Яг үнэндээ олон нийтийн хүндэтгэлийг хүртэж, хийсэн бүтээснээрээ бусдад танигдахаас илүү хэр их мөнгөтэй гэдгээ нэн түрүүнд харуулж явдаг нөхөд улстөрд байр сууриа чангалахаар улайрч байна. Тиймдээ ч мөнгөөрөө түрий барьж, хэн баян нь ихийг хийдэг гэж ойлгуулахын тулд өөрийнхөө төдийгүй, өрөөлийн нэрийг барж буй жишээ олон.
Тухайлбал, Монголын газар шорооноос зарж, олсон мөнгөөрөө хөлжиж, түүгээрээ гул барьж байгаа хүмүүсийн нэг нь УИХ-ын гишүүн Х.Бадамсүрэн.
“Монголросцветмет” нэгдлийн захирал байх үеэсээ “болдоггүй” гэх хэргүүдэд нэр нь холбогдож, хууль хяналтын байгууллагын хаалга татаж явсан ч хариуцлага хүлээхийн оронд харин ч бүр Монгол Улсын хууль тогтоох дээд байгууллагад ороод суучихсан.
Мэдээж “болдоггүй” нөхдийн уран нарийн мэхийг ашиглаж, Өмнөговийхны саналыг авсан нь тодорхой. Тэр зэргийн муу нэр, луу данстай хэрнээ иргэдийн саналыг авч чадсан гэхээр овоо мэхтэй хүн болж таарна.
Уул уурхай, алт олборлолт, хайгуулын чиглэлээр үйл ажиллагаа явуулдаг “Монголросцветмет” нэгдлийг удирдаж байхдаа жонш борлуулах гэрээг зах зээлийн үнээс доогуур ханшаар хийж, үүнийхээ хариуд 300 мянган ам.долларын хахууль авсан, Монгол болон ОХУ-ын Засгийн газар хоорондын гэрээг ашиглан “Шижир-Алт” ХХК-ийн удирдлагатай хамтран гаалийн татвараас санаатай зайлсхийж, улсад 860 сая төгрөгийн хохирол учруулсан, төрийн өмчит “Монголросцветмет” нэгдлийн хөрөнгөөс тасдаж, хувийн барилга угсралтын компани байгуулсан гээд хэд хэдэн ноцтой хэрэгт холбогдож, эдгээр хэргийг нэг дор шалгаж байсныг хүн бүр мэднэ. Гэвч түүний холбогдсон хэргүүд хэрхэн шийдвэрлэгдсэн талаар албан ёсны мэдээлэл одоо хүртэл байдаггүй.
Тухайн үед гарсан Өршөөлийн хуульд хамрагдаж, хэргийг хэрэгсэхгүй болгосон, анх удаа гэмт хэрэгт холбогдсон гэж прокурорын шатанд хэргийг хаасан гэх мэтээр ам дамжин яригддаг ч аль шийдвэр нь үнэн бэ гэдгийг холбогдох хууль хяналтын байгууллагынхан хэлээгүй л байгаа. Магадгүй буруу гаргасан шийдвэрээ олон нийтэд мэдээлэх сонирхол байгаагүй байх. Уг нь дээрх хэргүүдийн шүүх хурал болоход улсын яллагчийн зүгээс Х.Бадамсүрэнд өөрт ногдох хувийн өмчөөс гурван сая төгрөгийг улсын орлого болгох, чанга дэглэмтэй хорих ангид долоон жилийн хорих ял эдлүүлэхээр төлөвлөж байсан санагдах юм. Ингэж шорон оронд орохдоо тулж явсан хүн гэнэтхэн л халдашгүй эрхтэй УИХ-ын гишүүн болоод суучихсан юм.
Энэ сарын 11-нд Ерөнхий сайд С.Батболд Өмнөговь аймагт МАН-аас Улсын Их Хуралд нэр дэвшигч Х.Бадамсүрэн нарын хамт ирж, аймгийн иргэдтэй уулзахдаа олон жил өмнөговьчуудын бухимдлыг төрүүлсэн гэрэл цахилгааны асуудлыг Ухаа худгийн цахилгаан станцтай холбосноор бүрэн шийдсэнээ мэдэгдэж, алга ташуулж байгаад буцсан аж.
Гэтэл Х.Бадамсүрэнг буцаад нэг өдөр ч болоогүй байхад цахилгаан тасарч, урьдын адил хэсэгчилсэн хязгаарлалтад шилжсэн юм. Үүнийг өдгөө сонгуулийн сурталчилгаагаа хийж яваа Х.Бадамсүрэн хамгийн сайн мэдэж байгаа.
