Тэрээр Олторпын виконт, гүн Спенсерын гурав дахь охин юм. 1981 онд хунтайж Чарльзтай гэрлэсэн. 1982 оны 6-р сард хунтайж Уильям, 1984 оны 9-р сард хоёр дахь хүү Гарриг төрүүлсэн. 1992 онд албан ёсоор салах тухай мэдэгджээ. 1997 онд нууц амрагийн хамт автын ослоор амь үрэгдсэн байна.

Гүнж Дианагийн үхэл бүх Английг донсолгосон билээ. Букингемийн ордны өмнөх талбай цэцгээр дүүрч засмал дээр гашуудлын лаа асна. Эмгэнэлийн дэвтэрт өөрийн гарын үсгээ үлдээхийн тулд долоон цаг урт дараалалд зогсон хүлээж байлаа. Гүнжийг оршуулах өдөр нэг минутын дуугүй байх ёслол хүртэл үйлджээ.
Янз бүрийн хүмүүс хичнээн их хайрлаж хүндэлж байсныг харуулах зүйл олон байдаг: түүний нэрэмжит буяны сан байгуулагдсан, тун удахгүй мин хориглох гэж байна, яг түүний төлөө л тэрээр шуурхай тэмцэж байсан билээ. Түүний гэр бүл нэг их баян чинээлэг байгаагүй ч гэсэн, жинхэнэ язгууртан байлаа. Спенсерийн гэр бүлийнхэн Карл хаанаас анх гүн гэдэг цол хэргэмийг авсан билээ. Дианагийн ээж нөхөрт гарахаас өмнө леди Фермой байсан бөгөөд Ирланд гаралтай юм. Дианагийн эцгийн талын удмынхан дотор элчин болон, ерөнхий сайдын алба хашиж явсан хүмүүс ч байжээ. Спенсерын гэр бүл английн олон язгууртантай төрөл садангийн харилцаатай байсан юм. Елизавета хатан хаан Дианагийн бага дүүгийн загалмайлсан эх нь билээ. Дианаг эртний язгууртнуудын гэр бүлийн уламжлалын дагуу хүмүүжүүлсэн байна. Хамгийн гол дүрэм эцэг эх болон хүүхдүүдийн хоорондын зайг барих, Спенсерын гэр бүлд дөрвөн хүүхэд байсан агаад тэднийг хүмүүжүүлэг багш нар хүрээлнэ, харин эцэг эхтэй тун ховорхон тохиолдолд л харилцана. Дианаг 7 настай байхад эцэг эх хоёр нь салжээ.

Тэр үед салах тохиолдол тун ховор гарах учир Диана болон түүний дүү Чарльз нар орчин үед хэлдгээр тогтворгүй гэр бүлд өссөн хүмүүс байлаа. Эх нь Лондон руу шйлжиж америк бизнесмэн Питер шанд-Кидтэй хайрын харилцаа тогтоосон юм. Үнэн хэрэгтээ түүний төлөө л тэрээр гэр бүлээ орхисон байна. 1969 онд тэр хоёр гэрлэжээ. Дианагийн сурлага тийм ч сайн байсангүй. Гэхдээ хачин сайхан бүжиглэх бөгөөд 1976 онд бүжгийн уралдаанд хүртэл түрүүлж байсан юм. Гэвч 178 см өндөр байсан явдал түүнд бүжгийн жүжигт оролцох боломж олгоогүй билээ. Уэльсийн гүнж болчихсон байхдаа тэрээр Жон Траволтатай хамтран рок-н-ролл бүжиглэж америкчуудыг гайхшруулж байсан юм. Вест-Хете дэх нэр хүндтэй сургуулийг төгсмөгцөө Диана хоёр жил Швейцарт өнгөрүүлсэн байна. Тэрээр хоол унд бэлтгэх, оёх, гэр ахуйг хэрхэн хөтлөх зэрэг эрдэмд суралцаж байсан юм. Тэрээр ихэд уйтгарлах агаад франц хэл сурах нь түүний чадлаас илүү зүйл байсан бололтой.

