Эх орон маань ингээд дуусах уу

Монголын газар нутгийн 52 хувь нь гадаад дотоодын компани болон иргэдэд лиценц хэлбэрээр олгогджээ. Жирийн иргэнд бүү хэл төрийн шударга албан хаагч мөрөөдөөд ч нэг лиценц авч чадахгүй байхад эрхтэн дархтны гар хөл ах дүү хамаатан садан нь 247 лиценцтэй байх юм.
Миний зүс мэдэх төрийн дундаж албан хаагч нэгэн ах дүү танил талаараа 3 жил хөөцөлдөж байж олсон алтны "шалихгүй "шороон ордын ганц лицензээ хятад эзэнтэй өвөр монгол орлогчтой жунгаагийн нэг компанид 5 сая доллар-оор зараад сар хагасын дараа гэр бүлээрээ АНУ-д амьдрахаар явсан.
Одоогийн байдлаар олон аймаг суманд өвөлжөө хамаржаа намаржаандаа очихын тулд газар нутгийг нь лицензээр 10-30 хугацаатай эзэмшиж буй хятадын болон гадаадын компанийн эздэд иргэний үнэмлэхээ үзүүлэн арай ядан зөвшөөрөл авч, тэр хятадуудад хөлсөөр ажиллаж буй монгол хамгаалалтын албаны толгой хоосон мангар залуусыг архи тамхиар аргалан байж төрсөн нутагтаа чадан ядан нүүдэл хийдэг болжээ.
Гэхдээ мэдээж эхлээд сумын даргаа аргалах авилагдах том даваа бий.

Лиценз нэрээр Монголын газрыг хувааж авагчдын нэрс

Яг өнөөдрийн байдлаар Монгол улсын маань нийт газар нутгийн гуравны нэг хувь нь буюу 507905 хавтгай дөрвөлжин километр газар лиценз нэрээр хэн нэгний гарт байна.
Энэ их газар нутгийг ердөө 715-хан хуулийн этгээд эзэмшдэг бөгөөд нийтдээ 1123 лиценз хүчинтэй байгаа ажээ. Бид энэхүү лиценз олголтын дэлгэрэнгүй мэдээллийг өнөөдрөөс эхлэн сайтынхаа хуудсаар нийт монголчуудынхаа өмнө ил тод болгож байна.
Эх орны маань газар нутагт хэн гэгч хаанахын этгээдүүд ямар ямар газрыг ямар зориулалтаар, хэр хугацаатайгаар эзэмшиж байгааг мэдэхийг хүсвэл та Масс.мн сайттай энэ жагсаалтыг нийтлэгдэж дуустал хамтдаа байгаарай.
Ингээд анх удаа Масс.мн-ий нүүр хуудаснаа гарч буй лиценз эзэмшигчдийн жагсаалтын эхний хэсгийг сонирхоно уу? Одоогийн байдлаар Монгол улсад 21 улсын аж ахуйн нэгж, байгууллагууд лиценз эзэмшиж байна.
Тухайлбал,
Австрали улс 3
Казахстан 1
Малайз 3
Монгол 763
АНУ 5
Болгар 3
Виржиний арлууд 36
Герман 3
Голланд 7

Их британи 8
Канад 12
Кэймэний арлууд 12
Люксембург 1
ОХУ 86
Өмнөд Солонгос 19
Сингапур 10
Украйн 6
Хятад 133
Чех 7
Шинэ Зеланд 1
Япон 7 лиценз тус тус эзэмшиж байгаа юм.


