Сүжгээр шуодагчид

Tweet

Сүжгээр шуодагчид

2011-10-17

Монголчууд бид шарын, бөөгийн, тэнгэрийн гээд л олон янзын шүтлэгтэй ард түмэн.

Сүүлийн жилүүдэд даяарчлалын шуурганд өртөж христ, лал, мусалман, мүн гээд л гадны шашны урсгалд итгэж, автаж мухраар шүтэх болсон. Үүнийг зарим нэг увайгүй этгүүдүүд ашиглаж, сүжгээр шоудахад суралцаж, эхнээсээ ромбо, дипломоо гардаж байх шиг байна.

“Чингис хааны дэлхийн академ” гэгч юу хийж байгаа нь мэдэгддэгүй байгууллагын тэргүүн П.Давааням гэгч солио өвчин нь хүндэрсэн хүнээс сүжгээр шуодах ажил эхэлсэн гэхэд болно.

1990-ээд оны эхэн үед “Дархан Хилийн Хөдөлгөөний тэргүүн” гэгдэж П.Давааням удаа ч үгүй 1996 онд МҮЭНН-аас УИХ-ын сонгуульд нэр дэвших үедээ өөрийгөө Чингис хааны нэрэмжит академийн Ерөнхийлөгч хэмээн танилцуулдаг болсон гэж байгаа.

Түүнээс хойш он цаг улирсаар өдгөө нэрийнхээ өмнө Чингис хааны удам, иш үзүүлэгч, дэлхийг аврах Монголын хаадын гүн ухааныг номлогч, хунтайж гэсэн олон гуншинтай болжээ. Солиорч чадаж байгаа биз. Түүнээс хойш олон хэлтэй Б.Арго, түүхч Н.Нагаанбуу, дуучин С.Жавхлан гээд л сүжгээр шоудах аргад суралцаж, элдэв цаг тооны бичиг гарган, гал асаах ёслол хийдэг болов.

Түүнд нь мухар сүжгээр оролцож, мөнгө төгрөгөө үрэх хүмүүс ч олон байх юм. Харин сүүлийн үед МҮЭХ-ны тэргүүн С.Ганбаатар өнөө сүжгээр шоудах нууц эрдэмд шамдан суралцаж байгаа бололтой юм. Эсвэл энэ аргад нэвтэрч, нэлээд зүйл сураад байгаа дуучин С.Жавхланд шавь орсон байх.

Өнгөрсөн долоо хоногийн пүрэв гарагт Сүхбаатарын талбай дээр ”Түмний тулганы гал бадраах ёслол” болсон. Эрхэм дуучин С.Жавхлан 21 аймагт хийсэн энэхүү “утга төгөлдөр” ёслолоо энэ удаад нийслэлд хийсэн нь тэр юм байх.

Түүнд нь фэнгшүгийн буюу МүЭХ-ны ерөнхийлөгч С.Ганбаатар тэргүүтэй нөхдүүд нэгдэж, Сүхбаатарын талбайд тулга тавин, хуурай мод өрдөж ёслол үйлдсэн юм. Яг ямар учиртай ч гал бадраах ёслол юм, бүү мэд. Тэр хэдэн модыг тулганд асааж, төв талбайгаа хөө тортогоор буллаа гээд ард түмэнд юу ч оногдох юм билээ. Ёстой “хөх инээд хүрч, хөхний сүү год год” гэв гэдэг шиг л юм болж байна.

Уг нь МҮЭХ гэдэг байгууллага, энэ байгууллагын тэргүүн гал түлж, гараа хуйхалж явахаас арай л дөмөг юм хиймээр санагдах юм. Өнөөдөр төр засагт үгээ хэлж, болж бүтэхгүй байгаа зүйлийг сануулж, жирийн ажилчдын дуу хоолойг дээш нь хүргэх хүн дутмаг л байна.

Тэр бүхнийг С.Ганбаатар хийж байх ёстой. Аль ч салбарт шийдэх асуудал олон байна. Төрийн албан хаагчийн цалинг 50 хувиар нэмнэ гээд л байгаа. Нэмлээ гэж бодоход хувийн хэвшлийнхэн яах билээ. Энэ бүхнийг С.Ганбаатар яриад явж байх ёстой хүн. Гэтэл шоу хийгээд, гал түлээд гүйж явж байх гэж.

