бүтээгдэхүүн худалдан борлуулдаг дэлгүүрүүдээс төлбөрийн картаар их хэмжээний бараа бүтээгдэхүүн худалдан авч, зарим тохиолдолд өөрийн картын үлдэгдлийг мэдэхгүй байна..." гэсэн мэдээлэл ирсний дагуу шалгажээ.

Гэтэл арилжааны банкнаас сэжиг бүхий худалдан авалт хийгдсэн талаар лавлагаа авахад энэ оны дөрөвдүгээр сарын 9-ны өдрөөс хойш Улаанбаатар хотын үйлчилгээний томоохон цэгүүд болох Скай их дэлгүүр, Улсын их дэлгүүр, Централ таурзэрэг дэлхийн томоохон брэндийн бараа бүтээгдэхүүн зардаг дэлгүүрүүдээс нийт 100 гаруй мянган ам.долларын картаар худалдан авалт хийхээр оролдсон нь тогтоогджээ. Мөн зарим нэг тохиолдлууд нь зөвшөөрөгдөж ойролцоогоор 45,0 сая орчим төгрөгийнхудалдан авалт хийгдсэн байжээ.

Дээрх дэлгүүрүүдийн хамгаалалтын камеруудаас сэжиг бүхий этгээдүүдийн дүрс бичлэгийг авч үзэхэд ази төрхтэй, 25-30 орчим насны гурван эрэгтэй байсанбайна. Дэлгүүрүүдийн худалдагч нарын мэдүүлгээр сэжиг бүхий этгээдүүд нь зүүн өмнөд ази гаралтай хүмүүс байсныг тодорхойлжээ. Үүний дагуу цагдаагийнхан отолт хийсэн байна. Гэтэл дээрх этгээдүүд бараа бүтээгдэхүүн худалдан авах гэсэн боловч төлбөрийн картынх нь хэмжээ хүрэхгүй байсан учраас орой нь дээрх отолтоор буюу энэ сарын 12-ны өдөр Централ тауэр-ын "Бөрберри" дэлгүүрт тэднийг баривчилсан байна. Тэд Малайз улсын иргэн, 1988.12.01-нд төрсөн ВонгЖиан Лун, 1987.10.10-нд төрсөн Сү Кок Шенг, 1982.11.04-нд төрсөн Чуа Сенг Вии нар болохыг тогтоожээ.

Сэжигтэй этгээдүүдийн бие, хувцас, авч явсан гар цүнхэнд үзлэг хийхэд 51 ширхэг хуурамч төлбөрийн хэрэгсэл илэрсэн байна. Мөн байрлаж байсан зочид буудалд нь нэгжлэг хийхэд хуурамч картаар худалдан авсан эд зүйлсийн зөвхөн хоосон хайрцагууд байжээ.

Сэжигтэй этгээдүүд зөвхөн англи хэлээр ярьж байсан бөгөөд өөрсдийгөө зөвхөн гүйцэтгэгч болохыг тайлбарлаж Малайз дахь том босс нь эдгээр картуудыг өгч Монголд очоод үнэтэй бараа худалдан авахыг даалгасан гэжээ. Мөн Малайзад эргэн ирсэнийхээ дараа худалдан авсан барааныхаа 10 хувийн урамшууллыг аваарай гэсний дагуу энэ оны дөрөвдүгээр сарын 9-ний өдөр Улаанбаатарт Бээжингээр дамжин ирсэн. Биднийг Улаанбаатарт үл таних "Кэн" гэгч нэртэй Малайз хүн өөр хоёрхүний хамт тосч авсан. Түүнтэй хамт Сингапур улсын иргэн Кор Чи Чай, Малайз улсын иргэн Чиа Гуан Сун хамт байсан бөгөөд Чингис хаан зочид буудалд байрлуулсан.

Бид нөгөө картуудаар бараа бүтээгдэхүүн худалдан авч буудалдаа очоод Кенд өгдөг байсан, Кен ямар буудалд байрласныг мэдэхгүй, бидэнд хэлдэггүй байсан гэж тайлбарлажээ. Кен гэгчийг хэн болохыг тогтоохоор ажиллахад тийм нэртэй Малайз хүн манай хилээр орж ирээгүй болох нь тодорхой болжээ. Уг этгээдийн оршин байгаа газрыг эрэн сурвалжлахад СБД-ийн 7-р хороо 11-р хорооллын “Алтаргана”зочид буудалд байгааг цагдаагийнхан тогтоосон байна. Кэн гэгч болон түүний хамсаатан этгээдүүд тэр өдрийн маргааш өглөө буюу энэ сарын 13-нд хилээр гарах бэлтгэлээ хангаж, онгоцны зорчих тасалбар авсан байжээ.

