С.Энхбат цөмийн хог хаягдлын холбоотнуудыг хурдан илчлээсэй

2012-02-20

Цөмийн энергийн газрын дарга асан С.Энхбат эх орондоо цөмийн хог хаягдал булшлах гэрээ, хэлэлцээр хийсэн

хүмүүсийг олон нийтэд зарлаж, ил тод болгох нь.

Тэрбээр албан тушаалын асуудлаар Захиргааны хэргийн шүүхэд хандсаныхаа дараа ийн мэдэгдсэн юм.

С.Энхбат «Цөмийн хаягдлыг Монголд булшлахаар санаархаж буй ашиг хонжоо хайсан нөхөд надаас өөр зөөлөн чихтэй, эсвэл бэлтгэгдсэн хэн нэгнийг энэ албанд томилох байх. Цөмийн хог хаягдал булшлах тухай яриаг гаргасан гишүүдийн нэрс надад бий. Энэ талаарх нотлох баримтуудыг холбогдох албаныханд шалгуулахаар өгсөн» гэсэн юм.

Түүний энэ үйлдлийг хөндлөнгөөс харахад хэн нэгнийг маш цэвэрхэн байдлаар айлган сүрдүүлээд байгаа юм шиг. Мөн шүүхийн зарга нь хэрхэн гарахаас шалтгаалж, та нарын нэр тодорно гэж битүүхэн хөвөнд чулуу ороогоод сууж байна. Өөрөөр хэлбэл «Хаа ч явсан цуг гэж мэдээрэй. Намайг яамаар байна» гэж хэлчихээд, заргалдаад суучихлаа. Гэсэн ч С.Энхбатын хэлсэн дээрх үгийг сонсоод «молодец» гэж хэлэхэд ч багадах мэт.

Яах вэ, томчууд лаагаа иднэ үү, луувангаа иднэ үү гэгчээр тэдний хооронд юу болох нь хэнд ч хамаагүй. Гэхдээ эх орныхоо эрх ашгийн эсрэг боссон эрх мэдэлтнүүдийг нэрлэж өгнө гэдэг маш том хариуцлага. С.Энхбат цөмийн хаягдлыг Монголд булшлахыг эсэргүүцсэн учраас ажлаас нь халж, замаасаа зайлуулсан. Гэхдээ шүүхэд хандаж байгаа нь ажилдаа үлдэж, даргын суудалд суухын тулд биш, үндэсний эрх ашгийн төлөө гэж яриад байгаа.

Үнэхээр гадныхантай хамтарч, газар нутгаа хордуулахаар зэхсэн хүмүүсийг нэрлэж, үндэсний эрх ашгаа хамгаалбал таныг дэмжих хүн хэдэн арваараа тоологдоно шүү. Харин нөгөө талаас харахад С.Энхбат хоёр үзүүртэй зүү мэт авирлаад байх шиг. Өөрөөр хэлбэл «үхэхдээ үхэр буугаа тавина» гэдэг дээ. Өөрийг нь хууль бусаар ажлаас чөлөөлсөн хэмээн Төрийн албаны зөвлөлд гомдол гаргасан ч «Бидэнд хамаагүй шүүхэд ханд» гэж «зөвлөсөн». Тиймээс Захиргааны хэргийн шүүхэд хандсан тухай манай сонин өмнөх дугаартаа мэдээлж байсныг санаж байгаа биз ээ. Гэтэл өдгөө С.Энхбат шүүхэд хандсан хугацаандаа хамаг байдгаа дэлгэж, хөгөө хөлдөө чирнэ гэгчээр Цөмийн хог хаягдал булшлах гэрээ хэлэлцээрийн талаар сөхөж эхэлж байна.

Товчхондоо өнгөрсөн жил Японы «Майничи» сонинд «Японы эдийн засаг, Худалдаа үйлдвэрийн яам, АНУ-ын Әрчим хүчний яамтай хамтран өнгөрсөн оны намраас эхлэн хэрэглэж дууссан цөмийн түлшний хаягдлыг агуулах, устгах зориулалттай олон улсын хэмжээний байгууламжийг дэлхийд анх удаа Монгол Улсад барих төлөвлөгөөг нууцаар хэлэлцэж байсан нь тодорхой болсон» гэх мэдээлэл гарсны дараа дээр, дооргүй бужигнаж эхэлсэн.

Эх оронд маань цөмийн хог, хаягдал булшлах гэж байхад дуугүй суух хэн байх вэ дээ. Гэтэл дээрх асуудлын гогцоог тайлаад өгчих нэг ч хүн олдохгүй, тийм зүйл огт байхгүй хэмээж байлаа. Тэр бүү хәл энэ тухай хамгийн баттай мэдээллийг өгөх учиртай Цөмийн энергийн газрын дарга С.Энхбат байр сууриа илэрхийлээч гэхээр Цөмийн хаягдал Монголд булшлах тухай яриа, мэдээлэл байхгүй хэмээн тас гүрийж уг мэдээллийг үгүйсгэсэн.

