хувьсгалд уриалж, өөрийгөө эцсийн шийдвэр гаргагчаар зарласан. Уг нь энэ зэргийн уриалгыг Н.Удвал хатагтай бие дааж гаргах нь битгий хэл амнаасаа ч унагах ёсгүй. Гэсэн ч Н.Энхбаяр нэгэнт эрх чөлөөгүй болсон учраас хатагтай Н.Удвал эрх чөлөөгөө улам ихээр мэдэрсэн байхыг үгүйсгэх аргагүй юм. Гэхдээ таван нам нэгдэж байгуулсан Улс төрийн холбоо гэхээс илүүтэй МАХН доторх цоохор “цэргүүд”-ийн зөрчил энэ удаад Бага хурлынхаа хуралдааныг үр ашиггүй тараахад хүргэсэн ажээ. Жанжны суудалд санаархсан Н.Энхбаярын цоохор цэргүүд нь хэн болоход анхаарлаа хандуулцгаая. Энэхүү сэдэв нь Н.Энхбаярыг хэн орлох вэ гэдгээс илүүтэй улс төр дэх урваач, шарваачдын бодит дүр зургийг илэрхийлж буй нь харамсалтай.

Н.Удвал: Монголын социал демократ намын гишүүн асан тэрбээр нэгэн цагт Эрүүл мэндийн дэд сайдаар ажиллаж байсан. Энэ үедээ унаган нам болох Монголын социал демократ намаасаа татгалзаж, хуучнаар МАХН-ын гишүүн болсон байдаг. Эрүүл мэндийн дэд сайдын албанаасаа буусан даруйдаа намынхаа хамгийн шударга хатагтайгаар тодорсон. “Уламжлал, шинэчлэл-Ардчилал, шударга ёс” жигүүрийг санаачилсан даруйдаа эрх мэдэлд хүрсэн тэрбээр дараагийн ээлжинд Эрүүл мэндийн яамны Төрийн нарийн бичгийн даргаар ажиллах хүсэлтээ намдаа илэрхийлсэн байдаг. Гэвч санаа нь бүтсэнгүй. Монголын социал демократ намд чамгүй бужигнаан, хов жив үүсгэж байж гарсан тэрбээр эсэргүү тэмцэгчийн дүрд энэ үеэс мордсон юм. Улмаар намынхаа эсрэг ухуулга хуудас хэвлэсэн гэх хэргийн эзнээр тодорч байсан ч үүнийгээ өөрөө эрс үгүйсгэдэг. Юутай ч, Эрүүл мэндийн яамны Төрийн нарийн бичгийн даргын албыг өөрт нь өмчилж өгөөгүйд гомдсон тэрбээр их удалгүй Н.Энхбаяртай нийлж, МАХН-ыг шинээр байгуулан өдгөө экс Ерөнхийлөгчийн халуун сандал дээр суухаар эзэрхийлж эхэлжээ. Энэхүү сонирхол нь намынх нь нөхдөд ил тод болохтой зэрэгцээд Н.Удвалаас болгоомжлогчдын цуваа чамгүй нэмэгдэж буй гэнэ.

Логийн Цог: “Ардчилсан холбоо эвсэл”-ийн үед Хууль зүйн сайдаар жил гаруйн хугацаанд ажилласан энэ эрхмийн улс төрийн сонголт дэндүү баян. Анхлан БНМАУ-ын Ардын их хурлын гишүүнээр сонгогдох үедээ тэрбээр МАХН-ын гишүүн байсан. Улмаар ардчилал эрчимжихтэй зэрэгцээд Монголын сэргэн мандлын намыг байгуулсан ч дараа нь Монголын үндэсний ардчилсан намд элссэн байдаг. Их удалгүй Хууль зүйн сайдаар ажиллах хугацаандаа УИХ-ын гишүүн, Дэд бүтцийн сайд асан С.Зориг агсны амь насыг хөнөөсөн хэргийг илрүүлж чадаагүйн дээр намынхаа гурван андыг казиногийн хэргээр шорон руу илгээсэн. Үүнээс нь үүдэн зөвхөн Монголын үндэсний ардчилсан намынхан төдийгүй тухайн үеийн улстөрчид Логийн Цогоос жийрхэх болж, гишгэх газаргүй үлдсэн гэж болно. Гэсэн ч тэрбээр хэсэг хугацаанд чимээгүй байсны эцэст Иргэний зориг нам, Бүгд найрамдах нам, Үндэсний шинэ намд ээлж дараалан элссэн бол энэ удаад Ерөнхийлөгч асан Н.Энхбаярыг түших зорилгоор МАХН-ын батлах гардах нь тэр. Харин баривчлагдахтай нь зэрэгцээд өөрийгөө жанжны эрэмбэтэй цоохор цэрэг хэмээн тодорхойлж, удирдахуйн ухаанд суралцсан арга туршлагаа МАХН-ын нөхдөд гайхуулж эхэлсэн ажээ.

