итгэж, биелээсэй гэж хүсч байсан юмдаг. Амьдралын сайн мууг мэдэрдэг, ойлгодог болсноос хойш сэтгэл догдлом мартагдахааргүй олон удаа баярлаж байсны нэг үйл явдал нь энэ юм. Дээрх оны тавдугаар сарын 22-23-ныг шилжих шөнө бараг л нойргүй хонох шахам хүлээсэн зүйл бол Монгол Улсын Ерөнхийлөгчийн сонгууль байлаа. Тэрдундаа Ц.Элбэгдоржийг энэ сонгуульд ялж Монгол Улсын Ерөнхийлөгч болоосой гэж хүссэнийх. Хүсэл минь биелсэн. Үзэл бодол зөрөлдөөнтэй үзэг нэгт андтайгаа үүнээс болж ам мурийж байсан удаатай.

Ганц миний бус Монголын ард түмний хүслээр гарч ирсэн Ардчилсан Ерөнхийлөгч тэр хүн өмнө нь эвслийн Засгийн газарт Ерөнхий сайдын албыг хашиж байхдаа ч тэр олон хүний итгэл үнэмшил, хайр хүндлэлийг хүлээж эхэлсэн, бас миний.

Магадгүй дурласан бүсгүйн үг шиг санагдаж болох. Гэхдээ үгүй ээ. Харин дурлал гэнэн бас ариун цагаан байдагтай адил эрхэм Ерөнхийлөгчийг хүндлэх хүндлэл минь тийм байсан. Ийн хэлэхийн бас харамсахын учир 2008 оны долдугаар сарын 1-ний хэрэгтэй холбоотой. Энэ асуудал эрхэм Ерөнхийлөгчийн сэтгэлийг ихэд чилээж байгаа бололтой. Аргагүй ээ, Монголын ард түмнийг тэр чигээр нь бухимдуулж бас айлгаж, харамсуулж бүр сүүлдээ үзэх ядуулж эхэлсэн.

Гэтэл үндэсний эв нэгдлийн билгэ тэмдэг Ерөнхийлөгч таны сүүлийн үед дээрх хэргийн талаарх үзэл бодол, хэлж байгаа үг, хэрэгжүүлж байгаа арга хэмжээ, үүрэг даалгавар нэг л биш ээ. Хэдийгээр наанаа эв эеийг үнэн шударгаар олохыг үүрэгдэж байгаа боловч цаанаа, тодруулбал цагдаа, шүүх засаглалыг хагаралдуулж, ард иргэдийг цагдаа руу турхирах өдөөн хатгалга болж байна.

Тэртээ тэргүй Монголын ард түмэн хэнд итгэхээ одоо нэг л сайн ойлгохгүй байгаа дээр эрхэм Ерөнхийлөгч ийнхүү тоглолт хийхийн учир юу билээ.

Ерөнхийлөгч ЦЕГ-ын дарга хошууч генерал Д.Сандаг-Очирыг өчигдөр өрөөндөө дуудан долдугаар сарын 1-тэй холбоотой асуудлаар ярилцаж, үүрэг өгсөн. Үргэлж нуруу цэх харц дээгүүр цог золбоотой харагддаг генералыг хойд аавдаа загнуулсан хүүхэд шиг доош ширтэн суухыг харахад Ерөнхийлөгч нэлээд хатуухан зэмлэсэн бололтойдог.

“Шударга ёс тогтоо гэсэн ард түмний шаардлагыг шүүх хэрэгжүүлж чадахгүй бол бид яаж түүнийг тогтоох ёстой вэ”гэж Ерөнхийлөгч генералаас асуужээ. Генерал юу гэж хариулсан эсэхийг бид мэдэхгүй ээ. Магадгүй хариулаагүй байх. Үнэндээ генерал хаданд хавчуулагдсан халиуны зулзага шиг байгаа. Насаараа цагдаад алба хашиж сайн мууг үзэж явсан түүнд мөр зэрэгцэн удирдлага дор нь явсан хүмүүсийг яллах гэж байгаад сэтгэл нь таагүй л байгаа. Тэдний төлөө үг дуугарчих гэхээр дээрээс нь дарамтлаад бас албан тушаал нэр төр нь чангаагаад нойр нь хүрэхгүй яваа даа. Генералын буруу юу байхав дээ, нийгмээрээ ийм болчихсон юм чинь яалтай билээ, өрөвдмөөр.

