Иргэдийн хувьд сонгуулиас өөр нэг сонирхолтой сэдэв нь мөнгө ба хувьцааны тухай яриа болчихоод байна. Нэг сая төгрөгөө бэлнээр авах уу эсвэл хувьцаагаа авах уу хэмээн иргэд толгойгоо гашилгаж, бараг лам хуврагаар мэргэлүүлэх нь холгүй байгаа аж. Хашир хүн гэж хаширсан хүнийг хэлнэ гэгчээр 1990-ээд оны цэнхэр, ягаан тасалбарт хууртаж хувьцаа ч үгүй,

мал ч үгүй, юу ч үгүй хоцорсон хүмүүс хувьцаанд хууртав аа хэмээн үр хүүхэд, хамаатан садангууддаа захиж байгаа сурагтай. Харин эдийн засгийн мэдлэгтэй, мэдээлэл сайтай нөхдүүд инфляциас болж төгрөгийн худалдан авах чадвар өдрөөс өдөрт суларч байгааг харгалзан нэг сая төгрөгөөс илүү 1072 ширхэг хувьцаа авах нь зүйтэй гэсэн байр суурьтай байгаа юм билээ. Дунд нь хэсэг нөхдүүд яахаа мэдэхгүй төөрөлдөж, тодорхой шийдвэр гаргаж чадахгүй уймарч сууна.

Ямар ч байсан 2010 онд УИХ-аас Тавантолгой ордыг эдийн засгийн эргэлтэд оруулахтай холбогдон гарсан 39, 40 дүгээр тогтоолоор “Эрдэнэс Тавантолгой” төрийн өмчит компанийн нийт хувьцааны 10 хувийг иргэдэд үнэ төлбөргүй олгох, 10 хувийг нэрлэсэн үнээр нь үндэсний аж ахуйн нэгжүүдэд зарах, 30 хувийг нь олон улсын хөрөнгийн биржээр арилжаалахаар шийдвэрлэсэн билээ. Харин яваандаа улс төрийн нөхцөл байдал, эдийн засгийн тооцоо судалгаа, иргэдээс гарсан гомдол санал дээр үндэслээд УИХ-ын дээрх тогтоолууд бүхлээрээ өөрчлөгдөхөд хүрсэн юм.

Засгийн газар анхлаад 2011 оны гуравдугаар сарын 31-нээс өмнө төрсөн иргэдэд “Эрдэнэс Тавантолгой” компанийн 536 хувьцааг олгохоор шийдвэрлэснээ өнгөрсөн оны хавар зарлаж байлаа. Инээдмийн баярын өмнөхөн гаргасан энэ шийдвэрт олон хүн эргэлзэж, “дөрвөн сарын нэгэн” байвал яана хэмээн нэгнийгээ “явуулсхийж” итгэл муутайхан хүлээж авсан. Харин дараахан нь УИХ-ын нэр бүхий хэсэг гишүүд иргэдээ компанитай, компанигүйгээр нь ялгаварлав, тэгээд ч үндэсний аж ахуйн нэрээр хэдхэн компаниудын эзэн хожих магадлалтай хэмээн иргэн бүрт үнэгүй олгохоор болсон “Эрдэнэс Тавантолгой”-н 536 ширхэг хувьцааны тоог өсгөж, 1072 болгох санал гаргасан нь УИХ, Засгийн газрын дэмжлэгийг авсан. Тухайн үед “компанитай нь шанагадаж, компанигүй нь халбагдах ёстой юм уу” хэмээн бухимдаж, гомдоллосон иргэдэд энэ шийдвэр ихэд таалагдсан нь ч бий. Ядахад монголчууд маань хүний юм, үнэгүй юманд нугасгүй дуртай хойно. “Анхны алхам” кинон дээр гардаг “Ингээд л миний нэр байдаггүй юм” гэдэг шиг нэг сая төгрөгөө бэлнээр нь авахаар эхний 330 мянган төгрөгийг нь өнгөрсөн сард аваад үрчихсэн хөгшид болоод хөгжлийн бэрхшээлтэй иргэд, өнгөрсөн дөрвөн жилийн хугацаанд сургалтынхаа төлбөрийг төрөөс олгосон нэг сая төгрөгөөр дарчихсан оюутнууд, залууст “Эрдэнэс Тавантолгой” компанийн нэг ширхэг хувьцаа ч оногдохгүй юм. Өөрөөр хэлбэл, Эх орны хишиг болох 1,5 сая төгрөгийнхөө нэг саяыг нь сургалтын төлбөрөөр авсан 160 мянга орчим оюутан хувьцаагүй хоцорч байгаа юм.

