Америк маягийн өшөө авалт

2012-05-13

Засгийн эрхийг зэвсгийн хүчээр авдаг байсан үеийг Монгол Улс халаад 100 жил болж байна.

Эдүгээ төр барихын төлөөх зорилгоо хэрэгжүүлэхдээ ард түмний сонголтод тулгуурладаг болсноо ардчилал гэдэг. Өнгөцхөн харахад, үнэхээр ардчилсан үйл явц мэт харагдавч цаанаа чухам ямар их тэмцэл, өс хонзон нуугдаж байдаг нь 2008 оны долдугаар сарын 1-ний үйл явцаас тодорхой харагдсан. Хэрвээ гарын дор бэлэн зэвсэг байсан бол цөсийг нь хөөргөсөн тэр олон мянган залуус хэнийг ч буудахад бэлэн байсныг монголчууд бүгдээрээ жүжиг мэт үзсэн. Ерөөсөө дайн хийж, сүр хүчийг үзүүлж, төрийн эрхийг авч, ноёрхлоо тогтоож, үндэсний баатруудаа, эсвэл цуст яргачдаа тодруулахыг хүн төрөлхтөний араншин гэнэ.

Зэвсгээр шийдсэн ийм дарангуйллуудыг Гитлер, Напеолон, Сталин, Мао Зэдун, Пол Пот гээд түүхээс олныг харж болно. Америк гэж тив байснаас биш улс үндэстэн гэж байсангүй. Америк бол хүчин дээрмийн аргаар, зэвсгийн хүчээр анх үүсч байгуулагдсан улс юм. Үндэстэн гэх аргагүй эрээвэр хураавар. Өнөөдөр дэлхийд тэдний ноёрхол тогтоод байна. Ганцхан Америк л бусад улс орны дотоод хэрэгт оролцож, үгэнд нь орохгүй бол зэвсэг хэрэглэж, цэргээ байрлуулж, нефтийг нь хямдаар авч, цөмийн пуужин хөөргөх эрхтэй. Орос октябрийн хувьсгалыг экспортолсон. Түүний горыг бид амссан. Одоо бол Америк улс ардчилал гээчийг экспортолж байна. Гэхдээ их баялагтай бага буурай орныг сонгож экспортолдог. Үлгэрлэвэл, Хятад, Орос, Японыг яаж ч чадахгүй. Хойд Солонгосоос ч эмээнэ. Тэд бол өөрийн бодолтой, өвөртөө пуужинтай. Монгол бол Америк маягийн ардчиллыг цэцэглүүлж байгаа сонгодог жишээ юм. Тиймээс тэд Монголд их хайртай.

Гэхдээ Н.Энхбаярт биш, Ц.Элбэгдоржид хайртай. Тиймээс Ц.Элбэгдорж өнөөдөр том дарга эцэгтэй эрх хүүхэд мэт аяглаж байгаа юм. Н.Энхбаяр өлсгөлөнгөөсөө болж амь тавих гэж байхад Ц.Элбэгдорж бүтэн оройжин UBS телевизээр баяр ёслол хийхийг монголчууд харсан. Энэ бол америк “школ”. Хүнийг хайрлаж, тэдэнтэй нялуурч суух зав Америкт байдаггүй. “Чи үхнэ, эсвэл би үхнэ” гэдэг систем л үйлчилдэг. Өөрийн нутагтаа тааваар нутаглаж ирсэн нүүдэлчин монголчуудын сэтгэхүй, дээрмээр үүссэн америк сэтгэлгээ хоёрын хооронд асар их ялгаа бий. Монголчууд өнөөдөр эрх мэдлийн үр ашгийг хэн, хэн нь хүртсэн хоёр Э-гийн хонзогнолын дээд илрэлийг харж байна. Ард түмэнрээ өрөвдүүлэх гэсэн Н.Энхбаярын ялархал, ардаа америк эцэгтэй Ц.Элбэгдоржийн бардамнал хоёрын тэмцлийг харж байна. Энэ удаа л ялахгүй бол эргээд хэзээ ч улс төрд орж ирэхгүй гэдгээ тооцсон Н.Энхбаярын тэмцлийн хэлбэр эцэстээ хүрсэн байхад “Н.Энхбаяр л эргээд улс төрд ирэхгүй байвал өөрөө өөрийгөө егүүтгээд хал балгүйхэн үхсэн ч яах вэ” гэсэн Ц.Элбэгдоржийн далд санаа хоёр тэмцэлдэж байна. Улстөрчид өөрсдийнхөө бий болгосон системд торлогдож, эцэстээ тэр системээ өөрөө нураадаг, эцсийн хохирогч нь өөрөө болдог түүх бий. Систем нь задрахад Гитлер амиа хорлосон.

