ажилгүйчүүдийн тоо багассан дүн гарахаар харагдана. Өнөөдөр нэр дэвшигчээсээ эхлээд тойргийн хорооны иргэн бүр л амьсгаа дээгүүр "ажилтай" явна. Сонгуулийн буянаар хэн нэг нэр дэвшигч, нам эвслийн сонгуулийн штаб дээр ажиллан, амьдралдаа тав арван төгрөг нэмэх гэсэн хүмүүс бүгд л ажилтай болж байна. Нэр дэвшигчийн сурталчилгаанд ажилласнаар нэг cap ч гэсэн хүүхдүүдийнх нь ходоод хонхолзохгүй "гэдэс цатгалан, мөр бүтэн" явах юм даа. За тэгээд, оюутнууд, ялангуяа хөдөө орон нутгийн оюутнууд наадмын өмнөхөн л гэр гэрийн зүг мордох сурагтай. Учир нь өнөөх л сонгуулийн штаб дээр ажиллах бүрэлдэхүүнд хамрагдаад. Уг нь УИХ-ын сонгуулийн хуулиар сурталчилгаанд хязгаар тавьсан.

Хуулинд "Сонгуульд оролцож байгаа нам, эвсэл нь сонгуулийн мөрийн хөтөлбөрөө танилцуулсан хорин хэвлэлийн хуудас бүхий сонин, хэвлэл, арван хэвлэлийн хуудас бүхий нэг ухуулах болон зурагт хуудас, нэр дэвшигчийн намтар, бусад сурталчилгааны материалыг арван хэвлэлийн хуудаст тус тус багтаана" гэж заасан байгаа. Олон нийтийн радио, телевиз сонгуулийн сурталчилгаатай холбогдсон нэвтрүүлгийг СЕХ-ноос тогтоосон хуваарь, цагийн дагуу зөвхөн төлбөргүй нэвтрүүлэх юм. Сонгуулийн сурталчилгаа дундаа орсон энэ өдрүүдэд нэр дэвшигчид хуулийг илтээр зөрчсөн үйлдэл гаргаагүй ч хуулийн цоорхойг олоод харчихжээ. Хууль боловсруулагчид хуулиа боловсруулах үедээ цоорхойг нь бас тандаж байдаг бололтой. Хуулинд сурталчилгаатай хориотой зүйлийг ч заасан байгаа. Төрийн болон нутгийн өөрөө удирдах байгууллага, төрийн болон орон нутгийн өмчит, төрийн болон орон нутгийн өмчийн оролцоотой хуулийн этгээд, хүмүүнлэгийн, буяны болон шашны байгууллага, сонгуулийн хороод аль нэг нам эвсэл, нэр дэвшигчийн сурталчилгаанд оролцох эрхгүй юм. Дээр нь сонгуулийн сурталчилгаанд нэлээд зүйлийг хорьж хязгаарласан.

Энэ жилийн сонгуулиар мөнгөний амлалтыг нэр дэвшигчид "уруулнаасаа давуулж" үл болно. Үүний зэрэгцээ эд бараа төлбөргүй тараах, хөнгөлөлттэй үнээр худалдах, аливаа үйлчилгээ төлбөргүйгээр болон хөнгөлөлттэйгөөр үзүүлэх, төлбөрт таавар, бооцоот, мөрийтэй тоглоом зохион байгуулахыг хориглосон. Өнөөдөр өргөн хэрэглээний барааны үнэ өссөөр байгааг хэн хүнгүй мэднэ. Тэр дундаа нийслэлд маань өнөөх махны үнэ тэнгэрт хадлаа. Нэг килограмм үхрийн мах 10 мянга, хонины мах 8500 төгрөгт хүрээд байна. Өмнө нь хуулиар хориглоогүй байхад нэр дэвшигчид сонгогчдынхоо хөндүүр асуудлыг гярхай ашигладаг байлаа. Тухайлбал, 2004 оны сонгуулийн жил Ардчилсан холбоо эвслээс нэр дэвшигч Ц.Батаа тойргийнхондоо тухайн үедээ нэг килограмм нь 3000 төгрөг хүрээд байсан хонины махыг тал үнээр нь борлуулан, сонгогчдыг өөртөө татаж байв.

