газрын хамгаалалтын бүс, ойн сан бүхий газарт ашигт малтмал хайх, ашиглахыг хориглох тухай хуулийн хэрэгжилтийн талаар ярилцлаа.

-Гол мөрний урсац бүрэлдэх эх, усны сан бүхий газрын хамгаалалтын бүс, ойн сан бүхий газарт ашигт малтмал хайх, ашиглахыг хориглох тухай хуулийг холбогдох байгууллагууд нь хэрэгжүүлж эхлээд байна гэж мэдэгдсэн. Харин иргэний нийгмийн байгууллагууд энэ тал дээр эсрэг байр суурьтай байгаа байх аа?

-“Урт нэртэй” гэгдэх Гол мөрний урсац бүрэлдэх эх, усны сан бүхий газрын хамгаалалтын бүс, ойн сан бүхий газарт ашигт малтмал хайх, ашиглахыг хориглох тухай хууль 2009 оны долоодугаар сарын 16-нд УИХ-аар батлагдсан. Гэвч хууль өнөөг хүртэл хэрэгжээгүй байгаа нь харамсалтай.

Уг нь 2009 оны арванхоёрдугаар сард Ашигт малтмалын газраас дээрх хилийн бүсэд давхцалтай 1782 тусгай зөвшөөрөл байгааг гаргаж, эдгээрээс эхний ээлжинд алтны 254 шороон ордыг цуцлахаар болсон ч жилийн дараа 233 болж цөөрч, 2010 оны зургаадугаар сарын тавны өдөр Засгийн газрын хуралдаанаар 242 лицензийг бүрэн түдгэлзүүлнэ гэж ярьсан.

Гэтэл дээрх хуулиар түдгэлзүүлсэн ордуудад зарим нэг жижиг компаниас бусад нь одоог хүртэл үйл ажиллагаа явуулсаар л байна.

Энд нэг талаасаа төрийн байгууллага буруутай юм шиг харагдаж байгаа. Гэвч уул уурхайн компаниуд ч бүруутай гэж бид үздэг. Тиймээс аль алинтай нь хатуу хариуцлага тооцох хэрэгтэй.

-Мэдээж хууль хэрэгжихгүй байгаа тохиолдолд төрийн байгууллага хариуцлага хүлээх ёстой. Энэ хариуцлагыг ямар байгууллага хүлээх ёстой вэ?

-“Урт нэртэй” хууль бүрэн хэрэгжих ёстой. Тэгж байж бид өвөг дээдсээс хүлээн авсан газар нутгаа үр хүүхэд, ирээдүй хойчдоо үлдээх учиртай юм. Энэ нь байгаль орчинд хамгийн ээлтэй ой мод, булаг шанд, гол мөрнийг хамгаалж үлдэх хууль.

Гол мөрний урсац бүрэлдэх эх, усны сан бүхий газрын хамгаалалтын бүс, ойн сан бүхий газарт ашигт малтмал хайх, ашиглахыг хориглох тухай хуулийг хэрэгжүүлэхтэй холбоотой тогтоол шийдвэрүүдийг саяхнаас гаргаж, тухайн хуульд хамрагдах газар нутгийн хил хязгаарыг 2009 онд тогтоочихоод, саяхан баталлаа. Өөрөөр хэлбэл, Засгийн газар төгсгөлдөө сумаа тавилаа.

Засгийн газрын    тогтоолын дагуу лицензүүд цуцлагдах ёстой. Гэвч өнөөдөр лиценз нь цуцлагдсан гэж яриад сууж байгаа уурхайнууд ихэнх нь ажиллаж байна. Бид Мэргэжлийн хяналтын Ерөнхий газарт шаардлага тавина. Хэрвээ бидний шаардлагыг биелүүлэхгүй бол МХЕГ-ын дарга Р.Содхүүтэй хариуцлага тооцно. Учир нь Мэргэжлийн хяналтын Ерөнхий газар хуулийг хэрэгжүүлэх ёстой.

-Та бүхэн хууль хэрэгжүүлэхгүй байгаа аж ахуйн нэгжүүдийг шүүхэд өгөх талаар ярьж байсан. Тухайлбал, ямар ямар аж ахуйн нэгжид хариуцлага тооцох вэ?

-Манай Байгаль орчны иргэний зөвлөлөөс хуульд захирагдахгүй, том толгой гаргаж буй аж ахуйн нэгжүүдийг шүүхэд өгөхөөр болсон. Байгаль орчны тухай хуулиар, байгаль орчныг сүйтгэж байгаа иргэн, аж ахуй нэгжийг шүүхэд өгөх эрхийг иргэн, иргэний нийгмийн байгууллагуудад олгосон. Бид энэ хуулийн дагуу ажиллах болно.

Сэлэнгэ, Архангай, Өвөрхангай аймгаар явсан байгаль орчны төрийн бус байгууллагууд хууль   амьдрал дээр огт хэрэгжихгүй байгаа тухай мэдэгдсэн. Ихэнхдээ олны танил, мөнгөтэй хүмүүсийн уурхайнууд ажиллаж байна.