Чаушескийг эхнэртэй нь буудаж хороосон. Америкийн олон Ерөнхийлөгч өрсөлдөгчдөө буудуулсан. УИХ-ын 1996 оны сонгуульд нам нь ялагдсаны дараа Н.Энхбаяр тухайн үеийн мөнгөтэй залуусыг өөртөө татаж 2000 онд том ялалт байгуулсан. Тэгээд төрийн өндөр албан тушаалыг үнэлж нөгөө залуустаа хуваан өгч Засгийн газраа байгуулсан. Энэ бол түүний бий болгосон загвар. Түүний загварын улам нарийсч хөгжсөн хэлбэрээр өнөөгийн төр засаг ажиллаж байгаа юм. Угаасаа шударга бус тэр тогтолцоо нь 2009 онд өөрийг нь голын эрэг дээр гаргаад шидчихсэн. Түүнд өширхсөн Н.Энхбаяр өнөөдөр өөрийнхөө ярьдаг “Хана”-ыг нураах гэж ноцолдож, ганцаардаж, бухимдаж байна. Түүний бүрдүүлсэн нам, эвслийг ажиглахад үнэхээр хань болчих хүн тун ховор. Хохирогчид, хонзогногсод, улс төрийн гадуурхалд өртөгсөд л харагдана. Гав ганцаараа байснаас дээр юм даа. Бас 2000 оноос хойш түүнээс эрх тушаалын шагнал авч, намд нь мөнгө төлж байсан зарим гишүүний төлөөлөл бий. Тэднийг “Эрийн жудаг гаргалаа” гэж хэлж болох талтай. Гэхдээ ард түмний өрөвдөх сэтгэлийн гүнд байгаа МАХН-аар дөрөөлж улс төрийн хожоо хийж болох шаансыг харж байгаа нь ойлгомжтой. Н.Энхбаярыг баривчлан хорьсон нь хууль зөрчсөн үү. Үүнд хариулах хүн алга. Яагаад гэвэл, Ц.Элбэгдорж “Хариул” гэж команд өгөөгүй. Н.Энхбаяр ингэж байгаад үхвэл яах вэ. Маш том гашуудал болж, Ц.Элбэгдорж үг хэлж, нулимс унагавч цаанаа бөөн баяр болно. Тэр үнэндээ Н.Энхбаяраас үхтлээ айж байгаа юм.

