Хэрэв энэ сонгуульд ялагдвал Ардчилсан нам дахь бидний хаанчлал төгсгөл болно” хэмээн тэд айж байна. Тийм ээ, Ардчилсан нам бол олигархиудын нам. Олуулаа биш, олигархиуд нь хөлжсөн улс төрийн хүчин. Тиймээс тэд сандрах нь аргагүй. Учир нь 2012 он бол Ардчилсан намын сүүлчийн боломж.

Ингэхэд Монголын улс төрийн тавцнаа Ардчилсан нам гэж бий юү. Байхгүй. Яагаад. Авлигачид Ардчилсан намыг ардчиллын үнэ цэнэ, ардчилсан хувьсгалын түүхэн ялалттай нь хамт аль хэдийнэ арилжчихсан. Тиймээс сөрөг хүчний орон зай нь үгүйрч хоосорсоор олон оныг үдэж байна. Тэгвэл Н.Алтанхуяг тэргүүтэй Ардчилсан нам гэж яг юу юм бэ. Энэ бол ардчиллыг ашиг сонирхлын зөрчилдөөний талбар болгосон фракциудын нэгдэл юм. Тийм ээ, тэд улс төрийн тавцнаа зүтгэж биш, зугтаж, бүтээж биш, үгүйсгэсээр яг 22 жилийг үджээ. Ардчиллын нарыг авлигын нараар халхалсан энэ он жилүүд бол Ардчилсан намынх.

1996-2000 он. Ардчиллын нар хиртэв. УИХ-ын 1996 оны сонгуульд Ардчилсан холбоо эвсэл үнэмлэхүй ялалт байгуулж, төрийн эрхийг гартаа авав. Гэвч юу болов. Шилжилтийн хүнд хэцүү цагт Ардчилсан намд засгийн эрхийн төлөөх дажин дэгдэх нь тэр. Фракциудын сөргөлдөөн даамжирч, М.Энхсайханаар тэргүүлүүлсэн ардчилсан хүчний анхны Засгийн газрыг ганцхан жил ажиллуулаад огцрууллаа. Тухайн үед Р.Гончигдорж УИХ-ын дарга, Ц.Элбэгдорж УИХ дахь олонхийн бүлгийн даргаар ажиллаж байсан нь төрийн хямралын цанг дэлдсэн хэрэг. Ардчилсан холбоо эвсэл дэх шивэгчингүүд “УИХ-д олонхи болсон намын дарга яагаад Ерөнхий сайд болсонгүй вэ” гэх хорон үг шивнэснээс энэ бүхэн эхлэлтэй юм. М.Энхсайхан Ерөнхий сайдын сэнтийгээс өс өвөрлөн огцорч, МҮАН-ын дарга бөгөөд Ардчилсан холбоо эвслийн дарга Ц.Элбэгдорж Засгийн газрыг тэргүүлэв. Харамсалтай нь Ц.Элбэгдоржийн тэргүүлсэн Засгийн газар гуравхан сар ажиллаад бас л огцорлоо. Экс Ерөнхий сайд М.Энхсайхан Ардчилсан холбоо эвсэл дэх хөдөөгийнхөн буюу “Элсний 13”, УИХ дахь МАХН-ын бүлгийн 25 гишүүнтэй хүч хавсарч Ц.Элбэгдоржоос хариугаа авсан нь тэр. Гэхдээ М.Энхсайхан Ерөнхий сайдын сэнтийд дахин заларсангүй. Харин нийслэлийн Засаг дарга Ж.Наранцацралтад гүйцэтгэх засаглалын тэргүүний тамгыг атгуулав.

