хөнжил дотроо, эсвэл хаа нэгтээ шивнэх шахам ярилцана вэ? Ахлах ангийн охид хөвгvvдийн ширээ тойрон сэм хvvрнэлддэг, аав ээж хоёрын хөнжил дотроо нууцгайхан ярилцдаг, эмээ өвөө нарын бараг дурсдаг ч vгvй өнөө гайхал сексийн тухай өнөөдөр бид ил тод ярилцахаар шийдлээ. Харанхуйгаас гэрэлд, далдаас ил рvv, ичингvйрлээс илэн далангvй рvv аваачихаар хавтасны сэдвээрээ бид энэ удаа сексийн амьдралыг зориуд сонгов. Жаахан хэнээтэй зарим нь "За нөгөө "Цаг төр"-ийнхөн чинь галзуурчихаж. Садар самуун сурталчлаад уналаа" хэмээн эндvvрэв зээ. Бид өөрсдөө л энэ сэдвийг нууж хаасаар байгаад ийм болгочихсон болгохоос биш байж болшгvй муу муухай асуудал биш ээ. Таны, миний эргэн тойронд байдаг амьдралын тухай, тэр тусмаа таны гэр бvлд халуун дулаан уур амьсгал авчирдаг хамгийн нандин харилцааны тань талаар хэрэг болгон ярилцахаар энэ сэдэв рvv орж байна. Ер нь ч манай сэтгvvлийн хавтасны сэдвvvд жирийн амьдралаас тань урсан гарч буй жаргал зовлон, сэтгэл зvйн ярвигтай асуудлуудыг хамтдаа шийдвэрлэхэд оршдог. Магадгvй энэ талаар "асуудал"-тай зарим нэгэн хvнд бидний нийтлэл ус биш тус болох ч юм билvv?

Анхны учрал
Хvн болгонд анхны, анхны гэх нандин дурсамжууд бий. Анхны харц, анхны vнсэлт, анхны хайр, анхны шөнө, анхны хvvхэд гээд л амьдралын тань шинэ хуудас болгоныг тантай хамт зориг муутайхан сөхсөн тэр мэдрэмжvvд мэдээж таных. Тэр олон "анхны" дотроос сэтгэлд тань хамгийн их vлдсэн нь аль вэ? Хvн болгон л энэ бvхэнтэй нvvр тулдаг, тойрч биш дайрч гардаг. Харин жинхэнээсээ эр хvн болж, бvсгvй хvн гэгдэх болсон тэр өглөөний нар ямар өнгөтэй байсныг хvн насан туршдаа мартдаггvй. Хэзээ хойно азай буурал эмээ болсон хойноо ч охин насаа хэрхэн vдсэнээ санаж явдаг гэлцдэг.
Учир нь vл тайлагдах, хэзээ ч ханашгvй, байгалиас заяасан энэ эрч хvч, эгэлгvй сайхан мэдрэмжийг амсаж vзээгvй хvн ховор. Харин энэ сайхныг анх хэрхэн мэдэрч, яаж хvртсэнээс цаашдын амьдралдаа хэр сэтгэл хангалуун явах эсэх нь хамаардаг хэмээн сэтгэл судлаачид, сексологчид ярьдаг юм билээ. Энэ нь ч vнэний хувьтай. Бэлгийн амьдралын нас хэзээ эхэлдэг, хэдийд сексийн харьцаанд орох ёстой, энэ талаар хаанаас яаж мэдээлэл авах талаар өсвөр насныхан тэр бvр мэддэггvй. Аав ээж нар "хаалттай" гэж анхааруулж, огт ам нээдэггvй. Харин нялх жаахан юм гэж сэтгэлдээ өхөөрдөж явсан vр нь нэг л мэдэхэд том хvн болчихсон байдаг тохиолдол цөөнгvй бий шvv дээ.
Харин сексийн талаар таг харанхуй, ямар ч мэдээлэлгvй байсан хvv, охин нь насан туршдаа арилшгvй хар толбо сэтгэлдээ тээж хоцордгийг ч эцэг эхчvvд мэдэхгvй л өнгөрдөг. Энэ бvхнийг хэрэг болгож ч ярьдаггvй. Яагаад гэвэл энэ бол хаалттай сэдэв. Аав нь хvvтэйгээ томчуулын сэдвээр буурь заан ярилцдаг, ээж нь охинтойгоо анхны шөнийн тухай, тvvнд хэрхэн бэлтгэх ёстойг зөвлөлддөг жишээ монгол гэр бvлvvд дунд тун ховор доо. Ярьдаггvй, хөнддөггvй сэдэв яахын аргагvй энэ мөн. Тэгвэл далд нууц бvхэн ямар нэгэн сөрөг дагавар араасаа дагуулж байдгийг та юу эс андах вэ?

