Өмнөд монголчуудад зүй бус хандахаа больцгооё!

2012-03-17

Уриалга

Дэлхийн монголчуудын нөхцөл байдал өөрчлөгдөж, нэгдэл нягтрал ихсэх, идэвхжих төлөвтэй байна. Гэтэл үүнтэй зэрэгцээд, хилийн чанадын элэг нэгтнүүдийн маань хамгийн том бүрэлдэхүүн хэсэг болох өмнөд монголчуудад зүй бус хандах явдал багасах буурах биш, нэмэгдэх эрчимжих төлөвтэй байгаа нь эх оронч, үндэсний үзэлтэн бидний санааг зовоож түгшээж байна.
Өмнөд монголчуудад зүй бусаар хандах нь Монгол төрийн гол бодлого, Монгол улсын гол асуудал биш л дээ. Гэхдээ элэг нэгт ахан дүүстээ элэггүй, энэрэлгүй хандах нь ноцтой үзэгдэл болж, архагшин хүндэрчээ.

"Өвөр Монгол байгаагүй бол Ар Монгол хятадаар дүүрэх байсан. Ингэж амьд бамбай болж, бусад монголчуудыгаа хамгаалахдаа, дайн тулааны халуун галд хатат төмөр ч хайлахын адилаар зарим хэмжээгээр хайлан ууссан явдал бий. Чингэлээ гээд тэднийг буруутгах биш, монгол соёл ухаанаар тэтгэж, ууссан хайлсныг нь залруулж засч яв" гэж Өвөр Монголын билгүүн номч Х.Захчидсэцэн хэлсэн байдаг. Жинхэнэ эх оронч хүн бол монголчуудыгаа хайрлах, хамгаалах тухай боддог. Өвөр монголчуудыгаа ч бид өрөвдөж шимширч, хайрлаж хамгаалах ёстой.

Монголын эх оронч, үндэсний үзэлтнүүдийн ТББ-уудын гишүүн бид:

-Хошин шог нэрээр өвөр монголчуудыг доог тохууны бай болгохыг шийдвэртэй эсэргүүцэж, холбогдох зохисгүй зүйлүүдийг нийтэлсэн, нэвтрүүлсэн, түгээсэн, жүжиглэн үзүүлсэн, ашиг хонжооны хэрэгсэл болгосон, сонин сэтгүүл, сайт, радио, продакшн, хувь хүмүүст зүй бус үйлдлээ зогсоохыг, уучлал гуйх, тайлбар, залруулга хийхийг, ахан дүүсээ гутаан шившиглэхэд биш, монгол үндэстнийхээ тулгамдсан чухал асуудлуудад анхаарлаа хандуулахыг уриалж байна!

-Үндэстнийг хагаралд хүргэх, төр улсын үндсийг ганхуулах, үндэсний аюулгүй байдлыг алдагдуулах аюултай яс үндсээр доромжлох, гүтгэх, ялгаварлан гадуурхах гэмт хэргүүдтэй хийх тэмцлийг чангатгах, холбогдох хууль тогтоомжийг сахиулах, сурталчлахыг уриалж байна!

-Иймэрхүү ухвар мөчид, этгээд үг хэллэг зохиож зохиомжилж, өөрсдөө ч түүндээ уусч, өөрсдийгөө гутаан шившиглэж, хэл соёлоо буртаглахаа зогсоож, монгол үндэстний хэл соёл, түүхийн сургалтыг сайжруулж, аялга дуудлагыг хүндэтгэхийг уриалж байна!

-Өвөр монголчууд хамгийн муу муухай хүмүүс, хамгийн муу муухайг үйлддэг хийдэг гэсэн суртал ухуулга явуулах, матэриал нийтэлж нэвтрүүлэх, сэтгэгдэл, бичлэг буюу коммэнт, пост сүлжээнд үлдээх, өвөр монголчуудад алдаа гэмээ нялзаах, алдаа гэмийг нь дэвэргэх, сүр бадруулж байхаа цэглэхийг уриалж байна!

-Өмнөд монголчуудыг өмгөөлсөн, хүндэтгэсэн, өмнөд монгол хүнтэй гэрлэсэн, хамтран ажилласан Монгол улсын иргэдээ ад шоо үзэхээ болихыг уриалж байна!

