ОНЦГОЙ БАЙДЛЫН ОНЦГҮЙ ДАРГА НАРЫН ТҮҮX

2012-05-14

-Ц.Амгаланбаяр єєрийнхєє “но”-г нуух гэж албан хаагчдаа тєсвийн мєнгєєр зугаалуулжээ-

Сайд, дарга нараас нь болж нэг хэсэг Онцгой байдлын ерєнхий газрыг Олз ашиг хайгчдын ерєнхий газар хэмээн нэрийдэж байлаа. Одоо ч ингэж нэрлэж болно. Ємнє нь Онцгой байдлын асуудал эрхэлсэн сайд байсан С.Отгонбаяр, ОБЕГ-ын дарга асан П.Даш нар албан тушаал, эрх мэдлээ урвуулан ашиглаж тєсвийн хєрєнгийг зvй бусаар зарцуулж, хувьдаа завшсан хэргээр шvvхээс ял сонсч, “аав”-ынд зочилсныг уншигчид санаж буй биз. Тэд хэдэн жил дамнан зарга хийж, эцэст нь хууль хяналтын байгууллагынхан С.Отгонбаяр, П.Даш нарт холбогдох хэргийг єршєєлд хамруулсан юм. Онцгой байдлын асуудал эрхэлсэн сайд асан С.Отгонбаярын хувьд АН-ын дарга Н.Алтанхуягийн зєвлєхєєр ажиллаж байгаа бол ОБЕГ-ын дарга асан П.Даш одоогоор эрхэлсэн тодорхой ажилгvй, гэртээ суугаа гэнэ. Эрvvгийн хэрэгт холбогдохоос гадна тэдний суудал ганхах болсон шалтгааныг цухас дурдъя. С.Отгонбаярыг Онцгой байдлын асуудал эрхэлсэн сайд, П.Дашийг ОБЕГ-ын дарга байх vед буюу 2007 оны зургадугаар сарын 14-нд Сэлэнгэ аймгийн Мандал суманд гарсан тvймрийг унтраахаар явсан “МИ-8” нисдэг тэрэг осолдож, 19 аврагч, гал сєнєєгчєєс дєрєв нь л амьд эргэж ирсэн. Тухайн vед удирдлагууд нь цаг агаарын байдал муу, ширvvн бороо, салхитай байгааг мэдсээр байж аврагч, гал сєнєєгчдийг тvймрийн голомт руу илгээсэн нь “МИ-8” нисдэг тэрэг осолдох шалтгаан болсон гэдгийг албаныхан онцолж байлаа.

Гэвч Эрvvгийн хуульд байсан албан тушаалтнуудад хариуцлага тооцох заалтыг “хулгайлснаар” С.Отгонбаяр, П.Даш нар хариуцлага vvрээгvй.
Эл хэргийг шийдэх ёстой байсан хоёр заалт Эрvvгийн хуулиас хачирхалтайгаар алга болсон. Тэр vед нь тааруулан шvvх хурал хийсэн болоод нэг хэсэгтээ л шуугиад нам жим болсон. “МИ-8” осолдож, 15 аврагч амиа алдсан хэрэгт хэн ч хариуцлага vvрээгvй, харуусалт тvvх болоод л єнгєрсєн юм. Ингэж С.Отгонбаяр, П.Даш нар албан тушаалын тєлєє тэмцэлдэх, сандал ширээтэй зууралдах, албан хаагчдаа чинийх, минийхээр ялгах, тамга тэмдгээ булаацалдах, албан тушаал эрх мэдлээ ашиглан тєсвийн хєрєнгєнд дур мэдэн гар дvрэх, хууль бус тогтоол, шийдвэр гаргах, хариуцлагаас зугатах жишиг тогтоосон “гавьяатай”.

Эл “гавьяа”-г одоогийн дарга тэргvvн комиссар Ц.Амгаланбаяр vргэлжлvvлж байгаа гэхэд буруудахгvй. Тэрээр ОБЕГ-ын даргын албан тушаалд томилогдоод тав ч хоноогvй байж, тараа таниулсан гэдгийг уншигчид маань санаж байгаа байх. Дур мэдэн халаа сэлгээ хийж, єєрийн хvмvvсээ онцгой байдлын албанд ажилтай болгосон, гаргасан тушаал, шийдвэр болгон нь хууль зєрчсєн, тєсвийн хєрєнгийг зvй бусаар завшсан гээд нэг хэсэг тvvний хууль бус vйлдэлтэй холбоотой мэдээлэл тасрахгvй байв. Хууль хяналтынхан шалгасан ч удаатай. Харин тэрээр энэ бvхнийг хэрхэн зохицуулж, хав дарж єнгєрєєж буй нь бас л сонирхол татна.

