Ерөнхийлөгчийн Тамгын газрын дарга байхдаа “Могой гурав тасравч гүрвэлийн дайтай, МАХН гурав хуваагдавч Ардчилсан намын дайтай” /тэр үед МҮАН гэж нэртэй байлаа гэж улс төрд хөрвүүлж байлаа. Тэгвэл МАН-аас тасарсан МАХН- ын дарга Н.Энхбаяр Монголын төрд гурван том албан тушаалыг дараалан хашсаныхаа зангаргыг нэг удаа харуулахыг хичээж байна. Тэрээр Хууль зүй, дотоод хэргийн сайд Ц.Нямдоржийн удирдлагад байдаг УМБГ-т очиж мэдүүлэг өгөхөөс өнөөдрийг хүртэл татгалзаж явна. Тэр бүү хэл, мөрден байцаалтад түүнийг албадан авчрахыг оролдсон ч бүтэлгүйтэв. Гэтэл экс Еренхийлөгч даваа гарагийн өглөө өөрийг нь шалгах гэсэн байгууллагын хамгийн дээд удирдлагын ажлын өрөөнд өөрийн биеэр гэнэт зочилжээ. Энэ талаар албаны эх сурвалжаас тодруулахад, “Ерөнхийлөгч асан Н.Энхбаяр Ерөнхий прокурортой ирж уулзсан нь үнэн” гэж баталлаа. Харин уулзалт тийм ч таатай уур амьсгалд өрнөөгүй бололтой.

Н.Энхбаяр Ерөнхий прокурорт урьдчилан мэдэгдэлгүйгээр гэнэт ирсэн нь Д.Дорлигжавын гэдэнг хөдөлгөсөн бололтой юм. Үүдний харуул нь Ерөнхий прокурор, Ёрөнхийлөгч асанг хүпээж авахаас татгалзаж байгааг эелдгээр хэлж, УМБГ-т очиж мэдүүлгээ өгөхийг зөвлөжээ. Өмнө нь нэг удаа ирээд бас ийм хариулт сонсоод буцсан Н.Энхбаяр үүнд нь шатаж, “Би төрийн хүн, орох ёстой” хэмээн Д.Дорлигжав прокурорын өрөө рүү бараг л дайрч орсон юм байх. Ингээд ямар ч байсан тэр хоёр нүүр нүүрээ харж уулзжээ. Харин өрөөнд, тэдний дунд ямар яриа хөөрөө өрнөснийг тэр хоёроос өөр хэн ч мэдэхгүй. МАХН-ын дарга Н.Энхбаяр, ерөнхий нарийн бичгийн дарга С.Удвал, нарийн бичгийн дарга Л.Цог нар өчигдөр хэвлэлийн бага хурал зарлаж, ХЗДХ-ийн сайд Ц.Нямдоржийн булхайг дэлгэх ээлжит мэдэгдлээ хийсэн.

Энэ үеэр түүнээс Улсын Ерөнхий прокурорт хандсан эсэхийг тодруулахад “үгүй” гэж хариулж байна лээ. Манай нам үүнийг эсэр гүүцэж мэдэгдэл гарган АТГ, Улсын Ерөнхий прокурор Д.Дорлигжав, Ёс зүйн дэд хороо, Хүний эрхийн үндэсний комисс, УИХ-ын дарга Д.Дэмбэрэл нарт хүргүүлсэн. Түүнчлэн Оюутолгойн гэрээний хариуцлагыг ХЗДХ-ийн сайд Ц.Нямдорж хүлээх ёстой. Мөн Монгол Улс архин далайд живж байна, Архидан согтуурахтай тэмцэх тухай хуулийн хэрэгжилтийг салбар хариуцсан сайд хариуцах ёстой. Тиймээс Ц.Нямдоржийн архины бизнестэй холбоотой асуудлыг нь сөхөж шалгуулна гэлээ. МАХН-ын дарга нэлээд хоцорч ирсэн учир сэтгүүлчдийн асуултад шууд хариулт өгсөн юм. Бүтэн цагхүлээсэн- дээ ундууцсан нэгэн сэтгүүлч “Та Ерөнхийлөгч байхдаа ч хоцордог байсан, одоо ч хэвээрээ байна” гэсэнд ”Би бүр ч их хоцордог болсон” гэж хэгжүүн хариулт өгч байв. Түүний яриаг хүргэе.
-Яг долоо хоногийн өмнө би энэ танхимд ХЗДХ-ийн сайд Ц.Нямдоржийн талаар мэдэзлэл хийсэн Бутэн долоо хоног хэвлэл мэдээллийн хэрэгслээр янз бүрийн л мэдээлэл гарлаа.