Монголын “чимээгүй” баячууд буюу ашиглалтын лиценз бөөнөөр нь эзэмшигчид

2011-05-25
Энэ хэсэгт Монгол улсын иргэдээс хамгийн олон ашиглалтын лиценз эзэмшдэг чимээгүй баячуудын нэрсийг танилцуулж байна. Энэ хүмүүсийн дунд лицензийн наймаагаар гаршиж, хэдэн зуун саяар нь наймаалцдаг их гарын наймаачдын төлөөлөл ч бий бөгөөд тэд улстөрчид, алдартнууд шиг нийтийн өмнө тэр бүр ил гараад байдаггүй ч Монголын газар нутгаар өөр хоорондоо наймаа хийж суудаг. Энэ нийтлэлийг бичих сургаар “Лицензтэй хүн бүр баян биш” гэж хэлэх нэгэн байгаа ч “Газар эзэмшсэнийхээ төлбөрт жил бүр хэдэн мянган доллар төлж суудаг хүмүүсийг ядуу гэх үү, тэгээд” гэж сөргүүлмээр байна.

Монголын чимээгүй баячууд буюу ашиглалтын лиценз эзэмшигчдийн жагсаалтын нэгдүгээр хэсэг

1. Аюушийн Гантулга. Энэ захирлын “АУМ” ХХК нь Өвөрхангайн Уянга суманд нийтдээ 1161 га талбайд 3 лиценз эзэмшдэг. Гурвуулаа алтны ордын уг лицензүүдийн хамгийн сүүлчийн хугацаа нь 2034 оны 3 дугаар сарын 19-нд дуусна. Энэ лицензүүдийг эзэмшдэгийнхээ төлбөрт тэрээр жилд 17421 доллар төлж байна.

2. Бичээрэйн Далай. Түүний “Монголчех металл” ХХК Төв аймгийн Баянцагаан суманд 359 га талбайд нийт 3 ашиглалтын лицензтэй. Жонш олборлодог энэ компани лицензүүдээ хуучнаар “Монгол шуудан” банкинд барьцаалсан. Хамгийн сүүлчийн хугацаа нь 2034 оны 10 сарын 21-нд дуусгавар болох энэ лицензүүдийнхээ төлбөрт тэр жилд 5391 доллар төлдөг.

3. Г.Нацагдорж. Дуулиан тариад буй “МоЭнКо” компанийн захирал. Түүний нэр дээр дандаа нүүрсний 10 лиценз байдаг. Ховд аймгийн Дарви, Үенч сумдад орд бүхий энэ талбай нь нийтдээ 2728 га-г эзэлдэг ба хамгийн сүүлчийн лиценз дуусах хугацаа нь 2039 оны 11 сарын 23. Эднийх лицензийн төлбөрт жилдээ 13640 доллар төлөх ёстой.

4. Баттулгын Батням. Бүгд алтны 4 ширхэг ашиглалтын тусгай зөвшөөрөлтэй эдний “Хэнсүл” ХХК нь Өмнөговийн Цогт-Овоо суманд 1228 га газарт олборлолт хийж байна. Тэр 2036 оны 4 сарын 7 хүртэл жилд 18428 доллар ойролцоогоор төлнө.

5. Аукетайн Марат. Баян-Өлгийн Ногооннуур, Цэнгэл суманд нийтдээ 1026 га газартай түүний “Кайнар вольфрам” ХХК нь ашиглалтын 3 ширхэг тусгай зөвшөөрөлтэй бөгөөд 2 нь гянтболдынх, нэг нь вольфрамынх юм. 2036 оны 7 сарын 17-нд хамгийн сүүлчийн лицензийнх нь хугацаа дуусах энэ компани жилдээ 15400 долларыг лиценз ашигласны төлбөрт төлж байна.

6. Тогоогийн Дарамдорж. Сэлэнгэ аймгийн Ерөө сумын нутагт 528 га газарт 3 ширхэг алтны ашиглалтын лицензтэй түүний “Ди Зэт энд Ай” ХХК нь 2035 оны 12 сарын 29 хүртэл олборлолт хийнэ. Үүнийхээ төлбөрт жилдээ 7923 доллар төлж байгаа.

7. П.Батчулуун. Түүний “Зуунмод уул” ХХЗ нь Сэлэнгийн Мандал суманд 5 лиценз эзэмшдэг ба энэ нь 3007 га юм. Бүгдээрээ алтны ордын энэ лицензүүдийн хамгийн сүүлчийнх нь дуусах хугацаа 2040 оны 7 дугаар сарын 1-ний өдөр. Үүнийхээ төлбөрт тэр энэ жил 45112 доллар төлнө.