Хэрвээ Н.Энхбаяр эргэж УИХ-ын гишүүн болбол түрүүчийн систем нь задарлаа ч гэсэн Ц.Элбэгдоржийн систем гэж хэзээ ч тогтохгүй болно. Н.Энхбаяр өлсөхөөрөө айлгаад ялалт байгуулах магадлал улам бүр багасч байна. Яагаад гэвэл, түүний эсрэг хоёр намын хамссан сүлжээ улам бэхжиж амжлаа. Н.Энхбаяргүйгээр МАХН сонгуульд амжилт олохгүй. МАН-ын сонгогчдын тоог харин цөөлнө. Тэгэхээр АН сонгуульд ялж, Ц.Элбэгдоржийн систем тогтоно. Харин Ц.Элбэгдорж 2013 онд ялагдаж, МАН-аас Ерөнхийлөгч сонгогдвол улс төрийн тэнцвэртэй байдал үүсч, хэн нэгний гэх систем саармагжиж магадгүй. Ард түмэн хэзээ ч нэг хүн шиг гэгээрчихнэ нь гэж үгүй болохоор ардчилал гэж ер нь байхгүйтэй адил. Тиймээс сонгууль шударга болохгүй. Харин одоохондоо америкийн бодлогыг хэрэгжүүлэгч орнууд гэж л бий. Тэгэхээр Н.Энхбаяр бол тэр бодлогын золиос юм. Хиллари Клинтон түүнийг өмгөөлсөн нь юу л бол. Гэхдээ улс төрийн ийм өшөө авалт цаг нь болоход Ц.Элбэгдоржид ч бас ирнэ.

Л.ДОЁД

Америк маягийн өшөө авалт
Tweet
Bolod.mn

Сэтгэгдэл (8)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
¿éë ¿éëýý äàãíà ¿õýð òóãàë àà äàãàíà çºãíºë áèø õóóëü áîëõîîð ìóó ºäºð ºº çººëëºæ ýõëýõã¿é áîë îðîéòíî ø¿¿ ýëáýãýý õý õý õý

2012-09-11 | 01:42:54 | 119.40.102.88 |

Зочин
ардчилсан ерөнхийлөгчдөө баяр хүргэе. энэх хүн түүхэнд үлдэнэ. авилгаас эх орноо цэвэрлэх ажлыг эхлүүлж байгаа хүн.

2012-09-01 | 16:34:53 | 203.91.119.100 |

Зочин
2013 онд Элбэгдорж дахиад л сонгогдоно. Залуус ажлаа хийж чаддаг, мэдлэг чадвартай, өөрсдийг нь сайн сайхан нийгэмд уриалж чаддаг хүнийг дагадаг болохоос хуучны тархинд нь суулгасан коммунист баримтлалыг мухар сохроор тулгагч этгээдүүдийг дагадаггүй. Дагадаг хэд нь гэвэл одоо энхбаярыг дагаад хашгиралдаж байгаа хэд дээ. Гэхдээ үе нь өнгөрч байгаа юм зайлуул.

2012-05-14 | 13:05:45 | 202.170.81.54 |

Зочин
ЭЛБЭГДӨРЖ новшийн ос хонзон оворлогч. зугээр ижил эрхтэйгээр сонгуулид оролц л доо. битгий хуулийнханий гараар могой бариулаад бай оороо улдээд бай.

2012-05-14 | 02:03:34 | 68.118.156.128 |

Зочин
Ардчилсан Ёрөнхийлөгчид баярлаж байна. Монголыг авилгачдаас салгаад өгөөрэй

2012-05-14 | 00:47:42 | 114.245.218.233 |

Зочин
Гэр бүлээрээ ингэнэ гэдгийг мэдээд шоу зохиож найруулсан байна. Ичих булчирхай алга энэ гэр булд. эхнэр хүүхэд нь хуртэл эрүүл мэндээр ниьшоүдаад байх юм. Үзэн ядаж байна арчаагүй гэр булийг

2012-05-14 | 00:41:15 | 114.245.218.233 |

Зочин
Захиалгатай хөлсний мэдээ байна. Энхбаярийг баян хөн болохоор нь бүгд л жаахан юм салгах санаатай байна. Цолмон Батшугар 2 сайн жүжиглэж байна. Гэхдээ гэмт хэрэг хийсэн нь түмэнд тодорхой ял авахдаа л авна.

2012-05-14 | 00:36:43 | 114.245.218.233 |

Зочин
Энэ удаа Ардчилсан нам ялалт авах ч юу бол доо. Элбэгдорж өөрөө өөрийгөө хөнөөх замаа тавилаа.

2012-05-13 | 22:28:36 | 203.91.117.4 |