ардчиллын анхдагч гэдгийг нь бодвол итгэхгүй байхын аргагүй. Харин 22 жилийн өмнөөс хамт явж, Ардчилсан намыг хамтдаа байгуулалцаж яваа журмын нөхдийнх нь үгийг сонсохоор түүнд итгэхэд бэрх болчихно бий. Баатар цолны ард нуугдаг бантан зутан нь дэндүү их болохоор тэр. Дээр нь эргэлзээтэй гэмээр сэжигтний тоонд орж байсныг нь бодохоор бүр ч хэцүү. Ямар ч байсан тэр баталгаатай, бандан тас баатар бол биш.

Наад зах нь түүнийг Дэд бүтцийн сайд асан С.Зориг агсны амь насыг хөнөөсөн хэрэгт сэжиглэх хүн цөөнгүй. Хэдийгээр “Э.Бат-Үүл холбогдолгүй” гэдгийг түүний эрх чөлөө нотлох ч олон хүн ам, амандаа “Э.Бат-Үүлийн малгай С.Зориг агсны гэрт байсан юм гэсэн шүү дээ. Цагдаагийнхныг дуудлагаар очих үед. Тэгээд ч нөгөө айхтар, аймар эхнэрийг нь Э.Бат-Үүл л танилцуулсан юм гэсэн. Их сэжигтэй шүү” гэх нь бий.Түүнчлэн энэ яриаг ардчиллын анхны 13-ын нэг Д.Нинж хэвлэлийн бага хурлаар ярьчихсан биш бөөн юм болсон. Э.Бат-Үүл нь гомдож, цагдаад өгч хориулсан. Энд нэг сонирхолтой харьцуулахал хүргэхэд Д.Нинжийнх хотын захад, айлын хашаанд бөөрөнхий гэрт амьдардаг юм билээ. Харин Э.Бат-Үүлийнх хотын төвд. Хүү нь газар тариалангийн том бизнестэй. Э.Бат-Үүл гишүүн чуулган завсарлахаар эхнэрээ дагуулаад Сиднейд сурдаг хүү дээрээ очиж амарсан шигээ цагийг өнгөрүүлдэг. Ардчиллын анхны 13-ын хооронд амьдралын асар их зөрүү бий гэдэг нь эндээс ойлгогдох биз.

Үүний нэгэн адил ардчиллын анхны 13-ын нэг, ардчилсан хувьсгалыг эхлүүлэхэд санхүүжилтийг нь хариуцаж, ажлынхаа өрөөнд тангаргыг нь өргүүлж явсан малыш Энхтүвшин ч тэр Э.Бат-Үүл баатарт итгэдэггүй гэдгээ ний нуугүй хэлдэг нэгэн. Тэрбээр өөрийгөө НАХЯ-ны төлөөлөгч байснаа хүлээн зөвшөөрдөг. Гэхдээ тагнуулыг төлөөлөгч бус харин мэдээлэгч хийдэг гэдэг. Тэрхүү мэдээлэгч нь Э.Бат-Үүл байж. Мэдээлэгч юу хийх нь ойлгомжтой. Тэмцэгчдийн дунд орно. Юу хийх гэж байгааг нь мэднэ. Мэдснээ цааш нь дамжуулна. Цаадуул нь мэдээллийнх нь дагуу барина, хорино, хянана, шалгана. Э.Бат-Үүлийн ардчилалд оруулсан хувь нэмэр. Түүнчлэн Э.Бат-Үүл нь ардчиллын анхдагчид дундаа толгой, сэтгэлгээ муутайдаа ордог байсан гэх яриа ч бий. Тийм ч учраас малыш Энхтүвшин Э.Бат-Үүлийн ардчилалд оруулсан хувь нэмрийг “Тэр үед миний цүнхийг барьж явдаг байсан явдал юмуу даа” хэмээн тодорхойлсон байдаг.

Түүнчлэн Э.Бат-Үүл баатрын талаарх дараагүй нэг таагүй сэтгэгдэл бол УИХ-ын гишүүн, Нийслэлийн Ардчилсан намын дарга асан С.Эрдэнэ. Өөрийгөө нэгдүгээр дэсийн лидер гэж бусдыгаа хоёрдугаар эгнээнийнх нь гэж ялгаварлаж, заагладаг Э.Бат-Үүл гишүүний зан С.Эрдэнэ гишүүнийг бухимдахад хүргэсэн удаа бий. Энэ талаар нь тэрбээр дараах үгийг хэвлэлээр дайсан. “Э.Бат-Үүлд хүн чанар, эр хүний ноён нуруу гэж байхгүй. Тэглээ гээд би Э.Бат-Үүлийг муулж, түүний эсрэг хор найруулж яваагүй. Харин ч Сүхбаатарын талбайд цагдаа нартай зодолдож явахад хажууд нь хэн байсныг тэр санах хэрэгтэй. Баянчандмиас эхлээд л тракторуудыг хамгаалж хот руу оруулж ирэхэд хажууд нь хэн байсан юм бэ. Гэтэл хэд хэдэн удаагийн Ардчилсан холбооны жагсаал цуглааныг намайг удирдаад явж байхад тэгвэл Э.Бат-Үүл хаана байсан юм бэ. Э.Бат-Үүл эндүүрч ярьсан байна билээ. Намайг дандаа хоёрдугаар эгнээнд явсан гэж. Ардчилсан холбооны дарга байсан хүнийг яаж тэгж хэлж чадаж байна аа. Э.Бат-Үүл өөрөө энэ холбооны дарга байж үзсэн юм уу. Ардчилсан холбоо гэдэг Ардчилсан намын тэмцэл, үйл ажиллагааны цөм, гол хүч нь байсаар ирсэн гэдгийг тэйнр санах хэрэгтэй.