Ц.Нямдоржтой холбоотой асуудал яригдаж эхэлсэнд баяртай байна. Үүгээр далимдуулаад Монголд шударга юм байна уу гэдгийг тогтооё. Гэхдээ энэ нь Ц.Нямдоржийн талаархи сонирхолтой сэдвийн ердөө эхлэл нь. Цаашид ч үргэлжилнэ. Түүний бариулсан байшин, ажиллуулж байсан хоригдол нас барсан гэх мэдээллээс хойш үүсээд байгаа нөхцөл байдал шударга явдлыг эрх мэдэл, албан тушаалаа ашиглан хэрхэн нухчин дардгийн нэг шалгуур болсон бо- лов уу гэж дүгнэж байна. Надад хуулийн болон бусад ямар нэгэн хамгаалалт, дархан эрх ч байхгүй. Хэрвээ би буруу юм хийсэн бол шалгуулахад бэлэн. Гэхдээ би ямар ч буруу зүйл хийгээгүй гэдэгтээ маш итгэлтэй байгаа. Харин буруутай этгээд нь албан тушаал доор нуугдах гээд байгаа юм биш үү. Өнгөрсөн долоо хо- ногт Ц.Нямдорж түрээсийн байранд амьдардаг гэсэн шилдэг онигоо гарлаа. Мөн түүний хүүхдүүд нь ямар ч барьцаа, хүүгүйгээр банкнаас зээл авч байшин барьсан гэдэг онигоо. Энэ бүхнийг шалгаж тогтоохоос гадна Ц.Нямдорж Үндсэн хууль зөрчин хууль зассан нь бизнес, эдийн засгийн сонирхолтой эсэхийг бид шалгуулна.

-Ц.Нямдорж ямар хуулийг, яаж зассан юм бэ?
-Ц.Нямдорж Татварын тухай хуульд огт хэлэлцээгүй заалт нэмж оруулсан байсан. Бохирын шугамын тоног төхөөрөмжийг татвараас чөлөөлөх заалтад нэмж оруулсан. Тэр тоног төхөөрөмжийг татвараас чөлөөлөх талаар өмнө нь ганц үг ч ярьж байгаагүй юм. Түүнчлэн АТГ-ын тайланг УИХ зөвхөн сонсоно гэсэн байсныг хэлэлцэнэ гэж зассан. Сонсох, хэлэлцэх гэдэг хоёр өөр асуудал. Хэлэлцэнэ гэдэг нь асууна, байцаана, үйл ажиллагаанд нь нөлөөлнө гэсэн үг. Энэ нь АТГ-ын хараат бус байдпыг алдагдуулсан. Түүнчлэн Сонгуулийн тухай хуульд “томсгосон тойрогт санал хураана” гэснийг “олон мандаттай тойрог” гэж зассан. Тухайн үед би Ц.Нямдоржийг сайн хуульч, янз бүрийн давхар санаагүй гэж бодож байсан. Одоо харахад улс төр, эдийн засгийн сонирхолтой байсан нь илт байна. Би түүний мартсан болгоныг сануулж байх болно.
-Хууль хүн бүхэнд ижил үйлчлэх ёстой гэж та ярьдаг. Гэтэл та яагаад хуулийн байгууллагыг хүндэтгэж үзэхгүй, дуудсан хугацаанд нь очихгүй байгаа юм бэ?
-Миний өмгөөлөгч ажлаар гадаадад яваад өчигдөр /уржигдар/ ирсэн. Түүнийг байхгүйд намайг яаралтай ирж мэдүүлэг өг гээд шахаад байна гэдгийг хэлсэн. Өмгөөлөгч маань “та ганцаараа очоод мэдүүлэг өгч болно. Гэхдээ та бид хоёр гэрээтэй ажиллаж байгаа. Өмгөөлөгчгүйгээр очиж мэдүүлэг өгснөөс шалтгаалан янз бүрийн зүйл болоход би хариуцахгүй” гэсэн. Тиймээс өмгөөлөгчөө ирэхийг хүлээсэн юм. Би шалгуулахаас айхгүй байна. Харин Ц.Нямдорж айгаад байгаа. Би түүнд “би ажлаа өгчихлөө, одоо чи ажлаа өгчих. Хоёулаа яг адилхан болоод очиж шалгуулъя гэхээр ажлаа өгөхгүй байна. Ц.Нямдорж цагдаагийн байгууллагын дээр нь байгаа цагт тэд худлаа шалгана, нөлөөнд нь автана шүү дээ. Ер нь Ц.Нямдоржийн захиалгаар цагдаа хууль зөрчиж байна. Тэд үнэнийг тогтоохын тулд биш, сайдынхаа дүгнэлтийг батапгаажуулах гэж ажиллаж байна. Тиймээс би Нямдоржийн дэглэсэн жүжигт тоглохгүй.

