баараггүй мэдсэн юм. Гэлээ ч юу ч болоогүй юм шиг дуугүй явсаар өдийг хүрсэн. Би амьдралаа эргэн нэг харж, өөрийгөө зүгээр гал тогооны авгай болчихсныг гэнэт ойлгосон.

Ингээд байдлыг өөрчлөхийг ихэд хичээсэн юм. Аятайхан бүсгүй болж, энгийн амьдралд эргээд ирэхэд намайг гэсэн, над руу тэмүүлэх эрчүүд ч бий болсон. Нөхөр минь намайг араар тавьсан нь түүнийг гэх сэтгэлийг минь хөргөж, би өөрийгөө эрх чөлөөтэй байж болно гэж оношилсон. Ингээд надад таалагдсан анхны эртэй л харилцаа тогтоосон.
Бид найман жил ханилсан хоёр. Нөхрөө хуурсан тэр явдал хагас жилийн өмнө болсон. Хэдийгээр тэр залуутай би олон уулзаж, тэгтлээ сүжрээгүй ч гэсэн тэрхүү явдал манай гэр одоо хүртэл амьд мэт хүнд дарамт болон үлджээ. Тэр залуугийн эхнэр нь манай нөхөр рүү залгаж бүх явдлыг нэгд нэгэнгүй ярьж, намайг хэн болохыг нөхөрт минь таниулж өгсөн юм.
Ийм л явдал болсон. Одоо нөхөртэйгээ гэрийнхээ хоёр мухарт суучихаад л байж байна. Ярилцах, салж хагацах хүсэл хэн хэнд нь алга. Хэдийгээр тэр намайг үзэн ядаж байгаа ч гэсэн үр хүүхдийнхээ төлөө амьдралаа нураахыг хүсэхгүй байгаа юм. Гэхдээ ингэж нэг нэгийгээ зовоон тарчлаах хэрэг байна уу? ч гэж хааяа бодох юм. Зүгээр л тал тла руугаа салаад явчихмаар ч юм шиг. Яагаад эрчүүд араар тавихад эмэгтэйчүүд бид буруутай болдог хэрнээ эмэгтэй хүн араар тавихад бурууг зөвхөн өөрөө үүрэх ёстой юм бэ?”.

Ийм нэгэн захидал манай редакцид ирсэн юм. Захидлын хариу болгож эмэгтэйчүүдийн хууралт болон юунаас үүдэг тухай нь өгүүлэхээр зэхлээ.

Эрчүүд, эмэгтэйчүүд хууралт, үнэнч биш байдлыг янз янзаар л харж дүгнэдэг. Эмэгтэйчүүд нөхөр нь өөрийг нь хуурсан бол аль болох ойлгохыг хичээж, өөртөө бурууг авахаас буцдаггүй. Харин эрчүүд харамсалтай нь ийм явдалдаа хүртэл эхнэрээ буюу эмэгтэйчүүдийг буруутгадаг билээ.
Яагаад ийм байх ёстой гэж. Энэ талаар буюу эмэгтэйчүүдийн хууралтын талаар танд арай дэлгэрэнгүй тайлбарлан хүргэе.

“Хөгжлийн явцад эмэгчин сармагчин өөрийг нь хамгаалж чадах эрэгчинд татагдаж, түүнтэй тогтвортой харилцаатай болжээ. Харин илүү сайн үр думатай болохын тулд эрэгчин сармагчин бэлгийн элдэв адал явдалд хутгалддаг. Калифорнийн их сургуулийн эрдэмтдийн нотолсноор эмэгтэйчүүдийн нүдэнд тийм ч сэтгэл татам, аятайхан биш эрчүүд илүү үнэнч, анхаарал халамжтай болох нь тогтоогджээ” хэмээн Journal of Sexual Medicine –ийн 2006 оны нэгдүгээр сарын дугаарт бичсэн байна.