Хоёрдугаарт, 2000, 2004 онд Бат-Үүлийг тойрог сольж тэнэж явахад би МАХН-ын топ лидер, рейтингээрээ тухайн үедээ байнга тэргүүлж байсан, бүр үндэсний удирдагч гээд нэрлэгдчихсэн Намбарын Энхбаяртай халз үзэж байсан юм. Тэгэхэд Э.Бат-Үүл манай тойрогт ирээд ганц үг хэлчихээгүй. “Муу ч, сайн ч Эрдэнээ маань 1990 онд миний шадар туслахаар ажиллаж байсан юм шүү. Намбарын Энхбаяртай үзэж байгаа юм даа” гээд миний нэг удаагийн уулзалт дээр ирээд үг хэлчихэж болно доо. Тэгээгүй л юм даа” гэж. Энэ үг бол Э.Бат-Үүлийн бусдын тусгай мэддэгүйн тод илэрхийлэл. Тийм ч учраас Улсын баатарт өнөөдрийг хүртэл улс төрийн өөрийн гэсэн баг байхгүй байгаа байж болох. Хэдийгээр “Бодь” группын хөрөнгө оруулагчид Э.Бат-Үүлийг дэмжиж, Ерөнхийлөгч Ц.Элбэгдорж Улсын баатар цол өгсөн ч гэсэн тэр ганцаараа л байгаа. Н.Алтанхуяг шиг, З.Энхболд шиг, бүр өөрийнх нь хэлснээр хоёрдугаар эгнээний С.Эрдэнийнх шиг баг ч түүнд байхгүй.

Тэр ганцаараа болоод л өнөөдөр Ерөнхий сайд, намын дарга болж чадахгүй яваа. Уг нь өөрөө бол тун олон удаа “Би Ерөнхий сайд битгий хэл Ерөнхийлөгч болно” гэж мэдэгдсэн. Гэвч тэр Ц.Элбэгдоржийг, Н.Алтанхуягийг дарж унаагүй л яваа. Намын даргаар намынх нь нөхөд түүнийг сонгодоггүй учраас өөрийнх нь хүсэл бүтсэн нь үгүй. Ядахада Э.Бат-Үүлийг өнөөдрийг хүртэл Ардчилсан намынх биш гэдэгт эргэлзэх ардчилагч цөөнгүй. Тэдний нэг нь УИХ-ын гишүүн З.Энхболд. Тэрбээр энэ талаараа “Ер нь УИХ-ын гишүүн Э.Бат-Үүл бол С.Баяр гэдэг хүнийг юу ч гэсэн дагаж явдаг хүн шүү дээ. С.Баяр МАН-ын дарга болохоос АН-ын дарга биш. Тэгэхээр УИХ-ын гишүүн Э.Бат-Үүл аль намын гишүүн гэдгээ мартах хүртлээ С.Баярыг дагаж, ардчиллын үндсэн зарчмаа зөрчиж, далдаганаад гүйж байгаа юм. Ингэхэд яах гэж сонгууль явуулдаг юм бэ. Нэг нь улс орныг авч явах гэж, нөгөө нь хянах гэж явдаг юм байгаа биз дээ. Олонх цөөнх хоёр нийлээд Засгийн газар байгуулсныг Э.Бат-Үүл яагаад дэмжээд байгаа юм бэ. Нөгөө ардчилагч Э.Бат-Үүл хаачив аа. Үндсэн зарчмаа худалдчихаад гүйж яваа байхгүй юу” гэж мэдэгдсэн.

Хамгийн сонирхолтой нь Э.Бат-Үүл баатар С.Баярыг хамтарсан Засгийн газрыг байгуулах үед цээжээрээ хамгаалахаа илэрхийлсэн. Гэтэл С.Баяр нь Ерөнхий сайдаа өгсний дараахнаас “Хамтарсан Засгийн газраас Ардчилсан намыг гаргах нь миний энэ яваа насны хамгийн том гавьяа болно” гэсэн. Хоёр өөр үзэл баримтлал, хоёр өөр шийдвэрийг эрс шийдэмгийгээр ингэж сольж, хольсон хүн Монголын улс төрд Э.Бат-Үүлээс өөр гарч ирсэн нь үгүй.