Тэр бол 1999 оны хоёрдугаар сар. Харамсалтай нь Ардчилсан холбоо эвслийнхэн дахиад л эе эвдэрч, Ерөнхий сайд Ж.Наранцацралтыг огцруулах операци зохион байгуулав. “ОХУ-ын Ерөнхий сайдад захидал илгээсэн” гэж өглөө, үдэшгүй мэдэгдэл хийсээр байгаад мань хүнийг огцруулж дөнгөлөө. Тийм ээ, энэ бол Ардчилсан холбоо эвслийн үед огцорсон гурав дахь Засгийн газар. Тиймээс Ардчилсан холбоо эвслийнхний хагарлын улмаас хямарсан дөрөв дэх төрийн нүүрийг ард түмэн үзэх хэрэгтэй болов. Тэр бол Р.Амаржаргалын тэргүүлсэн Засгийн газар юм. Монголчууд ийнхүү шилжилтийн хүнд хэцүү цагт Ардчилсан холбоо эвслийнхний төр болж тоглохыг харсаар 2000 онтой золгосон билээ. Харин энэ бүхэн Монголын төрд ямар хар мөр үлдээв. Ардчилсан хувьсгалын лидер С.Зориг бусдын гарт амиа алдав. УИХ-ын гурван гишүүн “Казино”-гийн гэх хэргээр Төрийн ордноос шоронгийн хүйтэн өрөөнд хүргэгдэв. Тэгээд... Тэгээд эцэст нь юу болов. Ардчилсан хүчнийхэн УИХ-ын 2000 оны сонгуульд ялагдсан. Ц.Элбэгдорж “Улсын нууц задруулсан” гэх хэргээр ял сонсох шахаж, АНУ руу зугтсан. Ч.Сайханбилэг, З.Энхболд... Тэд их улс төрөөс time out авч, АНУ руу “дүрвэсэн” юм. Харин М.Энхсайхан хүний, өөрийн намынханд Ардчилсан намаа арилжсаар хоцорсон түүхтэй.

2004 он. Ангийн тэмцлээ дарж чадаагүй Ардчилсан намынхан МАХН-д дагаар оров. Бүр намын дарга Р.Гончигдорж нь УИХ-ын 2004 оны сонгуулийн дараа УИХ-д “62”-ын бүлэг байгуулж, МАХН-ын бүлгийн дэд дарга боллоо. М.Энхсайханыг Турк руу явсан хойгуур намын даргынх нь тамгыг “хулгайлсан” тэрбээр яаж ингэж чадав. Харамсалтай нь үүнийг гайхах хэрэггүй. Хулгайлж, хор найруулж, тохиролцож, толхилцож, хагаралдаж, хямралдаж, бас зугтдаг нь Ардчилсан намынхны араншин. Тиймээс хоёр хар хэрээ бие биенийхээ харыг юу гэж гайхах вэ. М.Энхсайхан Р.Гончигдоржийн эсрэг хэвлэлийн бага хурал хийж, асуудлыг тэгсхийгээд орхисон. Тэгээд ч юун Р.Гончигдоржтой манатай. Эвслийн үед эе эвдэрсэн Ц.Элбэгдорж цаана нь зогсож байхад! АНУ руу зугтахдаа ганц ч үг ганхийлгүй одсон Ц.Элбэгдорж АНУ-аас “Нүүх үү, үлдэх үү” гэсээр ирсэн нь тэр байсан юм.

Ардчилсан намынхан ч ажилдаа орцгоов. Ерөнхий сайд Ц.Элбэгдоржийг МАХН-ынхантай хүч хавсран хоёр дахиа огцруулав. Тэр бол 2006 оны нэгдүгээр сар байлаа. Ардчилсан нам дахь Ц.Элбэгдоржийн эсрэг фракцийнхан ийнхүү хариугаа авах нь тэр. М.Энхсайхан Монгол Улсын Ерөнхийлөгчийн 2005 оны сонгуульд өрсөлдөхдөө ганцаардаж, бас ялагдсаныхаа горыг намынхандаа, мөн Ц.Элбэгдоржид ийн амсуулав. Ардчилсан намынхны хувьд, зугтаж, үгүйсгэж, бас тэрсэлдэж өнгөрүүлсөн он жилүүд ийн үргэлжлэв. Ардчилсан нам Монголын улс төрийн хүчтэй сөрөг хүчин биш, ашиг сонирхлын бүлэглэлүүдийн зөрчилдөөний талбар болон хувирсан нь тэр. Баабар энэ тухай нэгэнтээ “Ардчилсан намын гэгээн дурсгалыг хүндэтгэе” хэмээн гашуудаж байсан билээ.