-"Өвөр монгол хүнээс цэвэр цусны хятад дээр!" гэх төрийн бодлогод ч нөлөөлсөн туйлын хорт суртлыг арилгаж, өвөр монголчуудыг хужаа гэж үзэн тэмцэлдэх, жинхэнэ хужааг нийт монголчуудаас дээр болгон туйлширч өөрсдийгөө дорд үзэх, харийн үндэсний бодлогыг хуулбарлах зэрэг бусармаг явдлыг хязгаарлан зогсоож; Монгол улсдаа төрийн болон, төрийн бус байгууллага, олон нийт, хувь хүний зэрэг бүх төвшинд монгол үндэстэн гэх ойлголтыг, монгол үндэстнийг эрхэмлэн дээдлэх үндэсний бодлогыг буй болгон, хэвшүүлэн төлөвшүүлэхийг уриалж байна!

-Өмнөд монголчуудын эсрэг үйлдсэн апартэид гэмт хэргүүдийг хүлээн зөвшөөрч, хууль-эрхзүйн үндэстэйгээр буруутгаж, үр дагаврыг арилгах үйл ажиллагаа зохион байгуулах, холбогдох мэдээллийг ил тод болгохыг уриалж байна!

-Өмнөд монголчууд Монгол улсад оршин суугч, иргэн, дүрвэгч, цагаач, улс төрийн орогногч, уугуулшигч, ажиллах хүч болох явдлыг байгууллагууд, иргэд тал бүрээр дэмжихийг уриалж байна!

Эзэн Чингис хаанд маань мөрөөдөл байлаа. Тэр бол Монгол үндэстэн нэгдэх! Монгол улсын бидэнд мөрөөдөл бий. Тэр бол монгол үндэстэн нэгдэх! Өмнөд монгол ахан дүүст маань мөрөөдөл бий. Тэр бол монгол үндэстэн нэгдэх! Бид бүхний мөрөөдөл нэг! Бид хамтдаа нэг ард түмэн!

Монголын эх орончид, үндэсний үзэлтнүүд, олон нийтийн төлөөлөгчид.
2012.3.16

Өмнөд монголчуудад зүй бус хандахаа больцгооё!
Tweet
Bolod.mn

Сэтгэгдэл (4)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
uvurmgl-chuud odoo bidend gomdood bga umuu. . Tegvel uuduu hayasan chuluu uuriin tolgoi deer gedeg ug bii. . Uursduu bidentei neg undesten gej haritcdag biluu. . Ereend, Hukhhotod, Beijind yadag bilee. . End irsen ni ch yamarhuu bdag bilee. . Hyatad companiin orchuulagch nar ihenkh ni uvurmgl-chuud bhad ted mgl-chuudiig hyataduudad uy gej muulj doromjilj, gutgej hooloo olj iddegiig medeh uu. . Suuliin yued ene baidliig ni nuguu hyatad businessmanuud ni hurtel anzaarad, uvurmgl-chuudiig orchuulagchaar avahaas tatalzdag bolson bna lee. . Huurhii hoyor nuurtei amitdad ajil mungu oldoh ni erunhiiduu bagasaj bgaa. . Gehdee gomdoh hereggui, heden jil ta nar bidniig hyataduudad muulj hudaldaj doromjilj hooloo olj idsen biz de. . Horvoo ergedeg um. .

2012-03-17 | 22:48:27 | 182.160.56.6 |

Зочин
За за больсон.

2012-03-17 | 18:31:59 | 182.160.30.104 |

Зочин
За за больсон.

2012-03-17 | 18:31:57 | 182.160.30.104 |

Зочин
Муу өвөр монгол хүнтэй олон дайралдаж байсан үүнийгээ хэлэх эрх байгаа юу. Бүгдийг нь хэлээгүй ихэвчлэн маш муухай хүмүүс байдаг юм байна лээ. Тэд эрлийзжсэн хүмүүс юм болов уу

2012-03-17 | 16:14:12 | 202.21.113.138 |

Мэдээ
Гадаад мэдээ
Видео

Архив ангилал

Өмнөд монголчуудад зүй бус хандахаа больцгооё!

Сэтгэгдэл (4)