Мэдээж, хүн бүрийн төрөлх зан чанар, мэдрэмж сэрэл түүний амьдралд ихээхэн нөлөөлдөг. Гэлээ ч зөвхөн физиологийн хувьд бус бас сэтгэлзүйн хувьд амьдрал тун адармаатай, бэрх бүхнийг “бэлэглэдэг” билээ.
Дээр өгүүлсэнчлэн бүсгүй хүн бүр аятайхан биш хэрнээ үнэнч, халамжтай эртэй хамт байдаггүй нь тодорхой. Тэгээд ч хүн бүр гадаад төрх, сайхан царай зүсэнд илүү дурладаг шүү дээ. Өөрөөр хэлбэл, эмэгтэйчүүд “аюултай” хэрнээ аятайхан эрчүүдэд илүү талтай байдаг. Эндээс л асуудал үүсдэг хэрэг.
Ингээд эмэгтэй хүн нөхрөө араар тавихад юу нөлөөлдгийг авч үзье.
Энд шинэ хайр дурлал, юм уу эсвэл өөрийг нь хуурсан нөхрөөсөө өшөө авах үзэл ихэвчлэн нөлөөлдөг гэнэ. Гэхдээ эдгээр шалтгааны цаана далд нуугдсан хүчин зүйлүүд ч нэлээд бий.

Сэтгэл хөдөлгөх сэргээш
Хоёр жил хамтдаа амьдарсны эцэст хосуудын дунд анхны уйдалт эхэлдэг. Учир нь энэ хугацаанд тэд бие биенээ хангалттай сайн судалж мэдсэн байдаг тул анхны үеийнх шигээ сэтгэл хөдөлгөж, гайхшруулах чадвар нь үгүй болсон байдаг аж.
Хэрвээ амьдралдаа идэвхтэй байж, шинэ сэргэг бүхэнд гимтэж, хамгийн гол нь таны хүсэл сэрлийг хань тань ойлгож дэмжиж байвал уйдалт ирэхгүй ч байж болно. Олон талтай, сонирхолтой амьдрал руу өөрсдийгөө хөтөлж чадвал уйдна гэсэн ойлголт үгүй болох нь тодорхой.
Жишээлбэл, аялал жуулчилж, эрсдэлтэй спортоор хичээллэж, дэлхий дахиныг таних боломж бололцоогоо байнга ашиглаад эхэлбэл амьдрал тань ч шинэ өнгөөр өдөр бүр сүлэгдэж, шинэ сэтгэл хөдлөлийг хамтдаа мэдрэх боломж ихэснэ. Хурц, шинэ мэдрэмж гэдэг сэтгэлзүйн хэрэглээ юм. Өөрөөр хэлбэл, сэтгэл зүй үргэлж тийм зүйлийг хүсч, хайж явдаг.
Гэтэл нөхцөл байдал өөр бол яах вэ?
Та идэвхтэй, сэргэлэн цовоо байдаг. Гэтэл хань тань нэг л нурмагар, үлбэгэр байгаад байвал хэрхэх вэ? Энэ тохиолдолд нэг бол өөрийгөө баясгаж, уйдагаа ганцаараа гаргаж сурах. Ингэснээр та нөхрөөсөө сэтгэлзүйн хувьд улам л холдоно. Нөгөө нэг зам нь тантай адил мэдрэмж, хүсэлтэй хэн нэгнийг хайх. Энэ тохиолдолд нөхрөө хуурах, үнэнч биш болох боломж өндөрсөж ирдэг.
Зөвхөн сексийн хувьд ч биш таны амьдрал тэр чигээрээ л уйтгартай болчихсон бол аргагүй шинэ энерги, мэдрэмж аяндаа шаардагдана. Ингээд нууц амраг хэмээх хүчин зүйлээр амьдралаа, сэтгэл зүйгээ сэргээх гэж үзэх нь бий. Гэхдээ тэрхүү нууц амрагаас авч буй сэрэл мэдрэмж үргэлж мөнхөд шинээрээ байхгүй нь тодорхой. Тэр харилцаа ч гэсэн хуучирч, сэтгэл хөдөлгөх сэргээш байж чадахаа болино. Тэгэхээр таны амьдралыг чимж, сэтгэлзүйг тань өргөх зүйл хэн нэгний биед бус харин таны тархинд яваа гэдгийг сайтар ойлгох хэрэгтэй.