Сексийн таашаалыг хэдтэйдээ мэдэрсэн бэ?
Ер нь өсвөр насныхан хэдэн настайдаа сексийн харилцаанд ордог юм бол? Германы сексологчдын 1960-аад онд хийсэн судалгаагаар өсвөр насныхан 15-тайгаасаа өөртөө гap хангалга хийж vзсэн байдаг бол ихэнх нь 18 хvрэхээсээ өмнө бэлгийн харилцаанд ордог байжээ. Харин 1970-аад оны vед хvvхдvvдийн бэлгийн харилцаанд орох нас залуужиж 17-16 болсон байна. 1990-ээд оноос 15-16-тай охид онгон биш байх нь гайхаад байх зvйл биш болсон гэнэ. Vvнийг өсвөр насныхан сексийн талаар мэдлэг мэдээлэл авах боломж ихэссэнтэй холбон тайлбарлажээ.
Сонин хэвлэл дээр сексийн талаар чөлөөтэй бичдэг, хvvхдvvд ч хоорондоо энэ талаар их ярьдаг болсноос эрт бэлгийн харилцаанд орох болсон байна. Өсвөр насныхны бэлгийн амьдралд эрт орж буй талаар эцэг эхчvvд, багш сурган хvмvvжvvлэгч нарын дунд шvvмжлэл гарах болов. Vvнээс болж бага насны хvvхдийн дунд жирэмслэлт нэлээд газар аваад буй талаар ч сэтгэл эмзэглvvлсэн тоо олныг цочроох болсон гэнэ. Дээрх судалгаануудын дvнд Германд бэлгийн харилцаанд орох дундаж нас 16 байх нь зvйтэй гэж тогтоосон байна. Харин манайд энэ талаар барин тавин хэлэх тоо байдаггvй юм билээ.
Ам дамжсан яриагаар бол монголчууд дээхнэ vед их эрт бэлгийн харилцаанд ордог байжээ. Дээхнэ гэдэг маань социализмаас бараг өмнөх vеийг хэлж байгаа хэрэг л дээ. Тэр vед залуу охидыг 15-16-тайд нь айлд бэр болгон өгдөг явдал тvгээмэл байсан. Ялангуяа хөдөөгийнхөн хонины бэлчээр дээр нь дарж унагаж, охин насыг нь vддэг бvдvvлэг харанхуй явдал байсан тухай ном зохиолуудад бишгvй гардаг. Харин социализмын vед охид хөвгvvдийн сексийн харилцаанд орох нас харьцангуй наашилж, 18-20 болсон. Тvvнээс багадаа хvнтэй унтсан бол "Булай нvгэл" vйлдсэн мэтээр нийтээрээ жигших нь халаг ийм сэтгэл зvй нийгэмд байв.
Харин 1990 оноос хойш энэ бvх байдал өөрчлөгдөж байх шиг байна. Захиа бичих хэрэггvй болж, мессеж энэ бvхнээс арай ил тод болсон юм уу даа. Гудамжинд vнсэлцэх ч тийм ховор vзэгдэл биш болсон. Эрэгтэйчvvдийн эмч, андрологич Цэгмидийн хэлснээр манайхны бэлгийн харилцаанд орох хамгийн зохимжтой нас 18 гэнэ. Учир нь хvний бие эрхтэн энэ vедээ боловсорч гvйцсэн байдаг ажээ.

Мордохын хазгай
Нэгэн залууд тохиолдсон явдлын талаар эхлээд танд ярих нь зөв байх. Тэр хэн ч харсан нvдэнд дулаахан эр. Гэхдээ тvvнд нэг том дутагдал бий. 30 гарчихаад эхнэр авах битгий хэл найз бvсгvй ч байхгvй. Ер нь л тэр эмэгтэйчvvдээс байнга дөлж явдаг. Ээж аав нь "Миний хvv хань ижилтэй бол" гэж хичнээн ятгаад ч нэмэргvй. Гэхдээ том оо болсон хvv нь сэтгэлдээ ямар нэгэн айдас тээж явдгийг тэд мэддэггvй. Арван жилд байхдаа тэр тун номын хvv байжээ. Хичээлдээ их сайн. Ангийн хөвгvvд нь охидын тухай ярьж, сексийн талаар ам булаалдан хуучилж суухад тэр хичээлээ л хийж суудаг байлаа.
Том болоод хvссэн хvсээгvй би хvнтэй унтаж vзэх юм чинь гэж тэр боддог байж. Тэгж байтал сургуулиа ч төгсөж, хонхны баяраа тэмдэглэхээр ангиараа амралтанд явжээ. Хэзээний өөрт нь талтай Апимаа гэдэг охин амралтан дээр тvvнийг илт өдөөд байгааг тэр анзаарчээ. Өөрөө ч тvvнд муу биш байлаа. Оройхон хэрд бvжгийн vеэр тэд ойн чөлөө рvv сэмхэн гарцгаажээ. Ангийнх нь охин яагаад тийм туршлагатай байгааг тэр гайхаад ч барсангvй. Юм болсон ч юм уу, vгvй ч юм уу, мэдэхгvй, нэг мэдэхэд тэр хамаг юмаа норгочихсон байж байлаа.
Алимаа харин доогтойхон инээж "Өө чи чинь ийм жирэн год байсан юм уу" гэх нь тэр. Тэр vг лантуугаар толгой руу нь цохиод авсан дайны болжээ. "Би нээрээ хурдан тавьдаг юм болов уу. Ямар ичмээр байдалд оров оо" гэсэн бодол толгойд нь эргэлдсээр байв. Амралтнаас буцаж явахдаа, их сургуульд орсон хойноо ч тэр энэ бодлоо толгойноосоо авч хаяж чадсангvй. Хvнд ярих гэхээр нэг л ичгэвтэр санагдаад хэнд ч ам нээсэнгvй. Эмэгтэй хvнтэй дахин ойртъё ч гэж бодсонгvй тэр өдий хvрчээ.
Энэ залуугийн жишээ амьдрал дээр байдаг л тохиолдол. Эрэгтэй хvн хурдан дур тавьдаг гэсэн тэр анатомио мэдэхгvй, сексийн талаар ямар ч ойлголтгvй, сэтгэл зvйн бэлтгэлгvй бэлгийн харилцаанд орсон залуус иймэрхvv зvйлстэй учрах нь элбэг. Анхны шөнө эвгvй хэлсэн ганц vгнээс болоод нөгөө хvнээ хачин эвгvй байдалд оруулж байгаагаа ч наадах нь мэддэггvй. Эрэгтэй хvн анхны сексийн таашаалыг мэдэрч чадаагvйгээсээ болоод сэтгэлийн дарамтад орох, тvvнээсээ болж ямар нэгэн хэмжээгээр эмэгтэй хvнтэй ойртохоос айх тохиолдол цөөнгvй. Тухайн орчин, нөхцөл байдал, эсрэг хvйсийн хvнийх нь зан араншин зэрэг олон хvчин зvйл нөлөөлдөг ч сексийн мэдлэгтэй залуусын хувьд анхны шөнө нь хэдий бvтэлгvйтсэн ч айхавтар хvндээр тусгаж авалгvй дараа хэзээ нэгэн цагт болж бvтэх хvнтэйгээ учирдаг.