Гэмт этгээдүүдийг дайчлан баривчлах үед тээшнээс нь 6 ширхэг гар компьютер /iPAD/, 12 ширхэг алтан гинж, брэндийн үнэтэй хувцас, цүнх, түрийвч зэрэг хуурамч төлбөрийн картаар худалдан авсан эд зүйлс гарч ирсэнийг эд мөрийн баримтаар хураан авсанбайна. Гэтэл Кэн гэгч нь үнэнхэрэгтээ Малайз улсын иргэн 1976.07.30-нд төрсөн, Тэх Юу Ленг гэгч болохыг тогтоосонбайна.

Гэмт этгээдүүд нь АНУ-ын Чейз банк, Ай Ти Эс зэрэг банкны харилцагчдын картны хар туузан дахь мэдээлэл буюу track-ийг хулгайлж Малайз улсад тусгайлан бэлдсэн картны бэлдэц дээр мэдээллийг суулгасан байна. Ингэж бусдын мэдээлэл суугдсан кредит карт буюу дараа төлбөрт зээлийн картаар Монгол улсад худалдааны цэгүүдээр гүйлгээ хийж алт мөнгөн эдлэл, нэртэй брэндийн хувцас, гутал, жижиг оврын компьютер техник хэрэгсэл худалдан авдаг байжээ.

Тэд хууль бусаар олсон бараагаа МУ-ын хилээр авч гаран Малайз улсад 50 хувийн хямд үнээр зарж ашиг олдог байна.

Дээрх этгээдүүд нь зохион байгуулалттай гэмт бүлэглэлийн худалдан авалт хийдэг доод түвшиний fingers буюу олон улсад тэднийг "хуруунууд" гэдэг. Хуруунууд нь зөвхөн картаар худалдан авалт хийдэг бөгөөд Монгол улсад ирэхдээ зөвхөн нэг удирдах хүний утасны дугаартай ирдэг байна. Дээд талын Arms буюу "гар"-ууд нь зөвхөн тэр барааг авч хилээр гардаг байна. Эдгээр гэмт сүлжээний этгээдүүд нь урьд нь бие биенээ танихгүй, уулзаж байгаагүй, жинхэнэ нэр овгийг нь мэддэггүй бөгөөд зөвхөн "Кэн" гэх мэт хочтой байдаг болох нь мэдүүлгээс тодорхой болжээ.

Тэдний гадаад паспортын хил нэвтрэлтийг шалгахад Австрали, Вьетнам, БНХАУ зэрэг орнуудаар орсон,гарсан тэмдэглэгээ хийгдсэн байна. Иймд дээрхи орнуудын хууль сахиулах байгууллагуудад болон Малайз улсын холбогдох байгууллагуудад Интерполын шугамаар хандаж, энэ төрлийн гэмт хэрэг бүртгэгдсэн эсэхийг шалгахаар ажиллаж байна.

Олон улсад “card fraud”буюу картын залилангийн хэргийг илрүүлэх, мөрдөх нь хамгийн хүндрэлтэйдтооцоогддог.

Энэ нь зөвхөн картны эзэмшигч сарын дараа магадгүй жилийн дараа картны төлбөр төлөх үед мэдэгддэг байна.

2009 оны дөрөвдүгээр сараас 2009 оны зургадугаарсарын 12-ныг хүртэл Монгол улсын иргэн Ж, Э, Б нар нь АНУ-ын “Wells Fargo Bank”-ны карт эзэмшигчдийнмэдээллийг ашиглан БНХАУ-д үйлдвэрлэсэн мэдээлэл суулгах зориулалт бүхий техник ашиглан залилан мэхэлсэн гэмт хэрэг анх Монгол улсад бүртгэгдсэн юм. Малайз, Сингапур улсын иргэдийн үйлдсэн хэрэг нь ижил төрлийн хэрэг бөгөөд цаашид энэ төрлийн хэрэг ихсэх хандлагатай байгааг Цагдаагийн байгууллагаас анхааруулж байна.

Б.Майцэцэг

asunews