Баян бүсгүйд эр хүнээс зөвхөн секс л хэрэгтэй

Tweet

Баян бүсгүйд эр хүнээс зөвхөн секс л хэрэгтэй

2012-02-15

Холливуудын алдарт жүжигчин Кэмерон Диаз анх 16 настайдаа “Elite” агентлагын фото модель болжээ.

Дараа нь тэрээр “Mademoiselle”, “Seventeen” сэтгүүл, Кельвин Клейний загварын ордон, “Levis”, “Coca-Cola” компанитай хамтран ажиллаж байгаад кино ертөнцөд хөл тавьсан. Түүний амрагуудын тоонд Мэтт Диллон, Жаред Лето, Жастин Тимберлейк зэрэг олон алдартан багтдаг. 39 настай Кэмерон кинонд тоглохын зэрэгцээ хүүхэлдэйн кинонд дуу оруулдаг. Түүний ярилцлагыг хүргэж байна.

Би одоо ч Жастин Тимберлейкд хайртай

- Та хуучин амраг Жастин Тимберлейкийн хамт “Муу багш” кинонд тоглосон. Та яагаад түүнтэй тоглохыг зөвшөөрсөн юм бэ?

Жастин бид 2 олон жилийн турш найзууд хэвээр байгаа. Тэр их хөгжилтэй залуу, тэгээд ч сайн жүжигчин. Хамтран ажиллахаас татгалзах шалтгааныг би олж хараагүй.

- Түүнтэй хамт ажиллах ямар байв?

Бид хамтдаа удаан байсан, мөн бие биенийхээ талаар олон зүйл мэдэх учраас зураг авалтын үеэр асуудал гараагүй. Би энэ эрд хайртай, өмнө нь ч хайрлаж байсан. Бид хамтдаа их сайхан байсан шүү. Киногоо дэлгэцэнд гарсаны дараа Жастин бид 2 жинхэнээсээ инээдтэй, зугаатай харагдаж байсан. Үүний төлөө л энэ бүхнийг хийсэн шүү дээ.

- Та сургуульд сурч байхдаа багш нартайгаа бас асуудалтай байсан уу?

Тийм шүү. Надад их муу багш нар таарсан. Нэг нь бүр намайг үзэн яддаг байлаа. Би одоо хүртэл яагаад гэдгийг ойлгодоггүй. Яагаад гэвэл би өөрийн зүгээс түүнтэй сайн харьцаатай байхын тулд бүхнийг хийсэн. Нэг удаа тэр намайг бүр байж суух аргагүй болгосон тул бидний хооронд жинхэнэ дайн эхэлсэн юм. Эгээтэй л бие биенийхээ үсийг зулгаагүй.

- Та хэзээ ч нөхөрт гарч үзээгүй. Мөнхийн сүйт бүсгүй гэж таныг хочлоход гомдолтой санагддаг уу?

Энэ надад нэг их гомдолтой санагддаггүй. Хайр дурлалыг бэхжүүлэхэд хурим их ач холбогдолтой гэж бодохгүй байна. Өглөө сэрмэгцээ л нөхөр олох хэрэгтэй, цаг нь боллоо гэдэг хүн би биш. Үнэнийг хэлэхэд би бүх амрагын харилцаагаа гэр бүл гэж бодож ирсэн. Хуулийн дагуу батлуулаагүй ч би эхнэр нь, миний эр хүн нөхөр маань байсан юм. Хэзээ ч албан ёсоор нөхөртэй байгаагүйдээ би баяртай байдаг, яагаад гэвэл эсрэг тохиолдолд би маш олон удаа гэр бүлээ цуцуулах байсандаа. /инээв/

- Орчин үеийн бүсгүй тохирох эрээ хайж олох амаргүй гэж та боддог уу?

Хэрэв эм хүн амжилтаар арвин, баян чинээлэг бол тэр хэзээ ч эр хүний мөнгө, байр сууринаас нь болж, түүнийг сонирхохгүй. Ийм эмэгтэйд зөвхөн цагийг хамтдаа сайхан өнгөрөөх эр хүн хэрэгтэй. Энгийнээр хэлбэл эр хүн зөвхөн секс хийх, өөр бусад ташаал авахад л хэрэгтэй.

- Та өөрийгөө хэлэв үү?