2008 он. Ардчилсан намын даргын төлөөх тулаан эхлэв. Энэ тулааны ялагчаар Н.Алтанхуяг тодров. Тэрбээр намын даргын сэнтийг эзэгнэж, намын даргын тамгыг атгамагцаа намынхнаасаа зугтах нь тэр. Хаашаа зугтсан нь тэр вэ. Мэдээж хэрэг, хамтарсан Засгийн газар руу. Мань эр долдугаар сарын 1-ний үймээнээр амиа алдсан таван залуугийн амиар хамтарсан Засгийн газрын зургаан сайдын суудлыг наймаалцсан юм. Харин Ардчилсан нам юу болж хувирав. Хагарал, хямрал, өсөрхөл нь дээд цэгтээ хүрсэн улс төрийн оромж болон хувирсан юм. УИХ-ын 2012 оны сонгуульд Ардчилсан намыг удирдан оролцож буй Н.Алтанхуяг намынхаа гишүүдийн итгэл үнэмшил, нэгдэл нягтрал, үнэт зүйл, бас намынхаа үзэл баримтлалыг үгүй хийн байж Тэргүүн шадар сайдын сэнтийд заларсан түүхтэй. Тиймээс “Женко” Х.Баттулга, З.Энхболд нар түүнийг намын даргаас огцруулах аянд нэгдэж, Ардчилсан хүчний холбоог байгуулсан юм.

Тийм ээ, тэд Н.Алтанхуягт хорссон хорслоо одоо барьж ядан яваа. Харин хамтарсан Засгийн газрын бүрэлдэхүүнд орохын төлөө намаа хаяж зугтсан Н.Алтанхуяг УИХ-ын сонгуулиас урьтаж, С.Батболдын танхимыг орхин гарч ирсэн юм. Гэвч өнгөрсөн он жилүүдийг, бас Ардчилсан намын гишүүдийн итгэл үнэмшлийг хэрхэн сэргээж чадах вэ. Энэ бол хэзээ ч нөхөгдөшгүй шарх. Тийм ээ, Ардчилсан нам дахь улс төрийн хямрал УИХ-ын 2012 оны сонгуулийн дүйвээнд хэсэгтээ дарагдлаа. Харин сонгуулийн дараа яах бол. Мэдээж хэрэг, дахин сэдэрнэ. Ардчилсан нам энэ сонгуульд ялагдвал Н.Алтанхуяг тэргүүтэнд зугтахаас өөр зам байхгүй. Чухам иймээс л тэд “УИХ-ын 2012 оны сонгууль бол манай намын сүүлчийн боломж” хэмээн давчдаад байгаа хэрэг. Хэрэв Ардчилсан намынхан УИХ-ын 2012 сонгуульд ялагдвал Монголд чухам ямар аюул нүүрлэх бол. Лав долдугаар сарын 1-ний үймээн дахин бүү давтагдаасай. Ардчилсан намын ялагдлаас ард түмний амь хавьгүй үнэтэй билээ.

Н.Саран

Зугтаж өнгөрүүлсэн АН-ын он жилүүд
Tweet
Bolod.mn

Сэтгэгдэл (144)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
Гэр хорооллынхонд БАТ-ҮҮЛийн САНАА бүтэхгүй. БАТ-ҮҮЛ чинь Аж ахуйн ажил хийж ҮЗЭЭГҮЙ гар шүү дээ. Гэр хороолол руу Дулааны шугам ТАТАЖ болноо. Гэхдээ дулааны шугамаар явж байгаа 110-150 градустай халуун усаар Байшингаа халаах уу? Тэгээд АЙЛ болгон БОЙЛОР ТАВИХ Мөнгө нь хаана байгаа юм бэ? Дээр ашиглалтын зардал сарын 200000-400000 төгрөг төлж ДИЙЛЭХ ҮҮ? Яагаад баян хүмүүс ХАУС амьдардаг вэ? ЯАГААД гэвэл ТЭД САРЫН ХАЛААЛТЫН МӨНГӨ 200000-1000000 хүртэлх төгрөгийг ТӨЛЖ чаддаг ЮМАА. Дээр БОХИРЫН МӨНГӨ, ЦЭВЭР УСНЫ МӨНГӨ, ЦАХИЛГААНЫ МӨНГӨ гээд НЭГ АЙЛ ДОР ХАЯЖ 400000-600000 ТӨГРӨГ ТӨЛӨХ хэрэгтэй болно. ГЭР ХОРООЛОЛЫНХОН ҮҮНИЙГ ТӨЛЖ ЧАДАХ ЮМ УУ? Түүний оронд ГАЗРАА 2,3 ӨРӨӨ БАЙРААР солиод сарын 100000 төгрөг Дулаан, цахилгаан, СӨХ дөө ТӨЛӨӨД явсан ГЭР ХОРООЛОЛЫНХОНД ӨЛЗИЙТЭЙ ШҮҮ. Тиймээс НААД БАС НЭГ БУУРАЛ МЯНГУУЖИНГЫНХАА ҮГЭНД БҮҮ ОРЖ СОНГООРОЙ. Наад БУУРАЛ ЧИНЬ Аж ахуйн АШИЛ ХИЙЖ ҮЗЭЭГҮЙ ГАР ШҮҮ.

