Ерөнхийлөгч, УИХ- ын дарга, Ерөнхий сайдын сонорт дуулгах хов байна. Энэ нь “Эрдэнэс МГЛ” гэх компанитай холбоотой юм. Уг нь энэ компанийг Монголын ард түмэн, Монгол төрийн мэдэлд байх учиртай стратегийн бүх ордыг нэгтгэсэн төрийн өмчит томоохон компани гэж ойлгож хүлээж авдаг.

Тэр ч утгаараа тус компанид харьяалагддаг хүмүүсийн үүрэг хариуцлага өндөр байх, ажиллаж буй мэргэжилтнүүд нь хэн нэгний арын хаалга, татаасаар бус мэдлэг чадвараараа томилогдох ёстой гэж бидний олонх боддог. Гэвч энэ нь томоос том эндүүрэл байсан бололтой. Учир нь тус компанийн захирал Б.Энэбиш “Эрдэнэс МГЛ-ыг ах дүү, садан төрлөөрөө дүүргэсэн тухай эх сурвалж өгүүлж байна. Баримт сөхвөл 100 хувь төрийн өмчит “Эрдэнэс МГЛ” компанид эрхэм захирал Б.Энэбишийн бүрдүүлсэн багт түүний хамаатан, хадам, баз гээд голдуу л халаасных нь улс цугласан байдаг гэнэ. Нэгэн гэр бүлийн нэжгээд хүнд Монголын хамаг чухал баялгийг хариуцуулдаг нь ямар учиртайг мэдэхгүй. Тиймээс энэ хүнд, түүний багт хяналт тавьдаг газар байна уу гэж асуухад хүргэж буй юм. Учир нь тус компанийн амин судас гэсэн газар бүрт Б.Энэбишийн гэх тодотголтой хэн нэгэн ажиллаж байна. Үүнийгээ ч тэрбээр байх л ёстой зүйл мэтээр харж байгаа нь хамгийн ихээр гайхал төрүүлж байна.

Тухайлбал, тус компанийн хөрөнгө оруулалт хариуцсан мэргэжилтэн Бат-билэг гэж залуу бий. Түүнийг Б.Энэбиш захиралтайгаа ах дүүсийн хүүхэд гэдгээрээ сонгон шалгаруулалтын түвэгтэй замыг туулалгүй шуудхан татагдаж ирсэн гэж байна. “Эрдэнэс МГЛ” Монголын стратегийн бүх ордыг нэгтгэж базсан төрийн өмчит компани гэдэг утгаараа дотоод, гадаадын хөрөнгө оруулагчдын сонирхлыг зүй ёсоор татдаг юм. Монголын баялагт ямар нэг аргаар гар дүрчих гэсэн сонирхолтой олон хүн тус компанийн захирлыг, түүнд зуучилж, гүүр болж чадах хөрөнгө оруулалт хариуцсан хүнийг нь тойглож таарна. Тэр ч утгаараа энэ алба Б.Энэбиш захирлын хувьд чухал суудал учраас дотнын хүндээ өгч, яриа хөөрөөгөө ч дотооддоо өрнүүлдэг бололтой. Энэ ч олны анхаарлыг зүй ёсоор татаж, ямар сайндаа л энэ тухай тус компанийн ажилтнууд нь “Б.Энэбиш даргад энэ албан тушаал шаржигнах алтан зоос болж харагдсан учраас унаж асгарч буй тэр зоосноос ахиухныг халааслахын тулд өөрийн хүнээ томилсон биз” гэцгээдэг юм билээ. Түүний өөр бас нэг хамаатан нь “Эрдэнэс МГЛ”-ын Хүний нөөцийн албыг даргалдаг. Хүний нөөц буюу ажилтнуудыг авч, бас халж чадах эрх мэдлийг эхнэрийнхээ дүү У.Гэрэлтуяа гэх бүсгүйд бэлэглэжээ. Б.Энэбишийн хамаатан садны хэлхээ холбоо үүгээр дуусахгүй. Баз хүргэн Баттулгыгаа жолоочоор авсан гэнэ. Олонд мэдэгдсэн нь энэ гурав. Гэвч танил тал харж, тал тохой татаж ажилд авсан томилгоо үүгээр дуусахгүй гэх юм билээ. Хамаатан садны холбоотойг дурдахад л дээрх гурав хамгийн түрүүнд нэрлэгдэж буй аж. Чухам эндээс 100 хувийн төрийн өмч хэмээн цоллуулдаг “Эрдэнэс МГЛ” бүхэлдээ Б.Энэбиш гэдэг хүний мэдэлд очсон нь харагдаж буй юм.

