Эмэгтэйчүүд охидод

Хүндээр бие засаад хошногоо арчихдаа үтрээнд нян тараахгүй байх үүднээс урдаас хойш нь заавал арчиж хэвшээрэй.

Үтрээнд дотуур угаалга хийхгүй мөн аливаа үнэртэн бүү хэрэглэ.

Эдгээрийг хэрэглэх ямарч шаардлагагүй бөгөөд энэ нь үтрээг үрэвсүүлэх боломжтой Харин бэлэг эртэнийг угаахдаа түмпэн дээр явган сууж бүлээн усыг бэлэг эрхтнийхээ дээрээс гоожуулан урдаас хойш нь чиглалээр зөвхөн гадна хэсгийг (умдаг, бэлгийн мх, бага уруул, хярзан, хошногоны эргэн тойрон хэсэг) зориулалтын саван ашиглан угаана.Өдөрт нэг удаа угаахад хангалттай ба дотуур өмдөө ч өдөрт нэг удаа сольж байгаарай.

Хөхөө тогтмол шалгаж байх нь хөхний хорт хавдраас сэргийлнэ.
1. Гараа ээлжлэн, дараа нь хоёуланг нь шилэн хүзүүндээ барьж зогсоод умайж үрчийсэн, хонхорхой үүссэн эсэх хөхний толгой ямар нэг өөрчлөлт гарсан, хөхний толгойноос ямар нэг зүйл гарч байгаа эсэх
2. Гараараа хөхнийхөө орчмыг тэмтэрч үз Ямар нэг булдруу, хатуу зүйл тэмтрэгдэх, хөх хөндүүрлэх , арьсны бүтцэд өөрчлөлт байгаа эсэх
Ингээд ямар нэг өөрчлөлт илэрвэл мэргэжлийн эмчид эрт хандах нь сайн шүү

Умдагны үсийг хусаж болох уу?
Энэ нь тийм ч ухаалаг сонголт биш шүү.Учир нь умдаг болон бэлэг эрхтэн орчим ургасан үс нь бэлэг эрхтнийг бохирдохоос тодорхой хэмжээгээр хадгалдаг ач холбогдолтой юм.Мөн үс хусах дадал туршлага сайнгүй бол арьсаа зүсэх бэлэг эрхтнээ гэмтээх ч болзошгүй гэдгийг санаарай.

Эмэгтэй хүний бэлэг эрхтнээс цагаан юм гарах ёстой юу?
Эмэгтэйчүүдэд бэлэг эрхтнээс унжралдсан,цэнхэрдүү өнгөтэй бага хэмжээний ялгадас гарах бөгөөд энэ нь хорсох, загатнах ямар нэгэн зовиур үүсгэдэггүй. Өдөр бүр бэлэг эрхтнээ угааж, дотуур хувцсаа сольж буй тохиолдолд тэр бүр ялгараад байгаа нь ч анзаарагдахгүй. Харин цагаан юм байнга их хэмжээгээр ялгарах,мөн бэлэг эрхтэн орчим таагүй зоьвиурууд үүсэх нь ихэнхдээ бэлэг эрхтний үрэвсэлт өвчнүүдийн үед илэрдэг шинж тул эмчийн зөвлөгөө авах нь чухал юм.

Эмэгтэй хүний муу цус нь сарын тэмдэг болж таарах уу?
Үгүй.Эмэгтэйн өндгөвчнөөс ялгарах биологийн идэхвит бодис болох дааврын нөлөөгөөр сар бүр умайн дотор хана хөвсийж зузааран жирэмслэхэд бэлтгэгдэнэ.Харин жирэмслээгүй нөхцөлд умайн хөвсийж зузаарсан хана ховхорч гуужин,үтрээгээр дамжин гадагшилж цус,салс,салиа болон гадагшилдаг.Тийм учраас сарын тэмдгийн цус нь өвөрмөц үнэртэй,хүрэвтэр өнгөтэй,бүлэгнэдэггүй чанартай байдаг онцлогтой.

Сарын тэмдгийн мөчлөг гэж юу вэ?
Тухайн сарын тэмдэг эхэлж үзэгдсэн эхний өдрөөс дараагийн сарын тэмдэг ирэх өдөр хүртэлх хугацааг нэг мөчлөг гэнэ.Сарын тэмдгийн мөчлөг нь эмэгтэй бүрд харилцан адилгүй байдаг.Зарим эмэгтэйд 28 хоног,заримд нь 24 хоног нөгөө заримд нь 32 хоног гэх мэт янз бүрийн мөчлөгтэй байна.Гэхдээ сарын тэмдэг доод зах нь 20 хоног,дээд зах нь 35 хоногийн мөчлөгтэй байж болох бөгөөд нэг удаад 3-7 хоног хүртэл хугацаагаар үргэлжилж ойролцоогоор 150 мл цус ялгардаг.Мөн сарын тэмдэг ирэх хугацаа нь чиний товлож буй өдрөөс ойролцоогоор 7 хоног хүртэлх хугацаагаар хойшоо буюу урагшаа хэлбэлзэлж ирж болно.Энэ тухайн сар дахь эмэгтэйн эрүүл мэнд,сэтгэл санааны байдал,ажлын ачаалал,хоол тэжээл,өвчлөл зэрэг олон хүчин зүйлийн нөлөөтэй холбоотой юм.