Сексийн ханамжгүй байдал
Үүнийг ойлгохгүй хүн гэж үгүй биз. Байгаль дэлхий танд бие хайрласан шигээ тэр биенээс гарах эрч хүч, сэрэл мэдрэмж нь танаас нэхэл шаардаж буй нь тэр. Хэрвээ нөхөр тань сексээс бусад бүх тал дээр өөлөх юмгүй нэгэн бол заавал салах гээд дайрах шаардлага юу байна? Тэр болохгүй байгаа талыг нь нууц амрагаар л нөхчихье гэсэн бодол төрнө. Нэг ёсондоо нууц амраг хэмээх эм ууж байгаатай л адилхан. Олон эмэгтэйчүүдийн хувьд энэ бол хамгийн зөв шийдвэр болдог. Гэхдээ тэдний гэр бүлийг хэрхэн харж байгаагаас л шалтгаална.

Халамж хайж, сайхан үгэнд татагдах
Нөхрөөсөө санхүүгийн хувьд бүрэн хамааралтай эмэгтэйчүүд “Хэрвээ би мөнгөтэй бол түүнээс одооч гэсэн сална” гэж цээжээ дэлдэх нь бий.
Үнэхээр ч санхүүгийн хувьд биеэ даасан даруйдаа бүсгүйчүүд эр нөхрөөсөө салж, эрх чөлөө рүү тэмүүлдэг нь олон. Мэдээж, эрх чөлөө гэдэг нь шинэ хамтрагч гэсэн үг.
Харин салж сарниж чадахгүй бол нууц амрагтай болж өөрийгөө тайтгаруулдаг.
Хүүхэд гаргасныхаа дараа эмэгтэйчүүд гэртээ нэлээн удаан суучихаад эргээд ажилдаа орохдоо эргээд залуу сайхан эмэгтэй шигээ харагдахыг ихэд хүсдэг. Эрчүүдийн харааг татаж, бусдад дур булаам санагдахыг тэд их хүсдэг. Ялангуяа хүүхэд гаргасан эхнэрээ сайхан, аятайхан гэж харахаа больж, халуун дулаан үгээр тэтгэхээ больсон бол эхнэр нь үгийн сайханд тэмүүлж, өөрийгөө сайхан эмэгтэй гэсэн сэрэл мэдрэмжийг авахыг ихэд хүсдэг. Энэ бодол нь түүнийг мөн нөхрөө хуурахад хөтөлдөг.

Нийгмийн шахалт
Хүн уг нь байгалийн амьтан. Гэхдээ одоо цагт байгалийн амьтнаар байгаа нэгийг нь хүмүүс ойлгохоо бараг больжээ. Тэд нийгмийн амьтан болж хувирсан. Өөрөөр хэлбэл, нөхөрт гарах нь эмэгтэй хүний хувьд нийгмийн шаардлага болон хувирсан. 25 хүрээд ирмэгц нь л “Одоо нөхөрт гарахгүй бол болохгүй”, “Энэ нөхөрт гардаггүй сонин бүсгүй” гэх мэтээр дарамт шахалт үзүүлсээр хэн нэгэн наашаа гэсэнтэй нь гэрлэх тохиолдол маш их. Ингээд дасаад хайрлана биз гэсэн үзлээр хайр сэтгэлийг тэгтлээ мэдрэхгүй байгаа хэрнээ хэн нэгний гэргий болно.
Уг нь эрчүүд эмэгтэйчүүд тэгш эрхтэй гэсэн уриа лоозон гарснаас хойш зууж жил өнгөрсөн. Гэтэл эмэгтэйчүүд сексийн хувьд эрчүүд шиг чөлөөтэй байж чадахгүй явна. Зөвхөн сексийн хувьд ч бус дураараа амьдарч, амьдралыг бүхлээр нь бүрэн мэдрэх боломж үнэндээ эмэгтэйчүүдэд тун бага.
Ингээд амьдралын сайхныг бүрэн мэдэрч, эрх чөлөөг ханатлаа амсахын тулд эмэгтэйчүүд хоёр нутагтан болж хувирахаас өөр аргагүйд хүрэх нь элбэг. Тухайлбал, гэртээ сайн ээж, сайхан эхнэрийн дүр бүтээгээд гэрээсээ гадуур болохоор янаг амрагийн дүр хувилах шаардлага тавигдана.
Өөр нэгэн зам байгаа нь ерөөсөө гэрлэхгүй байж, өөрийн хүсдлээ амьдар явдал.
Гэхдээ энэ бол биеэ даасан, эрх чөлөөтэй бүсгүйчүүдийн л зүрхэлж алхах зам. Тэдний хувьд бусад эмэгтэйчүүд шиг гэр бүлд шүтэж амьдардаггүй хэрэг.
Гэхдээ гурав дахь зам бас бий. Энэ бол гэр бүлээ өөрийнхөө хүслээр бий болгох. Гэр бүл гэдэг зуун жилийн өмнөх шигэ нэгэн хэлбэртэй байх албагүй шүү дээ. Орчин цагт хүссэнээрээ ханилах, гэн нэгдээ эрх чөлөө өгөх гэр бүл их болсон.