Тухайлбал, улсын гарьд Б.Гантогтохын “Чамин алт”, МХЕГ-ын дарга Р.Содхүүтэй холбоотой “Сэлэнгэ майнинг” зэрэг уурхай байна. Өнөөдөр бид энэ бүхнийг олон нийтэд баримттайгаар танилцуулах болно. Тэгээд Засгийн газарт, МХЕГ-т шаардлагыг хүргүүлнэ.

Сонгууль болохоор л С.Зоригийн хэргийг гаргаж ирдэгтэй адилхан. Сонгууль болохоор л “Урт нэртэй” хуулийг хэрэгжүүлнэ гэж ярьж болохгүй. Сонгууль болдгоороо болно, хууль хэрэгждэгээрээ хэрэгжих ёстой.

-Байгаль орчны иргэний нийгмийн 700 гаруй байгууллага бий. Тэд энэ хуулийг хэрэгжүүлэх гэж чамгүй тэмцсээр ирсэн. Гэвч бодит байдал дээр өөрчлөлт ажиглагдахгүй байна гэж зарим хүн үздэг. Энэ тал дээр та ямар байр суурьтай байдаг вэ?

-Бидний тэмцлийн үр дүн бага гэж би хэлэхгүй. Тодорхой үр дүнд хүрч байгаа.

Тухайлбал, иргэдийн хүчээр “Урт нэртэй” гэгдэх хуулийг батлууллаа. Хуулийг хэрэгжүүлэхгүй байгаа талаар Засгийн газрыг шүүхэд өгч, бид ялсан. Энэ хуулийг хэрэгжүүлэхтэй холбоотой Засгийн газрын тогтоолыг гаргуулж чадлаа. Энэ бол тэмцлийн үр дүн. Гэхдээ хуулийн хэрэгжилт хэтэрхий удаан байна гэдэгтэй санал нэг байдаг.

Сонгууль болох гэж байгаа энэ үед тэр нам нь хийсэнгүй, энэ нь хийлээ гэж ярих хэцүү байна. Ямар ч байсан энэ парламентын үед байгаль орчныг хамгаалах сайн хуультай болсон.

Харин энэ   Засгийн     газрын үед хэрэгжсэнгүй. БОАЖ-ын   сайд    Д.Цогтбаатар зургаан сарын хугацаанд иргэний нийгмийн байгууллагуудад амласандаа хүрч, гол мөрний урсац бүрэлдэх эх, усны сан бүхий газрын хамгаалалтын бүс, ойн сан бүхий газрын хилийн заагийг батлуулж чадлаа. Одоо 1782 ордын лицензийг цуцлах талаар үе шаттай арга хэмжээнүүдийг яаралтай авах хэрэгтэй байна.

-Ярилцсанд баярлалаа.

Эх сурвалж: "Өглөөний сонин"

Бид хуулийг хэрэгжүүлэхгүй байгаа Р.Содхүү даргатай хариуцлага тооцно
Tweet
Bolod.mn

Сэтгэгдэл (5)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
Монгол яагаад хужаа Р.Содхүүг давараагаад байна. МАН Содхүүд ямар өртэй болоод ингээд зайлуулахгүй бариад байна. Энэ хүн хуулиар тоглоод зогсохгүй байцаагч нарынхаа амьдралаар тоглож дуусгаж байна. Заяадэлгэр Содхүү нарыг шалгаж МХЕГ-ыг идэж устгасан баримтыг нь гарган ирж ШОРОНД НЬ хорих хэрэгтэй. МАН тэртэй тэргүй тарах байгууллага гэсэн шиг ингэж хандаж байгаа юм уу. Энэ 2 бөгсний холбоотой янхануудаас болж МХЕГ-ын нэр хүнд шалны алчуураас ч дор болсон байна.

2012-07-27 | 09:28:14 | 122.201.18.132 |

Зочин
МОНГОЛ ТУМЭН МИНЬ???? ХЭДИЙ БОЛТОЛ МАН, АН - ын ГАДНЫ ЛУЙВАРЧДЫН ГАР ХӨЛ БОЛСОН, ЭХ ОРОН, ГАЗАР ШОРОО, БАЯЛГАА ХУДАЛДСАН, АРД ТУМНЭЭ ЯДУУРЛЫН ТУЙЛД ХУРГЭСЭН, ӨӨРСДӨӨ ХАГАРТЛАА БАЯЖСАН ХУВАЛЗНУУДАД ДЭЭРЛЭХУУЛЖ, ДОРОМЖЛУУЛЖ, ЛУЙВАРДУУЛЖ, ЦУСАА СОРУУЛЖ АМЬДАРЦГААХ ЮМ БЭ???? ЭНЭ СОНГУУЛИАР ЭНЭ ХОЁР АЛУУРЧИДЫН, ХУЖААГИЙН ЭРЛИЙЗУУДЭЭР ДУУРСЭН ХОЁР НАМААС БУРМӨСӨН САЛЦГААЯ АА??? МОНГОЛ НУТАГТАА МОНГОЛ ХУН ШИГ АМЬДРАХ ЦАГ ИРСЭН ШУУ?????????????

2012-06-25 | 11:56:38 | 124.158.73.17 |

Мэдээ
Гадаад мэдээ
Видео