эрүүл ахуйн тухай хуулийн хэрэгжилтийн шалгалтыг дүүргийн Мэргэжлийн хяналтын хэлтэс, Нийгмийн хэлтэс, Цагдаагийн хэлтэс, Нийслэлийн Үйлдвэрчний эвлэлүүдийн холбоотой хамтран энэ сарын 20-ноос эхлүүлсэн билээ.

Ажлын хэсэг эхний өдрүүдэд дүүргийн нутаг дэвсгэрт шинээр баригдаж буй "Хурд", ''Тайж таун" групп, "Сан Транс Монголиа" зэрэг компанийн захиалсан "Оюуны зурат", "Каркас", 'Төгс гүрэн" зэрэг гүйцэтгэгч компаниудад шалгалт хийсэн.

Шалгалтаар барилгуудын гадна талаар хамгаалалтын шат, тавцан, тор, хүрээ татсан компани байгаагүй аж. Энэ онд "Хурд" группын захиалгаар баригдаж байсан барилга дээр хөдөлмөрийн аюулгүй байдал хангаж шат, тавцан, тор, хүрээ татаагүйн улмаас гурван гүйцэтгэгч компани дээр үйлдвэрлэлийн осол гарч, гурван ажилчин гэмтсэн тохиолдол гарсан тухай ч мэдээлж байсан. Энэхүү шалгалт өчигдөр ч үргэлжилж MCS компанийн захиалан бариулж байгаа "Шинэ гэр" хотхоны хөдөлмөр хамгаалал, аюулгүй байдал, барилгын талбайн орчинд шалгалт хийлээ. Хан-Уул дүүргийн хөдөлмөр аюулгүй байдал хариуцсан мэргэжилтэн Д.Уранчимэг, дүүргийн мэргэжлийн хяналтын хэлтсийн хөдөлмөрийн хяналтын улсын байцаагч Д.Урангоо тэргүүтэй албаны хүмүүс болон хэвлэлийнхэн тус барилгын талбай дээр очиход ажил ид үргэлжилж байв. Үүднээсээ авахуулаад барилгын материал, төмөр шон, хавтан өрсөн талбай угтав. Орон сууцны барилгын угсралтын ажил дуусч, дулаалаад эхэлчихэж. Баруун талдаа сургууль, цэцэрлэг байрлах бөгөөд барилгын ажил нь эхлэх гээд суурийг нь ухаж байлаа. Сүүлийн үед барилгын талбайн хөдөлмөр хамгаалал муу байгаагаас болж ажилчид осолдох нь ихсээд байгаа. Хан-Уул дүүргийн хэмжээнд судалгаа явуулахад ийм төрлийн ослоор олон хүн амь насаа алдаж байгаа дүр зураг ажиглагдсан тухай шалгалтаар очсон албаныхан хэлж байсан.

Өнгөрсөн бямба гарагт гэхэд "Номин" констракшны захиалан бариулж байгаа барилга дээрээс хүн унаж нас барсан. Ердөө л хамгаалалтын шат, тавцан засаагүйгээс л болсон юм билээ. Ийм осол MCS-ийн барилга дээр ч гарсан байна. MCS групп энэхүү хотхоны захиалагч бөгөөд гүйцэтгэгчээр 28 компани ажиллаж байгаа аж. Тэр компаниудын нэг болох "Эрдэнэт-Орчлон" компанийн ажилчин дашням, балжинням давхцсан билэгт сайн өдөр хамгаалалтын шат угсарч байгаад таван давхраас унаж нас барсан гэнэ. Хамгаалалтын шат угсарч байсан мөртлөө тавцан, тор татаагүй байснаас болж энэхүү осол гарчээ. Хурим найр хийгээд олон нийт баярын уур амьсгалтай байсан болохоор тэгсгээд өнгөрсөн юм байна. Одоо хэрэг мөрдөн байцаалтын шатандаа яваа бөгөөд MCS группын удирдлагууд болон "Энх-Орчлон" компанийн дарга нар зохицуулах талаас нь хөөцөлдөж байгаа ажээ.

Энэ талаар MCS компанийн төлөөллөөс тодруулахад "Манайд шат засдаг тусдаа компани гэж байхгүй. Бид тусгай захиалга өгч япон, солонгос хүмүүсээр засуулдаг. Тэгээд ч манай дээр анх удаа л ийм зүйл болж байна. Хүн нас барчихаад байхад ингэж ярьж болохгүй байх л даа. Гэхдээ бид бол зөвхөн захиалагч компани. Ерөнхийдөө гүйцэтгэгч компанийнхан л үүнийг хариуцах ёстой. Манайх хяналтаа тавьдаг, сургалт зохион байгуулдаг" хэмээн хэлсэн. Мөн Хан-Уул дүүргийн мэргэжлийн хяналтынханд хандаж ''Та нар өөрсдөө л ирж шалгаж болоогүй юм уу. Ингэж телевиз, хэвлэлийнхэнтэй хамт ирэх байсан бол бид арай өөрөөр угтана ш дээ.