8. Дашзэвэгийн Уранбилэг. Говь-Алтай аймгийн Чандмань, Баянхонгорын Шинэжинст сумдын нутагт нийтдээ 973 га талбай бүхий 4 ширхэг ашиглалтын лиценз нь бүгд нүүрсний ордынх. Түүний “Нобикоул энд энержи” ХК-ний хамгийн сүүлчийн лицензийн хугацаа 2037 оны 9 сарын 21-нд дуусна. Тэрээр жилд 4867 доллар төлж байна.

9. Бадарчийн Ганбат. Ашиглалтын лиценз эзэмшигчдээс хамгийн их сонирхол татаж буй этгээдүүдийн нэг. Яагаад гэвэл түүний эзэмшдэг 4 лиценз дөрвүүлээ өөр өөр газарт, өөр өөр компанийн нэр дээр байдаг. Тэрээр энэ бүхнийхээ жилийн төлбөрт нийтдээ хоёр зуугаад сая төгрөг төлдөг гэхээр яавч ядуу хүн биш байгаа биз. Тухайлбал, түүний “Баянайраг эксплорэйшн” ХК нь Завхан аймгийн Дөрвөлжин сумын нутагт 6100 га талбайд алтны лиценз эзэмшиж жилдээ 91504 доллар төлж байна. Энэ лицензийн хугацаа нь 2038 оны 3 сарын 24-нд дуусна. Хоёр дахь нь Өмнөговь аймгийн Ханхонгор, Цогт-Овоо сумын нутагт 2036 га талбайд полиметаллын ордтой “Кью Жи Экс Монгол” ХХК нь юм. 2040 оны 7 сарын 23-нд хугацаа нь дуусах энэ лицензийн төлбөрт эднийх жилд 30549 доллар зарлагадаж байна. Гурав дахь нь Хэнтий аймгийн Өмнөдэлгэр сумын нутагт 245 га талбайд молибден, вольфрам олборлогч “Элстсайр эксплорэйшн” ХХК бөгөөд эдний лицензийн хугацаа 2038 оны 2 сарын 15-нд дуусна. Үүний төлбөрт жилд 3680 доллар төлдөг. Сүүлчийнх нь Өмнөговь аймгийн Ханхонгор сумын нутагт 4481 га газарт нүүрсний орд эзэмшдэг “Хангад эксплорэйшн” ХХК юм. Энэ компанийн лиценз 2038 оны 12 сарын 1-нд дуусах ба жилд 22409 доллар төлөх юм байна.

10. Зундуй-Ёндонгийн Оргилмаа. Баянхонгорын Бөмбөгөр, Бууцагаан сумдын нутагт нийтдээ 1527 га газарт дандаа алтны ордын 6 ширхэг лицензтэй. Түүний “Одод гоулд” ХХК эдгээр лицензийн төлбөрт жилд 22918 доллар төлдөг ба 2037 оны 4 сарын 18-нд сүүлчийнх нь лицензийн хугацаа дуусна. Энэ алтны ордын 2 нь Худалдаа Хөгжлийн Банкны барьцаанд байдаг.

11. Р.Мижиддорж. Дархан-Уул аймгийн Хонгор сум, Улаанбаатарын Сонгинохайрхан дүүрэгт барилгын материал, алтны ашиглалтын нийтдээ 3 лиценз эзэмшдэг түүний “Барилга орд” ХХК-ийн мэдэлд 150 га газар байдаг. 2027 оны 12 сарын 13-нд сүүлчийн хугацаа нв дуусах лицензүүдийнхээ төлбөрт тэрээр жилд 1723 доллар төлдөг. Барилгын материалын лиценз нь Улаанбаатар хотын банкны барьцаанд бий.