Тэгвэл өнөөдөрр Э.Бат-Үүл баатар Улаанбаатар хотын захирагчийн алба руу мацаж байна. Үүний тулд Ш.Түвдэндоржийг Нийслэлийн ардчилсан намын даргын суудлаас буулгаж, өөрөө дарга нь болсон. Хүслээ биелүүлэхийн төлөө гэр хорооллын иргэдэд тохилог орон сууж амлаж байгаа. Гэр хорооллын 168 мянган өрхийг дэд бүтэцтэй холбож, халуун хүйтэн устай болгох яриа. Удаа дараа Ерөнхий сайд болохоо илэрхийлсэн ч намынх нь нөхөд хүлээж аваагүйд шантрахдаа тэрбээр улаанбаатарчуудын сэтгэлээр тоглохоор шийдсэн нь энэ. Угтаа энэ бол амлалтын луйвар юм. Улаанбаатарт Э.Бат-Үүлийн хэлээд байгаачлан бөөрөнхий гэрээ хаус болгож хувиргах чадалтай иргэн тун ховор байгаа. Хаус гэдэг дөрвөн ханатай гэрийн үнээр баригдах барилга биш. Ийм байхад иргэдийн бодит боломжийг хөөсрүүлж, худлаа амлана гэдэг бол нүгэл.

Тэр үүнийгээ сайн мэдэж байгаа. Гэсэн ч Улаанбаатар хотын захирагчийн суудлаар дамжин Ерөнхий сайд болж, тэндээсээ Ерөнхийлөгч болох замаа засч байгаа нь энэ. Өнөөдрийг хүртэл ардчилагчид нь хүртэл түүнд итгэхгүй байхад ард түмний сэтгэхүйгээр тоглох хэрэг юу байна. Итгэдэг байсан бол тэр өдийд Ерөнхий сайд болчихсон, Ерөнхийлөгч болчихсон сууж байж болох байсан. Гэвч нам нь түүнд итгэл үзүүлээгүй. Энэ бол хүсэлд хясал байдгийн баталгаа. Одоог хүртэл Э.Бат-Үүлийг тойрох адармаатай, ээдрээтэй сэжиг таамаг хөвөрч, өнөөдрийг хүртэл ардчиллынхнаа барьж өгч байсан гэдэг дурсамж амьд байгаа учраас тэр ийм нэр хүндгүй байгаа юм. Тийм болохоор нь “Э.Бат-Үүлд итгэдэг ардчиллынхан гэж байна уу” гэсэн асуултад ийм хариулт гарч ирсэн бөлгөө.

asunews.mn

Э.Бат-Үүлд итгэдэг ардчиллынхан байна уу
Tweet
Bolod.mn

Сэтгэгдэл (14)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
12 ond end bichsen daldgansan ulsuud odoo uursdiiguu shoolj suugaa daa ..vhen hatan hamgaalaad bsn bat vvl chin olon ynz bolon huvirdag vvl shig vvl bga bizdee

2016-07-09 | 01:43:57 | 202.9.41.216 |

Зочин
Батүүлд бүрэн итгэж бна

2012-06-22 | 17:18:28 | 202.21.106.8 |

Зочин
Bat-vvld itgedeg mongolchuud baina . Ene niitleliig unshchaal bat-vvld durgvi bolno gej bodsiin bhdaa Mongolchuud bid nar tiim archaagvi tuushtai bish tiim amarhan tarhia ugaalgachimaar haragdaad bnuu vvnii hariud vgvi gej helii za yu. Bid AN-g demjine oluulaa demjine yalah ch bolno

2012-06-22 | 14:49:35 | 124.158.124.156 |

Зочин
Batvvliig ger xopoolliig hugjvvlne gedegt ih itgej bgaa ta ylna ta chadna ta hiine tegeed amjilt uragshaa

2012-06-22 | 14:34:42 | 80.84.55.218 |

Зочин
Batvvld l itgeed baigaa sh de zov zvil hiih geed yriad baigaa. ardiin namd itgeed odoo tawan tolgoig baritsaalah deeree tulaad bn sh de odoo bolihuu daa ardchilsan namaa demijne ee bid

2012-06-22 | 14:27:21 | 174.139.114.103 |

Зочин
ardchilsan nam garaasai gj bodo j bga shuu bat-uul guai zugeerl sn hunsh de

2012-06-22 | 14:22:58 | 124.158.124.156 |

Зочин
эээ мэдэхгүй итгэхэд бэрх л нийтлэл байна МАН-н л явуулга байхдааа

2012-06-22 | 14:18:46 | 124.158.124.156 |