-Батлан хамгаалахын сайдыг огцруулах эсэх асуудлыг УИХ-аар хэлэлцэж байна. Энэ талаар Та ямар байр суурьтай байгаа вэ?
-АН хамтарсан Засгийн газраас гарснаас хойш МАН дангаараа Засгийн газар байгуулаад cap гаруйн хугацаа өнгөрлөө. Энэ үед Батлан хамгаалахын сайд Ж.Энхбаярыг огцруулах асуудал гарч ирж байна. Ямар хууль зөрчсөн бэ гэхээр Батлан хамгаалахын сайдын зөвлөлийн хурал дээр ноцтой асуудал ярьсан гэдэг үндэслэлээр УИХ-ын гишүүн Э.Бат-Үүл, Р.Гончигдорж хоёр уг асуудлыг тавьсныг АН-ын бүлэг дэмжсэн. Тэгээд УИХ-ын чуулганаар хэлэлцэж байна. Аюулгүй байдал, гадаад бодлогын байнгын хорооны хуралдаанаар уг асуудлыг хаалттай ярьсан. Батлан хамгаалахын сайдын зөвлөлийн протоколтой УИХ-ын ямар ч гишүүн танилцаагүй. Мөн БХЯ-наас дээрх асуудлаар албан ёсоор тайлбар аваагүй. АН-ын бүлгээр уг асуудлыг хэлэлцэхдээ Батлан хамгаалахын сайдыг байлцуулж асуулга асуугаагүй байгаа юм.

Уг асуудлыг тавьж буй хоёр гишүүн "Үндэсний шуудан" сонины хоёрдугаар сарын 16-ны дугаар, гуравдугаар сарын 7-ны дугаар бариад сууж байна. Үүнийгээ тойруулж олон зүйл ярьж байгаа нь Монголын төрийн ажлыг нэг сонин дээр гарсан захиалгат ярилцлагаар далимдуулан хэдэн өдөр гацааж, нийгэмд буруу ойлголт өглөө. Үүгээр хуулийн биелэлтийг хангах үндсэн үүрэгтэй УИХ-ын ажлыг хэрхэн, яаж гацаадгийг харуулж байна. Хамгийн гол нь АН-ын нвхдүүй сурвалжлагчийн диктофоныг хулгайлж авсан уу, эсвэл гээсэн диктофон олсон юм уу. Бүр диктофонтой сурвалжлагч явуулж ярилцлага авахуулсан юм болов уу. Бичлэгийг сонсголоо. Гэтэл олон чухал асуудал шийдэх ёстой УИХ утгагүй зүйл хэлэлцэж цагаа дэмий үрж байна.

-Уг асуудал дээр хэтэрхий улстөржиж байна гэж нэлээд олон гишүүн шүүмжлэлтэй хандаж байсан. Үнэхээр улстөржөөд байна уу?
-Ард түмний сайн сайхны төлөө зөв зүйтэй зүйл хийхийг улстөржинө гэж хэлдэг. Түүнээс биш хоёр хүн сонгууль ойртохоор сонины тасархай бариад маргаан үүсгэхийг улстөржинө гэж үзэхгүй. Энэ бол улстөр ашигласан арга ядсан шоу. АН-ынхан иймэрхүү зүйл ярьж дандаа новширдог. Ер нь АН-ын улстөр дуусч байна даа. Э.Бат-Үүл гишүүн өнгөрсөн зургадугаар сард Ерөнхий сайдыг огцруулах гэж сонин хэвлэлээр нэлээд ярьсан. Гэтэл Ерөнхий сайдыг огцруулах тухай асуудалд өөрөө оролцоогүй. Дараа нь Монголбанкны Ерөнхийлөгчийг огцруулахаар АН-ын бүх гишүүн гарын үсэг зурж, УИХ-ын даргад өргөн барьсан.

Мөн хүүхдэд 10 мянган төгрөг олгоно гэж 27-уулаа гарын үсэг зурсан. Одоо орон нутгийн сонгууль, УИХ-ын сонгуулийг салгана гэж байсныг нэг болгож хийхээр бүгд гарын үсэг зурлаа. Дээрх бүх асуудлыг одоо бүгд мартсан. АН-ын бүлэг гаргасан шийдвэрээ хэрэгжүүлдэггүй. Арга нь барагдахаар нийгмийг будилуулж, худал гүжирддэгээ болих хэрэгтэй. Тэгэхээр Ж.Энхбаярыг огцруулахдаа бус долдугаар сарын 1-ний асуудал сөхөгдөөд ирэхээр олны анхаарлыг өөр зүгт хандуулах гэсэн улстөрийн зохион байгуулалттай арга хэмжээ. Энэ улстөр биш гэмт хэрэг. Хэсэг хүмүүсийн арга ядсан үйл ажиллагаа юм.