Ц.Амгаланбаяр “Та нар намайг яаж ч чадахгvй. Миний ард Шадар сайд М.Энхболд, МАН-ын хотын фракц, ХЗДХ-ийн сайд Ц.Нямдорж бий” хэмээн томордогийг албан хаагчид нь хэлдэг. Мєн Улсын ерєнхий прокурор Д.Дорлигжавтай найз, нэг нутгийнх. Тиймээс ямар ч хариуцлага хүлээхгүй хэмээн хэлэх нэгэн байна.
ОБЕГ Ц.Амгаланбаярын хувийн компани шиг л болж хувирчээ. Тэрээр 2008 оноос хойш тендер зарлалгvйгээр бараа, vйлчилгээ худалдан авсан, Улсын нєєцийн газрын дарга Д.Батсайхантай хуйвалдан импортоор оруулж ирсэн буудайг дотоодын аж ахуйн нэгжийн тарьсан будаа хэмээн Засгийн газрыг хуурч их хэмжээний мєнгє хувьдаа завшсан аж. АТГ-ынхан одоогоос дєрвєн жилийн ємнє эл асуудлыг шалгаж, Улсын нєєцийн газрын дарга Д.Батсайханд албан тушаалаа хэтрvvлэн ашиглаж, залилан хийсэн хэмээн эрvvгийн хэрэг vvсгэсэн юм. Их хэмжээний чанаргvй vрийн буудайг худалдан авахыг зєвшєєрч гэрээ байгуулан, мєнгийг нь шилжvvлэх тушаал гаргасан ОБЕГ-ын дарга Ц.Амгаланбаяр ч хариуцлага vvрэх ёстой учир Д.Батсайхантай хамт шалгах шаардлагатай гэдгийг хуульчид хэлж буй. АТГ-ынхан ОБЕГ-ын даргад хандан гэмт хэрэгт холбогдоод буй Д.Батсайханы албан тушаалыг тvдгэлзvvлэх тухай албан бичгийг гурван жилийн ємнє єгч байсан боловч одоо болтол шийдвэрлэж єгєєгvй гэнэ.

Баттай эх сурвалжийн єгсєн мэдээллээр Улсын нєєцийн газрын дарга Д.Батсайханд холбогдох хэргийг Сонгинохайрхан дvvргийн цагдаагийн хэлтэст шилжvvлжээ. Нэг ёсондоо Д.Батсайхан, Ц.Амгаланбаяр нарт холбогдох хэрэг ингэж замхрах шатандаа оржээ. Энэ мэтээр Онцгойгийн дарга нарт холбоотой хууль бус vйлдлvvдийн захаас нь дурдахад л ийм байна.
Тэрээр хууль бус vйлдлээ нуухын тулд 2008-2010 онд байгууллагынхаа 10-12 хvнийг Хайнанд 7-10 хоног, 2011 онд 26 хvнийг Сингапур, Малайзад долоо хоног тєсвийн мєнгєєр аялуулсан гэнэ. Зєвхєн энэ жилийн аялалд л гэхэд 78000 ам.доллар буюу 103 сая тєгрєг зориулалтын бусаар зарцуулсан мэдээлэл ч байна.

Хамгийн сvvлд л гэхэд Дорнод аймгийн Баяндун суманд гарсан тvймрийг унтраахаар ажиллаж байсан таван аврагч, гал сєнєєгчийн гурав нь амиа алдаж, хоёрынх нь бие 60-80 хувь тvлэгдэж, vхэл амьдралын зааг дээр байна. Уг харамсалтай явдалтай холбогдуулан ОБЕГ-ын дарга Ц.Амгаланбаяр “Хууль хяналтын байгууллага шалгаад Амгаланбаяр буруутай, хариуцлага хvлээ гэвэл би бэлэн. Надад хариуцлагаас зайлсхийх шалтгаан байхгvй” хэмээн мэдэгдэж, шударга, хариуцлагатай албан тушаалтны дvрд тоглов. Уг нь, та аль эрт л хууль бус vйлдлийнхээ хариуд хариуцлагаа vvрээд явах ёстой байсан шvv дээ.

Хамгийн онцгой салбарт зарцуулах ёстой хєрєнгийг томилогдсон дарга бvр нь албан тушаалтнуудтайгаа хамтарч дундаас нь хувьдаа завшаад байхаар яаж ч олигтой хангамжтай байх билээ. Тэдний хумсалсан мєнгєєр аврагчид, гал сєнєєгчдєдєє хэрэгтэй, шаардлагатай багаж, хэрэгслийг нь авч єгсєн бол гэдэг асуулт яахын аргагvй гарч ирэх юм эрхэм Онцгойн дарга нар аа.

ОНЦГОЙ БАЙДЛЫН ОНЦГҮЙ ДАРГА НАРЫН ТҮҮX
Tweet
Bolod.mn

Сэтгэгдэл (1)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
ОНЦГОЙ БАЙДЛЫН БАЯНЗҮРХ ДҮҮРГИЙН ХАМТ ОЛОНД УОААН ГАЛЫН ӨМНӨӨС ӨӨРИЙН АМИЙГ ҮЛ ХАЙХРАН БУСДЫН АМИЙГ ХАМГААЛАН ТЭМЦДЭГ ЗОРИГТ ХӨВГҮҮДДЭЭ АМЖИЛТ ХҮСЬЕ. ТА НГАР БОЛ ЖИНХЭНЭ ЭР ЗОРИГТОНГУУД БИЛЭЭ.

2012-11-21 | 13:31:39 | 103.10.22.58 |

Мэдээ
Гадаад мэдээ
Видео

Архив ангилал

ОНЦГОЙ БАЙДЛЫН ОНЦГҮЙ ДАРГА НАРЫН ТҮҮX

Сэтгэгдэл (1)