-Та Ерөнхийлөгч байхдаа Ц.Нямдоржийг хууль зассан, барилга дээр нь ажиллаж байсан хоригдол нас барсан гэдгийг мэдэж байжээ Т»р үедээ яагаад хэлээгүй юм бэ?
-Би өөрт нь хэлж байсан. Та санаа зоволтгүй, би хууль засаагүй гэсэн. Гэтэл миний үгэнд оролгүй үргэлжлүүлсээр энэ асуудал Үндсэн хуулийн Цэц дээр очиж тогтоогдож бай- сан. Барилга дээр нь ажиллаж байсан хоригдол нас барсан тухай тэр надад өөрөө хэлж байсан. Хоригдол ч бай, хэн ч бай хүний амь нас хохироход хэрэг үүсгэдэг. Тиймээс асуудлаа шалгуул, үнэхээр золгүй явдал байсан бол тогтоолго гэж хэлж байсан. Тэр үед намайг өөрт нь сайн хандаж байсныг далимдуулаад нуун дарагдуулаад өнгөрсөн байсан. Харин одоо Ц.Нямдорж минь, наад багаа хуулж хаяад, ажлаа өгчих. Айгаагүй бол хамт шалгуулъя гэж хэлээд байна.
Үндэсний шуудан сонин Х.Түвшинтөгс

Д.Дорлигжавын өрөөнд зочилсон экс Ерөнхийлөгчийн гэнэтийн “айлчлал” ...?
Tweet
Bolod.mn

Сэтгэгдэл (12)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
энэ Энхбаяр яг сэтгэцийн өвчин тусссан бнаа

2012-10-03 | 15:55:13 | 202.170.64.43 |

Зочин
Хоригдол ч бай, хэн ч бай хүний амь нас хохироход хэрэг үүсгэдэг. Тиймээс асуудлаа шалгуул, үнэхээр золгүй явдал байсан бол тогтоолго гэж хэлж байсан. Тэр үед намайг өөрт нь сайн хандаж байсныг далимдуулаад нуун дарагдуулаад өнгөрсөн байсан.-uuniig yu gej oilgohuu ter ued enkhbayariin sain handdag humuus hun aminii hergiig ch gesen daragduulaad ungurdug bsan gesen uguu. zuudee yrih geed hulgaigaa gedeg shig uuriiguu bas ilchleed bgaan bishuu

2011-12-14 | 17:29:23 | 202.179.20.209 |

Зочин
NYAMDORJ ENKHBAYR BAYR BUGD 7 SARIIN 1 HEREGT BUGD MGL-IIN ARD TUMNII ESREG GEMT HEREG HIISEN UNEN YALLAH HEREGTEI ENE SONGUULIAR MGL ARD TUMEN TA NARIIN HEH HEN BE GEDGIIG HARUULNA TA NAR YAJ SONGUULIIN HUULIIG UURSDIIN ERH ASHIGT TOHIRUULAH GED CHADAHGUI. BIDNII MGLCHUUDDA ARD TUMNIIG ULANDAA GISHGEDEG BUHNIIG NYATS DARAH HEREGTEI TSAG NI IRSEN.....

2011-12-14 | 16:03:00 | 202.179.20.190 |

Зочин
NYAMDORJ AJLAA UGUUD SHALGUULAACHEE ODOO HANAJ TSADAA BIZDEE. tUREESIIN BAIRAND AMIDARDAG GEJ HUDAL BUU YARI. HERVEE SHALGUULAAD YU CH GARAHGUI BOL ARD TUMEN CHAMAIG SHUUD 100 HUVI SONGIYO. TIIM CHIN SHUDRAGA MGLIIN TULUU GEJ YARAAD BAIDAG ARD TUMEND HARUULALDAA HEHEHE

2011-12-14 | 15:58:52 | 202.179.20.190 |

Зочин
энхбаяр мананг бүтээсэн. одоо үүнийгээ өөрөө л нураана даа. их олон хүн илчлэгдэнэ. нэгэнт энхбаяр нэр сүрээ умартан тэмцэж байгаа хүн алдахаас айхгүй.