Та хvv, охиноо чиглvvлж өгдөг vv?
Мэдээжийн хэрэг эцэг эх, сургууль багш нар нь энэ бvхэнд туслах ёстой. Сексийн талаар ямар нэгэн мэдлэг олж аваагvй, өөрсдөө шамдаагvй, интернэтэд суугаагvй, эцэг эх нь зөвлөөгvй, нэг мэдэхэд эр хvн, бvсгvй хvн болчихдог явдал манайд тvгээмэл байдаг. Хvvгээ нялх жаахан юм, нас нь балчир гэж бодож явтал нэг л өдөр та залуухан эмээ өвөө болчихсон чихэндээ итгэхгvй сууж байх вий. Ийм учраас сексийн боловеролыг хvvхдэдээ багаас нь эзэмшvvлэх ёстой. Охиноо, хvvгээ 15-тай гэхээр их жаахан гэж ойлюод байдаг. Тийм биш. Бэлгийн бойжилтын хувьд хvvхэд гаргах дайны, эрчvvд нь ч гэсэн сексийн vйл ажиллагаа хийх бvрэн бололцоотой болсон нас байдаг. Тийм учраас та хvvхдийнхээ бэлгийн боловсролд 13-тайгаас нь эхлээд л анхаарах ёстой. Уруул дээр нь сахалд ургадаг юм, бэлэг эрхтэн, суганд vс ургадаг юм гэдгийг тайлбарлаж өгч яагаад болохгvй гэж.
Анх сексийн харилцаанд орохдоо ямар байх ёстой юм. Бараг ямар эмэгтэйтэй анх секс хийвэл зохимжтой гэдгийг аав ээжvvд чиглvvлж өгөх нь тийм ч буруу биш юм шиг байна. Зарим ухамсартай эцэг эхчvvд чиглэлийг нь өгдөг бололтой. Чи интернэтийн энэ сайт руу ороод vvнийг vзчихээрэй ч гэдэг юм уу, энэ номыг уншаарай гэж хvvдээ өгдөг. Мэдээлэл сайтай хvvхэд замбараагvй бэлгийн харьцаанд ордоггvй. Тиймээс ч олон хавьтагчтай болох, өвчин авах нь бага байдаг нь судалгаагаар батлагджээ.

Нийгэм ба секс
Секс манайд маш хаалттай сэдэв байсаар ирсэн нь өмнөх нийгмийн хандлагатай ихээхэн холбоотой. Бvгдийг болохгvй бvтэхгvйн хvлээсэнд аваачиж, "Пvv паа, бузар булай юм" гэхчлэн хааж хорьдог, хvvхдvvддээ ч гэсэн яг ингэж ойлгуулдаг байсан социализмын vеийг бид туулаад өнгөрсөн. Ном, сонин хэвлэлд секс гэсэн vг орсон байвал эс бол тиймэрхvv утга агуулгатай vг өгvvлбэр цохиж явбал "Садар самуун сурталчилсан" хэргээр Намын төв хороонд дуудагДаж, гишvvний батлахаа хураалгах хvртэл арга хэмжээ авахуулна.
Олны танил нэр хvнд бvхий нэгэн дипломатч биеэ vнэлэгч эмэгтэйтэй орооцолдсон тухай яриа хvмvvсийн дунд хуурай өвсөнд гал тавьсантай адилхан хурдан тархсаныг санаж байна. Нийтээрээ жигшин зэвvvцэж, дааж давшгvй нvгэл vйлдсэн мэт тvvн рvv хялайх болсон. Уг нь хvнээс гажууд зvйл хийгээгvй шvv дээ, тэр хvн. Ингэж нvдний булай амьтны шившиг болсныг нь бодоод хачин их өрөвдөж билээ. Эстрадын дуучин эмэгтэйг гадаадын хvнтэй учир ургууллаа гэж зад шvvмжилж, байх суух газаргvй болгож байсан цаг бас бий. Урлагийн тайзаа, өөрийн дур хvслээ таягдан хаяхаас өөр зам тэр эмэгтэйд vлдээгvй.
Авгайгаасаа салбал гэр бvлийн зөрчилтэй гэж vзэж тэр хvний цаашдын ажлын карьер, амьдралд маш том бараан сvvдэр дагуулах жишээтэй. Эцэггvй хvvхэд төрvvлсэн эмэгтэйг мөн л нийгмийн нэг хог шавхруу мэт vздэг vе байсан. Гэхдээ тоталитар нийгмийн vед хvмvvс өнгөн дээрээ сайн сайхан, шударга журамтай мэт харагдаж байгаа ч цаагуураа бэлгийн амьдралын эмх замбараагvй байдал газар авсаар байсан юм. Нууц далд, хорио цээртэй байсан бvхэн өнөөдөр харин ил тод болж, энэ бодит байдал нvvрэн дээрээ замбараагvй муухай болсон мэт харагдаж байж мэднэ.
Нууц далд бvхэн олны сонирхлыг татаж байдаг шигээ чандлан хорьж байгаа тэр асуу¬дал нийгэмд улам л бугшин идээлж байсан байх талтай. Ёс суртахуунд хvлэгдсэн, нийгмийн дэглэмд захирагдсан тэр vед монголчуудын дунд нөгөөх л нууц амраг, янхан, биеэ vнэлэх асуудал байхгvй биш, байсаар ирсэн гэдгийг бас хэлэх хэрэгтэй. Хvмvvс маш баригдмал, нуугдмал орчинд бэлгийн амьдралын асуудлаа шийддэг л байж. Одоогийнх шиг бvр цагаар ордог, vйлчлvvлдэг олон зочид буудал тэр vед байсангvй. Сонин хэвлэлээр ингэж ил тод бичдэггvй байлаа. Хэдийгээр чөлөөт ардчилсан нийгэмд шилжээд нэлээд олон жилийн нvvр vзэж байгаа ч энэ хандлага одоо ч манайхны дунд арилахгvй байсаар л байна.