Мань гишүүн Х.Бадамсүрэн Даланзадгадыг эрчим хүчний найдвартай эх үүсвэртэй болгосон гэж ярьсан нь худлаа төдийгүй сонгуулийн үеэр иргэдээс үнэлгээ авах гээд намаа, мөн өөрийгөө хөөдөж, Өмнөговийн иргэдийг басамжлан доромжилсон билээ.
“Энержи ресурс”-ийн Ухаа худгийн станцаас шугам татан Даланзадгадтай холбосон нь үнэн. Гэхдээ энэ нь түр зуурын яаралтай үед л Даланзадгадын цахилгааны хэрэглээний 40 хувийг л хангах төдий гэдгийг мэргэжилийн хүний ярианаас сонссон юм.
Нэр дэвших эрхээ авахаасаа өмнө ахин энэ суудалдаа горилж, Х.Бадамсүрэн өнгөрсөн өвөл Өмнөговьт айлчилж баахан хүмүүст тал засчээ.
Энэ үеэр Өмнөговийн бүх сэтгүүлчийг дуудуулан уулзсан аж. Сэтгүүлчид нийгмийн асуудлаа сонгогдсон гишүүндээ айлтгаж, сэтгүүлчдийн нийгмийн асуудал бэрхшээлтэй байдаг талаар дурсахад хоёрт нь гэр өгөхөө амлажээ. Амлах амлахдаа бүр Цагаан сараас урьтана гэж олон хүний өмнө хэлсэн гэнэ. Гэтэл шинэ жил боллоо, цагаан сар ч өнгөрлөө, нөгөө гэр нь байдаггүй. Хоёр сэтгүүлч нь аймгийн МАН-ын дарга Л.Энхболдод хандахад “Гишүүний амлалт надад хамаагүй, та нар тэр хүнтэй өөртэй нь л ярь” гээд үл тоосон аж. Арга ядсан сэтгүүлчид гишүүний бие төлөөлөгч гээд таньдаг мэддэг бүх хүн, гишүүн рүүгээ хүртэл холбогдоход нөгөө гишүүн нь бүр сүүлдээ хотоос ирээд ав, энд нэг хоёр гэр байгаа гэсэн аж.
Гэртэй болохыг хүссэн хоёр очоод авдаг юм уу гэж бодтол аймаг руугаа ачуулах ачааны зардал нь бараг гэрийн үнэтэйгээ тэнцээд байсан учир яах учраа мэдэхгүй эргээд гишүүндээ олон удаа хандсаны эцэст арай гэж нэг хоёр гэрээ Өмнөговь руу ирүүлсэн аж. Олон сараар хүлээсэн гэрээ очоод автал унь мод нь нийлэхгүй, хаанаас, хэнээс, хэдэн төгрөгөөр авсан нь бүү мэд, гэр гэхэд хэцүү, биш гэхэд бас нэг хэцүү дөрвөн ханат хүлээн авчээ.
Амлачихаад дараа нь “новширдог” жишиг Х.Бадамсүрэн гишүүнд энгийн зүйл болсон бололтой. Бас нэг инээдтэй жишээ гэвэл аль хоёр гурван жилийн өмнөөс гишүүнийхээ эрхийн хугацаанд сумдаар тойрч явахдаа олон хүнд хүлэмж барьж өгнө гэж ам гарчээ. Тэгээд мань гишүүн гурван жилийн турш шаардуулаад сүүлдээ “Та нар энэ хүлэмжийнхээ тал өртгийг нь өгөөд авчих, би яах вэ талыг нь өгье” хэмээв. Хэдэн жилийн турш үнэгүй хүлэмжтэй болно гэж хүлээж суусан иргэд мөнгөө бэлдээгүй байсан учир бүрмөсөн өнгөрсөн байна. Ингэж Өмнөговийн иргэдийг УИХ-ын гишүүн байхдаа хангалттай хулхидсан хүн одоо сонгогдоод юм хийх нь юу л бол.
Гэхдээ өмнөговьчууд “Одоо бид Х.Бадамсүрэнд хууртагдахаасаа өнгөрсөн. Худлаа ярьж биднийг маш ихээр төөрөгдүүлсэн” гэж байна билээ. УИХ-ын гишүүн болох гэж улайрч байгаагийн цаад утга нь нөгөө л эрх мэдэл, хөрөнгө чинээ. Тэгэхээр өмнөговьчууд сонголтоо өөрсдийн итгэл үнэмшлээр хийх болно хэмээн иргэд, сонгогчид илэрхийлж байсан юм.

