байнгын зочин “од” нь Монголын гуравдахь ерөнхийлөгч асан Н.Энхбаяр. Тэрээр ийнхүү “од” болохдоо ХЗДХ-ийн сайд Ц.Нямдоржийн талаарх үнэн худал нь ч мэдэгдэхээ больсон “но“-той мэдээллүүдийг олон нийтэд өгч буй. Албан бус эх сурвалжын мэдээлснээр Н.Энхбаяр ирэх жилийн сонгуульд нэр дэвших зорилт тавьж, түүнийг дэмжигч залуусын бүлэг үүсч байгаа гэдгийг хэлж байсан юм. Эх сурвалжын энэхүү мэдээллийг батлах мэт нэгэн үйл явдал өчигдөр боллоо.

Тодруулбал, өчигдөр Монгол ньюс мэдээллийн төвд Шударга ёсны хувьсгал үндэсний нэгдсэн оюутны холбооноос Ц.Нямдоржийн эхнэр архины зөвшөөрлөөр баяжиж байна сэдвээр хэвлэлийн хурал зарласан юм. Хурлын эхэнд Шударга ёсны хувьсгал үндэсний нэгдсэн оюутны холбооны тэргүүн н.Мөнхтөр байгууллагынхаа үйл ажиллагаа болон үүсгэн байгуулагдсан түүхийг цөөн хором танилцуулав. Тус холбоо нь энэ оны тавдугаар сард байгуулагдсан бөгөөд таван нам, дөрвөн эвсэлтэй нэгдэж үйл ажиллагаагаа явуулдаг гэв. Тэд энэ хугацаанд оюутан залуус болон нийгэмд хандсан олон ажил хийж байгаа. Тухайлбал, шудрага ёсны төлөө тэмцэгч, монголын гуравдахь ерөнхийлөгч асан Н.Энхбаяртай хамтран, түүний үйл ажиллагааг дэмжиж “Хичээгээрэй, Япончуудаа” аяныг хамтран зохион байгуулсан, залуучуудад хандсан сургалт сурталчилгааны ажил өрнүүлж буйгаа танилцуулав. Энэ хурал Хууль зүйн сайд Ц. Нямдоржийн эхнэртэй холбоотой хэмээн зарласан нь сүүлийн үед МАХН-аас түүнтэй холбоотой мэдээлэл гаргаж байгаатай холбоотой хэмээн сэтгүүлчдийн таамгийг тэд энэ үгээрээ баталж орхисон.

Энэхүү танилцуулгын дараа “Шударга ёсны хувьсгал үндэсний нэгдсэн оюутны холбоо”-ны хүн энэ өдрийн гол мэдээлэлдээ оров. Тэд “Өнөөгийн монголын нийгэмд хамгийн их тулгамдаж байгаа асуудал бол архидалт. Архидалт газар авч байгаа энэ нийгэмд залуучууд ч маш ихээр архи, согтууруулах ундаа хэрэглэж, гэмт хэрэгт өртөх, хохирогч болох тохиолдол улам бүр нэмэгдэж байна.Үүний гол буруутан нь архи, согтууруулах ундааны худалдаалах зөвшөөрөл өгч байгаа Хууль зүй, дотоод хэргийн сайд Ц.Нямдоржийн эхнэр Ж.Долгормаа хэмээн мэдэгдэв. Тэрээр Нийслэлийн Засаг даргын тамгын газрын үйлдвэр, үйлчилгээний хэлтсийн дарга бөгөөд 7-8 жил энэ албыг хашиж буй. Энэ хугацаанд нийслэлд 2000 гаруй архи, согтууруулах ундаа зардаг аж ахуй, нэгжид зөвшөөрөл олгосон. Архи, согтууруулах ундаанаас болж сүүлийн үед гэмт хэргийн тоо өсч байгаа. Харин үүнийг багасгах ёстой Хууль зүйн сайдынх нь эхнэр НЗДТГ-ын Үйлдвэр, үйлчигээний хэлтсийн даргаар ажиллаад зөвшөөрөл өгөөд сууж байгаа нь хууль бус. Тиймээс сайд Ц.Нямдоржийн эхнэр Долгормааг АТГ-т шалгуулна” хэмээн тус оюутны холбооныхон мэдээлэл хийх үеэр хэлэв. Мөн тэд “Архи худалдаалдаг, үйлчилдэг байгууллага нь олон учраас залуусын архидалт нэмэгдэж байна. Архины худалдааг багасгаснаар архидалтыг багасгана. Түүнийг багасгахын тулд архи худалдаалах, үйлчлэх газрын зөвшөөрлийг багасгах нь зүйтэй гэж үзэж байна. Судалгаагаар Монгол улсын нэг иргэн жилдээ 44 литр архи уудаг нь тогтоогджээ. Энэ үзүүлэлтээрээ дэлхийд хамгийн архи уудаг гэж тооцогддог Орос улсаас даруй 14 литрээр илүү байгаа гэнэ. Одоогоор Улаанбаатарт архины 80 үйлдвэр байдаг бол улсын хэмжээнд хэдэн зуу байгаа нь тодорхойгүй байна. Архины зөвшөөрлийг Хууль зүйн сайдын эхнэр олгодог учраас энэ их олон зөвшөөрлийг танахгүй, архинд ямар ч хяналт тавих боломжгүй” гэж үзэж буйгаа тэд мэдэгдэв. Түүнчлэн Д.Мөнхтөр хэлсэн үгэндээ Ц.Нямдорж сайд өөрөө покер буюу мөрийтэй тоглоомын зөвшөөрлийг олгодог, эхнэр нь архины зөвшөөрлийг хамаа намаагүй олгосоор байна. Үүнээс үзвэл Монголын нэгхэн гэр бүл Монголыг тэр чигт нь архинд живүүлж, Монголын ирээдүй болсон оюутнуудыг хорлож байна” гэв.