Шударга үнэний тухай ам ангайх болгондоо хэлдэг эрхэм Ерөнхийлөгч цааш хэлэхдээ “Хуулийн дээр гарсан ийм байдлыг, цагдаагийн удирдлагын зүгээс цааш даамжруулж болохгүй. Энэ бол монголчуудын сонгож авсан замд нийцэхгүй.Монголын нэр төрд нийцэхгүй. Хуулийг хэрэгжүүлэх, шударга нийгмийг цогцлоон бүтээх гэж оролдож байгаа монголын ард түмний хүсэл сонирхолд нийцэхгүй. Тиймээс энэ байдлаас дүгнэхэд Цагдаагийн байгууллагад тууштай өөрчлөлт хийх шаардлагатай болсон нь харагдаж байна.” гэжээ.Түүний хэлсэн үгнээс долдугаар сарын 1-ний хэргээр буруутгагдан шүүгдэж байгаа ЦЕГ-ын даргын үүрэг гүйцэтгэгч асан, хошууч генерал Ч.Амарболд, НЦГ-ын дарга асан Д.Зоригт, Эргүүл хамгаалалтын газрын дарга асан, хурандаа Ш.Батсүх, НЦГ-ын Хэв журмын хэлтсийн дарга асан дэд хурандаа Г.Ганбаатар нарыгцагдан хорихгүй яагаад байгаа юм. Энэ үйл ажиллагаанд цагдаагийн байгууллагын удирдлагын зүгээс нөлөөлж, цагдан хорих хэрэгтэй гэж хэлснээс ялгаагүй ойлгогдож байна. Мэдээж түүний хэлснээр цагдаад шинэчлэл хэрэгтэй. Ерөнхийлөгчийн хэлсэн үг дотор энэ л үг амьдралд ойрхон үнэн дуулдаж байна.

Зарим нэг хэвлэл мэдээллийн хэрэгсэлд долдугаар сарын 1-ний хэрэгт Ерөнхийлөгч Ц.Элбэгдорж ч буруутай, тэр тухайн үед жагсаал цуглааныг өдөөн турхирсан гол хүмүүсийн нэг гэж бичигдсэн байсан. Үүнийг батлах баримт телевизүүдийн бичлэгт байж л байгаа, тэр үед хэлсэн үг хийсэн үйлдлийг нь цэнхэр дэлгэцийн өмнө суусан Монголын ард түмэн харсан. Нэгэнтээ байдал бишдээд долдугаар сарын 1-ний хар өдрийн үйл ажиллагааг зохион байгуулсан, дэвэргэсэн хүмүүсийн тоонд яах аргагүй өөрөө ороод ирэхээр амиа хоохойлохоор Ерөнхийлөгч ийнхүү адгаж эхлэв үү гэсэн олны хардлагыг эрхэм Ерөнхийлөгч генералтай уулзсан өчигдрийнхөө уулзалтаар баталчих шиг боллоо.

Шүүгдэгчдийг шүүхийн шийдвэрт нөлөөлөхөөс болгоомжлон цагдан хорих шийдвэр гарсан нь нэлээд дээрээс шидсэн захиалгатай зүйл гэдгийг цагдаагийн ар гэрийнхэн хэлдэг. Үүнд Ерөнхийлөгч Ц.Элбэгдоржийг өөрийнхөө тохоон томилсон УЕПГ-ын удирдлагуудаар гүйцэтгүүлсэн гэсэн хардлага үнэн байж мэдэх.

Шүүх хараат бус байх ёстой. Шүүхийн шийдвэрт хэнбугай ч нөлөөлөх ёсгүй боломж ч байхгүй гэдэгт над шиг итгэж ирсэн найдлага өнөөдөр талаар болжээ. Ерөнхийлөгчийн Д.Сандаг-Очир генералд хэлсэн үг, үүрэг болгосон зүйл цаанаа шүүх засаглалд хөндлөнгөөс оролцож нөлөөлж байгаатай агаар нэг санагдаж байна. Энэ байдлаараа бол дээр цагдаагийн экс дарга нарыг яллах нь ойлгомжтой ажээ. Ерөнхийлөгч хүртэл хуруу гараа дүрсэн хойно тэгэх нь тодорхой.

Хурдхан тэднийг яллачихаад таван хүний амь, олон зуун хүний эрүүл мэндийн хохирлын буруутныг тэднээр хаачихаад ард түмний үнэнийг нэхэх нэхлийг үүгээр дуусгах санаа эрхэм Ерөнхийлөгчөөс эхлээд олон хүнд байна. Үүргээ гүйцэтгэж ар гэрээ умартан Монголын төрд хоёргүй сэтгэлээр хандаж явсан дээрх хүмүүсийг яллаа гээд шударга үнэнийг харуулж, тогтоох бус харин ч асуудал бишдэх бус уу.

Харин эрхэм Ерөнхийлөгч хорьж цагдаж, яллахыг урьтал болгохын оронд долдугаар сарын 1-нд яг хэн гэдэг хүн таван хүний аминд хүрч, жирийн ард түмний эсрэг хүйтэн зэвсэг шагайв гэдгийг үнээр олохыг үүрэг болгох ёстой баймаар.

