Тэгвэл хэн хөнөөсөн юм бэ, Онц байдлын штабын дарга Ц.Мөнх-Оргил оо! 2008.07.01-ний 00 цаг. Хотын төвийг бүхэлд нь цагдаагийнхан хэсэгчлэн хамгаалалтад авсан тэр мөчид МАН-ын байрны хажуухан талд дөрвөн хүн буудуулан амиа алдаж, зургаан шархдан, нэг хүн намын чинь байранд угаартан амиа алдсанд цагдаа, цагдаагийн дарга нар буруугүй юм бол буун дууг сонсоод, буудсан хүнийг барих ёстой байсан биш үү. Та тэг гэж шаардах ёстой албан тушаалтан мөн үү, мөн. Цагдаа буудаагүй юм бол гал нээсэн этгээдийг цагдаагийнхан олох үүрэгтэй биш үү. Монголын цагдаа яагаад гэмтнийг олох хавтаст хэрэг нээгээгүй вэ. Өөрөө өөртөө хавтаст хэрэг нээх гээд байсан болохоор тэр үү. Цагдаад буудуулсан гэдгийг зургаагийн зургаан амьд гэрч нотлоод байна, юу бодож байна.

Та үймээний үеэр галт зэвсэг хэрэглээгүй гэсэн. Тэгвэл цагдаагийнхан рапортдоо 00.50 минутад галт сум тарааж өгөөд хоёр цагийн дараа эргүүлэн татсан гэж яагаад тэмдэглэсэн байх уу. Рапортдоо шүү. Энэ бүхнийг “нотолгоогүй” гэж байгаа чинь “мэдээгүй” гэдгээс огт өөрөөр сонсогддог. “Нотлох баримтыг устгасан” гэж байгаа юм шиг.

2008 оны долдугаар сарын 2. Санаж байна уу. Энэ өдөр орон даяар та “Цагдаа галт зэвсэг хэрэглээгүй” гэж МҮОНТ-ээр мэдэгдэж байсан.

Энэ үгнийхээ төлөө цагдаагийн удирдлагууд гэхээсээ илүүтэй Онц байдлын штабын ахлаж байсан хүний хувьд Ц.Мөнх-Оргил гэм зэмгүйгээр буудуулсан дөрөв, МАН-ын байранд гавлуулснаас угаартаж амиа алдсан нэг хүний ар гэрийнхний өмнө ялтай. Энэ тухай ярих болгонд асуудлыг өөр зүгт чиглүүлж, “Гэмгүй цагдаа нар буруудах ёсгүй. Хэн гэдэг цагдаа буудсаныг нь тогтоогоогүй биз дээ” гэж та ярьдаг. Тэд буруугүй юм бол хэн буруутай гэж. Та юу, эсвэл тухайн үеийн Ерөнхий С.Баяр уу. Тухайн үед Ерөнхийлөгч байсан Н.Энхбаяр “Хэдхэн минутын өмнө цагдаагийн бие бүрэлдэхүүн асуудлыг анхааралдаа байлгаж чадна гэж байснаа гэнэт барьж дийлэхгүй боллоо Онц байдал зарлая” гэсэн гэж ярьдаг. Түүнчлэн С.Баяраас гадна бусад албан тушаалтнууд онц байдал зарлахыг ятгаж, утсаар буун дуу сонсгож байсан талаар Н.Энхбаяр хэвлэлд өгсөн ярилцлагадаа хангалттай дурдсан.

Бусад нь гэдэгт хэн байх вэ. Хууль зүй, дотоод хэргийн сайд асан Ц.Мөнх-Оргил “С.Баяр дарга ч, би ч утсаар ярьж “Үнэхээр хүч хүрэхгүй боллоо. Ер нь та зарлигаа бэлтгэвэл яасан юм бэ” гэсэн саналыг л хэлж байсан” гэж хэлснээс нь үзвэл бусад гээд байгаа нөхрийн нэг нь та болж таарах нь. Тэгвэл үйл явдлыг ажиглан төрийн өмнөөс шийдвэр гаргах ёстой сайд яам дээрээ бус, Төрийн ордонд бүр ч, шатаж буй намын байранд Ерөнхий сайдын бус намын даргын хувиар нь С.Баяртай хамт байсан болж таарлаа. Тэгэхээр төрийн өмнөөс бус намын өмнөөс тэд шийдвэр гаргасан болж таарна. Үгүй гэвэл нотлоорой. Хууль зүйн сайд энэ тохиолдолд төрийн өмнөөс шийдвэр гаргах уу, намын өмнөөс шийдвэр гаргах нь илүү магадлалтай юу. Бодох л ёстой асуулт. Тэгвэл МАХН-ын /өнөөгийн МАН/ байрнаас С.Баяр 21.30 цагт гарч явсан гэдэг. Энэ үед Ц.Мөнх-Оргил хамт байсан болж таарлаа.