12. Доржсүрэнгийн Түмэндэмбэрэл. Түүний “Аварга тосон хэнтий” ХХК нь Төв аймгийн Заамар сумын нутагт нийт 254 га талбайд 3 ширхэг алтны лицензтэй. 2035 оны 10 сарын 7-нд сүүлчийн лицензийнх нь хугацаа дуусах ба жилд 3810 доллар төлнө.

13. Цагаанбандийн Баянжаргал. Энэ хүн Сэлэнгийн Ерөө, Хүдэр, Баянгол сумдад 285 га газарт дандаа алтны 4 лицензтэй. Хамгийн сүүлчийнх нь хугацаа 2034 оны 10 сарын 7-нд дуусах ба жилдээ 4279 доллар төлж байна. Түүний “Бүүргэнт” ХХК-ний алтны нэг лиценз нь хуучнаар “Зоос” банкинд барьцаалагджээ.

14. Цэвээнжавын Мянганбаяр. Дандаа “чимээгүй” баячуудын дунд явж буй “чимээтэй” баян нь энэ удаа “Монгол газар”-ын Мянганбаяр болж байх шиг байна. Тэрээр бүгдээрээ алтны ордын 10 лиценз эзэмшигч бөгөөд үүнийхээ 5-ыг нь “Хадгаламж” банкинд алдсаныг бүгд мэднэ. Олон-Овоотод нийтдээ 6 орд эзэмшдэг байгаад 5-ыг нь өрөндөө өгч өөртөө 82 га талбайтай ганц ордоо авч үлдсэн. Түүний “Олон овоот гоулд” ХХК нь Өмнөговийн Мандал-Овоод 2051 га талбайд лицензтэй. Сүүлчийн лицензийн хугацаа нь 2039 оны 7 сарын 20-нд дуусах ба жилийн төлбөр нь 30768 доллар болж байна. Нөгөө 4 лиценз нь “Монгол газар” ХХК-ний Архангайн Булган, Баянхонгорын Гурванбулаг суманд үйл ажиллагаа явуулдаг нийтдээ 1142 га талбай бүхий алтны орд. 2033 оны 2 сарын 13-нд сүүлчийн лицензийн хугацаа дуусах энэ 4 алтны орд дөрвүүлээ “Голдман Сагс Интернэшнл”-ийн барьцаанд оржээ.


АМГ-ын дарга ах, дүү хоёрт лицензийг бөөндөж олгожээ

2011-05-26 08:27:11

Монголд 3-аас дээш тооны ашиглалтын тусгай зөвшөөрөл эзэмшдэг 49 хүн байна. Хоёр лиценз эзэмшдэг хүн бүр зуу хол гарсан бөгөөд энэ хүмүүс бүгд шахам хайгуулын лиценз давхар эзэмшдэг. Масс.мн өмнөх нийтлэлээрээ 14 ашиглалтын лицензний эздийг нэрлэсэн бөгөөд энэ удаа хоёрдугаар хэсгийг үргэлжлүүлэн олон нийтэд хүргэж байна.

Лиценз эзэмшигчдийн дунд нэг гэр бүлийн эхнэр нөхрөөс эхлээд, ах дүү, аав хүү улсууд ч бий бөгөөд энэ удаа олон лиценз эзэмшигчид дунд буй ах дүүсийг бид ил болголоо.