Сарын тэмдгийн үед эрүүл ахуйн ямар дэглэм баримтлах вэ?
Сарын тэмдгийн үед ариун цэврийг сахих нь маш чухал.Тохирсон ариун цэврийн хэрэгслийг гарч буй цусны хэмжээнээс шалтгаалан өдөрт хэд хэдэн удаа солих хэрэгтэй төдийгүй ариун цэврийн хэрэгслэлээ гуяны дотор талыг үрж холгохгүйгээр,хөдөлгөөнгүйгээр дотуур өмдөндөө байрлуулах нь зүйтэй.Ариун цэврийн хэрэглэлээ солих бүрдээ бэлэг эрхтний гадна хэсгийг усаар угаагаарай.Харин үтрээг угаах шаардлага байдаггүй.Нүүр,гар угаахад зориулагдсан анхилуун үнэрт савангууд нь цочрол өгч ,харшил үүсгэдэг учир хэрэглэх нь зохимжгүй.

Охидод

Шилжилтийн нас?
10-18 насны хооронд охидын бие махбодь өөрчлөгдөж нас бие гүйцсэн эмэгтэйн төрхтэй болдог.

Бүсэлхий ташаагаараа ялимгүй таргалах
Хөх ургах
Бэлэг эрхтэний орчим бас суганд үс ургах
бэлэг эрхтэнээс цагаан өнгөтэй унжралдсан зүйл ялгарах
биений юм ирдэг болох Эдгээр өөрчлөлтүүд чамд ажиглагдвал шилжилтийн нас буюу бэлгийн бойжилтын үе чинь юм шүү Энэ нь чи ээжтэйгээ эгчтэйгээ адилхан нас бие гүйцэж байна аа гэсэн үг юм. Чиний амвдралын энэ үе хамгийн эгзэгтэй, хариуцлагатай , сонирхолтой хэсэгхэн хугацаа юм шүү

Шилжилтийн нас хэзээ эхэлж хэзээ дуусдаг вэ ?
10-18 насны хоорон охидын шилжилтийн нас явагдаж чи нас бие гүйцсэн эмэгтэй болдог Тухайн хүүхдийн өсөлт бойжилт , хоол тэжээл, удамшил асаргаа сувилгаа, гээд олон зүйлээс хамааран эрт эсвэл орой шилжилтийн нас эхлэх нь бий. Харин 8 наснаас эрт бэлгийн бойжилтийн шинж илрэх, 16 наснаас хойш дээрхи шинжүүд илрэхгүй байх нь хэвийн биш бөгөөд энэ тохиолдолд охидын эмчид хандаарай

Хөх хэдэн наснаас ургаж эхлэх вэ?
Охидын бэлгийн булчирхайнаас (өндгөвчнөөс) ялгарах дааврын нөлөөгөөр 10-11 наснаас хөх ургаж эхэлнэ.Ургаж эхлэхдээ хөндүүрлэн өвдөж,эмзэглэлтэй байдаг боловч томрохын хирээр өвчин нь арилнаХөхний хөгжил ихэвчлэн 17-18 насанд гүйцдэг.

Хөхний хэмжээ ижил биш том жижиг байж болох уу?
хөх ургаж эхлэхдээ хүн бүрлд өөр өөр байдаг.Зарим охидод эхлээд нэг талын хөхний толгой нь томорч ургадаг бол нөгөө үзаримд нь хөёр хөх нь жигд ургаж эхэлнэ.Аль ч тохиолдолдолд санаа зовох хэргэгүй.Учир нь тун удалгүй ижилхэн хэмжээтэй болж жигд ургадаг юм.

Яавал гоё сайхан хөхтэй болох вэ?
Эмэгтэй хүний гоо үзэсгэлэнг бүрдүүлж байдаг чухал эрхтнүүдийн нэг нь хөх билээ.гоё сайхан хөхтэй болох алхамыг хөх ургаж эхэлж буй үеэсээ хийх нь илүү үр дүнтэй.Зарим охид ичиж буvдаас нуух зорилгоор нуруугаа хавчиж бөгтийн явдаг бөгөөд энэ нь тун буруу арга юм.Харин цээж тэнэгэр,нуруу тэгш явж сурах ,зөв суух нь чиний гоё хөхтэй болоход чинь багагүй нөлөө үзүүлдэг гэдгийг снанаарай.Мөн зориулалтын дасгал ,хөдөлгөөнүүд ч байдаг бөгөөд үүнийг ёурч тогтмол хийх хэрэгтэй шүү.