Нөхөр бид хоёр хvvхдээ бодож л хамт амьдардаг
Жаахан охин байхдаа ангийнхаа залуутай ганц унтаад хvvхэдтэй болчихсон нэгэн эмэгтэй бидэнд зовлонгоо хуваалцлаа. Залуу байхад аль алдаж онохыг тэр гэхэв. Гэхдээ нэг алдсан алдааныхаа горыг насан туршдаа vvрнэ гэдэг чинь шийтгэл гэж тэр хэлсэн. Хvvхэдтэй болсныг нь хадмынхан нь мэдээд сvйд болж, бараг л тэр дор нь шахам тэдний хуримыг хийж. Ёс төртэй айхавтар хvмvvс байсан болохоор олны хэл амнаас айсан ч байж мэднэ. Нэг л мэдэхэд тэр айлын эхнэр болсон байжээ. Гэхдээ тэр эмэгтэй хайр дурлал гээчийг мэдрээгvй, одоо хvртэл сексийн сайхныг ч амсаагvй яваа гэнэ.
Уг нь хэн ч харсан тэд сайхан хосууд, дутагдах гачигдах зvйлгvй элбэг сайхан амьдардаг. Хvv нь энэ хавар дунд сургуулиа төгсөнө. "Нөхөр бид хоёр хvvгээ л бодож хамт амьдарч ирсэн. Хааяа салаад явчихмаар л санагддаг. Саллаа гээд хаашаа ч очих билээ. Хvмvvс ч юу ч гэх юм. Миний тавилан л ийм юм байлгvй" гэж хэлээд тэр санаа алдсан юм.
Vнэхээр хvvхдээс болоод гэр бvл болсон тохиолдол дунд насныхны дунд тvгээмэл байдаг. Хvvхэд өнчрvvлэхгvй, бас дээр нь тэр хvний нийгмийн хариуцлага гээч зvйл чангаадаг байж. Тэр vед магадгvй жирэмслэлтээс хамгаалах элдэв эм, хэрэгсэл байгаагvйгээс болсон байх. Нөгөөтэйгvvр олны хэл амнаас айж, асуудлыг хvчээр зохицуулдаг байсан тал бий.

Яаж энэ хvvхнийг панаалдах вэ?
Өчигдөрхөн л сайхан санагдаж гоолиг бие хаа, царай зvсэнд нь дурлаж нэг оронд орсон хэрнээ өглөө нь сэрээд "Яаж энэ хvvхнээс зугтах вэ? Одоо надаас зууралдаад салахгvй дээ" гэж эрчvvд толгойгоо гашилгадаг. Ялангуяа залуусын хувьд нэг том проблем бол энэ. Залууст сексийн хэрэгцээгээ хангах шаардлага гарцаагvй байдаг. Гэхдээ сексийн хэт задгай амьдралд шунан дурлах нь тийм ч таатай vзэгдэл биш юм. Манай сэтгvvлийн санал асуулгад оролцсон залуусын олонх нь нэг учирсан эмэгтэйтэйгээ дахин уулзахыг хvсдэггvй гэж хариулсан байна.
Эрчvvд нэг удаагийн бэлгийн харьцааг илvvд vзэх болсон нь магадгvй тэр эмэгтэй нь өөрсдийн хvсэл сэтгэлд тохирсон бvсгvй биш байгаагаас болдог байж мэдэх л юм. Нөгөөтэйгvvр эр хvний 13 мэхээ хэрэглэж, зарим нь хайртай гэж худал уярааж байгаад ч болов нэг оронд орчихсон болохоор нөгөө охиноосоо яаж зугтах вэ гэдэг ацан шалаанд ордог. Ер нь эрчvvд "панаалдах" гэдэг албан бус "мэргэжил"-ийг бие даан эзэмшдэг. Хэн илvv панаал сайтай байна, тэр хvн vеийнхнийхээ дунд ч нэр сайтай явдаг тийм бичигдээгvй хууль бий. Тийм болохоор тэдний хувьд биологийн хэрэгцээгээ хангах нэг арга заль нь энэ болдог.
Зарим эрчvvд уусан архиныхаа халуунаар хэнтэй ч хамаа¬гvй унтчихдаг тал бий. Өглөө нь сэрээд хажуудахаа хараад бvр ч их дотор нь муухайрдаг. Эрvvл саруулд нь яаж ч яриад, яаж ч панаалдаад найраанд орохгvй. Энэ нь эмэгтэйчvvдээс бас их болдог. Архи уусан vедээ охид амархан унтчихдаг. Эрчvvд унтсан хvvхнvvдээ тоолдог, тvvгээрээ гайхуулдаг. Vvнтэй ч холбоотой бас холбоотой байж мэднэ. Эрэгтэй хvн трог нь ихэсгэж, эмэгтэй хvн тоог нь дардаг гэсэн vг байдаг шvv дээ.
Гэхдээ мэдээж баарны хөнгөмсөг охин л биш бол нэг шөнийн зугаа хөөдөг эмэгтэйчvvд эрчvvдээс хамаагvй цөөхөн. Гэртээ тэр охиныг дагуулаад ирсэн байдаг, зарим нь худлаа vнэн ч гэсэн хэсэг хугацаанд эргvvлж гvйсэн байж таараа. Тийм болохоор нэг унтчихаад зугтана гэдэг нь яаж ч бодсон шударга биш. Тэгсэн атлаа л тэд ул мөргvй алга болохыг хvсдэг. Нэгэнт л таалагдахгvй, тvvний хvсэн мөрөөдөж байсан охин биш байтал худлаа хажууд нь байж жvжиглээд яах юм гэж тэд боддог гэнэ. Зугтах шалтгаанаа ингэж зөвтгөдөг. Тэгвэл энэ нь охидод ямраар тусдаг бол?