Монголын чимээгүй баячууд буюу ашиглалтын лиценз эзэмшигчдийн жагсаалтын 2 дугаар хэсэг
Эхлэлийг энд дарж үзнэ үү?
15. Пүрэвхайдавын Мэндсайхан. Түүний “Баянтэгш импэкс” ХХК нь Хэнтий аймгийн Дархан сумын нутагт нийт 87 га газарт 3 ширхэг жоншны ордын ашиглалтын лицензтэй. Хамгийн сүүлчийн лицензийн дуусах хугацаа 2036 оны 11 сарын 13 бөгөөд тэр жилд 1312 доллар төлнө.
16. Мягмарсүрэнгийн Тунамалдээж. Тэрээр “Монкварц” ХХК-нийхаа нэр дээр болрын 2, барилгын материалын 1, нийтдээ 3 лиценз эзэмшиж жилд 2733 доллар төлж байна. Түүний ордууд Дорноговь аймгийн Сайхан дулаан болон Сэлэнгэ аймгийн Сайхан сумдын нутагт нийт 275 га газарт бий. Ашиглалтын сүүлчийн хугацаа нь 2035 оны 11 сарын 17-нд дуусна.
17. Лхамсүрэнгийн Дүгэржав. Нийт 6 лиценз гартаа оруулжээ. Төв аймгийн Баян сумын нутагт дандаа нүүрсний ордын 4 ширхэг лицензтэй. Нийт 1113 га газар эзэлдэг уг талбайн тусгай зөвшөөрлийн төлбөрт түүний “Төгрөгнуурын энержи” ХХК нь жилд 5567 доллар төлдөг. Эдний хамгийн сүүлд дуусах лиценз нь 2040 оны 1 сарын 22-нд юм. Увс аймгийн Бөхмөрөн сумын нутагт 814 га газарт нүүрсний ордын 2 лицеэзтэй бөгөөд нэгийг нь “Чингис хаан” банкны барьцаанд тавьсан. 2039 оны 4 сарын 22-нд сүүлчийн хугацаа нь дуусах уг лицензийн төлбөрт 4072 доллар төлөх ёстой.
18. Сандагийн Энхтайван. Нийт 5 ширхэг ашиглалтын лицензтэйгээс 2 нь Баянхонгорын Шинэжинст суманд, 2 нь Сүхбаатар аймгийн Баруун-Урт, Эрдэнэцагаан сумдад, 1 нь Өвөрхангайн Уянгад байдаг. Нийтдээ 2254 га талбай эзэлнэ. Үүний 1861 га талбайн 3 лицензийг түүний “Энгүй тал” ХХК эзэмшдэг ба 2 нь алтны, 1 нь нүүрсний ордынх юм. 2038 оны 9 сарын 26-нд сүүлчийнх нь хугацаа дуусах эдгээр лицеэзийнхээ төлбөрт “Энгүй тал” ХХК жилд 14020 доллар төлнө. Мөн түүний “Билүүтмайнинг” ХХК нь гянтболдын ордынхоо төлбөрт 207 оны 12 сарын 5 хүртэл жил бүр 1197 доллар төлөх аж. Харин Өвөрхангайн Уянгад байдаг 314 га газар алтны ордынхоо төлбөрт жилд 4712 доллар төлөх ба энэ нь 2039 оны 5 сарын 18-нд дуусна.
19. Чойжилжавын Өлзийбаяр. Түүний “Эрхэс майнинг” ХХК Булган аймгийн Бүрэгхангай, Сэлэнгийн Орхон, Төв аймгийн Заамар, Дахна-Уул аймгийн Хонгор сумдад дан латны 3 ордтой. Нийт 677 га газрын төлбөрт жилд 10162 доллар төлдөг ба хугацаа нь 2039 оны 5 сарын 18-нд дуусна.
20. Бэрэнбарелын Мөнхтөр. Архангайн Түвшрүүлэх, Өлзийт, Булганы Орхонд нийт 1133 га газарт 5 ашиглалтын лицензтэй “Бэрэн групп” ХХК нь төмөр, базальт, хүдэр олборлодог. Ашиглалтын хугацаа нь хамгийн сүүлд 2036 оны 8 сарын 29-нд дуусах ба жилд 16996 доллар төлнө. Эдний 1 төмрийн ордын болон 1 хүдрийн лиценз нь “Хадгаламж”, “ХААН” банкны барьцаанд байгаа.
