ярьсан байдаг.

: Анжелина Жоли – Холливүдын алдарт жүжигчин, дэлхийн хамгийн халуухан бүсгүйчүүдийн тоонд дээгүүрт ордог, бүтээсэн дүрүүд үргэлж л үзэгчдийг байлдан дагуулдаг, сайн сайхан үйлсийн төлөө харамгүй сэтгэл гаргадаг гээд магтаад дуусахгүй олон алдар хүндийн эзэн тэрээр 1975 оны зургадугаар сарын 4-нд АНУ-ын Калифорни мужийн Лос-Анжелес хотод төрсөн. Тэрбээр нөхөр зургаан хүүхдийн хамт аз жаргалтай амьдран, кино урлаг, хүмүүнлэгийн үйлст хүчин зүтгэж буй гоо үзэсгэлэн, авьяас билэг, энэрэнгүй сэтгэлийн сахиусан тэнгэр юм.

: Скарлет Йоханссон – 1984 оны арваннэгдүгээр сарын 22-нд Нью Йорк хотноо мэндэлсэн. Тэрбээр анх 1994 онд жүжигчний гараагаа эхэлж байсан бөгөөд “Үл оршигч хүмүүн”, “Сүнсний ертөнц”, “Сувдан ээмэгтэй бүсгүй”, “Орчуулгын алдаа” зэрэг олон кинонд тоглон өөрийн авъяас гоо үзэсгэлэнгээрээ дэлхий нийтийг байлдан дагуулсан билээ.

: Керри Вашингтон – АНУ-ын жүжигчин тэрээр 1977 оны нэгдүгээр сарын 31-нд Нью-Йорк хотноо төрсөн 1994 оноос кино урлагт хөл тавьж олон гайхалтай дүрүүдээрээ үзэгчдийг байлдан дагуулаад байгаа төдийгүй өөрийн гоо үзэсгэлэнгээр хамгийн сайхан бүсгүйчүүдийн тоонд зүй ёсоор ордог билээ.

: Халли Берри – Жүжигчин, загвар өмсөгч, 1986 оны АНУ миссийн тэргүүн байрын шагналт тэрээр 1966 оны наймдугаар сарын 14-нд Охаяа мужийн Кливландэд төржээ.

: Эва Мендес – “Надад нүцгэлэх хэцүү биш. Гэхдээ би шалтгаангүйгээр нүцгэлдэггүй. Би хэн нэгэнд зориулж, бас үзэсгэлэн болох гэж чухал хэсгээ гаргаад байхгүй. Гэхдээ урлагийн төлөө бол энэнээс ч илүүг хийх болно” гэсэн нь түүнийг ямар зоримог шулуухан зантай жүжигчин болохыг илтгэж байгаа юм. Тэрээр 1974 оны гуравдугаар сарын 5-нд Флоридагийн Миамид төрсөн. 1990 оноос жүжигчнийхээ гарааг эхэлсэн байна.

: Камерон Диаз – 1972 оны наймдугаар сарын 30-нд Калифорниагийн Сан Диаго хотод төрсөн тэрээр 16 насандаа загвар өмсөгчийн “Elite Model” агентлагт элсэн орж маш амжилттайгаар суралцан Calvin, Levis гэх зэрэг алдартай компаний дизайнеруудын моделиор ажилладаг болжээ. 1990 онд түүний зураг алдарт “Seventeen” сэтгүүл дээр тавигдаж байжээ. Түүнийг кино од болох болсон эхлэл нь “Elite” загварын агентлагиас Маск кинонд тоглох жүжигчинг хайн ирэхэд Диаз уран чадварлагаар жүжиглэн, олон олон хүнээс авъяас чадлаараа шалгаран гарч иржээ. Тэрээр “Маск” кинонд од Жим Керритэй хамтран тоглосон нь түүний хувьд од болох үүд нь маш амжилттайгаар нээгджээ. Түүний хамгийн өндөр ашиг орлого олсон кино нь “Чарлигийн сахиусан тэнгэрүүд” кино бөгөөд тэрхүү киноноос 200 сая ам.долларын орлого олсон байна.

: Моника Белуччи – Дэлхийн кино ертөнцийн хамгийн тачаангүй, дур булаам бүсгүйчүүдийн нэг Италийн загвар өмсөгч, жүжигчин маань 1964 оны есдүгээр сарын 30-нд Читта ди Кастеллод төржээ. Жүжигчний гараагаа 1990 оноос эхэлсэн тэрээр өөрийн гоо үзэсгэлэнгээрээ одоо ч олон залуусын сэтгэлийг булаадаг билээ.