Яг ч тийм бишээ. Би бүрэн итгэж чадах тийм л амраг ханийг хайдаг. Үнэнч байх нь хайр дурлалын харьцаанд хамгийн чухал зүйл. Надтай өөрийн амбицийн тухай ярьдаг, тэгсэн хэрнээ миний хүсэл эрмэлзлийг дэмждэг тийм л эрийг би хүсдэг. Энэ нь ажил төрөл болон хувийн амьдралд ч хамааралтай. Найз залуу маань гайхалтай амраг төдийгүй сайн найз байх ёстой.

Амьдрал 39 наснаас эхэлдэг

- “Ногоон Шершень” хамгийн инээдтэй хэсэг нь таны насаар доог тохуу хийж байсан явдал. Энэ нь сэтгэлийн гүнд эвгүй санагдаагүй юу?

Шершений дүрийг бүтээсэн Сэт надаас олон дүү. Гэхдээ хэрэв насыг маань шоолж, доог тохуу хийлээ гэж гомдоод байх юм бол би хэтэрхий өөнтөгч, аар саар юм хөөцөлдсөн, шалихгүй амьтан болж хувирна шүү дээ. Тэгээд ч үргэлж залуугаараа байхыг мөрөөдөн шаналах нь толгойдоо юмтай хүний шинж.

- Та залуухан, хөөрхөн болохоор л ингэж ярьж байна?

8-р сард би 39 хүрсэн. Би залуу байя ч гэсэн чадахгүй. Гэхдээ би өөрийгөө хэзээ ч одоогийнхоос илүү гайхамшигтай сайхнаар мэдэрч байгаагүй. Миний амьдрал 25 настай байсан үетэй маань огт адилгүй, яг тэнгэр газар шиг ялгаатай. Би тэр үед олон буруу бодол тээж, өөрөөсөө байнга л элдэв өө сэв, дутагдал олж хардаг байлаа. Тэгээд түүндээ хамаг ухаан бодолоо зориулан, өөрийгөө аймшигтайгаар зовоож шаналдаг байсан. Одоо харин огт өөр.

- Таныг хамартаа мэс хүргэсэн гэж сонссон?

Би гоо сайхны мэс заслыг эсэргүүцдэг. Харин 4-н удаа хамартаа мэс засал хийлгэсэн нь ийм учиртай. Би серфингээр хичээллэж байгаад 3-н удаа хамраа хугалсан. Харин 4 дэх удаад би шилэн хаалга харалгүй мөргөчихсөн юм. /Инээв/

- Гэрэл зурагчид таны зургийг наран шарлагын газар усны хувцастайгаар, заримдаа амрагуудтай цуг байхад авдаг. Та хэнээс ч нуугдахгүй юм.

Би эцэст нь маш чухал нэг зүйлийг ойлгосон. Хэрэв би хэвлэл мэдээллийнхний анхаарлын төвд байгаагүй бол энэ бүх амжилтанд хүрэхгүй байсан юм. Иймээс би энэ тоглоомоор тоглодог. Мэдээж би өөрийн биеэ тордож, арчилдаг. Энэ бол миний ажил төрлийн нэг хэсэг. Намайг наран шарлагын газарт хувцасгүй байхыг харахад ядах юмгүй. Надад ичих юм байхгүй. Хэрэвээ би миний зургийг хүссэнээр минь авсангүй гэж нервтээд, эсвэл муухай аашлаад байвал энэ бүхэн миний ойр дотны хүмүүст нөлөөлнө. Энэ надад хэрэгтэй гэжүү? Өөрийн амьдралаа там болгож хувиргах ганц ч шалтаг би олж харахгүй байна.

- Энэ дүгнэлтэд хүрэхэд их хугацаа шаардагдсан уу?

Он жилүүд. Кино ертөнцөд ажиллах хугацаанд миний үзэл бодол надтай хамт өөрчлагдсөөр байлаа. Эцэст нь би шоу бизнест саад бэрхшээлийг туулж сурсан юм. Өнөөдөр ганцхан цагийн дотор од болон хувирч байгаа17 настай өсвөр насныхны оронд байхыг би огтхон ч хүсэхгүй. Энэ бол хэтэрхий хүнд, хэцүү ачаа. Харин би амар хялбараар цэнгэл таашаал эдлэн амьдрахыг хүсдэг.