21. Дашнямын Сүхгэрэл. Түүний “Зүрийн булан” ХХК давсны 1, алтны 2 нийтдээ 3 ширхэг ашиглалтын лицензтэй. Өмнөговь аймгийн Гурвантэс, Дархан-Уулын Хонгор, Сэлэнгийн Ерөөд байдаг түүний ордууд жилд 4115 доллар төлдөг ба хамгийн сүүлийн лицензийн хугацаа нь 2027 оны 5 сарын 5-нд дуусах юм. Нийт талбай нь 274 га.
22. Хадбаасангийн Бат-Эрдэнэ. Дан алтны ордын 4 лицензтэй тэрээр Баянхонгорын Гурванбулаг, Сэлэнгийн Хүдэрт олборлолт хийдэг. Түүнийг “Алтай констракшн”-ы Х.Бат-Эрдэнэ гэхээр “чимээтэй баячууд”-ын нэг болчихно. “Хадгаламж” банкны Чимидцэрэнгийн 14 тэрбумын хэргээс улбаалж нэр нь “брэнд” болохоо шахсан. Эднийх алтны 904 га ордынхоо лицензийн төлбөрт жилд 13564 доллар улсад өгнө. Хамгийн сүүлчийн лиценз нь 2039 оны 2 сарын 24-нд дуусах ажээ.
23. Дамбын Долгор. Алтны 3, жоншны 1 ордтой “Монгол анар трейд” ХХК нь бүх лицензээ “Капитал” банкны барьцаанд тавьсан. 2036 оны 9 сарын 4-нд сүүлчийн зөвшөөрлийн хугацаа нь дуусах ба жилд 7642 доллар төлдөг. Ордууд нь 509 га талбайтай, Дархан-Уул аймгийн Хонгор, Сэлэнгийн Ерөө, Хэнтийн Галшар сумдын нутагт бий.
24. Ганболдын Чинтөмөр. Баянхонгорын Гурванбулаг, Сэлэнгийн Ерөөд нийт 298 га газарт 3 ширхэг алтны ордтой. “Жи энд Юу Голд” ХХК-ний энэ лицензүүдийн хугацаа 2037 оны 10 дугаар сарын 10-нд дуусна. Жилд 4482 доллар төлдөг ба 2 лиценз нь “Анод”-ын барьцаанд аль хэдийнэ орчихсон байна.
25. Даваахүүгийн Сэргэлэн. Нийт 8 ашиглалтын лицензтэй энэ хатагтайг “Эрэл” гэдэг овгоор нь монголчууд андахгүй таньж буй бизээ. Б.Эрдэнэбат бүх лицензээ авгайнхаа нэр дээр төвлөрүүлсэн нь энэ бөгөөд нийт 620 га газарт алт, гөлтгөнө, барилгын материал, битум олборлож байна. Хамгийн сүүлчийн лицензийн хугацаа нь 2036 оны 11 сарын 6-нд дуусна. Жилд 4510 доллар төлдөг. “Эрэл” ХХК-ний ордууд Дорноговь аймгийн Даланжаргалан, Улаанбадрах, Цагаандэлгэр, Дархан-Уул аймгийн Дархан, Хонгор, Говьсүмбэр аймгийн Баянтал, Төв аймгийн Баянжаргалан, Хөвсгөл аймгийн Ринченлхүмбэ сумдын нутагт бий.
26. Хүүжийгийн Олонболд. Түүний “Уянган” ХХК нь бүгдээрээ алтны 3 лицензтэй. Төв аймгийн Заамар, Булганы Бүрэгхангай, Дашинчилэнд нийт 649 га талбай эзэлнэ. 2037 оны 10 сарын 3-нд хамгийн сүүлчийн лицензийн хугацаа нь дуусах ба жилд 9746 доллар төлж байна. Алтны 2 ширхэг лиценз нь “Монгол банк” болон хуучнаар “Зоос” банкны барьцаанд оржээ.
27. Хүүжийгийн Олонбаяр. Сэлэнгийн Ерөө, Төв аймгийн Заамар сумдад нийтдээ 383 га газарт дан алтны 4 ширхэг ашиглалтын лицензтэй. “ХОТУ” ХХК-ний лицензүүдийн сүүлчийн хугацаа 2038 оны 9 сарын 6-нд дуусах ба жилд 5746 доллар улсад төлдөг.