Түүний овсгоотой нүүдэл тухайн үеийн МАХН-ын гишүүдийн дэмжлэгтэйгээр амжилтад хүрч, 2000 оны УИХ-ын сонгуульд энэ нам үнэмлэхүй ялалтад хүрсэн түүхтэй. УИХ-д 72 суудалтай МАХН-ын дарга, Ерөнхий сайд Н.Энхбаярыг хэт тахин шүтэх хандлага мөн л энэ үеэс эхэлсэн гэж хэлж болно. Н.Энхбаярын Засгийн газрын үед Монгол Улс түүхэндээ анх удаа газрыг иргэдэд өмчлүүлэх шийдвэр гаргасан байдаг.

Мөн ОХУ-д төлөх ёстой их өрийг тэглэж, монголчуудыг хойд хөршийнхний эдийн засгийн хараат байдлаас “мулталж” чадсан билээ.

Ийнхүү Н.Энхбаярын улс төрийн амьдралын хамгийн идэвхтэй дөрвөн жил өнгөрөхөд монголчууд газартай, бас өргүй болсон хэдий ч шивнэж ярьдаг, сэм сэмхэн хаалга, цонх руугаа хардаг “чимээгүй айдастай” болчихоод байв. Н.Энхбаяр ба түүнээс бусад гэсэн нийгмийн хоёр туйлт хандлага бий болж, МАХН нэг хүний хэт “өндрөө авсан” арга барилын дор хүлээстэй болсон үе. Тухайн үед Н.Энхбаярын дарангуйлал хэмээх ойлголт салхины хурдаар улс төрийн хүрээнийхний зүрхэнд бугших болсон билээ. МАХН болон АН-ын аль алинд өндөр нөлөөтэй, улс төрд хөл тавьсан залуусыг өндийлгөж ч чаддаг, өвдөг сөгдүүлж ч мэддэг тэрбээр газрыг ард түмэнд хувьчлахдаа өөртөө дээжийг нь хуваарилсан гэх хардлага байдаг. Төрийн ордон тойрсон газруудыг хувьдаа авсан гэж түүний тухай ил, далд хэлэлцдэг нь нууц биш.

Ямартай ч 2004 он гарахад МАН-ын эрүүл сэтгэдэг залуус Н.Энхбаярын Монголын төр болон уугуул намдаа авчирсан гай болоод гавьяаг үнэлж цэгнэн, ялгаж салгасан нь эхний дэвшил байлаа.

Ерөнхийлөгч Н.Багабандийн бүрэн эрхийн хугацаа дуусахад энэ сонгуульд нэр дэвших эрхийг Н.Энхбаярт дуу нэгтэй өгснөөрөө МАХН нэгэн үеийн хүчтэй дарангуйлагчаасаа салах гарц олсон нь үнэн. Өөрөөр хэлбэл, Н.Энхбаярын богино хугацаанд хэтэрхий газар авсан ашиг сонирхлын зөрчил, хувийн амбицаас одоогийн МАН-ыг цэвэрлэх нь хамгийн чухал болчихоод байх үед түүнийг 2005 оны Ерөнхийлөгчийн сонгуульд нэр дэвшүүлэх замаар намын дотоод амьдралаас холдуулсан аж. Гэвч Ерөнхийлөгчийн эрх мэдэл хэдий хуулийн хүрээнд хязгаарлагдсан байдаг боловч Н.Энхбаяр МАН дахь нэр, нөлөөгөө хадгалан, далд фронтоос даацтай цохилтууд хийсээр байсан нь тухайн үеийн улс төрийн амьдралаас харагддаг. Н.Энхбаяртай нэр нэгтэй шахам явдаг компаниуд түүний ноёрхлын үед хүчээ авч, төрөөс зарласан тендер болгонд түрүү магнай эзэлдэг уламжлал хадгалагдсаар байлаа. Улс төрийн 12 жилийн амьдрал нь Н.Энхбаярт хангалттай олон шүтэн бишрэгчийг бэлэглээд зогссонгүй, түүнийг тойрсон улс төр, бизнесийн тодорхой хүрээлэл, бүлэглэлийг бий болгосон гэдэгтэй маргах аргагүй. Бизнес, улс төр хоёрыг зуузай холбон хослуулж, ашиг сонирхлын нэгдлийг нь нэг цэгт зангидаж, бүлэглэл болох хэмжээнд хөгжүүлсэн хүн нь Н.Энхбаяр гэж хэлж болно.