Яагаад гэвэл “С.Баяр дарга бид хоёр намын байранд хашигдчихаад байдаг. Цагдаагийн ерөнхий газрын дарга Ч.Амарболд үүргээ гүйцэтгээд гадаа ажиллаж байсан. Тухайн үед С.Баяр дарга бид хоёр “Харанхуй болохоос өмнө онц байдлыг зарлаж, бүх хүч чадлаа дайчлан эмх замбараагүй байдлыг хэвийн байдалд оруулахгүй бол болохгүй нь” гэсэн зөвлөмж өгсөн. Гадаа байгаа Ч.Амарболд дарга “Одоохондоо хэрэггүй биз дээ” гэж зөвлөсөн юм байна лээ” гэж Ц.Мөнх-Оргил хэлээд буй. Ч.Амарболдын хэлснээс үзвэл асуудал тийм ч айхтар хурцдаагүй төдийгүй, цагдаагийнхан асуудал гарвал зохицуулах чадалтай байж. Тухайн нөхцөл байдлыг ажиглаж байсан мэргэжлийн хүмүүс энэ үед үймээнд оролцож буй хүмүүсийг нэг нэгээр нь дамжлаад сугадаад явахуйц хүч цагдаагийнханд байсан гэдэг. Тэгвэл гэнэт цагдаагийнхны хүчийг эргүүлэн татах шийдвэрийг Ерөнхий сайд гаргасан гэх мэдээлэл бий. Яагаад...?

Намын байранд гарсан галыг намжааж болох байтал цагдаагийн хүчийг татаж, улам шатаах боломжийг олгосон нь ямар учиртай гэдгийг бодоод үзэхэд бас л илүүдэхгүй. Их бодох тусам төрийн бус улстөрчийн шийдвэр байжээ гэдэг рүү ойртох вий.

Ц.Мөнх-Оргил,

-Жагсаал цуглааныг зохион байгуулж, эмх замбараагүй байдалд хүргэсэн, сүүлдээ өөрсдөө зогсоож дийлэхгүй болоод хаяад явсан нөхөд ямар ч хариуцлага хүлээхгүй өнгөрсөн гэж хэлжээ. Эндээс үзвэл цуглааныг тараах ч шаардлагагүй байж. Үймээнд оролцогчид өөрсдөө явчихсан байна шүү дээ. Бүгд явсан байхад яагаад буун дуу гарав. Яагаад галт сум тарааж өгөв гэдэг нь анхаарал татаж байна. Нөхцөл байдлыг саармагжуулах бус харин ч идэвхжүүлэх бодлогыг барьж байсан юм биш биз.

Ийм байтал Ц.Мөнх-Оргил “Гэтэл албан үүргээ биелүүлж явсан цагдаагийн дарга нарыг шүүгээд байдаг. “Цагдаа буудсан нь тогтоогдлоо” гээд л шуугиад байгаа болохоос хэн гэдэг цагдаа хэнийг буудсан нь одоо болтол тогтоогдоогүй л байна. Ийм нөхцөлд “Ажлын хариуцлага алдсан” гэдэг үндэслэлээр цагдаагийн дарга нарт хариуцлага тооцно гэвэл хэлмэгдүүлэлт болно” гэж хэлээд байгаа. “Хэлмэгдүүлэлт” шүү. Тэр яагаад ингэж шүүхийн шийдвэрт нөлөөлөхийг оролдов. Ингэж хэлж байгаа хүн эсвэл цаад нарийн учрыг нь сайн мэдэх /гэмтнийг мэдэх хүн л өөр хүнийг яллаж байгаа тохиолдолд хэлмэгдүүлж байгааг мэднэ/ учраас л тэгж хэлнэ.

Эсвэл өөрөө холбоотой тохиолдолд шүү дээ. Тэрээр үнэхээр их холбоотой хүн. Тэр тусмаа үүрэг өгсөн байж болох магадлалтай хүн. Онц байдлын штабын дарга шүү дээ. Тиймээс түүний үгэнд итгэх үндэслэл алга.

