хэргийн гол буруутанг хууль хяналтынхан тогтоолгүй өнөөдрийг хүргэсэн юм. Мөрдөн байцаах ажиллагаа ч сунжирч олон нийтэд хүлээлт үүсгээд буй. Уг хэрэгт тухайн үеийн цагдаагийн удирдлагуудыг холбогдуулан яллагдагчаар татсан билээ. Тэдний нэг Хэв журмын хэлтсийн даргаар ажиллаж байсан дэд хурандаа Г.Ганбаатар үймээний үеэр хэрхэн үүрэг өгч ажиллаж байсан талаар Эргүүл хамгаалалтын газрын илтгэх хуудаст доорх байдлаар тэмдэглэгдэн үлджээ.

Хэв журмын хэлтсийн дарга, цагдаагийн дэд хурандаа Г.Ганбаатарын өгсөн үүргийн дагуу

1. Туушин компаний өмнөх талбайд 106 офицер, цагдаа, 6 автомашинтай.
2. НЦГ-ын хашаанд 84 сфицер, цагдаа, 4 автомашинтай.
3. Сонгуулийн ерөнхий хорооны байрны ард талд 42 офицер, цагдаа, 2 автомашинтай.
4. Далд хамгаалалтанд 30 офицер, цагдаа ажиллав.
5. ЭХГазар дээр бэлэн байдалд 27 офицер, цагдаа, 1 машинтай тус тус байрласан.
НЦГ-ын Хэв журмын хэлтсийн хамгаалалтын тасгийн дарга, цагдаагийн ахмад Ш.Батболдын өгсөн үүргийн дагуу 14.55 цагт нийслэлийн Цагдаагийн газар, Сонгуулийн ерөнхий хорооны ард байрласан 126 офицер, цагдаа, бэлэн байдлын 27 офицер, цагдаа хүн хүчийг “Туушин” компанийн өмнө татаж нийт 289 офицер, цагдаа, 12 автомашин,132 ширхэг каск, 150 бамбай, 181 гар станцтай хамгаалалтын ажилд бэлэн болгосон.
НЦГ-ын Хэв журмын хэлтсийн дарга, цагдаагийн дэд хурандаа Г.Ганбаатар, Хэв журмын хэлтсийн хамгаалалтын тасгийн дарга, цагдаагийн ахмад Ш.Батболд нараас 15.35 цагт өгсөн үүргийн дагуу МАХН-ын төв байрны зүүн талд 20 офицер, цагдаа баруун талд 5, 6-р тасгийн 32 офицер, цагдааг гинжин хамгаалалтанд байрлуулсан.

Нийслэлийн цагдаагийн газрын дарга, цагдаагийн хурандаа О.Зоригт, НЦГ-ын Хэв журмын хэлтсийн дарга, цагдаагийндэд хурандаа Г.Ганбаатараас өгсөн үүргийн дагуу тус газраас 00.50 цагт сургуулийн 260 ширхэг сумтай АКМ буу 13 ширхэг, 25 ширхэг сумтай ЙЖ -79-8 хийн гар буу 5 ширхэгийг нийслэлийн Цагдаагийн газар дээр татаж авчирсан.

Түүнчлэн уг хэрэгт шалгагдаж байсан цагдаагийн ажилтнуудын нэг ахмад Ш.Батболдын өгсөн үүрэг даалгавар ч илтгэх хуудаст бичигджээ.

Хэв журмын хэлтсийн хамгаалалтын тасгийн дарга, ахмад Ш.Батболдын өгсөн үүрэг

Хэв журмын хэлтсийн 4, 5 дугаар тасгийн 68 алба хаагчдыг жагсагчид дундуур хүч сааруулахаар 2 дугаар эгнээнд гинжин хамгаалалтанд авч байрлуулсан.

Хэв журмын шуурхай удирдлагын төвийн жижүүрээр дамжуулан өгсөн үүргийн дагуу МАХН-ын байр руу дайрч, гэрээт харуул хамгаалалтын алба хаагчдыг зодон шилэн хаалгыг хагалж, танхайрч байсан 50 гаруй иргэдийг тарааж, 15.50 цагт тус газрын 1, 2 дугаар тасгийн 96 алба хаагчийг бамбай, хамгаалалтын дуулга малгайтайгаар МАХН-ын төв байрны өмнө талбайд жагсагч, цуглаанд оролцогчдын өмнөх хамгаалалтанд 1 дүгээр эгнээнд гинжин хамгаалалтанд оруулсан.

Хамгаалалтын үед 3 дугаар тасгийн 30 офицер, цагдааг жагсагчдын дунд энгийн хувцастай ажиллуулсан.