Золоо /20 настай/
- Би эрчvvдэд итгэдэггvй. Тэд бол хөгийн амьтад шvv дээ. Ноднин нэг залуу надад маш их таалагддаг байсан юм. Надаас хэд ах л даа. Тvvнтэй хамт байх, ярилцахад сайхан санагддаг байлаа. Тийм болохоор тvvнтэй vдшийг өнгөрvvлэхээс татгалзах шалтгаан надад vнэндээ байгаагvй. Тvvнийг би ирээдvйн найз залуу маань болох хvн гэж хардаг байсан гээд бод доо. Гэтэл ёстой өөдгvй новш байсан юм. Бидний секс тийм ч муухай байгаагvй. Надад тэр таалагдсан Өглөө нь би шалгалт руугаа яараад олигтой ч vг сольж амжаагvй бид, vнсэлцээд л салсан. Харин тэр өдөр нь, маргааш нь, нөгөөдөр нь ч тэр байдаггvй.
Утсаа салгаад усанд хаясан чулуу шиг алга болчихсон. Эмэгтэй хvнийхээ хувьд би маш эвгvй байдалд орсон. Өөрийгөө ямар ч vнэ цэнэгvй хvн болчихсон юм болов уу гэж бодохоор гол харлаад. Тийм өөдгvй амьтантай учирсандаа өөртөө л гомдсон. Одоо харин би эрчvvдэд өөрөөр ханддаг болсон. Нэг шөнийн секс хэн хэнд нь таагvй дурсамж vлдээдэг ажээ. Уг нь биологийн хэрэгцээ, сэтгэл санаагаараа ойлголцох байдал хоёр давхацвал жинхэнэ утга учиртай vйлдэл болж, хэн хэндээ таашаал өгөх учиртай. Гэтэл зvрх сэтгэлийн холбоос дээр суурилаагvй бэлгийн харилцаа ямар ч амтгvй байдаг бөгөөд маргааш нь хэн хэнд нь гэмших сэтгэгдэл төрvvлдэг байна. Тэгэхээр өөрийн хvсэн дурлаж, бодож мөрөөдөж явсан эмэгтэйтэйгээ л учирч, сонголтоо зөв хийх нь зvйтэй юм гэдгийг манай залуус эрт ойлгоосой.

Сексийг тэвчиж амьдрах амаргvй
Сексийн таашаалыг эмэгтэйчvvд эрчvvдийг бодвол хожуу мэдэрдэг. Тийм ч болоод хvvхнvvд 30 гараад ирэхээрээ болохоо байдаг гэсэн vг хvртэл байхав Залуу охидын хувьд cap эсвэл бvтэн жил бэлгийн харилцаанд орохгvй байх нь бие сэтгэхvйд нь төдийлэн нөлөөлдөггvй бол 30-аас дээш насны эмэгтэйчvvдийн хувьд бэлгийн амьдралгvйгээр өөрсдийгөө төсөөлөхөд ч бэрх болдог. Өнөөдрийн манай нийгэмд ганц бие, өрх толгойлсон хvvхнvvд маш олон байгаа жишээг бид өмнөх хавтасны сэдвээрээ хөндөж байсан. Мөн боломжийн амьдралтай, эдийн засгийн хувьд хэнээс ч хараат биш, хvчирхэг эмэгтэйчvvд ч гэсэн эрчvvдээсээ олон бий. Ийм эмэгтэйчvvдийн хувьд хамгийн хэцvv асуудлын нэг нь энэ гэж танил маань надад аминчлан хуучилж байсныг саналаа.
Тэдний хувьд байгалиас заяасан биологийн хэрэгцээгээ хангаад явах боломж нөхцөл байдаггvй. Нийгэмд тодорхой байр суурьтай, бусдад vлгэр жишээ болсон ийм бvсгvйчvvдийн хувьд төдийлэн болчимгvй алхам хийхээс цэрвэнэ. Гудамжинд гараад хар хvн хайгаад явалтай биш, яах аргагvй өөрийн хvслээ хорьж цагдахаас өөр зам байдаггvй аж. Ийм насны хvмvvст зориулсан тэднийг учруулж уулзуулах, хэрэгцээг нь хангах шаардлагатай орчин, арга хэмжээ манай нийгэмд vнэхээр байдаггvй. Зарим нэгнийх нь хувьд зайлшгvй энэ хэрэгцээнээсээ болоод айлын нөхөр уруу татах, энэ нь цаашлаад нууц амраг гэр бvлийн гадуурх таагvй харилцаанд хvргэдэг. Тэр хvмvvсийг vнэндээ буруутгах арга байхгvй. Энэ бол огт яригддаггvй хэрнээ нийгэмд vvсээд байгаа маш том асуудлын нэг яахын аргагvй мөн. Дараа бид нууц амрагийн тухай хавтасны сэдэвтээ энэ тухай дэлгэрэнгvй өгvvлэх болно.

Эрчvvд сексээс чин сэтгэлийн харьцааг хvсдэг
“Гарьд манлай" эрэгтэйчvvдийн эмнэлгийн ерөнхий эмч, анагаах ухааны магистр, эрvvлийг хамгаалахын тэргvvний ажилтан З.Цэгмидтэй уулзаж ярилцлаа.