Г.Шийлэгдамба: “Н.Энхбаярыг ард түмний батлан даалтад гаргая” хөдөлгөөний тэргүүн Г.Шийлэгдамбын хувьд орлон тоглогчийн үүрэг гүйцэтгэхэд хамгийн ойрхон байгаа өрсөлдөгч. Учир нь, тэрбээр өнгөрсөн хугацаанд Н.Энхбаярын гэхээс илүүтэй О.Цолмонгийн дэмжлэгээр Монголын хамгийн залуу сайд болж байсан түүхтэй. О.Цолмон хатагтай энэ удаад ч Г.Шийлэгдамбыг дэмжиж буйгаа нуухгүй байгаа гэх. Гэхдээ өөрийн хүү Э.Батшугарыг биш гэж үзвэл дараагийн ээлжинд Г.Шийлэгдамбыг шууд сонгох ёстой гэсэн бодлоо Н.Энхбаярын намынх нь нөхдөд тулгаж буй. Г.Шийлэгдамбын тухайд Ардын намд гомдчихсон яваа. Гэхдээ өөрөө гомдох шалтгаанаа гаргасан түүхтэй. Тэрбээр нэгэн цагт үеийнхээ нөхдийн өөдөөс “зүү” шидэх зорилгоор Улаан сарнай, хөгжил хөдөлгөөнийг байгуулан О.Цолмонгийн даалгаврыг биелүүлж байсан. Улмаар хүнийхээ хувьд жудаггүй гэдгээ “Ц.Түмэнгэрэл агсныг танихгүй” гэдэг үгээрээ баталсан. Ц.Түмэнгэрэл агсны ажил үйлс бүтэмжтэй байх үед нь түүний санхүүжүүлдэг байсан “Утга зохиол, урлаг” сониных нь рекламанд тоглож, “Улаан сарнай, хөгжил” хөдөлгөөнийхөө санхүүжилтийг хийлгүүлж байсан. Гэвч хүн амины хэрэг үйлдэнгүүт нь танихаа байж орхисон. Мөн УИХ-ын 2008 оны сонгуульд Өвөрхангай аймагт нэр дэвшиж, өрсөлдөх үедээ намынхаа нөхдийн эсрэг хор найруулсан баримт олонтаа. Тэрхүү үйлдлээсээ үүдэн 2008 оны дараа эрх мэдэл, албан тушаалын аль алинд нь хүрч чадаагүй бөгөөд ичсэн нүүрэндээ Австрали руу сургуульд явсан гэх яриа бий. Улмаар нэгэнт Ардын нам дотроо нүүргүй болсон түүний хувьд Н.Энхбаярт наалдахаас өөр сонголт олдоогүй гэж болно. Харин өнөөдөр нам дотроо хоёрдугаарт бус нэгдүгээрт эрэмбэлэгдэж, Н.Энхбаярыг орлох боломж нээгдэж буйг тэрбээр алдах хүсэлгүй байгаа гэдэг.

Ц.Оюунбаатар: УИХ-ын гишүүн, Татварын ерөнхий газрын дарга асан Ц.Оюунбаатар сүүлийн үед Н.Энхбаярыг хайрлан хамгаалагчаар тодроод байгаа. Цагтаа намдаа “Уламжлал, шинэчлэл-Ардчилал, шударга ёс” жигүүрийг байгуулахад хүчин зүтгэж байсан тэрбээр энэхүү тэмцлийнхээ дараа их удалгүй Татварын ерөнхий газрын даргаар суусан. Энэ газрын дарга болсон даруйдаа намынхаа шүүмжлэлтэй шинж чанарыг бүгдийг нь эерэг үзүүлэлт болгон зарлаж “Манай нам хамгийн сайн нам” гэх ухуулга сурталчилгааг ил тодоор хийх болсон. Гэвч Татварын ерөнхий газрын даргын суудлаас огцорсон даруйдаа эргээд намаа шүүмжлэгч болж хувирсан. “Манай нам шиг муу нам алга” гэх мэтээр. Мөн л энэхүү шүүмжлэгч, гомдоллогчийн байр сууринаас Н.Энхбаяр руу хадаг илгээж, МАХН-ын үйл ажиллагаанд идэвхтэй оролцох болсон. Улс төрийн туршлага, намба төрхөөрөө бусдаас илүүрхэнэ гэдэгтээ итгэсэн түүний хувьд дотроо Н.Энхбаяр шиг биш юм гэхэд Н.Энхбаярын дайны нам удирдаж чадна гэдэгтээ итгэлтэй байгаа. Харин энэхүү шинэ алхамтайгаа зэрэгцээд “Би эргээд Татварын ерөнхий газрын дарга болох ёстой” гэсэн гомдол, заналхийллээ түр зууртаа орхиод байгаа бололтой юм билээ.