Эсвэл Ерөнхийлөгч цагдаагийн дээрх экс дарга нарыг буу шагайж таван хүний аминд хүрсэн гэдгийг мэдээд байгаа бол батлаад олон түмэнд зарлачихмаар юм. Ерөнхийлөгч Ч.Амарболд генералын цолыг “Төр өгч болсон юм чинь хурааж авч бас болох” тухай хэлсэн байна билээ. Энэ үнээн, хураагаад авчихаж болно. Үнэндээ Монгол төрийн төлөө, ард иргэдийнхээ аюулгүй байдлын төлөө насаараа зүтгэснийхээ хариуд авсан тэр генерал цолтой магадгүй Ч.Амарболд генерал зууралдахгүй биз дээ. Учир нь, шударга бусаар улстөрийн золиос болж хийсэн бүтээсэн бүхнийг нь хог шороотой хутгачихаж байгаа юм чинь цол, гавьяа шагналаар яах билээ.

Бусдын албан тушаал, зэрэг дэв, цол шагналаар нь шантаажилж хууль бусаар өөрийн хэргийг гүйцэлдүүлдэг бусармаг тогтолцоо амь бөхтэй байгаагийн жишээг Ерөнхийлөгч энэ үгээрээ баталчихлаа. Албан тушаал эрх мэдлээсээ салахаасаа айдаг нөхдүүд бүгд л тийм үгнээс айдаг болохоор манай нийгэмд шударга бус тогтолцоо арилах талаар мөрөөдөөд ч хэрэггүй.

Биеийн байдал нь муудсан шүүгдэгчдийг эмнэлэгт зүгээр шахуу ямбалж, жүжиглэж байгаа мэт ойлгогдохоор үг Ерөнхийлөгчийн амнаас цухалзана билээ. Бас ар гэрийнхэн нь тэднийг хилс хэргээр эрх чөлөөгөө хасуулж, улстөрийн золиос болчих вий гэсэндээ нойр хоолыг умартан өмгөөлж зогсож үгээ хэлж байгааг Ерөнхийлөгч та арай буруутгахгүй байлгүй дээ. Тэдний оронд өөрийгөө тавиад үзээрэй, нэг.

Түүний дургүйцлийг хүргэсэн хамгийн гол зүйл нь энэ сарын 14-ний өдөр болсон шүүх хурлын үеэр цагдаагийн алба хаагчид дүрэмт хувцастайгаа шүүхийн гадна олноороо цугласан дээр нь энгийн иргэд хэдэн зуугаараа цагдааг өмгөөлөн зогссон нь болсон бололтой. Хэдийгээр цагдаа дүрэмт хувцастайгаа аливаа жагсаал цуглаанд оролцож болохгүй гэсэн хуультай ч тэд үнэнхэрэгтээ энэ хэрэг хэрхэн шийдэгдэхийг л хүлээж байсан шүү дээ. Дүрэмт хувцастай болохоороо л Ерөнхийлөгчид болон бусад хүмүүст нүд үзүүрлэгдсэн байх. Тэд энэ хувцастайгаа төрийн төлөө, ард түмний төлөө долдугаар сарын 1-нд улаан гараараа цусаа дуслуулан эмх замбараагүй байдлыг таслан зогсоосныг мартах учиргүйсэн.

Үймээний үеэр 500 гаруй цагдаа хүнд хөнгөнөөр бэртэж, гэмтсэн. 2008 оны долдугаар сарын 1 хэмээн түүхэнд хараар бичигдсэн эмх замбараагүй байдлыг цагдаагийн алба хаагчид амьбиеэ умартан таслан зогсоогоогүй бол өнөөдөр юу болох байсныг хэн ч таашгүй. Тийм байтал яагаад өнөөдөр цагдаагийн алба хаагчдыг нүд үзүүрлэн, дарга нарыг нь гэмт хэрэгтэн болгох гээд байгаад олон нийт гайхаж байна.

Өнөөдөр тэр үед үймээн дэгдэх нөхцөлийг бүрдүүлсэн О.Магнай, Ж.Батзандан, Д.Энхбат, эрхэм Ерөнхийлөгч та өнөөдөр албан тушаалд шургалж, инээд алдан яваа. Ниймгийн эмх замбараагүй байдал үүсгэхэд гол дүрд нь тоглож, толгойлсон гэж Магнай, Зандан нарыг тухайн үед хорьж, цагдаж байсан ч Ц.Элбэгдорж, ивээлдээ багтаан албан тушаал горьлуулж, дэргэдээ хамгаалалтанд авсныг хэн хүнгүй мэдэж байгаа. Ерөнхийлөгч та энэ хэрэгт ингэтлээ их санаа зовоод байгаа бол үймээнийг эхлүүлсэн хүмүүс болоод өөрийгөө ч гэсэн шалгуулах эрх танд бий.