Үндэсний аюулгүй байдлын зөвлөлийн хурал дээр “Надад буудах эрх өгөөдөх. Би газартай нь тэгшлээд өгье” гэж орилсон талаар протоколд тэмдэглэгдэн үлдсэн байдгийг Прокурорын дэргэдэх Мөрдөн байцаах албаны дарга нотолдог. Тэр хэн байсан бэ. Ингэж ярьж байсан хүмүүс галт зэвсэг хэрэглүүлэхгүйн төлөө байх уу, хэрэглүүлэхийн төлөө ажиллах уу гэдгийг эргэцүүлэх боломжийг танд үлдээе.

Ямартай ч таван хүний амь нас хохирсон явдалд Онц байдлын штабын даргын хувьд Ц.Мөнх-Оргил хариуцлага хүлээх ёстой. Шүүх хариуцлага тооцож чадахгүй юмаа гэхэд иргэдэд чадал бий. Тэр нь сонгууль. Та сайн бодоорой.

Л.НАРАНТӨГС

Ц.Мөнх-Оргилоос нэхэх таван амь
Tweet
Bolod.mn

Сэтгэгдэл (9)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
ӨНӨӨГИЙН ТӨРД БАЙГАА, ЦААШДАА ДАХИН ЛУЙВАР ХИЙХЭЭР НЭРЭЭ ДЭВШУУЛЖ БАЙГАА МАН, АН - ЫН ХЭДХЭН ТООНЫ ГАДНЫ ЛУЙВАРЧДЫН ГАР ХӨЛ БОЛСОН, МОНГОЛ ОРНОО ХУДАЛДСАН, АРД ТУМНЭЭ ЯДУУРЛЫН ТУЙЛД ХУРГЭСЭН, ТӨРӨӨС ТӨРСӨН ТЭРБУМТАНГУУДААС ЭНЭ СОНГУУЛИАР БУРМӨСӨН САЛЦГААЯ АА МОНГОЛ ТУМЭН МИНЬ ХЭДИЙ БОЛТОЛ ХЭДХЭН ТООНЫ УЛААН ЛУЙВАРЧДАД, ТЭДНИЙ ГАР ХӨЛ БОЛСОН ХУЛГАЙЧУУДАД, ГЭР БУЛИЙНХЭНД ДЭЭРЛЭХУУЛЖ, ДОРОМЖЛУУЛЖ, ЛУЙВАРДУУЛЖ, ЦУСАА СОРУУЛЖ АМЬДАРЦГААХ ЮМ БЭ??? СУУЛДЭЭ ЛУЙВАРЧИД ЧИНЬ ӨӨРСДӨӨ, ӨӨРСДИЙНХӨӨ УР ТӨЛИЙГ, АХ ДУУГ, ХАМААТАН САДНАА ГАРГАЖ ДАХИН ЛУЙВАРДАХ ГЭЖ БАЙНА БОЛГООМЖЛОХ ТУН?????

2012-06-14 | 16:54:44 | 124.158.73.17 |

Зочин
МАН, АН - ын ГАДНЫ ЛУЙВАРЧДЫН ГАР ХӨЛ БОЛСОН, ЭХ ОРОН, ГАЗАР ШОРОО, БАЯЛГАА ХУДАЛДСАН, АРД ТУМНЭЭ ЯДУУРЛЫН ТУЙЛД ХУРГЭСЭН, ӨӨРСДӨӨ ХАГАРТЛАА БАЯЖСАН ХУВАЛЗНУУДАД ХЭДИЙ БОЛТОЛ ДОРОМЖЛУУЛЖ, ЛУЙВАРДУУЛЖ, ЦУСАА СОРУУЛЖ АМЬДАРЦГААХ ЮМ БЭ???? ЭНЭ СОНГУУЛИАР ЭНЭ ХОЁР АЛУУРЧИДЫН, ХУЖААГИЙН ЭРЛИЙЗУУДЭЭР ДУУРСЭН ХОЁР НАМААС БУРМӨСӨН САЛЦГААЯ АА??? МОНГОЛ НУТАГТАА МОНГОЛ ХУН ШИГ АМЬДРАХ ЦАГ ИРСЭН ШУУ?????????????

2012-06-14 | 11:11:24 | 124.158.73.17 |

Мэдээ
Гадаад мэдээ
Видео