УИХ-ын гишүүн Х.Бадамсүрэн өмнөговьчуудыг хулхидсаар л байх уу
Tweet
Bolod.mn

Сэтгэгдэл (26)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
ИХ БУТЭЭН БАЙГУУЛАЛТ НЭРИЙН ДООР, ХУЖААГИЙН ЭРЛИЙЗУУДЭЭР ДУУРСЭН МАН, АН - ынхны ЯВУУЛЖ БАЙГАА ХАРАЛГАН БОДЛОГООР МОНГОЛ УЛСЫН ТУСГААР ТОГТНОЛ АЛДАГДАЖ, ХЯТАДЫН ДАГУУЛ УЛС БОЛОХОД ОЙРХОН БАЙНА ДАА????

2012-06-21 | 13:00:59 | 124.158.73.17 |

Зочин
МАН - ын ДАРГА ЛУЙВАРЧИН, АЛУУРЧИН, ГАДНЫ ХУЛГАЙЧ НАРЫН ГАР ХӨЛ БОЛСОН Сү. БАТБОЛД ХАМСААТАНГУУДТАЙГАА ЭРДЭНЭТ ХОТООС ХӨӨГДӨӨД ЯВСАН БАЙНА ШҮҮ ДЭЭ???? МАН - ын НЭР ХҮНД ЯМАР БАЙГААГ ХАРУУЛСАН ТОМ БАРИМТ?????? ЭНЭ СОНГУУЛИАР МАН - ыг ГАЗАРТАЙ ТЭГШЛЭХ ХЭРЭГТЭЙ??????