Тэгвэл нэг сая төгрөгөө бэлнээр авна гэсэн иргэд “Эрдэнэс Тавантолгой” компанийн 1072 ширхэг хувьцаагаа Засгийн газраар дамжуулж аж ахуйн нэгжүүдэд зараад мөнгөө өвөртлөх боломж бий. Гэвч өнөөдөр ийм өндөр инфляцитай байгаа тохиолдолд нэг сая төгрөг гэдэг ёстой юу юм бэ гэгч л болчихоод байна.

Сая төгрөг өнөөдрийн хувьд цаас болчихсон гэдгийг эдийн засгийн онол мэдэхгүй энгийн иргэд ч гадарлахтайгаа байгаа л даа. Сайндаа л нэг сар хэрэглэнэ биз. Даанч тэд өгнө гэсэн дээр нь нэг сая төгрөгөө авахгүй бол улстөрчид хулхидчих вий гэдгээс эмээж байгаа болохоос биш. Үнэндээ ч Засгийн газрын төлөвлөж байснаар бол өдийд аль хэзээний олон улсын хөрөнгийн бирж дээр арилжаалагдаж байх ёстой “Эрдэнэс Тавантолгой”-н IPO сураг ч үгүй байгаа болохоор хувьцаа авсан нэртэй сохор зоос ч үгүй үлдчих вий гэсэн иргэдийн эмзэглэл ч үндэслэлтэй. Хэрвээ IPO нь төлөвлөсөн хугацаандаа гарчихсан бол иргэд хувьцаа авна л гэх байсан биз.

Гэхдээ хувьцаа нь дээр үү, нэг сая төгрөг хэрэгтэй юу гэдэг дээр эдийн засагчид, мэргэжлийн хүмүүс хувьцаагаа авахыг зөвлөж буйг бодолцон шийдвэрээ гаргах нь зөв байх. Нэг сая төгрөгөөр нэг сайхан “шоу”-аад эсвэл нэг сайн гэдсээ хагартал идэж, нэг удаа шопинг хийж болно л доо. Нэг халаасандаа сая төгрөг хармааллаа ч дараа нь нөгөө халааснаасаа нэг битгий хэл сая төгрөгийг инфляцид идүүлэх болно. Тиймээс хувьцаагаа авсан тохиолдолд Тавантолгойн орд эдийн засгийн эргэлтэд орж, “Эрдэнэс Тавантолгой” компанийн IPO гадаад, дотоодын хөрөнгийн бирж дээр гарчихвал эрдэнээр өндөглөдөг тахиатай болсон гэсэн үг. Энэ “тахиагаа”/хувьцаагаа/ зарсан ч үрсэн ч өнөөдрийн нэг сая төгрөгөөс өндөр үнэд хүрэх нь тодорхой. Зарж, үрэхгүй юм аа гэхэд үр хүүхдэдээ өвлүүлж, шилжүүлж болно. Харамсалтай нь, өнөөхөндөө “Эрдэнэс Тавантолгой” компанийн IPO гаргах ажил хуулийн гацаанд орчихоод буй. Учир нь Монгол Улс Үнэт цаасны зах зээлийн тухай хуулиа шинэчлэхгүйгээр “Эрдэнэс Тавантолгой” компанийн IPO-г олон улсын хөрөнгийн зах зээлд гаргах боломжгүй байгаа. Үүнийг нь ч Хонконгийн биржээс монголчуудад анхааруулсан байдаг. Парламентын өнгөрсөн хаврын чуулганаар хэлэлцэж амжаагүй Үнэт цаасны зах зээлийг тухай хуулийг намрын чуулганаар хэлэлцэнэ гэвэл “Эрдэнэс Тавантолгой” компанийн IPO гаргах асуудал ирэх оноос наашгүй болж таарч байна. Гэвч, тэвч итгэ хүлээ, тэгвэл та ялна гэсэн нэг үг байдгийг саначихад илүүдэхгүй биз. Өдий хүртэл хүлээсэн юм чинь дахиад жаахан, хэдхэн сар хүлээчихвэл нэг сая төгрөгөнд хуурталгүйгээр эрдэнээр өндөглөдөг тахиатай болчихно.