Учир мэдэх хүмүүсийн хэлж буйгаар ирэх жилийн УИХ-ын сонгуульд өрсөлдөхөөр нүхээ малтаж байгаа гэх. Тиймээс сүжгээр шоудах уран аргыг одооноос сурч, хэрэгжүүлж эхэлж байгаа бололтой юм. Мэдээж МүЭХ-г сонгуулийн ажилдаа ашиглаж байгаа нь маргашгүй үнэн.

Цалинг сая болгоно энэ тэр гэдэг нь ч бас сурталчилгаагаа хийж байгаа нэг хэлбэр байх магадлалтай. Тиймээс МүЭХ хэмээх ажилчдын эрх ашгийг хамгаалсан том байгууллагаа С.Ганбаатар “хувилгаан”-аас салгаж авсан нь дээр байх аа. Хэзээ л “хувилгаан” хүн жирийн ажилчидтай нэг “хөнжилд” унтаж байлаа даа.

Яваандаа сүжгээр шоудах аргад илт нэвтэрч, хаа сайгүй төмөр тулга тавиад, гал өрдөж хэн нэгний орон гэрийг шатаах ч юм бил үү, хэн мэдлээ. Тэр дундаа МүЭХ-г галдахыг хэзээ ч зөвшөөрч болохгүй. Иргэд бүгд мухар сүжигтэй биш шүү дээ. Энэ хүмүүс үүнийг л мартаад байгаа юм.

Н.Болд
Эх сурвалж: “Монголын мэдээ”

Сүжгээр шуодагчид
Tweet
Bolod.mn

Сэтгэгдэл (7)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
Чиний өчүүхэн мэдлэгт дусал болгож би нэг өгүүлбэр хэле. Болдоо. Чингис хаан өөрийн хийсэийг ид өөрийн оёсныг өмс гэж хэлж байсан бол бидний өвөг дээдэс 1000 жилийн ирээдүйг бүтээе гэвэл түмэн жилийн өнгөрсөнөөс хай гэдэг байлаа.

2012-06-29 | 14:54:31 | 202.9.47.177 |

Зочин
Манай ардын дийлэнх мөнх тэнгэрээ шүтдэггүй хаадын гүн ухаандаа итгэдэггүйгээс хамаг гай гамшиг болж байна. Бидний өвөг дээдэс биднээс оюун санаа дутуудаа л 88 удаагийн аян дайн хийж 44 улсыг боолчлолоос чөлөөлөөгүйл байх.

2012-06-29 | 14:50:57 | 202.9.47.177 |

Зочин
Энэ хүнийг доромжлох нь атаархаах даа тэрүү ? Ойлгоогүйдээ тэрүү хөөрхий амьтан. Хийх юмаа олж чадаж дээ?

2012-06-29 | 14:48:13 | 202.9.47.177 |

Зочин
Энэ чинь харин өөрөө жинхэнэ шоудагч, тархи нь хамуурцан амьтан байна даа? хэ хэ.

2012-06-29 | 14:46:54 | 202.9.47.177 |

Зочин
Та энэ хүнд атаархахдаа энэ хүний дайны мэдлэггүй өчүүхэн амьтан болохоор ингэж байна. Энэ хүнийг хүндэлдэг хүн зөндөө юм. Цагтаа дэлхийд гайхагдаж явсан Чингис хааны гүн ухаан тань мэтийн арчаагүй амьтдын доог болох гэж дээ? Ингэхэд Та Чингис хааны төр гэж мэдэхүү? Нийхэм буюу нийтийн хэм хэмжээ гэж мэдэхүү? Хаан хатан ухаантай алтан ургийн бодлоготой монгол төрийг бүү доош хийж, Энэ хшний хэлдэгээр монгол хүний үнэ цэнэ нэр төрийг бүү унагаа.

2012-06-29 | 14:45:53 | 202.9.47.177 |

Зочин
ингэж хүн доромжлох эрх чамд байгаа юмуу давааням чин сайн хүн харин чи өөрөө худлаа яриад байгаа юм биш үү

2011-11-27 | 19:06:57 | 202.126.91.246 |

Зочин
хүүе

2011-11-27 | 19:00:40 | 202.126.91.246 |

Мэдээ
Гадаад мэдээ
Видео

Архив ангилал

Сүжгээр шуодагчид

Сэтгэгдэл (7)