- Сексээс болоод сэтгэл зvйн дарамтад орсон эрчvvд танай эмнэлэгт ирдэг vv?
- Тийм хvмvvс байна аа. Өсвөр насныханд их тохиолдоно. Эхлээд жаахан боловсролдоо анхаарчихсан, сексийн талаар бодохгvй, ямар ч ойлголтгvй явж байгаад анхныхаа эмэгтэйтэй хавьтдаг. Нөгөөх нь өөрөөс нь эгч юм уу, урьд нь найз залуутай байсан хvн таарах юм бол тэр байдлыг нь мэдэхгvй "Ямар хурдан тавьдаг юм бэ" ч гэдэг юм уу санамсаргvй эвгvй байдалд оруулдаг. Нөгөө ойлголтгvй хvн чинь би нээрээ ямар нэг асуудалтай юм байна гэж боддог. Эмчид ч ханддаггvй. Тийм байдлаа дотроо удаан хадгалж яваад тэр нь сексийн хөрөлд хvргэж эмгэг байдал руу шилжихийн өмнө манайд ирдэг л дээ. Бид хосын зөвлөгөө, ганцаарчилсан зөвлөгөө өгдөг. Тэд ямар ч эм тариа хэрэглэхгvйгээр зөвхөн сэтгэл зvйн зөвлөгөө аваад эдгэрчихнэ.

-Бэлгийн таарамжгvй харьцаатай хосууд ирнэ биз?
- Ирнэ ээ. Анхнаасаа нэг их сексийн харьцаанд ороогvй байж байгаад гэрлээд удалгvй хvvхэд гаргачихсан. Хvvхэд гаргаснаасаа хойш эмэгтэй хvн тэр болгон дур ханахыг мэдрэхгvй явчихдаг тал бий. Тэгэнгvvт сексийн зохицол нь алдагдаад эхэлдэг.

-Манайх эмэгтэйчvvдийн дунд судалгаа явуулсан юм. Тэдний нэлээд хувь нь дур ханаж vзээгvй гэсэн хариулт өгчээ. Энэ юунаас болж байна?
- Байгалиасаа эмэгтэйчvvдийн дур тавьдаг цэгvvд нь эхлээд хөгжөөгvй байдаг л даа. Эрэгтэй хvн бол эхний хавьталтаар дур тавилтын амтыг мэдэрдэг. Эмэгтэйчvvд тодорхой хугацаа өнгөрсний дараа мэдэрдэг. Гэтэл vр тогтоох чадвар нь зvгээр, өсөлт нь зvгээр мөртлөө сексийн мэдрэмжийг мэдрэхгvй хэсэг бvлэг хvмvvс байна. Тэр цочроох хэсэгт нь сэрэл vvсэхгvйгээр насан туршдаа зөвхөн эрэгтэйдээ vйлчилдэг. Өөрөөр хэлбэл сексийн сэрэлгvй хvмvvс. Тvvнийг эмчлэх явдал анагаах ухаанд хvнд асуудлын нэг хэвээрээ байгаа. Аль ч улсад ялгаагvй. Эрэгтэй хvнд ч бас ийм зvйл тохиолддог. Анхнаасаа сахал ургаагvй, бэлэг эрхтэн нь дутуу хөгжсөн ч байдаг юм уу, энэ ч гэсэн анагаах ухаанд хэцvv асуудлын нэг.

-Эрэгтэй, эмэгтэй хvмvvсийн сексийн идэвхтэй нас ямар байдаг юм бэ?
-Эрэгтэй, эмэгтэй хvмvvсийн сексийн нас өөр л дөө. Өсвөр наснаас эхлээд 50 хvртлээ эрэгтэй хvн гормонлог байна. 50-иасаа хойш буурсаар байгаад 90 хvрээд л бvр зогсоно. Эмэгтэйчvvдийнх өөр. Гормон нь тийм огцом өсдөггvй. Хvмvvс цэвэршинэ гэж ярьдаг шvv дээ Эмэгтэйчvvдийн бэлгийн идэвхтэй нас тvvнээсээ хойш ч vргэлжилдэг. Ер нь бол эмэгтэйчvvдийн бэлгийн vйл ажиллагаа эрэгтэй хvнийх шиг 90 хvрээд зогсчихно гэж байдаггvй. Арай давуу талтай.

- Манайхан чинь нас нь жаахан өтлөөд ирэхээр бие биеэ хайхрахаа больчихдог тал бий?
- Монголчуудын дундаж наслалт гадныхныг бодвол арай эрт л дээ. Манайхан уг нь гормонлог vедээ, зөв vедээ гэрлэдэг. Тэгэхэд Солонгос, Японд дунд зэргийн орлоготой хvмvvс нь 40 хvрч байж гэрлэдэг. Энэ байдлаасаа болж байгаа юм л даа. Анатомийн хувьд харин адилхан. Жишээ нь эрт сексийн харилцаанд орлоо гээд эрт бууралтад орохгvй. Цаг хугацааны явцад л өөрчлөгддөг. Нэг нэгнээ учиргvй их хайрладаг, харамладаг vеvд нь бага багаар буурна гэсэн vг. Энэ бол хvн болгонд байдаг зvйл шvv дээ. Тэрийг илэрхийлж байгаа байдлаасаа л болно. Хvний ухамсраар, яаж зохицуулж авч явахаас л шалтгаална. Жишээ нь, 50 гарсан хvн халуун хайртай учраад 20 настай vеийнх шигээ өөрчлөгдөж болно.