2012-06-21 | 12:57:28 | 124.158.73.17 |

Зочин
. Ардчиллын залуус(тэд өнөөдөр ардчиллын өвгөн партизанууд болж залуу үеэ жийж байгаа)-т ард түмэн өгөөд үзсэн 1996-2000 онд УИХ-д олонх байхдаа 1997 онд Ашигт малтмалын тухай цоорхой хуулийг баталсан юм. Энэ хуулийн лай ланчигаар гадны хөрөнгө оруулалт нэртэй баг өмссөн эдийн засгийн алуурчид болох Фрийдланд, Паушик гэх мэтийн гадаадын луйварчид,"Айвенхоу Майнз", "Рио Тенто" зэрэг дэлхийд зартай уул уурхайн акулууд Монгол орны минь газар нутгийг лиценз болгон эзэмшиж, Монголын ард түмний өмч хөрөнгө, газрын доорх баялаг, алт эрдэнэсийн үүцийн эзэн болж суусан юм. Энэ хуулийн балгаар Монголчууд бид Оюун толгойнхоо 34-өөс дээш хувийг эзэмших эрхгүй болж, стратегийн олон ордоо харийнханд алдаж, Хөшөөтийн уурхайгаа Хятадуудад луйвардуулж, тэдгээр гадны луйварчид эх орны минь газар нутаг, баялгийг олон улсын хөрөнгийн бирж дээр биднээс асуулгүй зарж, гүйлгэн асар их ашиг хонжоо олсоор байна. Зөвхөн 1996-2000 оны ардчилсан засаглалын үед эх орны минь газар нутгийн 40 гаруй хувь буюу 5000 гаруй лиценз харийн луйварчдад олгогдож, тэдгээрийн дийлэнхийг одоогийн АН-ын олигархууд зуучлан, харийнхантай нийлэн "Хотны нохой хээрийн чонотой нөхцөх"-ийн адил эрх мэдлээ ашиглан түйвээсэн гашуун түүхтэйг БҮҮ МАРТ, МАРТВАЛ ЭХ ОРНЫ МИНЬ ГАЗАР ШОРОО, ЭД БАЯЛАГ МИНЬ ДУУСНА. АН-аас 2012 оны УИХ-ын сонгуульд нэр дэвшсэн 76 хүний дотор уул уурхай, ашигт малтмалын томоохон лиценз эзэмшдэг хэд хэдэн олигархууд, тэдгээрийн үр хүүхдүүд байгааг ард түмэндээ сэрэмжлүүлж байна. Шаардлага гарвал хэн хэн, хаана хаана, ил далд лиценз эзэмшдэгийг баримт нотолгоотойгоор олон түмэндээ хүргэх болно.

2012-06-21 | 11:46:38 | 202.55.184.173 |

Зочин
МАН, АН - ЫН ХЭДХЭН ТООНЫ ГАДНЫ ЛУЙВАРЧДЫН ГАР ХӨЛ БОЛСОН, МОНГОЛ ОРНОО ХУДАЛДСАН, АРД ТУМНЭЭ ЯДУУРЛЫН ТУЙЛД ХУРГЭСЭН, ХУЖААГИЙН ЭРЛИЙЗУУДЭЭР ДУУРСЭН, ТӨРӨӨС ТӨРСӨН ТЭРБУМТАНГУУДААС ЭНЭ СОНГУУЛИАР БУРМӨСӨН САЛЦГААЯ АА????? МОНГОЛ ТУМЭН МИНЬ ХЭДИЙ БОЛТОЛ ХЭДХЭН ТООНЫ УЛААН ЛУЙВАРЧДАД, ТЭДНИЙ ГАР ХӨЛ БОЛСОН ХУЛГАЙЧУУДАД, ГЭР БУЛИЙНХЭНД ДЭЭРЛЭХУУЛЖ, ДОРОМЖЛУУЛЖ, ЛУЙВАРДУУЛЖ, ЦУСАА СОРУУЛЖ АМЬДАРЦГААХ ЮМ БЭ??? СУУЛДЭЭ ЛУЙВАРЧИД ЧИНЬ ӨӨРСДӨӨ, ӨӨРСДИЙНХӨӨ УР ТӨЛИЙГ, АХ ДУУГ, ХАМААТАН САДНАА ГАРГАЖ ДАХИН ЛУЙВАРДАХ ГЭЖ БАЙНА БОЛГООМЖЛОХ ТУН?????

2012-06-21 | 11:38:33 | 124.158.73.17 |

Зочин
хийсэн бүтээсэн хүн л түмний өмнө муугаар яригддаг нь бичигдээгүй хууль шүүдээ

2012-06-21 | 10:56:02 | 202.55.184.173 |

Зочин
хийсэн бүтээсэн хүн л түмний өмнө муугаар яригддаг нь бичигдээгүй хууль шүүдээ.

2012-06-21 | 10:55:52 | 202.55.184.173 |

Зочин
Энэ ямар худал мэдээ зарим зүйл нь ариачдээ гэмээр худлаа бичсэн байна шүү. УИХ-ын гишүүн Х.Бадамсүрэн өмнөговьчууддаа ихийг хийж өгсөн одоо бол хийж бүтээж байгаа зүйл нь их бүтээн байгуулалтынхаа үедээ явна.

2012-06-21 | 10:54:32 | 202.55.184.173 |

Мэдээ
Гадаад мэдээ
Видео