Тэгээд ч осол гараа л биз. Үүнийг хэвлэлээр цацах хэрэг байна уу. Манайх олон салбартай, хөрөнгө оруулалт хийдэг групп. Ийм мэдээлэл гарснаар группын нэр хүндэд муугаар нөлөөлнө хэмээн загнах, гуйхын хооронд хэлсэн юм. Тус барилгын талбай дээр 1000 гаруй ажилчин байгаа аж. Тийм байтал бие засах газраа ил задгай нүх ухаж барьсан нь харагдаж байсан. Туул голоос 1000 хүрэхгүй метрийн зайд байгаа учраас бохир нь хөрсөөрөө нэвчиж голын усанд орохгүй гэх баталгаа алга. Гэтэл MCS компанийнхан ''Хан-Уул дүүргээс эрүүл ахуйн байцаагчид байнга шалгадаг. Ариутгах бодис өгдөг. Түүнийг цацдаг" хэмээн тайлбарлаж байсан юм. Бид барилгын талбайтай танилцахын зэрэгцээ амралтын байруудыг үзэж сонирхлоо. Барилгын талбайгаас амралтын байр ороход өндрөөс уруудаж очдог юм билээ. Тэнд ямар ч шат байхгүй. Амралтын талбайг сонирхоод буцах үед нэг ажилчин хальтирч унаад хөлөө бэртээсэн юм. Мэргэжлийн хяналтынхан болон хэвлэлийнхний нүдэн дээр барилгын талбай дээр нь осол гараад л байж байна.

Гэтэл компанийнхан бүх юм ном журмын дагyy явагдаж байгаа хэмээн гүрийсээр л байв. Шалгалтын үеэр Хан-Уул дүүргийн мэргэжлийн хяналтын хэлстийн хөдөлмөрийн хяналтын улсын байцаагч Д.Урангоогоос зарим зүйлийг асуухад "Үйлдвэрлэлийн ослын дийлэнх нь барилгын салбарт гарч байна. Тиймээс манай Хан-Уул дүүргийн Засаг даргын захирамжаар цагдаатайгаа нийлээд шалгалт хийж байна. Ерөнхийдөө зөвлөгөө анхааруулга өгөх зорилготой. Өнгөрсөн бямба гарагт "Номин"-гийн барилга дээр хүн осолдсон Хамгаалалтын шат, тавцан татаагүйгээс болж өндрөөс унаж нас барсан байсан. Бид энэ удаа анхааруулга, сануулга өгөхийн зэрэгцээ торгууль тавьж байгаа. Гэхдээ торгууль нь 200-250 мянган төгрөг. Ийм өчүүхэн мөнгө болохоор бүтд л торгуулиа төлье гээд л өгдөг. Энэ удаад яах вэ торгоод, сануулаад өнгөрч байгаа юм. Ирэх хавраас шаардлагыг биелүүлээгүй байвал тусгай зөвшөөрлийг нь цуцлах хүртэл арга хэмжээ авна. MCS группын барилгын талбай зохион байгуулалт муу байна. Явган хүний зам засаагүй, тэмдэг тэмдэглэгээгүй байна. Түүнээс болж сая бидний нүдэн дээр хүн бэртчихлээ.

Тэр тал дээр торгууль тавихаа хэлсэн байгаа" хэмээсэн юм. MCS компани Монголын хамгийн томд тооцогдох групп. Хийж байгаа бүтээн байгуулалт нь их. Гэхдээ нэр хүндтэй, том групп байлаа гээд мөнгө л олж байвал хөдөлмөр хамгаалалын дүрэм, хууль журам тэдэнд үйлчлэхгүй гэсэн үг биш баймаар. MCS-ийн ч буруу бай, гүйцэтгэгч компанийн ч буруу бай хамаагүй. Ямар ч байсан хүний амь гэдэг юунаас ч шгуү үнэтэй. Хүний амь насны дэргэд группын нэр хүнд ч яршиг байна аа.

Н.Пунцаг

Эх сурвалж: Монголын мэдээ

MCS-ийн барилга дээрээс хүн унаж нас баржээ
Tweet
Bolod.mn

Сэтгэгдэл (10)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
гуц чи

2011-11-16 | 17:22:38 | 202.131.252.90 |

Зочин
тэр талийгч аминдаа хайргуй анхааралгуй байдаг юм бэ энд мсэс ямар хамаатай юм бэ санаатай хорлох гээд байгаа булэг байгаа нь тодорхой

2011-11-15 | 04:35:37 | 178.83.210.244 |

Зочин
хэлэх юм биш ээ

2011-10-28 | 20:55:22 | 183.81.169.2 |

Зочин
Хүн бол юу ч биш, Оджаргал л амьд байвал болоо ш т э

2011-10-28 | 20:54:47 | 183.81.169.2 |

Зочин
оджаргалаар өвчилсэн бүлэг хүмүүс

2011-10-28 | 20:53:14 | 183.81.169.2 |

Зочин
Энэ компанийг гаднаас өнгөц харахад соёлтой юм шиг харагддаг ч дотор нь ороод ирвэл , илжирсэн, хурган дарга нар дээдүүлдээ долигоносон хуучин дарангуйллын тогтолцоо нэвт шингэсэн байдаг юм билээ.

2011-10-28 | 20:51:28 | 183.81.169.2 |

Зочин
унэхээр ёс зуй гэдэг юмийг уландаа гишгэсэн компаны даа

2011-10-28 | 15:40:44 | 27.123.214.2 |

Зочин
муу бн дааааа

2011-10-28 | 13:03:12 | 202.55.182.82 |

Зочин
MCS шал хогийн газар ш д ээ дандаа тэгж байдын

2011-10-28 | 10:33:07 | 202.179.20.170 |

Зочин
оджаргал чи муугаа ызэж ухэндээ

2011-10-28 | 09:39:35 | 122.201.18.128 |