Фракцуудын бүлэглэлээр улстөр хийх болсон АН дотор “Шонхор”, “Мөнх тэнгэр” нэртэй фракцууд төрж, уугуул намаасаа өрх тусгаарласнаа зарлаж байсан ч “Гэр бүл”-ийн фракц төрлөө гэж дуулдаагүй. Гэтэл МАХН-МҮАН нэгдлээс “Гэр бүл’’-ийн фракц төрж байгаа тухай эх сурвалжууд шивнэлдэх болжээ. Учир нь МАХН-ын дарга, Ерөнхийлөгч асан Н.Энхбаярыг АТГ-аас баривчилсан цагаас хойш энэ фракц төрөх гэж дуншиж эхэлсэн байна. Хэсэг хугацаанд хоригдсон Н.Энхбаярыг суллуулахыг шаардсан жагсаал цуглаан нэг хэсэг оволзоод гэнэт чимээ намдсан нь энэ фракц бүрэлдэх томоохон шалтгаан байлаа. Н.Энхбаярыг суллахыг шаардсан жагсагчдын төлөөлөлд АТГ-ынхан танай дарга ийм тийм хууль бус зүйл хийсэн гэдгийг баримтаар нотолж өгсөн учраас жагсагчид урам хугаран тарсан сурагтай. Тиймээс МАХН хэмээх даржин айлын даргын суудал эзгүйрч, дараагийн даргын тухай яриа өөрийн эрхгүй гарсан хэрэг. Мэдээж Н.Энхбаярын улстөрөөс шахагдан ганцаардаж явах үед нь түшсэн Эрүүл мэндийн дэд сайд асан Н.Удвал, ХЗДХ-ийн сайд асан Л.Цог зэрэг хэсэг аснуудын хувьд анхнаасаа МАХН хэмээх нэрийн дор улстөр хийх зорилго тээж ирсэн.

Даржин ч гэсэн шинэхэн улстөрийн хүчнийг байгуулагдахаас нь өнөөдрийг хүртэл мэдэх учраас дарга болох тухай бодоо л биз. Тэдэнд үүнээс өөр улстөрийн карьер байхгүй нь үнэн юм чинь. Гэтэл өнгөрөгч Ерөнхийлөгчийн сонгуулиас хойш сураг тасарсан гэх Н.Энхбаярын эхнэр О.Цолмон түүнийг баривчилсан цагаас эхлэн гэнэт гарч ирэв. Ирэх ирэхдээ хэвлэл мэдээллээр хүү Э.Батшугарын хамт дуугарах болсон нь тус эвслээс “Гэр бүл”-ийн фракц байгуулах эхпэл тавигдсан гэдгийг баттай эх сурвалж хэллээ. Жагсагчдын хувьд намынхаа даргыг ямар хэрэг хийснийг мэдсэн учраас МАХН хэмээх айлыг хэн толгойлох тухай ч бодож амжсан нь дамжиггүй. Нам гэсэн итгал үнэмшилдээ хөтлөгдсөн гишүүд, дэ^жигчид Н.Энхбаяртай нь намаа орхих уу, эсвэл итгэл үнэмшлээ дагаад дараагийнхаа даргыг сонгоод цааш явах уу гэдэг хоёр сонголтын өмнө зогсч байна.

Энэ эргэлзсэн байдлыг мэдсэн Н.Удвал, Л.Цог нар ч гишүүд дэмжигчдийн дунд сэм сэм ханд хаяж, орон гарч байгаа суудалд мяраасан байна. Н.Энхбаярыг төр эзэгнэж явах үед ажлыг нь нугалж, томилгоонд нь нөлөөлдөг байсан гэх түүний эхнэр О.Цолмон ч намын даргын ажлыг зүгээр ч нэг тавиад туучихгүйг хичээж байгаа нь илт. О.Цолмонгийн хувьд эр нөхрөө мандаж явах үед Тагнуулын ерөнхий газрын зөвлөхөөр ажиллаж, генералуудыг үүдэндээ оочерлуулдаг байсан гэх. Улстөрийн өндөр алба гэдэг ямар амттай зүйл байдгийг мэдэх энэ хүн жижиг ч гэсэн намын даргын суудлыг зүгээр нэг тавиад өгчих хүн биш. Цагтаа Өүлэн ээж, Бөртэ хатнаар өргөмжлөгдөж байсан энэ хатагтай өөрөө эс боллоо гэхэд хүү Э.Батшугараа намын даргад зүтгүүлэх нь дамжиггүй гэдгийг эх сурвалж хэллээ.