Мэдээж дэлгүүр хоршоонд килограмм нь 3000 төгрөг байсан хонины махыг 1500 төгрөгөөр худалдан авна гэдэг сонгогчдод таашаалтай зүйл байлгүй яахав. Тиймээс ч нэр дэвшигчээ хүндэтгэхээс өөр яалтай. Харин энэ удаагийн сонгуулиар энэ мэт зүйлийг хуулиар хорьсон. Энэ нь ч зөв юм. Сонгуулийн дараагаар анхдугаар чуулганаас эхлээд сонгуулийн жил дуустал иргэд төрд сонгосон төлөөлөлтэйгөө уулзах гээд Төрийн ордны баруун, зүүн талд өдөржин зогсдог үзэгдэл хэвшмэл байлаа. Харин энэ удаад сонгогчид төрийн түшээтэйгээ уулзах гэж ордны гадаа хүлээн зогсох шаардлагагүй болсон юм. Учир нь сонгуулийн сурталчилгааны үеэр нэр дэвшигчид сонгогчдод хүүхдийнх нь сургуулийн төлбөрийг даах, сувилалд хамруулах, компьютер өгнө гээд л түмэн зүйлийг амлан гарч ирдэг байсан.

Тиймээс ч сонгогдсоных нь дараагаар хувийн амлалтыг нь авах гэж сонгогчид гишүүдээ ордноос гарч ирэхийг нь хүлээн зогсдог байсан учиртай. Хувийн амлалтыг хорьсон ч хуулийн цоорхойгоор шургуулж мэдэхээр байна, нэр дэвшигчид. Сонгуулийн сурталчилгаанд нэр дэвшигчдийн сонгуулийн штабынхан сонгогчидтой утсаар ярьж, ухуулан сэнхрүүлж үл болно гэж заагаагүй харагдана. Танихгүй дугаараас дуудлага орж ирээд, танай тойрогт нэр дэвшигч нь байна аа гээд яривал сонгогч та цочирдож гайхах хэрэггүй шүү. Хэрвээ өдөр бүр аль нэг танихгүй дугаараас дуудлага ирж, нэр дэвшигчтэй холбоотой зүйлийг асуун, нэр дэвшигчээ сурталчилж байвал хууль зөрчсөн гэх үндэслэлгүй байх нь. Ингээд л нэр дэвшигч хуулийн цоорхой ашиглаж байгаа хэрэг. Одоо утасны төлбөр "талийж өглөө" гэж санаа зовдог үе ард хоцорсон.

Манай дийлэнх иргэд скайтел, мобиком, юнителийн сүлжээний хэрэглэгч. Мобиком гэхэд 08-20 цаг хүртэл сүлжээндээ үнэгүй ярьдаг эрхийн карт гаргасан бол скайтелийнхан "247" гэх 30 хоногийн хугацаанд сүлжээндээ үнэ төлбөргүй ярих эрхийн карттай. Юнителийнхэн мөн адил хэрэглэгчдэдээ үнэгүй ярих картыг гаргасан. Ингэхээр тооцохоор тойргийнхоо 200-гаад мянган сонгогч руу утас цохиход нэр дэвшигчийн хувьд ёстой төлбөргүй сурталчилгаа хийсэнтэй л адил юм. Тэгээд хэдэн ч удаа ярьж болно. Ядаж л энэ олон нэр дэвшигчээс манай тойргийн УИХ-ын сонгуульд энэ хүн нэр дэвшиж байгаа юм байна шүү гэж сонгогчдодоо өөрийгөө таниулаад авна. Энэ мэт хуулийн цоорхойг ашигласан сурталчилгаа сонгуулийн санал хураах өдөр ойртох тусам улам чангарах төлөвтэй.

Н.Нягт
Эх сурвалж: "Улаанбаатар таймс"

Хувийн амлалтыг хорьсон ч хуулийн цоорхойгоор шургуулах нь уу?
Tweet
Bolod.mn

Сэтгэгдэл (4)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
МАН, АН - ын ГАДНЫ ЛУЙВАРЧДЫН ГАР ХӨЛ БОЛСОН, ЭХ ОРОН, ГАЗАР ШОРОО, БАЯЛГАА ХУДАЛДСАН, АРД ТУМНЭЭ ЯДУУРЛЫН ТУЙЛД ХУРГЭСЭН, ӨӨРСДӨӨ ХАГАРТЛАА БАЯЖСАН ХУВАЛЗНУУДАД ХЭДИЙ БОЛТОЛ ДОРОМЖЛУУЛЖ, ЛУЙВАРДУУЛЖ, ЦУСАА СОРУУЛЖ АМЬДАРЦГААХ ЮМ БЭ???? ЭНЭ СОНГУУЛИАР ЭНЭ ХОЁР АЛУУРЧИДЫН, ХУЖААГИЙН ЭРЛИЙЗУУДЭЭР ДУУРСЭН ХОЁР НАМААС БУРМӨСӨН САЛЦГААЯ АА??? МОНГОЛ НУТАГТАА МОНГОЛ ХУН ШИГ АМЬДРАХ ЦАГ ИРСЭН ШУУ?????????????

2012-06-14 | 11:13:30 | 124.158.73.17 |

Мэдээ
Гадаад мэдээ
Видео