- Эрэгтэй, эмэгтэй хvний физиологийн онцлогууд нь юу вэ?
- Эрэгтэй хvний секс огцом vvсдэг. Огцом буурдаг. Хаалга дуугарах юм уу, нэг эвгvй vг хэлэхэд аймаар өндөр цэгтээ хvрсэн байсан бол шууд 00 цэгтээ очдог. Эмэгтэй хvнийх бол аажуу өгсдөг. Өндөр цэгтээ хvрчихсэн байж байтал нь хаалга дуугарах юм уу, эвгvй vг сонссон байлаа ч тэр зоргоор буурдаггvй.

- Өнөөгийн залуусын нийтлэг хэлж ирж байгаа сексийн проблемууд юу байна?
- Манайд ч, бусад оронд ч байдаг. Эрэгтэйчvvдийн дур тавилт нь ихэнх хvмvvст хурдан байж байгаад амьдралын явцад жаахан удааширдаг. Зарим тохиолдолд энэ нь удаашрахгvйгээр өвдчихдөг эмгэг байдаг. Нэг ийм проблем байна. Хоёрдугаарт бэлгийн vйл ажиллагааны хөвчрөлт гэж байдаг. Хөвчрөх нь буурах, байрлалаа солиход буух гээд бэлгийн vйл ажиллагааны өөрчлөлтvvд байдаг. Ийм проблемууд их гардаг.

- Эмчлэгдээд бvрэн эдгэрэх vv?
- Бэлгийн vйл ажиллагааны өөрчлөлтvvд бол эдгэрдэг. Ямар ч гэсэн бэлгийн vйл ажиллагаагаа хэвийн явуулдаг болно л доо. Тvvнээс биш секс хийх тоог нь олон болгох ч юм уу, тийм асуудал байхгvй. Долоо хоногтоо хоёр чанартай явуулдаг болгож чадна. 50 хvрсэн хvн долоо хоног болгон өдөр болгон хийдэг болгоод өгөөч гэвэл чадахгvй. Энэ бол харьцангуй. Ямар ч гэсэн сайжирдаг.

- Танайд ямар насныхан их ханддаг вэ?
16-гаас хамгийн өндөр настай нь 87-той хvн хvртэл хандана. 87 гэдэг эрэгтэй хvний хувьд тийм ч өндөр нас биш гэж боддог. Хvмvvс 60 гараад эрэгтэй хvн сексийн харилцаанаас гарчихдаг гэж ойлгодог юм шиг байгаа юм. Тэр бол буруу ойлголт. Биеэ сайхан авч яваа, 90 гарсан чалхтай хvн байдаг.

- Сексийн замбараагvй харилцаа ямар сөрөг талтай вэ?
- Олон хавьтагчтай байх нь маш их хор хохиролтой. Хvмvvс мэддэг хэрнээ анзаарахгvй явдаг. Мэдээж хэрэг эмэгтэй хvний vтрээ болгон өөр өөрийн vvссэн бактераас цэвэршинэ. Тэр бактер нь хоорондоо дамжина. Бэлгийн замын өвчин шууд халдана. ДОХ, тэмбvv гээд эдгэх эдгэхгvй өвчин байдаг. Хамгийн элбэг тохиолдох нь заг хvйтэн, трихоманоз. Гормонлог насандаа 20 гарсан залууст элбэг тохиолдоно. Нас нь дээшлэх тусмаа бага гардаг.

- Эрэгтэйчvvд сексээс яг юу хvсдэг вэ?
- Хамгийн гол нь сэтгэл. Энэ бол анатомийн нөхөн vржихvйн хэрэгцээ биш, сэтгэл болон биеийн таашаал авах vйлдэл шvv дээ. Хэр зэрэг хайр халамж тавьж, vнэн сэтгэлээсээ хандаж байна, тэр байдлыг л эрчvvд хvсдэг. Тvvнээс биш механик vйлдлийг аль аль нь хvсдэггvй.

- Сексийн маш их дуршилтай хvмvvс байдаг. Энэ юунаас болдог юм бэ?
- Сексийн дуршилтай, дуршил багатай янз бvрийн хvмvvс байдаг. Гормоноосоо болдог. Олон дахин секс хийх сонирхолтой хvн байна. Тийм хvнд цаад эмэгтэй нь сексийн дуршилтай байвал зохимжтой. Нэг юм уу, хоёр удаа дур тавиад эмэгтэй нь дахиад хvсэхгvй, эрэгтэй нь хvсээд байвал энэ нь зөрчилддөг. Гэхдээ аль болох эмэгтэйнхээ санааг дагавал зvгээр байдаг. Гэтэл эрэгтэй нь сэтгэл ханачихсан байхад эмэгтэй нь шөнөдөө хэд хэд хvсдэг байх тохиолдол бий. Эрэгтэй хvнийг зохицуулж болдог. Эмэгтэй нь их хvсээд байвал бас жаахан зөрчил гардаг.

- Хэт дуршилтай байх нь төрөлхийнх vv?
- Хvн ер нь байгалийн л бvтээгдэхvvн гэж vздэг. Гормонлог байх нь удамшлын чанартай. Жишээлбэл ах дvv нараар нь харагддаг л даа. Тvvнээс биш Дорж, Дондог бvгд өөр өөр. Өндер нам, өргөн бvдvvн. Сексийн идэвхжил хvн болгонд харилцан адилгvй их бага байдаг.

- Сексээс болоод манай гэр бvл салах гээд байна гэсэн хосууд ирнэ биз?
- Яавал дээр вэ гэсэн зөвлөгөө авахаар ирэлгvй яахав. Vр хvvхэд гарчихсан байдаг, зөвхөн сексээс болоод салах уу? Энэ хvнд асуудал л даа. Сексийн зохилдлогоо маш чухал. Энэ асуудлаа зохицуулаад vнэнч шударгаар яваа хvмvvс байдаг.