Тиймээс МАХН-МҮАН нэгдлээс “Гэр бүл”-ийн фракц төрж байгаа нь үнэний хувьтай. Харин нөгөө талаас төрж байгаа Н.Удвал, Л.Цог нарын аснуудаас бүрдсэн фракцынхан нам дотроо нэгэн мессэжийг хаях болсон нь тун ч амжилттай хэрэгжиж эхэлжээ. Тэр нь “МАХН гэр бүлийн нам байх учиргүй. Хамгийн утга учиргүй улстөр энд явах болно. Бидний хэтийн зорилго, цаашдын үйлсэд сөргөөр нөлөөлөх ийм зүйл байж болохгүй” хэмээсэн мессэжийг тараасан нь “Гэр бүл”-ийн фракцыг буланд шахаж байгаа аж. Бүр нөгөө.талаас МАХН-д дагаар орсон УИХ-ын гишүүн Д.Тэрбишдагва, О.Чулуунбат, Ч.Улаан нарын хувьд ч улс төрийн карьер нь ингээд дуусах учраас намын дарга болохыг хүссэн байж таарна.

МАХН-МҮАН НЭГДЛЭЭС НЭРЭЭ ТАТАГСАД ОЛШИРЧЭЭ

Энэ жилийн сонгууль шинэ хуулийн хүрээнд, олон шинэ явдлаар дүүрэн болж өнгөрөх нь тодорхой. Өнөөдрийн байдлаар улс төрийн баруун, зүүн жигүүрийг магнайлж байгаа МАН, АН-уудын нэр дэвшигчид болон тэднийг тойрсон мэдээлэл дунд сонгогчид л амьдарч байна. Уг нь ирэх сонгуульд 11 нам, хоёр эвсэл өрсөлдөхөөр Сонгуулийн ерөнхий хороонд бүртгүүлсэн ч зөвхөн МАН, АН-ын тухай л ярьцгаах болжээ. Гэтэл ИЗНН, МАХН-МҮАН эвсэл гээд хэрдээ л нэр дэвшигчдээ тодруулан ирэх сонгуульд
өрсөлдөхөөр бэлтгэж байна. Гуравдагчдын орон зайд цахиур хагалахыг хүсэгчдийн цувааг ард олон ийнхүү мартагнаж байгаа нь цаанаа нэгийг өгүүлж буй. Уг нь өнгөрсөн жилүүдэд гудамжнаас улс төрөө эхэлсэн МАХН-МҮАН эгнээндээ гайгүй хэдэн өндөр настнуудыг бүрдүүлсэн ч уг намын мөн чанарыг таньсан иргэд намаа орхих болсон тухай мэдээлэл цацагдах болов.

Учир нь МАХН-ын дарга Н.Энхбаярыг баривчилж, нийгэм даяараа үймэхэд, түүнийг хамгаалсан намынх нь дэмжигчид удаа дараа жагсаал хийсэн. Энэ байдлыг намдаахын тулд АТГ-аас арга буюу намынх нь нөхдөд даргынх нь хийсэн хдргийн талаар дэлгэрэнгүй мэдээлэл өгчээ. Үүнээс гадна түүний хийсэн хууль бус зүйлийн талаар хэвлэлүүд ч дэлгэрэнгүй нийтлэв. Иймээс даргынхаа үнэн төрхийг мэдэрсэн МАХН-ын гишүүд намаасаа татгалзаж эхэлсэн гэнэ. Нөгөө талд дээр дурдсан “Гэр бүл”-ийн фракцаас шалтгаалж байгаа гэх. Учир нь тэд улстөрийн нам нэг гэр бүлийн мэдэлд очих юм бол бид энд байж юугаа хийх вэ. Бид итгэл үнэмшлээ өгч энэ намд нэгдсэн болохоос биш Н.Энхбаярын гэр бүлд нэгдээгүй гэх зэргээр намаасаа гарахаар шийджээ. Түүнчлэн Н.Энхбаярын ШШБЕГ-ын ажилтнуудтай хэрхэн харьцаж байгаа тухай телевизээр цацагдсан нь ч үүнд ихээкэн нөлөөлсөн бололтой. “Өнөөдөр” сонины мягмар гаригийн дугаарт “МАХН-МҮАН эвслээс Баянзүрх, Налайх дүүрэгт нэрээ дэвшүүлсэн Г.Цэрэнчунт намаасаа татгалзаж, нэг мандат эзэнгүй үлджээ” гэсэн мэдээлэл гарчээ. Үүнтэй дөрөө харшуулаад МАХН-ын Дорноговь дахь төлөөлөгч Г.Цэцэгмааг тус тойрогт нэрээ дэвшүүлэх гэсэн боловч тэр мөн л татгалзаж, өөр нэр дэвшүүлэх хүн хайгаад олдоогүй юм байна.