Бүх ачааг ганцаараа үүрэх амаргүй
Өөрийг нь хуурсан нөхрөө хэрхэн барьж тогтоох вэ гэсэн утгатай материал асар их. Өөрөөр хэлбэл, эрчүүд хуурдаг харин эмэгтэйчүүд тэднийг тэр үед нь тогтоож барих ёстой гэсэн үзэл бүр газар авчихаж.
Гэтэл амьдрал дээр бүсгүй хүн сексийн хувьд бүрэн төгс байж, сайн найз бүсгүй болж бүх зүйл төгж гэж хэлж болохоор цогцлох нь бий. Гэхдээ энэ төгс эмэгтэй нөхөртөө бүхнээ харамгүй өгч байгаа ч гэсэн үнэн хэрэгтээ сэтгэл дотроо асар их ганцаардаж, өөрийнх нь үзэл бодол, эрх чөлөө үгүй болчихдог. Тэгээд дотроо байнга л өөрийнхөөрөө дураараа байж, аяааны хүндийг нуруун дээрээсээ авч хаяхыг хүсч мөрөөддөг.
Заримдаа дандаа ингэж сайн эхнэр, сайхан амраг байх нь залхмаар санагдана. Учир нь түүний энэ их хичээл зүтгэл сэтгэлийг хань ойлгохгүй имй л байх ёстой юм шиг ойлгоод эхэлдэг. Гэтэл энэ бүхний цаана асар их тэвчээр ухаан зааж, сэтгэл гаргахад хүрсэн байдаг.
Ингээд нэг л өдөр энэ их ачааг нуруун дээрээсээ авч хаяхыг хүснэ. Тэгээд ч эмэгтэй хүн байгалиасаа ачаа үүрэхэд зориулагдсан бульдозер биш билээ.
Залхуу хойрго, сэтгэж бүтээж чаддагүй эр хүн өөрийн сэтгэл татам байдлаа түргэн алддаг. Тэр ажил дээрээ хичнээн их амжилт олдог ч гэсэн гэртээ бол зүгээр л нэг буйдан, зурагт шиг харагдахад аяндаа хүрдэг.
Ингээд эрчүүд заримдаа эхнэртээ “жинхэнэ эр хүн” биш юм шиг харагдаж эхэлнэ. Энэ тохиолдолд илүү романтик, илүү халамжтай эр хүний өвөр рүү эмэгтэй аяндаа л татагддаг.

Хуурах буюу эр нөхрөө араар тавих явдлыг хүн бүр янз бүрээр хүлээн авдаг. Гэхдээ овоо босгоогүй бол шаазгай хаанаас суух вэ гэсэн мэргэн үг бий. Эрчүүд ч, эмэгтэйчүүд ч тэдний хэрэгцээ сонирхол, хүсэл мэдрэмжид нь хүрэхгүй байгаа тохиолдолд нэгнээ хуурдаг. Тэр хүсэл сэрэл тийм эрсдэлтэй алхам хийхэд ч хүргэхээр их хуримтлагдсан хэрэг. Өөрөөр хэлбэл, дундуураа дүүргэж байгаа нь тэр. Эмэгтэйчүүдийн хувьд ачаанаас түр холдох, амьдралын амтыг гэр бүлээ нураачихгүй амсах гэсэндээ ихэвчлэн ийм харьцаанд ордог. Гэхдээ харамсалтай асуудлаас зугтааж орсон энэхүү харьцаа нь тэднийг улам л хүнд байдал оруулдаг.

Р.Гэгээ