Энэхүү мэдээллийн дараа тэд сэтгүүлчдийн асуултад хариулт өгсөн юм.

-Та бүхэн шудрага ёсны төлөө тэмцэж байна гэлээ. Ерөнхийлөгч асан Н.Энхбаярыг шудрага хүн гэж үзэн хамтран ажиллаж байгаа гэсэн үг үү? Гэхдээ та нар сүүлийн үеийн Хууль зүйн сайдтай холбоотой мэдээллүүдтэй холбоотойгоор Н.Энхбаярын санаачлагаар энэ удаагийн хурлыг зарласан гэж ойлгохоор байна.
-Тийм. Гэхдээ бид гуравдахь ерөнхийлөгч асан Н.Энхбаяртай хамтран ажиллаж байгаа болохоос түүний хүсэлтээр энд ирээгүй гэдгийг зөвөөр ойлгоорой. Бид тэр хүнээс цалин, мөнгө авдаггүй.
-Байгуулагдсанаасаа хойш шудрага ёсны төлөө юу хийсэн бэ?
-Олон ажил хийсэн. Монголын Оюутны холбооны зүгээс оюутнуудийн виза картыг будлиантай олгож байгаад анхаарал тавин ажиллаж байна.
-Оюутнууд архидалтаас болж хохирч байгаа гэдгээ тодруулаач.
-Нийслэлд 160 мянга гаруй оюутан бий. Тэд бүгд архи ууж байгаа гэхгүй ч бидний тооцоогоор 5-10 мянга гаруй оюутан нь архи, согтууруулах ундаа хэрэглэдэг. Энэ нь нийт оюутнуудын 5-10 хувь гэсэн үг. 2011 он гарсаар 86 мянга 650 орчим хүн эрүүлжүүлэгдсэн. Үүнээс 1305 нь оюутан, 144 нь ербнхий боловсролын сургуулийн сурагч. Архидалтаас үүдэлтэйгээр гэмт хэрэгт холбогдсон 442 оюутан, 432 сурагч Цагдаагийн байгууллагад бүртгэлтэй байна.
-Тэгвэл тэднийг архидалтаас хол байлгах талаар ямар ажил хийж байна?
-Өнгөрөгч долоо хоногт өөрийн оффистоо 100 гаруй оюутнуудад сургалт явуулсан. Мөн өөрийн байрандаа архины хор хөнөөлийг тйалбарласан зурагт хуудас гаргасан байгаа. Бид архигүй орчин, архигүй нийгмийн төлөө ажиллана.
-Санхүүжилтээ хаанаас гаргаж байна.
-Удирдах зөвлөлийн гишүүдийн татвараас санхүүждэг. Гэхдээ бидний хамтран ажилладаг эвсэлээс санхүүжилт ордог. Энэ эвсэлд таван нам, дөрвөн ТББ нэгдэж хамтдаа шудрага нийгмийн төлөө ажиллаж байгаа.