Д.Жамбалжав: Улсын клиникийн төв эмнэлгийн дарга асан, гавьяат эмч Д.Жамбалжавын хувьд ойрын үед бөөн бухимдалтай байгаа нэгэн. Эмнэлгийн даргынхаа албанаас огцорсон, хувийнхаа “Мон мэс” эмнэлгийн барилгыг барих зорилгоор Гэмтэл согогийн улсын клиникийн газрыг булаахаар завдсан нь илэрсэн, хувийн эмнэлэгтээ зөвшөөрөлгүй бөөр шилжүүлэн суулгах мэс засал хийсэн нь тогтоогдсон гээд түүнийг тойрсон таагүй хэл ам цөөнгүй гарах болсон нь Д.Жамбалжав эмчид ийнхүү эмчийн өмсгөлөө өмсөхөд нь саад болж байгаа ч байж болно. Магадгүй Н.Энхбаярыг дагаж тэмцлийн замд орсон шалтгаан нь ч энэ байж болох юм. Улсын клиникийн төвийн эмнэлгийн даргын суудлаас хэрхэн ичихгүйгээр улайран зууралдаж байснаас нь харахад дээрх цоохор цэргүүдээс их дээрдээд байхгүй нэгэн бололтой.

Н.Баянсэлэнгэ: Н.Энхбаярыг дагагсад дундаас улс төрийн “топ од”-оор тодроод байгаа тэрбээр Чингэлтэй дүүргийн хорооны даргын албыг залгамжлах чин хүсэлтэй нэгэн. Ээж нь Чингэлтэй дүүргийн нэгэн хорооны даргаар 16 жил тасралтгүй ажилласан байдаг. Энэхүү тасралтгүй эдэлсэн эрх мэдлээ тэрбээр тэтгэвэрт гарахдаа охиндоо дур мэдэн шилжүүлсэн түүхтэй. Гэсэн ч ээж, охин хоёрын дундын албыг Ардын намаас хорооны иргэдийн сонголтод үлдээж, охиныг нь хороон даргаас буулгаснаар тэд тэмцлийн замдаа мордсон гэдэг. Товчхондоо хорооны даргын албыг гэр бүлийнхээ өмч хэмээн итгэсэн тэд Чингэлтэй дүүргийн Ардын намын шийдвэрт огцом цочирдож, тэр даруйдаа Н.Энхбаярт очоод наалдчихсан. Өдгөө тэрбээр Н.Энхбаярын баривчилгааны дайтай хэвлэлийн од болоод байгаа. Ээж нь ярилцлага өгч, өөрөө шударга бусаар хоригдсон гэх маягаар. Үүгээрээ тэрбээр Н.Удвал, Л.Цог, Г.Шийлэгдамба, Д.Жамбалжав, Ц.Оюунбаатар нараас ч илүү улс төрийн хурц зоригтой тэмцэгч хэмээн ойлгогдож буй. Иймээс ч байлдагч бүр генералын мөрдэс мөрөөддөг шиг Н.Баянсэлэнгэ бүсгүйд МАХН-ыг удирдах хүсэл байхгүй гэвэл худлаа болохгүй болов уу. Учир нь, түүний амбиц түр хорих төвд бадамлана уу гэхээс унтрахгүй нь ойлгомжтой шүү дээ.

Харин энэ бүх МАХН дахь жанжны албыг мөрөөдөгч цоохор цэргүүдийн дунд нэг топ өрсөлдөгч байгаа нь яах аргагүй Н.Энхбаярын хүү Э.Батшугар. Гэхдээ Э.Батшугараас илүү эхнэр О.Цолмонгийнх нь хүсэл гэвэл үнэнд нийцнэ байх. Ямар ч байсан эцсийн хариу хэрхэн гарахаас үл хамаарч Н.Энхбаярыг тойрон хүрээлэгчдийн өнгө төрх нэг иймэрхүү. Зөвхөн МАХН доторхийг нь шүүж үзэхэд ийм байгаа юм чинь Улс төрийн холбоог бүрдүүлэгч өөр дөрвөн намтай нь нийлүүлээд бичвэл дэндүү сонирхолтой дүр төрх гарч ирэх биз ээ.

Ц.Хан-Хөхи

undesten.mn

Н.Энхбаярын суудалд санаархагчид
Tweet
Bolod.mn

Сэтгэгдэл (1)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
МАН-ынхан сайхан үлгэр зохиожээ. ӨӨрсдийгээ яая гэж байж хүний намын албан тушаалд санаа зовоод яах вэ? МАХН-ын дотоод амьдрал эд нарт ямар хамаатай юм бэ? ШАл худлаа юм бичээд дунд нь хагалах гэж байгаа ухаантай юм байх даа. Энхбаяр дарга ажлаа хийнэ шүү дээ малууд минь. Битгий атаарх

2012-08-13 | 11:42:02 | 203.169.53.98 |

Мэдээ
Гадаад мэдээ
Видео