Тэр өдрийн үймээнийг цагдаагүйгээр нэг төсөөлөөд үзээрэй. Ямар аймшигтай зүйл болох байсныг. Харамсалтай нь энэ бүхний эцэст гэм буруутай болж яллуулна гэж тэд саналгүй явсан биз ээ. Өнөөдөр Монголын цагдаад тангараг өргөн ажиллаж байгаа 800 орчим цагдаагийн алба хаагч бий. Тэд энэ бүхний эцэст юу бодож юунд итгэж байгаа бол. Цаг хугацаа үнэнийг харуулдаг болохоор энэ хэргийн жинхэнэ эзэд тодрох нь ойлгомжтой, хэрэг хуучирдаггүй шүү дээ.

Ардчилсан шударга үнэний төлөө тэмцэгч эрхэм Ерөнхийлөгч Ц.Элбэгдорж таны тухай ойлголт минь хүүхдийн гэнэн итгэмтгий бодол төдий байсанд харамсаж байна. Экс Ерөнхийлөгч Н.Энхбаярыг авлигын загалмайлсан эцэг гэдэг юм билээ. Харин та хууль бус зүйлийг өөгшүүлэхийг загалмайлсан нэгэн гэдгийг ойлголоо. Мэдээж энэ өндөрлөгт хүрэхэд та олон зүйлийг даван туулж, тэр хэрээр олон зүйлийг бас хүнийг золиослосон байлгүй. Тэгж ч сонсогдох юм билээ. Тиймээс дөрвөн хүнийг яллаад хорьчих зэргийн юмыг та өлхөн хийх байлгүй. Гэсэн ч үнэнийг монголын ард түмэн эрт орой хэзээ нэгэн цагт мэднэ, тийм хүлээлт ч байсаар байна. Хэдий таны төлөө зүтгэх цөөнгүй хэвлэл мэдээллийн хэрэгсэл байдаг ч гэлээ мөнхөд ард түмний тархийг угааж чадахгүй биз ээ. Харин би цагдааг өмөөрөхийн учир хүн болохоороо, бусад шиг бохир улстөр, шударга бус зүйлд хутгалдаагүй байгаад юм шүү. Би Ардчилсан Ерөнхийлөгчийг хөл гартайгаа, итгэл үнэмшил, сэтгэл зүрхээрээ дэмжсэндээ харамсахгүй ээ. Харин таны мэргэн оюун халдвартай хүнд өвчинд нэрвэгдсэнд харамсаж байна.

Б.Туул

asunews.mn

Цагдаагийн экс дарга нарыг өрсөж яллахгүй бол Ерөнхийлөгч та өөрөө ялд унах гээд байна уу
Tweet
Bolod.mn

Сэтгэгдэл (9)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
энэ ********г зайлуулаач ээ

2014-03-29 | 20:45:45 | 90.215.242.139 |

Зочин
энэ ********г зайлуулаач ээ

2014-03-29 | 20:45:43 | 90.215.242.139 |

Зочин
элбэгдөржийн зоү алуурхдийг битгий омоороод бай тэнэгээ

2012-07-25 | 19:33:28 | 195.189.65.234 |

Зочин
Элбэгдоржийн зөв шүү дэээээ, цагдаа нар аа, мөн тэдний ар гэрийн ухамсар дорой бүлгээ ээ

2012-03-26 | 14:19:09 | 202.131.225.226 |

Зочин
Яг унэн бичсэн бна энэ Элбэгдөрж уу иx юм хийсэн толгой хэргийн эзэн хор найруулагч , Зоригийн хэрэгт ч бас холбоотой , тэр авилгатай тэмтсэх газрийн дэд дарга болох тэр нохрийг суллаж авчирахийн тулд хаанаас тэр их мэнгийг гаргаваа , авч ирэнгүүтээ тэр газрийн дэд даргаар тавиж бас л хор найруулж байгаа, бух ум ил харагдаж байхад ...... эрхэм эрүнхийлүгч та ухэхдээ тамд очих бх даа хийсэн бух нуглийнхээ хариууд ...

2012-03-25 | 12:28:34 | 108.216.195.237 |

Зочин
Туулаа чи яааааааааааааааааааааааааааааааааааааааг үнэн хэлж.

2012-03-24 | 11:58:41 | 220.225.77.57 |

Зочин
битгий ТАРХИЙ угаах гээд бай.Алуурчдийг буу хамгаал за.

2012-03-23 | 19:22:38 | 92.225.82.253 |

Зочин
битгий ТАРХИЙ угаах гээд бай.Алуурчдийг буу хамгаал за.

2012-03-23 | 19:22:35 | 92.225.82.253 |

Зочин
битгий ТАРХИЙ угаах гээд бай.Алуурчдийг буу хамгаал за.

2012-03-23 | 19:22:31 | 92.225.82.253 |