Түүнчлэн Цөмийн энергийн газраас «Сонин хэвлэл, сайтуудаар «Global Security Newswire»- ийн мэдээллээс иш татсан «Монгол Улсыг цөмийн хог хаягдлын агуулах болгохоор ярилцаж байгаа гэх мэдээлэл цацагдсан юм. Энэхүү мэдээлэлд «Төв Азийн Монгол Улс нь олон улсын цөмийн хог шаарыг булж далдруулахад хамгийн тохиромжтой агуулах болох нутаг юм. Яг энэ асуудлаар Монголын талтай АНУ-ын Засаг захиргаа албан буе яриа хэлэлцээр хийж байна» гэж дурдсан нь үнэнд нийцэхгүй, албан буе мэдээлэл. Дурдсан асуудлаар гадаадын байгуулага, засаг захиргааны нэгж, хувь хүмүүстэй ямар нэгэн яриа хэлэлцээр хийгээгүй, гэрээ хэлцэл хийх хууль эрх зүйн үндэслэлгүй гэж үзэж байна» хэмээн мэдэгдэж, ам өчгөө өгөх нь холгүй байцгаасан.

Тэгсэн хэрнээ Цөмийн энергийн газраас авч хэрэгжүүлсэн арга хэмжээний талаар Засгийн газрын хуралдаанаар хэлэлцэх гэхээр ажлаа тайлагнадаггүй байсан нь цаанаа учиртай, ямар нэг сэжмээр холбогдсон болоод л тэр биз гэх хардлагыг төрүүлээд амжсан.

За яах вэ, С.Энхбат эхний удаад гадаадад томилолттой байсан гэж байгаа. Дараагийн удаад бие нь гэнэт муудаж, эмнэлэгт хүргэгдсэн гэдэг. Түүнээс хойш хэсэг хугацаанд эмнэлэгт эмчилгээ хийлгэлээ л гэсэн. Мэдээж Засгийн газрын зүгээс С.Энхбатыг төрийн ажил цалгардуулсан хэмээн хатуу хариуцлага тооцохын тулд энэ оны нэгдүгээр сарын 18-нд ажлаас нь чөлөөлсөн.

Ямартай ч тэрбээр агентлагийн даргын зөөлөн суудлаасаа ховхрох тун ч дургүй байгаа нь тодорхой боллоо. Тиймдээ ч жил хүрэхгүй хугацаавы өмнө «юун цөмийн хог хаягдал булах, булшлах» хэмээн мэлзэж байснаа ор тас мартаж, хэлсэн үгнийхээ эсрэг талд гараад зогсчихлоо. Хэнд ч хэлэхгүй үгээ хэнд ч хэлэхгүйн тулд, хэнд ч битгий хэлээрэй ГЭЖ хэнд ч битгий хэлээрэй гэдэг нэг сургамж маягййн хэлц байдаг даа. Албан тушаал, нэр төрөө C.Энхбатын гарт атгуулчихсан нөхөд яг л дээрх үгийг бодон амаа барьж, хөлс нь чийхарч явна. Харин С.Энхбатын хувьд Цөмийн энергийн газрын даргын суудалтай зууралдахын оронд иргэний зориг гаргаад эрхэм «нууц» ноёдоо нэрлэчих хэрэгтэй шүү дээ. Угаасаа их ч барьсан өмхий, бага ч барьсан ч өмхий гэдэг биз дээ.

Ж.Нарангэрэл

logo-ugluuniisonin

С.Энхбат цөмийн хог хаягдлын холбоотнуудыг хурдан илчлээсэй
Tweet
Bolod.mn

Сэтгэгдэл (2)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
Монголчуудаа Нам гэж далдганасан манангийнхан арай дэндүү биднийг хуурч доромжилж байна Их хурлын гишүүд энэ 2 намынхан бүгд эх орноо худалдагсад Тэд яаж авилгал авах вэ, яаж эх орноо зархав яаж, яаж төсвийн мөнгө хулгайлахав гэдэгийг л бодож хийж чадна харин яаж эх орноо хөгжүүлэхэв гэвэл бодохыг хүсэх чүгүй сачий бөгөөд махан толгой нь нь хүрэхчгүй 20 жил хулгай хийцгээлээ одоо цадсан бол амьд мэнд дээрээ зайлах хэрэгтэй Тэгвэл хийсэн нүглээс чинь бага ч болов нимгэрэх буюу

2012-02-21 | 06:50:20 | 182.160.53.11 |

Зочин
С.Энхбатыг ард түмэн хамгаалалтандаа авч төрийн аюул заналаас хамгаалая.

2012-02-21 | 02:18:39 | 202.179.20.224 |