хунтайж Чарльзтай анх танилцахад тэрээр дөнгөж 16 настай байлаа. Эхлээд хаан ширээг өвлөгч энэ эр Дианагийн том эгч Сара Спенсерт сээтэн хаядаг байжээ. Тэр хоёрын танилцсан явд ал зөвхөн өнгөц зүйл байлаа. Илүү гүнзгий харилцаа гурван жилийн дараа эхэлсэн юм. Гэвч Чарльз инээх дуртай Дианатай их эелдэг харьцана. Насанд хүрсний ойг нь тохиолдуулан аав нь Дианад тусдаа байр гаргаж өгсөн байна. Тэрээр биеэ даасан хүн болсон билээ. Хүүхэд асрагч хийж амьдралдаа залгуулна. Таньдаг залуучуудын хувцас хунарыг угааж бас мөнгө олно. Тэр ч бүү хэл үл таних хүмүүсийн байр орон сууцыг цэвэрлэж хоолны хэдэн мөнгөө олдог байсан гэдэг. Түүний нэг цагийн ажил 1 фундтэй тэнцэнэ. Ингээд нэг удаа өөрийн фунтээ олох гэж хөдөлмөрлөж байхдаа гэрийн эзэгтэйд хааны ан авд уригдсан болохоо дуулгажээ. Гайхамшигтай гэж эзэгтэй гайхав. Магадгүй хэзээ нэгэн цагт чи Английн хатан хаан нь ч болох юм бил үү. Гэвч Диана Үнсгэлжингийн нэгэн адил өөрийн аз жаргалдаа итгэхгүй байна. …хунтайж Чарльз 33 настай болжээ. Тэрээр Английн хамгийн үнэ хүндтэй сүйт хархүү байсан нь ойлгомжтой. Нэг ч бүсгүй түүний цол хэргэмийн өмнө зүгээр байх аргагүй билээ.

Хатан Елизавета болон түүний нөхөр хунтайж Филипп нар Камилла Паркер Боулзтэй хэтэрхий удаан хугацаанд харилцаж байгаа явдал нь огтхон ч таалагдахгүй байлаа. Камилла армийн офицер Эндрю Паркер Боулзын гэргий байсан юм. Тэр хоёрын харилцаа 1972 оноос хойш үргэлжилсээр ирсэн байна. Гэвч Камилла хэрхэвч ирээдүйн хатны дүрд тохирохгүй бүсгүй юм. хунтайж Филипп Дианатай гэрлэхийг санал болгосон гэж ярьдаг. Диана залуу, эрүүл саруул, үзэсгэлэнтэй бас язгууртан. Түүнийгхааны жүчээнд морь сонгож байгаа мэт сонгосон нь ойлгомжтой. Чарльзыг гэрлэх санал тавих үед Диана ёстой гэрэлтэх мэт байсан гэж түүний дүү хэлсэн байдаг. Хүүхдийн цэцэрлэгийн хүмүүжүүлэгч бүсгүйн хувьд энэ өдөр хамгийн аз жаргалтай өдөр болсон юм. 1981 оны 7-р сарын 29-нд Диана Спенсер ариун Павлын сүмд хуримлахаар явсан бөгөөд түүний араас 8 метр урт даашинзны хормой хөвөрсөн юм. Дэлхийн олон орны 750 сая хүн зурагтын өмнө сууж энэ хорвоогийн хамгийн сайхан бүсгүй хамгийн баян эртэй хуримлаж байгаа ёслолыг харж байлаа. Кентербергийн xaмба ламын хэлсэнчлэн ийм ид шидтэй үед үлгэр гардаг. Гэр бүлийн амьдралын таагүй явдал тэр даруйдаа эхэллээ. Ирээдүйн нөхрийнхөө нэрийг хэлэх ёстой Диана аавынх нь нэрийг хэлж орхилоо. Харин Чарльз уламжлалт надад байгаа бүхнийг чамтай хуваалцана гэж хэлэх ёстой байтал алдаж чамд байгаа бүхнийг хуваалцах болно хэмээн хэлж орхижээ. Хожмоо энэхүү алдаануудыг зөгнөл хэмээн ярилцах болсон билэ

