3000 АВТО МАШИН ДАВХАРДСАН ДУГААРТАЙ

2011-12-03

Авто тээврийн газрын харьяа Тээврийн хэрэгслийн оношилгоо, бүртгэл, техник технологийн хэлтсээс автомашины

улсын дугаарын стандартыг хангуулах, шаардлага хангаагүйг хураан авах, дугаарын давхардлыг арилгах аян эхлүүлсэн байна. Энэ талаар Авто тээврийн газрын Хяналтын улсын байцаагч Ч.Даваахорлоогоос тодрууллаа.

-Улсын дугаарын стандартыг хангуулах аяны хүрээнд ямар ямар ажил хийгдэх юм бэ?

-Тээврийн хэрэгслийн бүртгэлийн хэлтэс ЗЦГ-т харьяалагдаж байгаад 2008 оноос Авто тээврийн газарт шилжиж ирсэн. Үүнээс хойш улсын дугаар олгох, бүртгэх ажлыг Авто тээврийн газарт явуулах болсон. Энэ удаад тээврийн хэрэгслийн улсын дугаарын тэмдэгийн стандартыг хангуулах, стандарт зөрчсөнийг олж илрүүлэх, зөрчил арилгуулах болон дугаарын давхардлыг арилгах зэрэг зорилгоор аян эхлүүлээд байна.
Аяны хүрээнд автомашины дугаар үйлдвэрлэж буй газруудыг шалгаж, Стандартчлал, Хэмжил зүйн үндэсний зөвлөлөөс 2002 онд батлагдаж, 2003 оны дөрөвдүгээр сарын 1-нээс хүчин төгөлдөр мөрдөгдөж эхэлсэн Тээврийн хэрэгслийн улсын дугаарын тэмдэгийн MNS 4410:2002 стандартыг хангаж байгаа эсэхийг хянаж байна. Мөн шугам замаар шалгалт хийж, автомашинуудын дугаарыг дээрх стандартын дагуу байгаа эсэхийг тодруулж байна.

-Хэрэв стандарт зөрчсөн дугаарын тэмдэгтэй автомашин байвал ямар арга хэмжээ авч байгаа вэ?

-Дээрх стандарт нь Монгол Улсын нутаг дэвсгэрт ашиглаж байгаа бүх төрлийн тээврийн хэрэгсэл, түүнчлэн мотоцикл, трактор, өөрөө явагч хэрэгсэл, чиргүүл зэрэгт мөрдөгдөнө. Үүнд хамрагдах, мөн 2003 оны дөрөвдүгээр сарын 01-нээс хойш улсын дугаарын тэмдэг авсан тээврийн хэрэгслээс стандартын бус дугаартай автомашин байвал хураан авч, анх үйлдвэрлэсэн газарт нь шилжүүлж үнэ төлбөргүй дахин гаргуулж байгаа.

-Улсын дугаарын тэмдгийн стандартын талаар товчхон тодруулаач?

-Улсын дугаарын тэмдэгийн үндсэн материал нь хөнгөн цагааны хайлш, зузаан нь 1.0±0.2 мм ба будаг эсвэл гэрэл ойлгогч /цацруулагч/ материалаар хийсэн байж болно. Дугаарын тэмдэгийн үсэг, тоо ба хүрээ нь тохирох хэмжээ, өнгийн бэлдэц дээр товойлгон хэвлэж, зохих өнгөөр ялгасан хийцтэй байна.
Мөн Олон улсын замын Венийн конвенцийн дагуу улсын дугаарын тэмдэг дээр улсын нэрийн товчлол MNG болон соёмбо гэх мэт ялгах тэмдэг, тэмдэглэгээ хэрэглэж болно.
Автомашин, мотоциклын улсын дугаар 3 үсэг, 4 тоо, трактор, өөрөө явагч хэрэгсэл ба чиргүүлийнх 2 үсэг, 4 тооноос бүрдэнэ. Автомашин, трактор, өөрөө явагч хэрэгсэл, чиргүүлийн улсын дугаарын ялгах үсэг нь тооны ард, харин мотоциклынх урд нь байна.
Бүх төрлийн автомашины улсын дугаарын тэмдгийн дэвсгэр нь цагаан, тоо үсэг, хүрээ нь хар өнгөтэй байж, УБ эсвэл УН + серийг заасан цагаан толгойн үсэг байна. Харин дипломат болон олон улсын байгууллага, тэдгээрийн ажилчдын тээврийн хэрэгслийн дугаарын тэмдэгийн дэвсгэр нь улаан, тоо, үсэг, хүрээ нь цагаан байж, ДК, ОУ тэмдэглэгээтэй байна.

-Хориглосон зүйлс байдаг уу?

-Улсын дугаарын тэмдгийн гадаргууд дараахи гэмтэл байж болохгүй. Тодруулбал, үсэг, тооны хэв нь хөдөлж, хэмжээ алдагдсан, хазгай муруй болсон, будаг ховхорсон, гадны бохирдолтой, үсэг болон тэмдэг, тэмдэглэгээг гар аргаар хийж, наасан байж болохгүй.

-Зарим автомашинуудын дугаарынхаа тоон дээр шигтгээ гэх мэт чимэглэл наасан эсвэл будаг нь хуурч, цагаан өнгөтэй болчихсон харагддаг. Энэ стандарт зөрчиж байгаа хэрэг үү?