Засгийн газраас саяхан “Эрдэнэс Тавантолгой” компанийн нэрлэсэн үнийг 933 төгрөгөөр тогтоосон. Үүнтэй зэрэгцээд нэг сая төгрөгөө бэлнээр авна хэмээн бүртгүүлсэн иргэд саналаа буцааж эхэлсэн байна. Нэг сая төгрөгөө бэлнээр авна хэмээн бүртгүүлсэн хүмүүст мөнгө үү, хувьцаа юу гэдэг сонголт одоо ч хүчинтэй байгааг Улсын хөдөлмөр халамжийн газрын мэргэжилтэн тайлбарласан. Хувьцаа авахгүй нэг сая төгрөгөө авна гэсэн иргэдийн хүсэлтийг барагдуулахаар өнөөдрийн байдлаар 10 гаруй аж ахуйн нэгжээс 500 гаруй сая төгрөг дансанд төвлөөд байгаа ажээ. Цаашид 10,3 тэрбум төгрөг дансанд төвлөрөх магадлалтай байгаа гэж Засгийн газрын өчигдрийн хуралдаанаар ярилцсан байна. Харин иргэд хувьцаагаа өөр хоорондоо наймаалцах эрхгүй гэнэ. Учир нь журамд Засгийн газарт л заавал нэрлэсэн үнээр нь зарна гээдтусгачихсан аж. Тиймээс хувьцаагаа зарахыг хүссэн хүмүүс заавал Засгийн газарт хандахаас өөр аргагүй болчихоод байна. Ийнхүү хувьцаагаа авах уу, мөнгөө авах уу гэсэн иргэдэд хандаж эрдэнээр өндөглөдөг тахиагаа алаад идчихээд хов хоосон үлддэг энэтхэгийн нэг үлгэр байдгийг сануулахад буруудахгүй байх. Долоо хэмжиж, нэг огтол гэдэг байх аа.

Ж.НЯМСҮРЭН

Эрдэнээр өндөглөх тахиа буюу ”Эрдэнэс ТТ”-н хувьцаа
Tweet
Bolod.mn

Сэтгэгдэл (11)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
МАН, АН - ЫНХНЫ УРИА, ЛООЗОНГ ХАРАХААР Л УНЭХЭЭР УУР ХИЛЭН ХУРЭХ ЮМ??? ХЭДИЙ БОЛТОЛ УЛИГ БОЛСОН АМЛАЛТАА ДАВТАХ ЛУЙВАРЧИД ЮМ БОЛОО????? МОНГОЛ ТУМЭН МИНЬ ЭНЭ СОНГУУЛИАР СОНГОЛТОО МАШ ЗӨВ ХИЙХГУЙ БОЛ МОНГОЛ УЛС СУЙРЭХ ЗАМРУУГАА ОРЛОО ШУУ ДЭЭ??????

2012-06-15 | 10:56:01 | 124.158.73.17 |

Зочин
Ажнайн Батэрдэнийн 140 доллароор хятадуудтай нүүрсний гэрээг хийж 40 доллароор хийсэн хуурамч гэрээгээр татварын тооцоо хийж зөрүү 100 доллар болох Монголын баялагыг хятадуудтай хуваан завшиж улс орныг хохироосон Монгол түмний эсрэг үйлдсэн түүхэнд байгаагүй авилгалын татварын шүүх прокурор төрийн өндөр албан тушаалтнуудтай хуйвалдан хийсэн гэмт хэргийг илчлэн зохих ял шийтгэлийг эдлүүж Монгол төр Монгол түмэнд учруулсан хохирлыг барагдуулах аваас Ерөнхийлөгч Элбэгдоржид итгэж ардчилсан намыг 2 гараа өргөн дэмжих болно