э. 1982 оны 6-р сард хүү хунтайж Уильям төрж, харин 1984 оны 9-р сард хоёр дахь рүү Гарри төрлөө. Энэ үед тэр хоёрын амьдрал дахь хамгийн аз жаргалтай мөч байсан биз. Чарльз Уильям хүүдээ ухаангүй хайртай бөгөөд зугаалахаас татгалзаж өөрийн биеэр усанд оруулдаг байлаа. Өөрийн азгүй хүүхэд насаа санаж байсан Диана хүүхдүүдээ өөрөө хүмүүжүүлэх болно гэж хүссэн юм. Харин Чарльз хэзээ ч Камиллатай харилцаагаа таслаагүй байна. Диана байнга хардаж уурлана. Аажим аажмаар Диана хэвлэл мэдээллийн хэрэгслийн гол баатар болон хувирч байлаа. Үзэсгэлэнт байдлаараа Диана хунтайжаас хамааагүй илүү учир Чарльз түүний дэргэд зүгээр л нэг бие хамгаалагч мэт харагдах нь олонтаа. Бүх л гэрэл зургийн камер гүнж рүү чиглэсэн байлаа.

Сайхан эхнэрийнхээ дэргэд хоёрдогч үүргийг гүйцэтгэдэг болсондоо Чарльз ихэд гутардаг болсон юм. “Би цэцгийн баглаа барьж байхын тулд л энд байгаа юм шиг байна” гэж нэг удаа тэрээр аялалаар Австралид очсны дараа хэлсэн байдаг. Чарльз байнга эхнэрээ үл тоомсорлох учир гарцаагүй болох ёстой зүйл болсон юм. 1989 онд Диана машин борлуулагч Жеймс Жиблигийн хайранд уярсач байна. Мөн ч амархан өгөөш болсондоо. Яг энэ үед аз жаргалтай амьдралын тухай хүсэл нь талаар болсон билээ. Чарльзын зүрх сэтгэл нь дэндүү хүйтэн хөндий юм. Тэрээр хуучин машины худалдаачинтай гэрлэхийг үнэхээр хүсч байлаа гэж үү. Тэгээд түүний нягтлан бодох бүртгэлийн дэвтрийг хөтлөнө гэж үү. Эсвэл дэлгүүрт нь зогсож хуучирсан “ягуар” загварын машиныг нь борлуулах гэж зогсох уу? Бодит амьдралтай тулсан хайр сэтгэл энэ бүхнийг давж гарч чадсангүй. Үүний оронд шинэ тачаангуй сэтгэл давж гарсан байна. Морин сургуулийн зааварлагч хошууч Жеймс Хьюитт мөн л залуу, хүчтэй , сайхан бас тэгээд байнга бэлэн байна. Тэрээр харилцаатай байсан гэдгийг хүлээн зөвшөөрсөн цорын ганц нууц амраг нь билээ. Тэр хоёрын харилцаа тава+н жилийн турш үргэлжилсэн байна. Дараа нь Хьюитт Дианагаас урвасан бөгөөд харилцааныхаа тухай илэн далангүй дурдатгал нийтлүүлсэн билээ.

Тэрээр хэдхэн хормын дотор саятан болон хувирсан гэдэг. Ийнхүү олсон мөнгөөр тэрээр тосгонд байшин худалдан авч морин сургууль нээжээ. Хэрэв Диана түүнтэй үлдсэн бол одоо хир нь морийг нь цэвэрлэх ажилтай байхсан биз. 1987 онд хааны гэр бул дэх таагүй уур амьсгал олны хүртээл болжээ. Хунтайж болон гүнж нар хоорондоо тун муу харилцаатай гэдгээ нуух аргагүй байсан юм. Тогтсон журмын дагуу заавал оролцох ёстой албан ёсны хүлээн авалт тэр хоёрыг ёстой нэг зовоох шиг болно. Харин үнсэлцэх шаардлага гарахад тун таагүй зүйл тохиолдоно. Нэг удаа Диана үнсүүлсний дараа санаандгүй уруулаа арчжээ. Харин хоёр дахь удаагаа тэрээр хамгийн сүүлчийн мөчид эргэн харсан учир Чарльз чихэн дээр нь үнсэж орхилоо. Дианагийн сэтгэлд 1989 онд ямар нэгэн юм алга болсон мэт болжээ.Тэрээр сэтгэл санаа тавгүйтэх үедээ их хэмжээний хоол идэх өвчнөөс нь салгаж өгсөн эмчтэй тааралдсан билээ. Тэрээр Камиллатай учраа олж, зурхай судлан эхэлсэн юм.