- Танайд ирсэн хvмvvсээс тун сонин тохиолдолтой та учирч байв уу?
- 20 настай дөнгөж гэрлэчихээд 23 хvртлээ хоёр хvvхэдтэй болоод 25 хvрээгvй нөхөр нь бэлгийн харьцаа хийж чадахаа больж, тэгээд 17 жил сексийн харилцаа хийлгvй хvvхдээ өсгөөд тэвчээд яваад байсан нэг гэр бvл манай эмнэлэг байгуулагдахад хандаж байсан юм. Манайхаар эмчлvvлээд нөхрийнх нь бэлгийн vйл ажиллагаа сэргэсэн л дээ. Эрэгтэй хvний бэлгийн чадавх хэдэн жил завсардсанаасаа vл хамаарч сэргэдэг. Тиймэрхvv байдал эргээд сэргэх боломж ихтэй. 17 жил тэвчиж амьдарна гэдэг. Монгол эмэгтэйчvvдийн тэвчээр хатуужил ёс зvй, хvн чанар эндээс харагдаж байгаа юм л даа. Европт бол тэгэхгvй шvv.

Амьдралын чухал хэрэгцээ секс
Хvний амьдралд юу хамгийн чухал вэ? Хайр дурлал, эд хөрөнгө, албан тушаал, амар амгалан амьдрал гээд хvмvvс дор бvрнээ мэтгэлцдэг. Харин энэ хорвоо дээр эр, эм хоёр хvйсийн хvнд байгалиас нь заяасан нандин бэлэг бол яах аргагvй секс. Хvний амьдрал байгаа тохиолдолд бие сэтгэлийн цэнгэл эдлvvлдэг энэ таашаал гарцаагvй чухал байр суурь эзэлсээр л байх болно. Сексийн харилцаа байснаараа нийгэмд, гэр бvлд халуун дулаан уур амьсгал, хайр бий болдог. Энэ бол таны миний, бид бvгдийн нууж хаацайлах, хааж боох тийм хаалттай асуудал биш билээ. Тийм ч учраас бид энэ сэдвийг сонгох нь хvнлэг алхам хэмээн vзсэн юм.

Ийм нэгэн явдал
Хvний амьдрал хачин сонин vйл явдлаар дvvрэн байх юм даа. Хэдэн жилийн өмнө манайд ийм нэгэн явдал болжээ. Бат гэгч таксины жолооч залуу ажлаа хийгээд явж байтал юу юугvй төрөх дөхсөн, тогоон чинээ гэдэстэй залуу эмэгтэй зам дээр гараа өргөөд зогсож байх юм гэнэ. Бат өнөөх эмэгтэйг суулгатал төрөх рvv хvргэж өгөөч гэж арайхийн хэлжээ. Зам даа дуншиж өвдөн орь дуу тавиад их л зовж шаналж байлаа. Мань эр сандран аль болох хурдан очихоор авхаалж самбаагаа дайчилж, тvvний хажуугаар машин дотор минь төрчих вий, vгvй дээ л ус цас нь гарчих вий гэхээс яс нь хавтайж, хар хөлс нь цутгаж байж.
Арайхийж нэг юм эмнэлэг дээр очоод зайлуул ганцааранг нь буулгалтай биш өнөөх эмэгтэйг тvшин явсаар бvр оруулж өгчээ. Гэтэл эмнэлгийн нэг ажилтан тvvнээс утас хаягаа өгөхийг шаардахад, тэр нөгөө эмэгтэйгээс болоод балмагдсан сэтгэл нь тайвширч амжаагvй байсан тул учрыг нь лавлаж асуусан ч vгvй, утас хаягаа тэмдэглvvлж гэнэ. Гэтэл энэ явдал мартагдаж байтал хэд хоногийн дараа жинхэнэ хэрэг манджээ.
Батыг эзгvйд гэрлvv нь төрөх эмнэлгээс утасдаж эхнэртэй нь яриад хурдан ирж хvvхдээ ав, эх нь хvvхдээ орхиод явсан гэжээ. Нөгөө эмэгтэй төрөөд бие нь жаахан тэнхэрмэгц хvvхдээ ч авалгvй оргоод явчихсан юмсанж. Эмнэлгийн ажилтан Батыг тvvний нөхөр гэж бодоод утас хаягийг нь тэмдэглэж авсан нь тэр байж. Угаасаа ч хартай, ааштай эхнэр нь тvvнийг ирэхэд нь ёстой болгож тавьжээ. Учирлаж хэлээд ч нэмэргvй, уурлаж хашгираад тvvнээс ч долоон дор юм болж салж сарних дээрээ тулаад хоёр хvvхэд нь өнчрөх асуудал босч ирэв.
Бат ч эхнэртээ ойлгуулах гэж янз янзаар оролдоод дийлэхгvй бvvр сvvлдээ яах аргагvй өнөөх нялх хvvхдийн эцэг нь мөн эсэхийг тогтоолгох шинжилгээ хийлгэж гэнэ. Гэтэл тун аймшигтай хариу гарчээ. Тэр бол тvvний хvvхэд биш болоод зогсохгvй угаасаа Бат vр тогтоох чадваргvй болж таарчээ. Тэр энэ шинжилгээний хариунд итгэсэнгvй. Учир нь тэр хоёрын хоёр хvvхэдтэй шvv дээ. Энэ учраа гарган хэлж, ямар нэгэн андуурал байгаад эргэлзээгvй тул хоёр хvvхдээ ч дагуулан очиж шинжлvvлжээ. Гэтэл Батын vр тогтоох чадваргvй нь төрөлхийнх бөгөөд 100 хувийн магадлалтай, харин өнөөх хоёр хvvхэд нь өөр өөр эцэгтэй гэсэн лабораторийн дvгнэлт гарчээ. Энэ удаад эхнэрийнх нь хvссэн юм хvзvvгээр татаж тэр хоёр салж сарнисан аж. Амьдралд хачин юм их байх юм даа.

Г.Тэргэл