2011-11-03 | 18:27:39 | 182.160.18.27 |

Зочин
нямдорж одоо бол от -тт-- с асар ихийг авсан байгаа. энхбаяраас дутахгүй илүү ч гарах байлгүй дээ. нямдорж монголын цагдаа тагнуул шүүхийг дампууруулсан гадны тагнуул. эхнэртээ архи тамхины лицэнз гэдэг бизнёсийг бий болгож иргэдийг дарамталж байгаа улсууд.

2011-11-03 | 18:25:47 | 182.160.18.27 |

Зочин
ямар ч xун xун идэж болно. гэxдээ арай л xэтэрxий байсан ш дээ эxс энxбаяраа. xун чини бас санаа зобоx, олний xэл амаас айx гэж байдаг . наымдоржийн xэмжээний идсэн бол ард тумэн бол естой тооxгуй. гэтэл ард тумэний омчийг тэр чигээр ни ааб ээж, аx дуу, xамаатан садантайгаа нийлж идээд, бур гадаад руу очноон xаусуус xудалдаж авсан шуу дээ. тэр тэтгэвэрт гарсан аав ни xуртэл монголийн амаралтийн газаруудийг абсан. xамгийн сонирxолтой ни ардчилалд адилxан кармаа xоосон байсан xогшин xун ямар аргаар авдаг байна аа. уунийгээ л очоод xуулийн омно тайлбарлаач. нямдорж ганцаараа энэ xуний мууг узэx гэсэн юм биш ард тумэн али xэдийнээс xойш xуссэн. еронийлогч элбэгдөржийг xодолоx болоб уу гэсэн xодолсонгуй. xарин оноо муу дуугардагаараа нямдорж л xодолж байx шив дээ

2011-11-03 | 14:41:48 | 76.171.152.252 |

Зочин
ЗАЙЛУУЛ НЯМДОРЖ КОМПЬЮТЕР ЭНЭЭ ТЭРЭЭ МЭДЭХГҮЙ ПАГ АМЬТАН ШҮҮ ДЭЭ.ӨМНӨӨС НЬ НЭГ ГАЛЗУУ УЛААН УВС ФЕН НЬ БИЧСЭН БАЙХ.

2011-11-03 | 13:57:09 | 182.160.49.116 |

Зочин
÷è ÿìàð ñàéí äóðààðàà àæëàà ºãñºí áèø ÿëàãäñàí ø¿¿ äýý õàðèí Íÿìäîðæ ÷èíü çîõèõ æóðìààðàà ë àæëàà õèéæ áàéãàà õóâèéí Êîìïàíèé çàõèàðàë àæëàà ººð õ¿íä øèëæ¿¿ëñýí þì øèã ÿðèõ þì èéì àð÷ààã¿é àìüòàí ë áèäíèé òîëãîéä ñóóæ áàéæ äýý õººðõèé àâèëãàëûí çàãàëìàéëñàí ýöýã

2011-11-03 | 13:38:04 | 202.170.82.4 |

Зочин
энэ хэн бэ нямдорж уу

2011-11-03 | 09:44:35 | 86.7.20.61 |

Зочин
Энхбаяраа чи битгий хуц. өӨРИЙГӨӨ ШАЛГУУЛЧИХААД ӨРӨӨЛИЙГ ШАЛГУУЛ ЗА. чИ ЦАГДААГААС үХТЭЛЭЭ АЙЖ БАЙГАА ШҮҮДЭЭ. аЙГААГҮЙ дүр бүү эсгэ за.

2011-11-03 | 09:12:36 | 93.219.186.114 |

Зочин
Энхбаяраа чи битгий хуц. өӨРИЙГӨӨ ШАЛГУУЛЧИХААД ӨРӨӨЛИЙГ ШАЛГУУЛ ЗА. чИ ЦАГДААГААС үХТЭЛЭЭ АЙЖ БАЙГАА ШҮҮДЭЭ. аЙГААГҮЙ дүр бүү эсгэ за.

2011-11-03 | 09:12:30 | 93.219.186.114 |

Мэдээ
Гадаад мэдээ
Видео