Түүний энэ мэтийн хувийн ашиг сонирхол, эрх ямбанд туйлдсан МАН хэт өндөрт гарсан дарангуйлагчаасаа салахын тулд 2009 оны Ерөнхийлөгчийн сонгуулийн үед Н.Энхбаярын эсрэг, Ц.Элбэгдоржийн тусын тулд ажилласан гэдэг батлагдаагүй мэдээ бий.

Ерөнхийлөгчийн сонгуулийн дүн гарахад МАН-ын учир мэдэх гишүүд АН-ынхнаас ч дутахгүй баярласан гэдэг юм билээ. Н.Энхбаяр ийнхүү энэ хоёр намын нэгдэл болоод зөрчлийн том шалтгаан байсаар ирэв.

Улс төрийн карьер нь өгсүүр замаар довтолгон, өндөрт тэмүүлж байх үед Н.Энхбаярын амжуулсан хувийн бизнесийн чанартай луйвруудыг АТГ болон УМБГ-аас хэдхэн хоногийн өмнө дэлгэн тавилаа.

“Өргөө” зочид буудлын луйвар, “Улаанбаатар таймс” сониныг завшсан хэрэг, Бурхны шашныг сурталчлах нэрээр хувьдаа өмчилсөн ТV9 телевиз, Эрдэнэт үйлдвэрт ган бөмбөлөг нийлүүлэх нэрээр халаасласан дөрвөн сая шахам ам.доллар гэхчлэн өөрийн албан тушаалыг ашиглан, авлига хэлбэрээр хувьдаа авсан эд хөрөнгийн жагсаалтууд хөвөрнө.

Энэ бүхнээс хамгийн ноцтой нь TV9 телевизийн асуудал юм. Магадгүй түүний бусад том наймаатай харьцуулахад тоон дүнгээр хамгийн хямдхан нь энэ телевиз байж болох боловч оюун санааны талаасаа хамгийн үнэ цэнэтэй нь TV9 болов уу. Учир нь хэдэн сая долларар ч хэмжих аргагүй бүтээгдэхүүн буюу оюуны үйлдвэрлэл эрхэлж, түүгээрээ ард түмний үзэл бодлыг өмчлөн, тархийг нь угаадаг гээд бодохоор үүний хохирлыг мөнгөөр тооцох аргагүй.

Н.Энхбаярын хувийн телевиз гэдэг утгаараа ТV9 үүргээ амжилттай биелүүлж, МАН-ыг орхин, МАХН-ыг байгуулсан эзнийхээ үйл ажиллагааг хангалттай сурталчилсны үр дүнд өнөөдөртөө “Ард түмний Ерөнхийлөгчийг сулла” гэсэн лоозон бариад зогсох ядруухан ард цөөн боловч байсаар буй. Зүй нь насаараа ажиллаж төлсөн татвараас нь мөнөөх “Ард түмний Ерөнхийлөгч” ердөө ганц удаагийн зоог төдийгөөр өм цөм хүртэж байсныг мэдэх эрх ард түмэнд бий.

Н.Энхбаярт эрүүгийн хэрэг үүсгээд жил гаруй болсон гэдгийг сонссон түүний шүтэн бишрэгч ахмад настнуудын даралт ихсэж байна. Үзэл суртлын өлсгөлөн, боолчлол гэж үүнийг нэрлэхэд хатуудахгүй. Иргэн Н.Энхбаярын завшсан эд хөрөнгө, албан тушаал авлигын хэрэг хүчтэй үзэл суртлын зэвсгийн ачаар, улстөржсөн байдлаар ойлгогдож, төөрөгдөл үүсгэж буй нь мөн л үзэл бодлын боолчлол юм.

