Гэвч нөгөө талаар г
Хятад, эсвэл солонгосчуудын хувьд монгол дарга нар хуулиа хэрэгжүүлдэггүй учраас манайд юу ч хийсэн болно гэж боддог байх.

Гэхдээ хуулиа гууль болгосон хүмүүс бол Монголын эрх мэдэлтнүүд, мөн дунд шатны «хурган дарга» нар. Тэд л ил, далд байдлаар гадныхантай сүлбэлдэж, эцэст нь амаа үдүүлээд толгой дээрээ гаргасан гээд хэлчихвэл буруудахгүй байх.

Гадаадын үүргэвч үүрсэн гуйлгачдад хөл алдан гүйдэг манай хурган дарга нар Алтан дорнод Монголын С.В.Паушокт хамаг алтаа зүгээр өгч явуулаад, өөрсдөө хөрс нь эргэсэн шороотой үлдэж байсан бол өдгөө Хятадын төрийн өмчит «Петро чайна Дачин Тамсаг»-ийн томчуудад тал засч, долигонож байна. Гэхдээ энэ нь зүгээр нэг төрийн албан хаагч биш бүр дээд тушаалын дарга нь шүү дээ.

Дотооддоо шатахууны хомсдолд орж, хоёр хөршөө царайчилдаг хэрнээ Дорнодын тал газраас олборлож буй газрын тосоо Хятад руу түүхийгээр нь гаргаж байгааг юу гэж ойлгох вэ. Үүний цаана хэн гэдэг албан тушаалтны бизнес явагдаж байна вэ?

Мэдээж Монголын маш том нөлөө бүхий улстөрч. Бүр цаашлаад томоохон намуудын ашиг сонирхол явж байхыг үгүйсгэхгүй. Харин энэ ажлыг гардан хийдэг, гүйцэтгэгч нь МХЕГ-ын дарга Р.Содхүү.

Ер нь үе үеийн МХЕГ-дарга нар энэ нүсэр бизнесийн хоточ банхар байсаар ирсэн гэдэг юм билээ. Харин Р.Содхүү гэдэг нөхөр үүргээ сайн гүйцэтгэж байна.

Дорнодын Тамсагийн сав газаас хууль зөрчин байж өдөр, шөнөгүй газрын тос борлож байгаа компани л Хятадын 100 хувийн хөрөнгө оруулалттай «Петро чайна Дачин Тамсаг» юм. Энэ компани олборлосон газрын тосоо Дорнод аймгийн Баян-хошуу, Сүхбаатар аймгийн Бичигтийн боомтоор нутаг руугаа гаргадаг байсан.

Гэтэл МХЕГ-ын дарга Р.Содхүү Засгийн газрын хэрэгжүүлэгч агентлаг Авто тээврийн газар руу утас цохиж, тус компанийн тээвэрлэлтийн үйл ажиллагааг зогсоох акт тавьсан байцаагч нарын «Улсын байцаагчийн эрхийг цуцал» хэмээн тушаал буулгасан байна.

Тэгэхээр Р.Содхүү даргын энэ үйлдлийг дарамт гэж ойлгох уу. Эсвэл «Петрочайна Дачин Тамсаг» компанийн хууль бус үйл ажиллагааны ард түүний бизнес яваад байна уу гэж хардах биш харин шууд утгаар нь ойлгох уу.

Он гарсаар зургаан сарын хугацаа өнгөрсөн ч тэрбээр өнөөдрийг хүртэл тас гүрийсээр байгаагийн учир юунд байгааг тэр л мэдэх байх. Үүнээс болж төрийн ажил гацаанд орж, авто тээврийн байцаагчид хаашаа ч нэвтэрч хяналт шалгалт хийх эрхгүй сул зогссон хүмүүс байгаа аж.

Авто тээврийн газрын удирдах албан тушаалтнууд МХЕГ-ын дарга Р.Содхүүд удаа дараа шаардлага тавьсан ч хариу ирүүлдэггүй, уулзах гээд очихоор хүлээж авдаггүй гэнэ.

Төрийн ажлыг дур мэдэн олон сараар гацаагаад байгаа түүнийг ажлаас нь чөлөөлсөн ч багадмаар энэ үйлдлийн талаар аргагүйн эрхэнд Ерөнхий сайдад дуулган арга хэмжээ авч өгөхийг хүсчээ.

Бүдүүн хүзүүтэй Р.Содхүү дарга өөрийгөө тус газрын хаан мэт аашилж байгаа нь олон хүний эгдүүцлийг хүргэсээр байна. Хамгийн гол нь Р.Содхүүгийн хувийн амбиц улсын ажлыг зогсоох ёсгүй гэдгийг тэрбээр мэддэггүй юм болов уу.