-Тийм. Энэ бол зөрчлийн нэг хэлбэр. Гялгар янз бүрийн юм наасан автомашинуудыг зогсоогоод, тэр дор нь хуулуулж байгаа. Улсын дугаарын тэмдгийн хэлбэр, хэмжээ, дугаар, тооны өндөр ба өргөн бүр нь автомашин, мотоцикл гээд бүх тээврийн хэрэгсэлд тусгайлсан хэмжээтэй байдаг.

-Энэ тогтсон стандартыг зөрчсөн хэлбэр хэмжээ бүхий дугаарууд байгаа нь үйлдвэрлэж буй газруудтай холбоотой юу?

-ХЗДХЯ-наас улсын дугаарын тэмдэг хэвлэх, үйлдвэр эрх өгсөн тодорхой үйлдвэрүүд байдаг. Харин эрх аваагүй мөртлөө энэ төрлийн үйл ажиллагаа явуулж буй үйлдвэрүүд стандарт хангаагүй дугаар гаргаж байгааг үгүйсгэхгүй.
-Давхардсан дугаартай хэдэн автомашин байгаа вэ?

-Аяны хүрээнд судалж үзэхэд одоогоор 3000 орчим дугаар давхардсан дугаар байна гэсэн урьдчилсан дүн гарсан. Тиймээс эдгээр 3000 орчим давхардсан дугаарын тээврийн хэрэгслийг тодруулж, эзэмшигчид нь мэдэгдэн, хурааж аваад сольж өгч байгаа.

-Ер нь яагаад анхнаас нь дугаар давхардуулаад өгчихсөн юм бэ?

-Энд хэд хэдэн зүйл нөлөөлсөн юм шиг байдаг. Нэн тэргүүнд өмнө нь дугаар авчихсан тээврийн хэрэгслийг худалдаж аваад дахиад шинэ дугаар авч болдог байсан нь нөлөөлсөн байх. Харин АТГ-ын даргын тушаалаар энэ оноос уг явдлыг таслан зогсоож, зөвхөн шинээр орж ирсэн, эсвэл орон нутгаас шилжиж ирж байгаа автомашинд улсаас дугаар гаргаж өгдөг болсон. Өөрөөр хэлбэл, нэгэнт улсын дугаар авсан автомашиныг дугаарыг худалдан борлуулсан ч дахин өөрчлөх боломжгүй болгосон. Үүнийг дагаад азын дугаар зарна гэх мэт бизнес ч хязгаарлагдсан.

-Аян хэдий хугацаанд үргэлжлэх юм бэ?

-Ирэх оны нэг, хоёрдугаар сар хүртэл

-Тээврийн хэрэгслийн улсын дугаарыг 3 оронтой тоотой болгоно гэсэн ажил нэг хэсэг яригдсан. Энэ ер нь ямар шатандаа явж байна вэ?

-АТГ-т энэ ажил төлөвлөгдөөд, боловсорч байгаа. ЗТБХ болон ХЗДХ-ийн сайдын хамтарсан тушаал гарсны дараагаас хэрэгжиж эхэлнэ. Ирэх 2012 оны сүүлээр гэхэд хэрэгжих болов уу гэж таамаглаж байгаа. Уг нь улсын дугаарыг 3 оронтой тоотой болгосноор илүү их дугаарлалт хийх боломжтой болох давуу талтай юм.

montsame

3000 АВТО МАШИН ДАВХАРДСАН ДУГААРТАЙ
Tweet
Bolod.mn

Сэтгэгдэл (4)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
Хуучин номероо оорчилж сольвол яасан юум бэ

2013-03-11 | 07:59:25 | 182.160.60.122 |

Зочин
тэнэг юмнууд монго аваад баахан хумуусийн дугаарийг давхардуулсан байсан шдэ. туруулж дугаар авснаараа авах гэхээр ногоо хун руу ни ярина ч гэх шиг боон холион бантан бна лээ дээ. энэ авто замийн газарт. эрхэлсэн сайд ни хяналттай байгаа болов уу. миний хувид боон чирэгдэл болоод байгаа .ядаж байхад номэр маани азийнх болоод тэр уу. уур хурээд,залхаад байгаа.энэ доод тушаалийн тушмэдүүд авилгад бурэн автсан байдаг юм билээ шуу.тусвийн тсалинтай байж хаустай жиптэй.. хэ хэ ..унэхээр утга алгаа...энэ улсад.

2011-12-04 | 19:51:12 | 58.143.120.32 |

Зочин
замийн тсагдаа дугаарлалттай хамаагуй ээ сдакаа

2011-12-04 | 00:08:59 | 202.179.2.24 |

Зочин
Монголын төр дампуурлаа зарлах цаг болжээ.3000 автомашин ижил дугаартай гэж юу гэсэн үг вэ.Замын цагдаад манхаахай ажилладаг болж дээ.

2011-12-03 | 13:39:07 | 202.179.20.224 |

Мэдээ
Гадаад мэдээ
Видео

Архив ангилал

3000 АВТО МАШИН ДАВХАРДСАН ДУГААРТАЙ

Сэтгэгдэл (4)