Н.Энхбаяраас салснаараа МАН энэ гинжийг тас татсан. Н.Энхбаярын луйвруудад цэг тавьсан. Алгуур боловч намаа цэвэрлэх, улс төр бизнесийн бүлэглэлүүдийн хэлхээ холбооноос ангижрах, төр тойрсон наймааг эцэслэх зоригтой алхмыг хийсэн билээ. Тийм боловч Н.Энхбаярын сүүдэр МАН-д Д.Тэрбишдагва, Ч.Улаан, О.Чулуунбат нарын дүрээр оршиж, Хүний эрхийн үндэсний комисст Ж.Бямбадорж хэлбэрээр бугшсаар ирсэн. МАН хэдийгээр Н.Энхбаяраас намаа цэвэрлэсэн боловч түүний үлдээсэн “агаарыг” шүүж дуусаагүй байгаагийн илрэл энэ болов уу. Олон жил бугшсан агаарыг шүүн цэвэрлэхэд мөн төдий хугацаа шаардагдаж ч болох юм.

Н.Энхбаяр өөрийн баривчлагдсан шалтгаанаа МАХН-ын бүлэг УИХ-д байгуулагдах гэж байгаа чухал үед, мөн долдугаар сарын 1-ний үймээнтэй холбоотой протоколыг дэлгэж тавьсны улмаас намайг баривчиллаа гэж мэдэгдсэн.

Түүнийг даган МАН-ыг орхиж, МАХН-ыг байгуулсан Ц.Шинэбаяр Хамаг Монголын хөдөлмөрийн намыг байгуулан туурга тусгаарласан байдаг. Энэ нь цоорхой шуудай мэт МАХН Н.Энхбаяр хэмээх хүчин зүйлээс шалтгаалан хэзээ ч бүлэг байгуулах хэмжээнд хүрч чадахгүй гэдгийг харуулдаг. Н.Энхбаяртай улс төрийн тавцанд мөр зэрэгцэн зүтгэж, сайн муугаараа холбогдож байсан Ч.Улаан, О.Чулуунбат, Д.Тэрбишдагва нар эр хүний жудаг харуулж түүнд бараа болон шөнийг барсан явдлыг МАН хагарч бутарч буй мэтээр тайлбарлах утгагүй.

Эцэст нь нэг л зүйл тодорхой болов. Иргэн Н.Энхбаярыг өөрийнх нь олон нийтийг төөрөгдүүлэх зорилгоор хэлсэнчлэн улс төрийн зорилгоор баривчлаагүй. Үйлдсэн хэрэг, завшиж луйвардсан эд хөрөнгө нь нэр ус, санхүүгийн тооцоотойгоо дэлгэгдлээ.

Энэ хүн авлига, албан тушаалын хэргээ хүлээн мэдүүлэг өгч эхэлбэл түүний хөлд МАН төдийгүй АН-ын зарим гишүүд чирэгдэнэ. Бизнесийнхэн ч үрэгдэнэ. Магадгүй, намаа Н.Энхбаяр болон түүний ашиг сонирхлын бүлэглэлээс цэвэрлэх боломж энэ хоёр намд ирж байж ч болох юм. Н.Энхбаярын дарангуйллаас олон жил тэмцэж байж салсан МАН-ын хувьд илүү хүнд тусах боломжтой. Тийм боловч өнө удаан үргэлжилсэн цэвэрлэгээгээ МАН нэр төртэй дуусгана гэж найдъя.

Ч.Чимэдсүрэн

sonin.mn

МАХН-ын даргын улс төрийн шоу ба үзэл бодлын өлсгөлөн
Tweet
Bolod.mn

Сэтгэгдэл (3)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
гол нь хамгийн том нэртэй өрсөлдөгчөө шоронд хийж амжлаа элбэгдорж ардчилсан намдаа барьж буй сюрприз 2 хуваагдсан ХУ нам хоорондоо үзэлцээд дундуур нь ардчилалийн нэр барьсан цөөврүүд сонгуульд ялж хятадуудыг баярдлуулах юм биз дээ