Уг нь төрийн алба гэдэг хэн дуртай нь ороод, хүссэн албаа хашаад байдаг сургалтын талбай ч биш. Энэ тухай ч Ерөнхий сайд С.Батболд нэг бус удаа хэлж ‘Төрийн алба гэдэг хэн нэгний ашиг сонирхлын төлөө бус нийт монголчуудынхаа эрх ашгийн төлөө ажиллах ёстой. Бас төрийн алба элдэв хүнд суртал, ёс бус байдал, хамаатан садангаараа хэлхэлдсэн сүлжээнээс ангид байх ёстой. Тиймээс ч тэдэнтэй тэмцэнэ” хэмээн хатуухан сануулсан. Иймээс Б.Энэбиш даргын хамаатан саданжсан энэ томилгооны талаар хов дуулгаж буй юм.

Тэгээд ч УИХ-аар баталж энэ сарын эхний өдрөөс хүчин төгөлдөр мөрдөж буй Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуулийн 1.1-д “Энэ хуулийн зорилт нь нийтийн албан тушаалтны хувийн ашиг сонирхол болон хуулиар хүлээсэн албан үүрэг хоорондын зөрчлөөс урьдчилан сэргийлэх, ашиг сонирхлын зөрчлийг зохицуулах, хянах замаар нийтийн албаны үйл ажиллагааг нийтийн ашиг сонирхолд нийцүүлэх нөхцөлийг баталгаажуулж төрийн албаны ил тод, итгэл даах байдлыг хангахад оршино” гэсэн байдаг бол 3.1.5-д “хамаарал бүхий этгээд” гэж тухайн нийтийн албан тушаалтны эцэг, эх, төрсөн ах, эгч, дүү, гэр бүлийн гишүүн, хамтран амьдрагч, эхнэр /нөхөр/-ийн эцэг, эх, төрсөн ах, эгч, дүү, бусад нэгдмэл сонирхолтой этгээдийг хэлнэ” хэмээн тодорхой заасан байгаа.

Гэвч хуулийн энэ заалт амьдрал дээр хэрэгжихгүй байна. Тэр тусмаа төрийн өмчит томоохон компани хэмээгддэг “Эрдэнэс МГЛ”-ын захирал хуулийг уландаа гишгэж буйн жишээ энэ.

Л.Оюун

«Эрдэнэс МГЛ» төрийн мэдлийнх үү, эсвэл Б.Энэбишийн хувийн компани уу
Tweet
Bolod.mn

Сэтгэгдэл (8)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
ÝðäýíýñÒÒ-í ñàëáàðûí çàõèðàë Áàòñàéõàíû õàìààòàí ñàäàí áàðàã 20-èîä õ¿í óóðõàé, öàãààí õàäíû ñàëáàðò àæèëëàäàã ãýñýí. Îäîî áîëèìîîð þìàà. Õîëáîãäîõ äàðãà íàð íü ìýääýã áîëîâ óó. Ýðäýíýñ ÒÒ óóðõàéä Áàòñàéõàíû àõ ä¿¿ íàðààñ ººð àæèëëàæ ÷àäàõ ààâûí õ¿¿õä¿¿ä îëääîãã¿é þì áîëîâ óó.

2012-05-31 | 18:19:44 | 27.123.214.100 |

Зочин
Ýíýáèøýý íààä êîìïàíèàñàà çàéëààä ºãºº÷. Óãààñàà ë òàíàé õàìààòàí ä¿¿ðýí áàéäàã ø¿¿ äýý. ßäàæ áàéõàä òýä íàð íü äàðàìòòàé ãýæ ÿàíàà.