Тэд ийн асуултад хариулт өгсөн бол тус холбооны тэргүүн н.Мөнхтөрөөс “Өөрөө архи уудаг уу” гэж асуухад “Хааяа амсдаг аа” хэмээн хэсэг бодож байж хариулт өгсөн. Хэдийгээр залуучууд ирээдүйнхээ төлөө санаа зовниж, архидалтаас үүдэлтэй оюутан залуус гэмт хэрэгт өртөж байгаа нь үнэн тул тэднийг хамгаалах, урьдчилан сэргийлэхээр ажил хийж эхэлсэнийг буруутгах гээгүй. Гэхдээ сурч боловсрох, ирээдүйнхээ амьдралд санаа тавих үүрэгтэй залуучууд эцэг эхийнхээ өгсөн мөнгө, төрийн зүгээс тодорхой хэмжээнд анхаарал хандуулж байгааг үл тоон архи ууж байгаа нь тэдний ухамсартай л холбоотой. Тэдний аманд хэн ч хүчээр архи хийгээгүй. Ялангуяа тэдний онцлон буруутгаад байгаа Хууль зүйн сайд Ц.Нямдорж, түүний эхнэр Нийслэлийн Захирагчийн ажлын албаны Хүнс, худалдаа, үйлчилгээний хэлтсийн дарга Ж.Долгормаа хоёр нийлж байгаад архи уулгадаг гэж мэдээлж байгаа нь ч өөрөө “асуудал”. Хэдийгээр тэр хоёрыг өмөөрөх гээгүй ч Ж.Долгормаа бие дааж ганцаараа зөвшөөрөл олгодоггүй. Үүний оронд архи үйлдвэрлэгчид компаниуд, хямд архи найруулж зардаг хувь хүмүүс, сайн дураараа архи худалдан авч өөрийгөө хордуулж байгаа иргэдийг буруутгах ёстой.
Мөн тэд хурлын үеэр манай оюутнууд төлөвшөөгүй гэдэг үгийг онцолж байсан ч тус холбооныхон өөрсдөө ч төлөвшөөгүй санагдсан. Учир нь хурлын үеэр тэд ямар ч бэлтгэлгүй, судалгаа баримтгүй, зүгээр л сэтгэлийн хөөрлөөр хэн нэгний даалгавраар хурал зохион байгуулсан гэмээр. Тэд үнэхээр нийгэмдээ шудрага ёс тогтоохын төлөө тэмцэгчид үү, аль эсвэл “од” болоод байгаа экс ерөнхийлөгчийн хамтрагч уу гэдгийг цаг хугацаа л харуулах биз ээ.

П.Наран NUUTS.mn

Гэр бүлийн хоёрыг буруутгагчид өөрсдөө “хэн бэ”
Tweet
Bolod.mn

Сэтгэгдэл (4)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
зов л ярисан бн шдэ энэ оутнууд архидах эх уусвэрийг ни тасалж огох эстөи ум бгаа биз дэ энэ муу хужаагийн тагнуул монгол улсад мон ч их гай тариж бн да

2012-07-20 | 13:48:54 | 182.210.211.126 |

Зочин
наад умхий дурвэд хоригдолуудийг ашиглаж хувийн суутс бариулсан бичлэг узээч хумуусээ хуний мусуур хулийн чигчий хуруунд хурдэггүй дурвэд ухвэл таарна

2012-05-07 | 18:04:56 | 77.58.228.55 |

Зочин
энэ xоур xоуллаал мгл лийг утаа xортой арxиар боxирдууллаад одоо энxбаыр тырыылж дуугарцан xын болж жыжиглэж xанаxгуй юм даа та xоур xурунгуу xураалгаад утаа арxи ний талаар арга xэмжээ авуул яцийн тэгвэл ард тымэн та xорийг нэг ныдээрээ xарж яваx байx даа цайн бод цайн бод

2011-11-11 | 00:52:46 | 24.13.219.133 |

Зочин
Нямдоржийнхны буруу нь тэд хүн биш.

2011-11-06 | 12:19:23 | 66.218.47.209 |

Мэдээ
Гадаад мэдээ
Видео