2012-04-19 | 14:52:47 | 180.149.93.12 |

Зочин
ЭХБАЯР ЭНХСАЙХАН ЖАРАГАЛСАЙХАН НАРИЙГ АРД ТҮМЭН ОДООЛ АШГАЛАЖ ТӨРИЙН ЭРХЭЭС ЛУЙВАРЧАД АЛУУРЧАДИЙГ ХӨӨХ ХЭРЭГТЭЙ БАЙНА ОДОО АРД ТҮМӨН ЛУЙВАРЧАДЫН МАХН ИЙГ ТОЙРОН НЭГДЭН НЯГТАРЧ ХАМТАРАН ТЭМЦЭЖ ЛУЙВАРЧАД АЛУУРЧАДИЙГ ТӨРИЙН ЭРХЭЭС ХӨӨЖ ҮҮРД ДАРАН СӨНӨӨХ ХАРИУЦЛАГТАЙ ТҮҮХЭН ЦАГ ТҮҮХЭН СОНГУУЛ ТҮҮХЭН СОНГОЛТИЙН ӨМНӨ ИРЛЭЭ ЛУЙВАРЧАД ҮҮНИЙГ МЭДЭЭД ӨӨРИЙН ЛУЙВАР БУЛХАЙГ САЙН МЭДЭХ ИЛЧЭЛЭЖ БОЛОХ ЭНХБАЯРААС АЙСАНДААН ШОРОНД ХОРИЖ БАЙНА ЭНХБАЯР САЙН ХҮН ХЭРЭГ ХИЙГЭЭГҮЙ ГЭЖ АРД ТҮМЭН ХЭЛЭЭГҮЙ ХАРИН ТҮҮНИЙГ БУРУУГААН ОЙЛГОЖ ЛУЙВАРЧАДИЙН ИСРЭГ ХАМТРАН ТЭМЦЭЖ БАЙГАА БОЛХООР АРД ТҮМӨН ХАМГААЛАЖ ХАЙРЛАЖ БАЙГАА ЮМ ХАМТАР Ч БАЙЖ ЛУЙВАРЧАДЫГ ТӨРӨӨС ЗАЙЛУУЛНА ӨНӨӨГИЙН БҮХ ТАЛИЙН НӨХЦӨЛ АРГАГҮЙ ИЙМ БАЙНА НЭГДЭЖ ЧАДАХГҮЙ БОЛ ЛУЙВАРЧАДЫГ ЯЛАЖ ЧАДАХГҮЙ НЭГДЭХ БОЛОЛЦОО ОДООЛ БАЙНА АРД ТҮМӨН ТӨРДӨӨН ЭЗЭН БАЙХУУ ҮГҮЙ БОЛ ДАХИН ЛУЙВАРЧАДЫН БООЛ БОЛОЖ ЯДУУРХУУ ГЭДЭГ СОНГОЛТИЙН ӨМНӨ БАЙНА ҮҮНИЙГ НЭГДЭЖ ЭС ЧАДАХААС ХАМААРНА УЧИР НЬ ЛУЙВАРЧАД ӨНӨӨДӨР ТӨРИЙН ТОЛГОЙД БАЙНА ТЭД УЛАМ ХАРГАС БОЛСООР БАЙНА ҮҮНИЙ ЭСРЭГ НЭГДЭЖ БАЙЖ АМЖАЛТАНД ХҮРНЭ ГЭДЭГИЙГ САЙН ОЙЛГОХ ХЭРЭГТЭЙ ЛУЙВАРЧАД АРД ТҮМЭНИЙГ ХУДЛАА ЧУЛУУ ХӨӨЛГАХ ГЭЭД БАЙНА АЛЬ БОЛХООР НЭГТГЭХГҮЙ ХЭМЭЭН ОРОЛДОЖ БАЙНА ЭНХБАЯРИЙГ БАРИВЧАЛСАН НЬ ҮҮНИЙ ТОД ИЛРЭЛ БАРИВЧАЛАХ БАЙСАН БОЛ ӨМНӨ НЬ БҮТЭН 4 ЖИЛИЙН ХУГЦАА БАЙСАН ЮУ ХИЙЖ БАЙСАН ЮМ

2012-04-19 | 13:21:47 | 202.126.91.60 |

Зочин
энэ нэг заваан юмнууд болиосой ЭНХБАЯР ЭНХСАЙХАН ЖАРГАЛСАЙХАН өөр хэнч билээ хэдэн нөхдүүд ард түмэн гэдэг үгийг ашиглах эрхийг хэн өгсөн юм бол дандаа л ард түмэн минь гэж байх юм дандаа энд тэндхийн гологдож хөөгдсөн хүмүүс чадваргүй дээ л ийм байгаа шүү дээ энэ ард түмнийг чадалтай ухаантай нь удирддаг болохоос ийм мэтийн юмнууд удирдаггүй юм хайран цаг зав мөнгөө л үрж байгаа хэрэг шүү дээ

2012-04-19 | 12:49:02 | 203.91.118.226 |

Мэдээ
Гадаад мэдээ
Видео