2012-05-31 | 18:15:14 | 27.123.214.100 |

Зочин
Авч байгаа хүмүүс нь ур чадвар сайтай бол асуудалгүй байх гэж бодож байна. Хамаатан нь байлаа гээд ур чадвартай байж өөрт олдож байгаа боломжоо ашиглахгүй суух гэж үү? Харьцангуй л нийтлэл байна. Энэбишээс юм гуйгаад өгөхгүй болхоор нь ингэж бичүүлж байгаа байх

2012-05-29 | 13:25:26 | 103.9.91.66 |

Зочин
ЗАГАЛМАЙЛСАН ЭЦЭГ ААЛЗНЫ ТОРОНД ОРООЦОЛДОГСДЫГ ЭХ ОРОН БАЯЛАГАА ХАРИЙН ХУЛГАЙТАЙ ТОНОЖ БАЯЖАЖ БАЙГАА МАНАН н ЛУЙВАРЧАДААС ХАЙХ ОЮУТОЛГОЙН МОНГОЛД АШИГУЙ УРВАГЧЫН ГЭРЭЭ ХИЙЖ ХЭДЭН ЗУУН САЯ ДОЛЛАРЫН ХАХУУЛ АВСАН ЭЛБЭГДОРЖ БАЯР БАТБОЛД АЛТАНХУЯГ ТОЛГОЙЛОГЧТОЙ 4 н ЭРЛИЙЗ САЙД БАЯРЦОГТ ГАНСУХ ЗОРИГТ ХУРЭЛБААТАР- МОНГОЛ ЦУСТАЙ МОНГОЛОО ГЭЖ БОДДОГ ХУН ХЭЗЭЭЧ ХИЙХГУЙ- БОРООГИЙН НАЯАН ТОНН АЛТЫГ ХУЛГАЙЛСАН БАТБОЛД ЭЛБЭГДОРЖЫН БААВАР ЛУ БОЛДТОЙ ХИЙСЭН СЭРГЭЭН БОСГОЛТ БАНК ДАНПУУРУУЛЖ ОЛСОН ХЭДЭН ЗУУН САЯ ДОЛЛАР УЛААНБААТАРЫН АШИГТАЙ ГАЗРЫГ ЗАРЖ ХЭДЭН ТЭР БУМ ДОЛЛАРЫН ХӨРӨНГӨ ОЛСОН ЭНХБОЛД БАДАМУНАЙ БОЛОН ХОТЫН ФРАКЦ ХУРЭЛСУХЫН АРДЫН ХАДАГЛАМЖ ТОНОЖ ХЭДЭН АРВАН ТЭР БУМ ДОРЛИГЖАВЫН ЭРДЭНЭТЭЭС ХУЛГАЙЙЛСАН ХЭДЭН ТЭРБУМ НЯМДОРЖЫН ЧОЙЖИЛСУРЭНГЭЭР ХАЛХАВЧЛАН ТАВАН ТОЛГОЙН ТЭЭВЭРЭЭС ОЛЖ БАЙГАА АШИГИЙН ХАЖУУД ЭНХБАЯРЫН УНЭГУЙДУУЛЖ АВСАН ГЭЭД БАЙГАА ОДОО ХУРТЭЛ БАТЛАГДААГУЙ ЭВДЭРХИЙ БАЙШИН БАЙШИНГИЙН БУЛАН ХИЛЭЭР ХӨНГӨЛӨЛТЭЙ ОРУУЛСАН НОМ БОЛ МӨХӨӨЛДӨС ДОЛООСОН ТӨДИЙ

2012-05-29 | 12:36:05 | 180.149.69.200 |

Зочин
МАН, АН - ын ХУДАЛЧУУД, ХУЛГАЙЧУУД, ЛУЙВАРЧИНГУУД, АЛУУРЧИД, ГАДНЫ ГАР ХӨЛ БОЛСОН, ЭХ ОРОН, ГАЗАР ШОРООГОО ХУДАЛДСАН ХЭСЭГ БҮЛЭГ ХУВУЛЗНУУДААС ЭНЭ СОНГУУЛИАР БҮРМӨСӨН САЛЦГААЯ АА. ОЛОН ЖИЛ ДЭЭРЛЭХҮҮЛЖ, ДОРОМЖЛУУЛЖ, ЛУЙВАРДУУЛЖ, ЦУСАА СОРУУЛЖ АМЬДАРЛАА ШҮҮ ДЭЭ. МОНГОЛ ТҮМЭН МИНЬ ЭЭ?????????

2012-05-29 | 09:49:42 | 124.158.73.17 |

Зочин
тийшдээ тэрийг чин xариуцдаг төрийн алба байдагийншдээ. тэрэнд гомдлоо гаргаач.эсвэл чи заxиалгаар л бичиж байна даа ккк

2012-05-29 | 09:48:35 | 202.170.67.12 |

Зочин
чи xамаатан ни биш бас орж чадаагуйдээ xорсоод л бгаа юмаа даа.тэрнээс чамд xамаагуй л асуудал бна даа

2012-05-29 | 09:46:21 | 202.170.67.12 |