-Сайдыг огцруулах асуудлыг тавьсан гишүүд Батлан хамгаалахын сайдын зөвлөл дээр яригдсан зүйлүүдийг хэлж байсан. Тэгэхээр Сайдын зөвлөлийн хуралдаан дээр яригдсан асуудал ийм амархан ил тод болчихдог хэрэг үү?
-Батлан хамгаалахын сайдын зөвлөлийн протокол нууц байх ёстой. Шаардлагатай гэвэл УИХ-ын гишүүд үззж такилцах ёстой байдаг. Гэтэл УИХ-ын нэг ч гишүүн үзэж танилцаагүй гэдгээ байнгын хороон дээр хэлсэн. Энэ хурлын протоколтой УИХ-ын гишүүд бүгд танилцаагүй байж асуудлыг хоёр өдөр хэлэлцлээ. Д.Ганхуяг гишүүн чуулганы хуралдааны үеэр Батлан хамгаалахын сайдын зөвлөлийн хурлын бичлэг байгаа гэж хэлеэн. Хэрэв бичлэг байгаа бол улсын нууц яагаад АН-ынхны гарт оров гэдэг асуудал үүсэх учиртай.

-АН хамтарсан Засгийн газраас гарснаас хойш чухал шийдвэрлэх асуудал дээр гацаа үүегэх болжээ. Та санал нийлэх үү?
-Гурван жил хамтраад салмагц өөрсдөө энэ ажилд оролцож байгаагүй мэт аашилж болохгүй. Тэгж яривал асуудлыг тодорхой болгох хэрэгтэй. Н.Алтанхуяг дарга ололт нь ч манайх, алдаа нь ч манайх гэж байнга хэлдэг. Гэтэл өнгөрсөн гурван жилд ядуурал дөрвөн хувиар буюу 100 мянган хүнээр өслөө. Засгийн газрын эрхийг хамт үүрэлцсэн АН 50 мянган хүн яагаад ядуурсныг ярих ёстой. Үүнийг яагаад ярихгүй байгаа юм бэ.

-Сүүлийн үед долдугаар сарын 1 -ний асуудлыг нэлээд сөхөх болсон. Ялангуяа АН энэ асуудлаар шоудаж байх шиг?
-Долдугаар сарын 1 бол Монголын түүхэнд тохиолдсон улстөрчдийн зохион байгуулсан том самуун. Гэтэл зохион байгуулсан хүн нь Монгол Улсын Ерөнхийлөгч болчихдог шүү дээ. Долдугаар сарын 1-ний хэргийг үнэн бодитой шийдэх гэж байгаа бол өөрсдөө санаачлага гаргаж, шүүхэд очиж мэдүүлэг өгөх хэрэгтэй. Түүнээс намынхаа гишүүдээр ийм зүйл хийлгэж, төөрөлдүүлэх хэрэггүй.

-Цахим үнэмлэхийг хэрэглэх ажлыг МАН хойшлуулж байна гэж АН-ын зарим гишүүн үзэж байгаа. Үүнийг Та хэрхэн харж байна вэ?
-Энэ асуудалд би хоёр намаас эрс өөр байр сууринаас хандаж байгаа. Цахим үнэмлэх хэвлэх, машин, программ хангамжийн асуудлыг бүгдийг нь Иргэний бүртгэл мэдээллийн ерөнхий газар тендер зарлахгүйгээр "Бодь интернэшнл" компанид өгсөн. Энэ ямар компани вэ гэдгийг би мэднэ. 2004 оны сонгуульд Дорнод аймагт "Бодь интернэшнл" компанийн захирал М.Зоригт өрсөлдөхдөө одоогийн хэрэглэж буй иргэний үнэмлэхийг хэдэн зуугаар нь хувилж, хуурамч үнэмлэх хийж, зохиомол санал өгүүлсэн баримт надад бий. Ийм олон үнэмлэх хувилж байсан хүн цахим үнэмлэх хийх эрхийг авсан нь сэртхийлгэж, цочирдуулж байна. Уг асуудлыг Д.Нямдорж сайдад тавина. Тендерийг нь ч зогсоох хэрэгтэй. Өмнө нь гэмт хэрэг хийж байсан хүний асуудлыг шалгаж дууссаны дараа хариуцлага үүрүүлэх ёстой. Тэгэхгүй бол улсын 30 тэрбум төгрөгөөр сонгууль будилаантуулах ажлыг давтаж болохгүй. Хууль бус тендертэй хулгайч, луйварчин хүний үйл ажиллагааг яаралтай зогсоох хэрэгтэй.

-Манайд ардчилал жинхэнэ утгаараа хөгжиж чадаж байна уу?
-Монголд ардчилал байхгүй. Үүний жишээ нь сонгуулийн дүнг будилаантуулж, ард түмнийг үймээн, самуунд уриалан дууддаг хүмүүс байгаа цагт ардчилал гэж үгүй. Ардчилал гэж шударга ёс, эрх чөлөө, тэгш эрх байх ёстой. Гэтэл тэгш эрх байхгүй, олигархиуд бүх эрхийг булаан авсан. Шударга ёс, эрх чөлөө байхгүй. Энэ сонгуулиар л хулгайч, булхай луйварчдаас салах цаг болсон.

Ц.ЖАРГАЛЦЭЦЭГ

Ц.Шинэбаяр: АН-ын улстөр дуусч байна даа
Tweet
Bolod.mn

Сэтгэгдэл (1)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
мануухай минь битгий хуц за. чиний мэддэг гэж байсан юм бэ? яаж ийгээд ерөнхий сайд болох хүсэлтэй шунал биздээ? Энхбаярыг дагаж баахан далдагнаад тэгээд нэрт гарч аваад хаяаад явсан арчаагүй хар урвагч

2012-03-12 | 23:47:37 | 93.219.149.93 |