Хөхний даруулгыг заавал зүүх ёстой юу?
Зүүх эсэх нь чиний шийдэх асуудал.Хөхний даруулга огт хэрэглэдэггүй охид эмэгтэйчүүд ч байдаг.Хэт том хөхтэй бииш,мөн даруулага зүүх нь чамд ттаалагддаггүй бол зүүхгүй байж болно л доо.харин даруулгыг хэрэглэхээр шийдсэн бол түүнийг зөв сонгож хэрэглээрэй.Охидын хувьдсийрэг мсүлжээстэй даавуун материалаар хийсэн хатуулгатай байх нь илүү тохиромжтой.Энэ нь хөхний хэсгийн агааржуулалт ,цусны эргэлтийг сайжруулж хөхний ургалтанд сайнаар нөлөөлдөг.

Охидод хэдэн насанд сарын тэмдэг ирэх ёстой вэ?
Охидод 10-16 насны хооронд анхны сарын тэмдэг ирэхийг хэвийн гэж үздэг.Сарын тэмдэг анх үзэгдсэнээс хойш эхний 1-2 жилийн дотор мөчлөг нь тогтворгүй байх ба өөрөөр хэлбэл сар алгасах,нэг удаад зовиур шаналгаагаагүйгээр илэрч болох бөгөөд харин 2 жил орчмоос мөчлөг нь заавал тогтмолжих ёстой.хХарин сарын тэмдэг 10 наснаас өмнө үзэгдэх эсвэл 16 нас хүрээд үзэгдэхгүй байх нь ямар нэг эмгэг шалтгаантай холбоотой байдаг тул охидын эмчийн зөвлөгөө аваарай.

Сарын тэмдэг
Өндгөн эс умайн гуурсан хоолойгоор дамжин явахдаа замдаа эр бэлгийн эстэй нийлж үр тогтоогүй нөхцөлд түүнийг хүлээн авахаар бэлтгэж байсан умайн хана ховхорч гадагшлахыг сарын тэмдэг гэдэг. Сарын тэмдэг нь тухайн охины өндгөвчин өндгөн эс боловсорч эхэлсэн үеэс үзэгддэг тул охины эрүүл өсч бойжиж байгааг илэрхийлэхээс гадна мөн жирэмслэх чадвартай болж буйг ч илтгэдэг шинж юм

Дисменорей
Энэ нь сарын тэмдэг их өвдөлттэй хэвлийн доод хэсгээр базлах, ууц нуруу хөших зэрэг зовиуртайгаар ирэхийг хэлнэ. Энэ үедээ

хоол ундандаа хэрэглэх давсны хэмжээг багасгах
буцалсан ус өдөрт 1-1.5л хүртэл уух
хэвлийн доод хэсэгт бүлээн жин тавих
өвдөг тохой дээр тулж хэвтэх
өвчин намдаах эм уух
даарахгүй дулаан байх хэрэгтэй

Хэрэв эдгээр аргууд үр дүн өгөхгүй дээрхи шинжүүд байнга үзэгдээд байвал мэргэжлийн эмчид хандаарай

Ариун цэврийн хэрэгсэл
Ариун цэврийн хэрэгсэл нь нэг тал нь ус нэвтрүүлдэггүй зөөлөн даавуун живх юм. Үүнийг биеийн гадна талд хэрэглэж сарын тэмдгийн үеэр гарах цусыг шингээж авдагаараа тампоноос ялгаатай Ариун цэврийн хэрэгсэл нь дотуур өмдөнд наалдах зориулалттай байдаг. Сарын тэмдгийн ирсэн хугацаа хэдий хэмжээний цус гарч байгаагаас шалтгаалж ариун цэврийн хэрэгслийн зузаан нимгэнг тохируулна. Ариун цэврийн хэрэгслийг өдөрт хэд хэдэн удаа солих шаардлагатай.

Тампон
Нэг үзүүртээ уяатай нягт ороосон гонзгой хөвөнг тампон гэдэг Тампоныг үтрээний дотор талд тусгай зүйлийн тусламжтайгаар буюу эсвэл хуруугаар түлхэж байрлуулна. Тампон нь биеийн тамирын дасгал хөдөлгөөний үед ,усанд сэлэхэд ч хэрэглэж болно. Их бага шингээлттэй тампоныг гарч байгаа цусны хэмжээнээс хамаарч хэрэгдэх нь тохиромжтой. Сарын тэмдэгийнхээ хамгийн их цус гардаг үед нь ариун цэврийн хэрэгсэл хэрэглэх нь зүйтэй. Тампон нь дотогшоо алга болох юм уу буруу газар орно гэж байхгүй

Архив ангилал

Эмэгтэйчүүд охидод

Сэтгэгдэл (4)