: Жессика Алба – Холливүдын хамгийн төгс галбиртай бүсгүйгээр нэрлэгддэг жүжигчин Жессика Алба 1981 оны дөрөвдүгээр сарын 28-нд Калифорни мужийн Помонад төржээ. Алба 13 наснаасаа телевизийн салбарт хөл тавьсан түүнийг 1994 оноос жинхэнэ сайхан бүсгүй болон олны анхаарлыг татан бараг л бүхий л санал асуулгад хамгийн үзэсгэлэнтэй, хамгийн секси хэмээн өргөмжлөгдсөөр ирсэн билээ.

: Чарлез Терон – Хойд Африкийн жүжигчин, продюссер, загвар өмсөгч гээд олон талын авьяастай сайхан бүсгүй 1975 оны наймдугаар сарын 7-нд Трансваал мужийн Бенони гэдэг газар төржээ. 16 наснаасаа загвар өмсөгчийн Милан агентлагт орж, мөн баллетаар хичээллэж байсан тэрээр 1995 оноос жүжигчний гараагаа эхлэн өнөөдрийн өндөрлөгт хүрсэн байна.

: Женнифер Лопес – АНУ-ын дуучин, жүжигчин, бүжигчин, продюссер, загвар зохион бүтээгч гээд тал бүрийн авьяастай, гоо үзэсгэлэнт бүсгүй маань өдгөө 42 настай ч “халуухнаараа” байна. Түүний тухай олныг нурших нь илүүц биз ээ. Мэдээж тэр эдгээр гайхалтай бүсгүйчүүдийн тоонд зүй ёсоор орох учраас.

: Салма Хайк – Мексик гаралтай үзэсгэлэнт жүжигчин 1966 оны есдүгээр сарын 2-нд төрсөн бөгөөд 1988 оноос эхлэн кино урлагт хөл тавьсан байна.

: Женнифер Энистон – Холливүдын сайхан бүсгүйчүүдийн нэг жүжигчин Энистон 1969 оны хоёрдугаар сарын 11-нд Калифорни мужын Лос-Анжелес хотод төржээ. Тэрбээр 1990 оны эхээр дэлгэцнээ гарсан телевизийн олон ангит “Найзууд” киноны Рэчел Гриний дүрээр олны танил болсон билээ.

: Меган Фокс – Залуу жүжигчин, загвар өмсөгч тэрээр 1986 оны тавдугаар сарын 16-нд АНУ-ын Теннессэ мужид Франклин Фоксийн гэр бүлд мэндэлжээ. 1999 оноос загвар өмсөгч болон жүжигчин болох гараагаа эхэлж загвар өмсөгчийн ажлаараа багагүй амжилтанд хүрсэн бөгөөд 2001 онд “Нартай Амралт” кинонд тоглосноор кино сонирхогчдын анхаарлыг татаж чадсан ч бодож байсан шиг нь их амжилтыг нь авчраагүй байна. Харин 2007 онд алдарт найруулагч Майкл Бэйгийн хүүхэлдэйн киноноос сэдэвлэн хийсэн “Трансформерс” киноны гол дүрийг бүтээснээр Холливүдын ертөнцөд жинхэнэ тэсрэлтийг хийж чадсан байна. Тэрээр өөрийн дур булаам тачаангуй төрх, гоолиг сайхан бие, бусдаас өөр, өвөрмөц төрхөөрөө олны анхаарлыг татаж чадсан ба түүнийг Анжелина Жолигийн залгамжлагч хэмээн шуугицгаах болсон байна.

: Дэми Мүүр – АНУ жүжигчин тэрээр 1962 оны 11 сарын 11-нд Мексикийн Росвиллд төржээ. Түүний хүүхэд нас тийм ч сайхан байсангүй. Төрөхөөс нь өмнө эцэг нь хаяад явсан тул өвөөгөөрөө овоглодог байна. Хэдий хүнд хэцүү амьдарч байсан ч тэрээр дэлхийд нэрээ дуурсгасан сайн жүжигчин болж, олон эрчүүдийн хайр, олон эмэгтэйчүүдийн хүндэтгэлийг хүлээж чадсан сайхан бүсгүй билээ.