Энэ эрх мэдэлтэй, том хүзүүтэй ноёнтон авто тээврийн хяналтыг үгүй хийсэн нь ямар хууль бус ажил амжуулах гэж санаархаад байгаа юм бол гэсэн хардлагыг өөрийн эрхгүй төрүүлж байна.
Авто тээврийн газрын байцаагчид эрхийн үнэмлэхгүйгээр хууль бус үйл ажиллагаа явуулж буй уул уурхайн компаниуд руу нэвтрэх эрхгүй, хяналт шалгалт хийх ямар ч боломжгүй болж байгаа юм.

Ингэх нь хэнд ашигтай вэ гэвэл мэдээж Р.Содхүү болон түүний дээр сууж буй ноёдод. Энэ увайгүй байдлаас улс хоорондын болон хот хоорондын зорчигч тээврийн бүх үйл ажиллагаа замбараагүйтэж эхэлснийг нутгийн иргэд ч ярьж байгаа.

Тухайлбал, аж ахуй нэгжид эрх өгсний дараа хөдөлгөөнд оролцох машин бүрт улсын байцаагч дүгнэлт гаргадаг. Гэтэл өнөөдөр ийм дүгнэлт гаргах боломжгүй болсны улмаас тээвэрлэлт зогсоод байгаа аж.

Хамгийн гол нь хянаж шалгадаг хүмүүс нь байхгүй болохоор ёстой нөгөө дураараа дургиж, дунд чөмгөөрөө жиргэнэ гэгч л болж байгаа гэсэн үг. Жолооны үнэмлэхгүй согтуу нөхөд Р.Содхүүгийн буянд тээврийн хэрэгсэл жолоодох зэргээр галзуурч байгаа аж.

Мөн авто тээврийн улсын 69 байцаагч сул цалин авч сууна. Тэд үнэмлэхгүйгээр хаана ч нэвтрэх эрхгүй тул ажлынхаа өрөөнд өдөр өнгөрөөсөн шигээ юу хийхээ олж ядан Р.Содхүүг ажилтай
маань хэзээ золгуулах бол гэж мөрөөдөж суудаг гэсэн.

Р.Содхүү даргын амиа тавин хамгаалаад байгаа «Петро чайна Дачин Тамсаг» компани ч хууль бус зүйл олныг хийж байгаа байлгүй. Хөрс бохирдуулж, газрын нөхөн сэргээлт хийгээгүйгээс гурван тэрбум төгрөгийн өрөнд ороод байгаа тус компани одоо юу ч хийхээс буцахгүй болсон нь мэдээж.

Учир мэдэх хүмүүсийн ярьж буйгаар бол Р.Содхүү ноёнтон «Петро чайна Да-чин Тамсаг» компанитай хэтэвчээрээ холбогдоогүй, ашиг сонирхлын зөрчилгүй л бол тус компани руу шалгалтаар явах авто тээврийн улсын байцаагчдын эрх, үнэмлэхийг олгох хэрэгтэй байх. Харин арга саам хийн цааргалсаар байгаа тохиолдолд таныг тус компанитай холбож ойлгохоос аргагүйд хүрнэ.

Энэ үйлдлийг холбогдох байгууллагаар шалгуулахаар, ашиг сонирхлын үүдэлтэй эсэхийг нь нягтлуулахаар нэр бүхий хүмүүс Авлигатай тэмцэх газарт гомдол гаргасан гэдгийг ч дуулгахад илүүдэхгүй биз ээ.

Р.Содхүү ноёнтны хийсэн иймэрхүү бусармаг аргууд үүгээр дуусахгүй, үүний араас маш олон хууль бус үйлдүүд цуврах болно.

Р.Саруул

Эх сурвалж: "Өглөөний сонин"

МХЕГ-ын дарга Р.Содхүү "Петро чайна Дачин Тамсаг"-тай холбоотой бололтой
Tweet
Bolod.mn

Сэтгэгдэл (5)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
МАН, АН - ын ГАДНЫ ЛУЙВАРЧДЫН ГАР ХӨЛ БОЛСОН, ЭХ ОРОН, ГАЗАР ШОРОО, БАЯЛГАА ХУДАЛДСАН, АРД ТУМНЭЭ ЯДУУРЛЫН ТУЙЛД ХУРГЭСЭН, ӨӨРСДӨӨ ХАГАРТЛАА БАЯЖСАН ХУВАЛЗНУУДАД ДЭЭРЛЭХУУЛЖ, ДОРОМЖЛУУЛЖ, ЛУЙВАРДУУЛЖ, ЦУСАА СОРУУЛЖ АМЬДАРЦГААХ ЮМ БЭ???? ЭНЭ СОНГУУЛИАР ХУЖААГИЙН ЭРЛИЙЗУУДЭЭР ДУУРСЭН ХОЁР НАМААС БУРМӨСӨН САЛЦГААЯ АА??? МОНГОЛ НУТАГТАА МОНГОЛ ХУН ШИГ АМЬДРАХ ЦАГ ИРСЭН ШУУ?????????????

2012-06-20 | 12:46:45 | 124.158.73.17 |

Мэдээ
Гадаад мэдээ
Видео