2012-06-15 | 10:14:33 | 202.61.97.81 |

Зочин
Ардчилсан нам Ажнай Батэрдэнэ мэтийн авилгалын вирусдээс салаасай тэгээд ялаасай Ажнайн БатЭрдэнийн Наян тэрбумын татварын луйвар, Өмнөговийн иргэдийн хувьцааг луйвардсан хэрэг, гааль, Татварт өгсөн лэмж хэмжээний авилгын хэрэг, орон нутгийн мэдлийн 51%ийг нэгйдлсэн хэрэг, улсад бага татвар төлөхийн тулд нрсийг хямд гэрээ хийж, өндөр нэтэй хийсэн гэрээний зөрг хятадуудтай хуваалцаж, эх орноо худалдсан гэмт хэрэг, Шх прокурорынхон БатЭрдэнэтэй холбоотой хэргдийг хэрхэн шийдсэнийг дахин шалгаж, олон тмэнд илчлэх Ардчилсан намын нэрийг унагааж буйн хариуцлагыг Ардчилсан намын удир***** дахь БатЭрдэнийн бохир бизнесийн хамтрагчидтай Монголын Ард тмэн хариуц***** тооцох цаг нэгэнт иржээ br

2012-06-15 | 06:14:11 | 202.72.247.138 |

Зочин
ӨНӨӨГИЙН ТӨРД БАЙГАА, ЦААШДАА ДАХИН ЛУЙВАР ХИЙХЭЭР НЭРЭЭ ДЭВШУУЛЖ БАЙГАА МАН, АН - ЫН ХЭДХЭН ТООНЫ ГАДНЫ ЛУЙВАРЧДЫН ГАР ХӨЛ БОЛСОН, МОНГОЛ ОРНОО ХУДАЛДСАН, АРД ТУМНЭЭ ЯДУУРЛЫН ТУЙЛД ХУРГЭСЭН, ТӨРӨӨС ТӨРСӨН ТЭРБУМТАНГУУДААС ЭНЭ СОНГУУЛИАР БУРМӨСӨН САЛЦГААЯ АА МОНГОЛ ТУМЭН МИНЬ ХЭДИЙ БОЛТОЛ ХЭДХЭН ТООНЫ УЛААН ЛУЙВАРЧДАД, ТЭДНИЙ ГАР ХӨЛ БОЛСОН ХУЛГАЙЧУУДАД, ГЭР БУЛИЙНХЭНД ДЭЭРЛЭХУУЛЖ, ДОРОМЖЛУУЛЖ, ЛУЙВАРДУУЛЖ, ЦУСАА СОРУУЛЖ АМЬДАРЦГААХ ЮМ БЭ??? СУУЛДЭЭ ЛУЙВАРЧИД ЧИНЬ ӨӨРСДӨӨ, ӨӨРСДИЙНХӨӨ УР ТӨЛИЙГ, АХ ДУУГ, ХАМААТАН САДНАА ГАРГАЖ ДАХИН ЛУЙВАРДАХ ГЭЖ БАЙНА БОЛГООМЖЛОХ ТУН?????

2012-06-14 | 16:52:24 | 124.158.73.17 |

Зочин
МАН, АН - ын ГАДНЫ ЛУЙВАРЧДЫН ГАР ХӨЛ БОЛСОН, ЭХ ОРОН, ГАЗАР ШОРОО, БАЯЛГАА ХУДАЛДСАН, АРД ТУМНЭЭ ЯДУУРЛЫН ТУЙЛД ХУРГЭСЭН, ӨӨРСДӨӨ ХАГАРТЛАА БАЯЖСАН ХУВАЛЗНУУДАД ХЭДИЙ БОЛТОЛ ДОРОМЖЛУУЛЖ, ЛУЙВАРДУУЛЖ, ЦУСАА СОРУУЛЖ АМЬДАРЦГААХ ЮМ БЭ???? ЭНЭ СОНГУУЛИАР ЭНЭ ХОЁР АЛУУРЧИДЫН, ХУЖААГИЙН ЭРЛИЙЗУУДЭЭР ДУУРСЭН ХОЁР НАМААС БУРМӨСӨН САЛЦГААЯ АА??? МОНГОЛ НУТАГТАА МОНГОЛ ХУН ШИГ АМЬДРАХ ЦАГ ИРСЭН ШУУ?????????????

2012-06-14 | 11:08:42 | 124.158.73.17 |

Мэдээ
Гадаад мэдээ
Видео