Өнөөдрийн байдлаар МАХН задрахад нөлөөлж байгаа том хүчин зүйл бол Ардын намаас МАХН-дурвасан Ч.Улаан, О.Чулуунбат, Д.Тэрбишдагва нар юм. Тэд нэг намаас нөгөө рүү ирэнгүүтээ л удирдах албанд томилогдож, намын жагсаалтад багтаж тойргоос нэр дэвшсэн нь гишүүд, дэмжигчдийн дургүйг ихээхэн хүргэжээ. Мэдээжийн хэрэг анхнаасаа Н.Энхбаяртай гудамжинд улстөр хийж, зовлон жаргалаа хуваалцсан нөхөд намын дэд дарга болох хүсэлтэй л байсан байж таарна, намын жагсаалтад хоёрт бичигдэх хүсэл ч байгаа биз. Энэ мэтчилэн МАХН-МҮАН нэгдлээс нэрээ татагсдын тоо олширчээ.

С.Ууганбаяр

Эх сурвалж: "Монголын үнэн"

МАХН-ын задралд хэн хэн буруутай вэ?
Tweet
Bolod.mn

Сэтгэгдэл (5)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
ийм худал ум бичдэг нобшийн гарийни таслаад хайбал таарна данда хумуусийн хооронд үас хаүна би наад новсийг толгойгийни хагалаад огиэ

2012-05-30 | 17:00:27 | 203.91.117.4 |

Зочин
ийм худлаа хог бичихээ болиж уз зохион байгуулалттай ийм юм хийж хуули зорчиж болокхгуй шуу малаа

2012-05-30 | 16:35:07 | 182.160.0.93 |

Зочин
Ууганбаяр гээч нөхөр одоо юу бичээд байнаа. Дандаа худлаа юм бичихээ болилдоо.

2012-05-30 | 16:27:53 | 202.131.233.246 |

Зочин
ӨНӨӨГИЙН ТӨРД БАЙГАА, ЦААШДАА ДАХИН ЛУЙВАР ХИЙХЭЭР НЭРЭЭ ДЭВШУУЛЖ БАЙГАА МАН, АН - ЫН ХЭДХЭН ТООНЫ ГАДНЫ ЛУЙВАРЧДЫН ГАР ХӨЛ БОЛСОН, МОНГОЛ ОРНОО ХУДАЛДСАН, АРД ТУМНЭЭ ЯДУУРЛЫН ТУЙЛД ХУРГЭСЭН, ТӨРӨӨС ТӨРСӨН ТЭРБУМТАНГУУДАА С ЭНЭ СОНГУУЛИАР БУРМӨСӨН САЛЦГААЯ АА МОНГОЛ ТУМЭН МИНЬ ХЭДИЙ БОЛТОЛ ХЭДХЭН ТООНЫ УЛААН ЛУЙВАРЧДАД, ТЭДНИЙ ГАР ХӨЛ БОЛСОН ХУЛГАЙЧУУДАД, ГЭР БУЛИЙНХЭНД ДЭЭРЛЭХУУЛЖ, ДОРОМЖЛУУЛЖ, ЛУЙВАРДУУЛЖ, ЦУСАА СОРУУЛЖ АМЬДАРЦГААХ ЮМ БЭ СУУЛДЭЭ ЛУЙВАРЧИД ЧИНЬ ӨӨРСДӨӨ, ӨӨРСДИЙНХӨӨ УР ТӨЛИЙГ, АХ ДУУГ, ХАМААТАН САДНАА ГАРГАЖ ДАХИН ЛУЙВАРДАХ ГЭЖ БАЙНА БОЛГООМЖЛОХ ТУН

2012-05-30 | 15:28:21 | 124.158.73.17 |

Мэдээ
Гадаад мэдээ
Видео