Эргүүл хамгаалалтын газраас хамгаалалтанд ашиглахаар 1 дүгээр эгнээн ажиллаж байгаа алба хаагчдад 10 ширхэг цахилгаан бороохой, хамгаалах малгай 6 ширхэг, бамбай 60 ширхэг нэмж 15.50 цагт авчруулж бүрэлдэхүүнд олгосон.
Хэв журмын хамгаалалтанд 1 дүгээр эгнээнд 1, 2, 3 дугаар тасгийн алба хаагчид хамгаалалт хийж байх үед хэсэг залуучууд цагдаагийн алба хаагчийн эсрэг чулуу, тоосго зэргийг шидэж шил, цонх хагалж эмх замбараагүй байдал үүсгэсэн этгээдүүдийг түрж, шинээр баригдаж байгаа “Шангрила” барилгын хашаанд хүргэн зогсоосон.

Жагсагчид 18.10 цагт чулуу, мод, төмөр шидэх үйлдэл улам эрчимжиж МАХН-ын төв байрны баруун талд 400 гаруй иргэд, чулуу шидэж хамгаалалтын цувааг эвдсэнээс шалтгаалж МАХН-ын төв хаалганы хамгаалалтад ажиллаж байсан 1, 2 дугаар тасгийн алба хаагчид 18.20 цагт хаалгаар түрэгдэн орсон.

Эргүүл хамгаалаптын газрын ЭХХЧА, цагдаагийн ахмад Г.Мөнхбатын өгсөн үүрэг

18.45 цагаас Соёлын төв өргөөний ойролцоо байрласан албаны машинуудыг өөр газар байрлуулсан. Газраас нөөц хүчинд ажиллаж байсан алба хаагчид эмнэлгийн анхан шатны тусламж үзүүлэх зорилгоор эмч, сувилагч нарыг хүч нэмэгдүүлэн 18.50 цагт татаж ажиллуулсан. МАХН-ын байрны баруун талын 1 давхарын өрөөнүүдийн хөшгийг 19.00 цагт шатааж эхэлсэн.

Н.Түвшин

Долдугаар сарын 1-ний хэргийн талаарх илтгэх хуудас
Tweet
Bolod.mn

Сэтгэгдэл (1)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
МОНГОЛД ХУНИЙ АМИ НАС УНЭГҮЙ УХСЭНИЙ ХОХИ БОЛООД ӨНГӨРДӨГ. БУРУУТАЙ БАЙСАН БАЙЖ БОЛНО. ЗУГЭЭР Л НОХОЙНООС ДОР БУУДААД АЛНА ГЭДЭГ БАЙЖ БОЛОХ ЗУЙЛ МӨН УУ/. БУУ АГССАН ЦАГДАА ДУРААРАА БУУДСАН БАЙХ УУ/ БУУДАЖ АЛАХ УУРЭГ ӨГСӨН ЦАГДААГИЙН ДАРГА НАР ХАРИЦЛАГА ХУЛЭЭХ УУ/ ЭРДЭНЭТ ХУНИЙ АМИЙГ НИ ТАСЛАХ БӨХ ЗУРХТЭЙ МОНГОЛИЙН ЦАГДАА НАРААС АРД ТУМЭН МОНГОЛ ХУН БУР УНЭН ЗӨВ ХАРИУЛТИЙГ ХУЛЭЭСЭЭР БАЙГАА. ЭНЭ ХЭРЭГ ЗАМХРАХ АВААС АР ГЭРИЙНХЭН НИ ДАРУЙ ТЭМЦЭХ ХЭРЭГТЭЙ. БУУДАН АЛДАГ МОНГОЛ ЦАГДАА НАРАА ОДОО УНЭНИЙГ ХЭЛ. ТА НАР ӨРГӨСӨН ТАНГАРАГТАА УНЭНЦ БАЙНА ГЭЭД ЗОЛИГТ ГАРААД БАЙГААГАА МЭДЭЖ БАЙНА УУ. ЗАГАСАН НУДЭТ МОНГОЛ ЦАГДАА НАРАА ОДОО УНЭНИЙГ ХЭЛЭЭД ХЭН БУРУУТАЙ ЭТГЭЭДИЙГ НИ ТОГТООВОЛ ХЭН ХЭНДЭЭ АМАРДАА. МАТАЖ БАЙГАА ХЭРЭГ БОЛ БИЦ.

2012-09-12 | 20:51:50 | 92.124.29.188 |

Мэдээ
Гадаад мэдээ
Видео