Аажмаархааны гэр бүлд тогтсон хуурамч харилцаа болгоны эсрэг Диана босч эхэлсэн байна. Гүнж өөрийн хүн төрхийн төлөө үзэсгэлэнт байдал, эелдэг сайхан зан аашаа ашиглаж тэмцлээ эхлүүлсэн билээ. Юу ч ойлгохгүй 19 настай охиноос салах гэж байгаа мэт түүнээс зүгээрнэг салахын аргагүй болсон юм. Тэрээр Виндзорын гэр бүлд дайн зарласан байлаа. Мэдээж хэрэг одоо харж байхад түүндээ ялалт байгуулсан. Магадгүй өөрийн үхлээрээ ч тэр биз. 1992 онд гэр бүлийн хоёр албан ёсоор тусдаа амьдарч байгаа гэдгээ мэдэгдлээ. Чарльз “чимээгүй” салалтыг хүсч байсан юм. Английн хуулийн дагуу тусдаа таван жилийн турш амьдарч байгаа бол салсан гэж тооцдог байна. Олон хүн тэр хоёрыг эвлэрэх болов уу хэмээн найдна. Салсан тохиолдолд хунтайж хаан ширээнд залрах боломжгүй билээ. 1995 оны 12 сард Би-Би -Си ТВ-ийн хамгийн алдартай “Панорама” нэвтрүүлэгч Диана ярилцлага өглөө. Түүний энэ ярилцлагыг олон сая хүн харсан нь ойлгомжтой.

Тэрээр “оддын гэрлэлтийн” гунигтай түүхийг олны хүртээл болгосон билээ. Тэрээр анхнаасаа авахуулаад л Камилла Паркер Боулзтай Чарльзыг холбоотой байсан гэдгийг мэдэж байжээ. Гэрлэснээс хойш үргэлжилсэн харилцаа юм. Бидний гэрлэлтэнд гурван хүн оролцож байсан гэж Диана мэдэгдлээ. 1944 онд урлагийн бүтээл борлуулагч саятан Оливер Хортай уулзсан бөгөөд тайвшралыг түүнтэй олсон байна. Түүнийг хардан байнга утас цохиж байдаг нь энэ эрд таалагдахаа болих хүртэл тэр хоёрын харилцаа үргэлжилссэн баилээ. Ийм утас 300-г олж тогтоосон байдаг. Хор түүнээс холдлоо. 1995 онд түүний залгамжлагчаар Уил Карлинг буюу регби тоглооомын үндэсний багийн ахлагч байлаа. Тэрээр нилээд бүдүүлэгдүү эр юм. Энэ харилцаа

их амархан зогссон бөгөөд тамирчны гэр бүл ч сүйрсэн байна. Дианатай нууцаар уулзаж байгаа тухай тамирчны эхнэр мэдмэщээ салах тухай өргөдөл тэр даруйдаа гаргасан юм. Мөн ийм байдлаар Дианагийн хайрын адал явдал үргэлжилсэн бөгөөд тэдгээрийн дотор үл хөдлөх хөрөнгийн наймаачин Кристофер Бэллт, язгууртан Филипп, шар үст сахилга муутай Дэвид Уотерхауз нар орно. Гэвч тэдний хэн нь ч Дианад хамгаалалтай байна гэх сэтгэгдлийг төрүүлж чадаагүй юм. Гэхдээ хэн алдана тэрээр заавал түүн дээрээ үндэслэн сурдаг. Хунтайж Чарльзтай гэрлэлт нь бүтэлгүйтсэнээр Диана язгууртны амьдралаас ёстой нэг залхсан байлаа.

Тэрээр жинхэнэ эрчүүдийн эрэлд мордсон юм. Үүнээс хойш түүний сонгосон эрчүүд хэзээ ч английн нийгмийн “дээд шатан дээр” зогсдог хүмүүс байгаагүй билээ. Салснаар Диана 23 сая доллар авсан юм. Хоёр талын хэлцлийн үр дүнд Диана Уэльсийн гүнжийн цолыг авч хоцорч байгаа ч хатан гэдэг хэргэмээ алдаж байлаа. Мөн Чарльзын нэгэн адил хүүхдүүддээ хүмүүжүүлэх эрх эдэлнэ. Түүний мэдэлд Кенсингтон ордон, Сент Жеймс ордон дахь албаны тасалгаа зэрэг үлджээ. Түүнээс гадна Диана урьдын адил хоёр ч цэргийн анги нэгтгэлийн хурандаа хэмээн тооцогдоно. Дэлхий дэх Английн элчин төлөөлөгч болохыг Диана хүссэн боловч хатан Елизавета татгалзсан хариу барилаа. Хэдийгээр гэр бүл салсан ч Дианагийн алдар хүндэд энэ бүхэн огтхон ч нөлөө үзүүлсэнгүй. Харин Чарльз дэлхий дээрх хамгийн сайхан эмэгтэйгээс урвасан гэдэг алдар нэр хөврөх болсон билээ. Хэдийгээр гэр бүл салсан ч Дианагийн алдар нэр хүнд энэ бүхэн огтхон ч нөлөө үзүүлсэнгүй.

Харин Чарльз дэлхий дээрх хамгийн сайхан эмэгтэйгээс урвасан гэдэг нэр хөврөх болсон билээ. 8-р сард нэгэн гэрэл зурагчин Диана нууц амраг Доди аль Файедын хамт тэврэлдэж байгаа зургийг авч чадсан байна. Энэ зураг дээр тэрээр 3 сая доллар олж авсан гээд боддоо. Файедын гэр бүл олон жилийн турш английн иргэн болох гэж оролдож байсан юм. Харамсалтайгаар амь үрэгдсэн Додигийн эцэг болох Мохаммед аль Файед жил бүр английн сан хөмрөгт хэдэн сая фунтын татвар төлдөг билээ. Тэрээр “Хэрродз” супер маркетын сүлжээний эзэн юм. Доди Голливудын киног санхүүжүүлэх ажил эхэлж нэгэн кинонд гол дүрд Дианаг тоглуулахыг эрмэлзэж байсан гэдэг. Гэвч хичнээн хахууль парламентын гишүүдэд өгсөн ч Файедын гэр бүл английн паспорт аваагүй л байна. Уэльсийн гүнж баян Додитэй холбоо тогтоосон явдал английн нийгмийг цочирдуулжээ.

Хэдэн сарын дотор тэр хоёр их ойр дотны найзууд болсон бөгөөд анх арван жилийн өмнө уулзаж байсан юм. Тэр үед Додигийн баг хунтайж Чарльзын багтай поло тоглож явсан байна. Олон жилийн дараа Диана анх удаа их аз жаргалтай харагдаж эхэлжээ. Энэ бол зүгээр нэг сээтэгнэх явдал биш, харин жинхэнэ хайр сэтгэл бололтой. 8-р сард Английн гүнж болон лалын шашинт донжуан тун удахгүй сүй тавьсан тухайгаа зарлах гэж байна гэдэг шуугиан тархаж эхэлж. Египет эр үнэхээр ихээхэн шуугиан тарьсан хүн юм. Энэ эрийн өмнө алдартай жүжигчин, баян тансаг бүсгүйчүүд сэтгэл алдарч байсан юм. Тэдний дотор Брук Шилдс, Жулия Робертс, Дэрил Ханна, Жоан Уэлли, Уинстон Черчиллын ач охин, Фрэнк Синатрагийн охин зэрэг бүсгүйчүүд ч багтаж байсан юм. Харин энэ жагсаалтыг леди Ди дуусгалаа. “Бид” арьс өнгөөр ялгаварлах тун дургүй, гэхдээ Доди Файедтай тогтоосон холбоо арай л дэндэж байна” гэж Лондоны язгууртнуудын клубт шивнэлдэнэ. Ийм зэвүүрхсэн байдлыг Жаклин Кенниди Грек эр Аристотель Онассистэй гэрлэхэд гаргаж байсан юм.

Гэтэл Додитэй харьцуулахад Онассис бол жинхэнэ язгууртан эр билээ. Юутай ч гэсэн өөрийн замаа Диана өөрөө сонгосон. Тэгээд ч Диана өөрийн биеэр хэвлэл дэх шуугианыг дэгдээхэд нөлөөлж байлаа. Амьд хоцорсон хүмүүст домог л үлддэг. Диана Грейс Келли, Мэрилин Монрогийн нэгэн адил амьдрах хугацаагаа өнгөрүүлээд бурханчлан шүтэгдсэн дүр төрх болон хувирсан билээ. Хувь хүн болон үлдэхийн төлөө хаан титмээс татгалзсан гүнжийн амьдралын түүх 20-р зууны хамгийн гол домог болон үлдэх биз.