2012-06-26 | 19:26:56 | 202.55.186.20 |

Зочин
1996 онд АН төр барьсан тэр цагаас л монгол улс сүйрэл тийш буцалтгуй замнасан даа одоогийн энэ бузар булай бухний ул суурийг АН дангаараа тавьсан ийм болохоор АН-д дангаар нь засгийнэрхийг хэзээ ч өгч болохгуй

2012-06-26 | 19:10:45 | 49.0.196.157 |

Зочин
нэг нөхөр ийм сэтгэгдэлийг ямар хун бичдэг байнаа өвөө нар бичсэн байх угуй бол МАН-ийнхан өөрсдөө бичжээ гэж ирээд л мэдэмхийрсэн байх юм ёстой энэ сэтгэгдэлийг өвөө хүн би бичиж байна та нарийн дэргэд 3 төрийн нүүр үзлээ хөө ардийн намийн төр арчилсан намийн төр социалист төр... та нарийн ад узээд худлаа мэдэмхийрээд байгаа тэр соц нийгэмийн уэд бид амар тайван айх ичих зуйлгуй хэлэх угээ хэндч хэлчихдэг одоогийнх шиг өлсгөлөн гуйранчлал архидалт янхандалт үгүй орой үдэш үр хүүхдээ гарч тоглосон ч сэтгэл зовох юмгүй траншэйний амьдрал орон гэргүй хүмүүс гэдгийг мэдэхгүй сэтгэл амар амьдарч байсан юм шуу

2012-06-26 | 19:07:05 | 49.0.196.157 |

Зочин
ОНИГОО;;; АН-МАН-ний нэр дэвшигч нар уулзалт хийж байна гэнээ нэг сонгогч угуй ингэхэд та нар шудрага ёс тогтоож ард тумэнээ сайхан амьдаруулж чадах юм уу гэхэд ийм нарийн ширийн юмийг бид яаж мэдэх бэ дээ гэж 2 намийн нэр дэвшигч нар ам уралдан хариулж гэнээ

2012-06-26 | 18:50:53 | 49.0.196.157 |

Зочин
АН ялж шудрага нийгэм тогтоно

2012-06-26 | 18:02:59 | 202.179.11.58 |

Зочин
хулхи ардчилал. хулхи хошгируулагч ардчилсан ард түмний төлөө нам.

2012-06-26 | 16:25:20 | 202.9.47.130 |

Зочин
энэ сэтгэгдэл бичсэн нөхдүүдийг эмээ өвөө нар байх гэж бодож байна. арай залуучууд биш биз дээ. Эсвэл намынхан нь өөрсдөө бичсэн байна. өмнөөс нь ичиж байна. Яагаад МАН-ынхан ийм арчаагүй байдаг байнаа

2012-06-26 | 15:12:22 | 202.131.232.34 |

Зочин
Миний Монголын ард түмний хийморь нь босоо, зовхи нь өөдөө байх болтугай. Бид дэлхийд хүчирхэг Монголын ард түмэн шүү. монгол ардын намаа сонгож байна.

2012-06-26 | 12:01:42 | 202.55.184.173 |

Зочин
Монгол улс архичдаар дүүрч Монгол улс ардчилалд бялхаж Монгол улс авилгалд автагдаж Монгол улс амьдралгүй болж Монгол улс хогоор дүүрч Монгол улс хомсдолд орж Монгол улс ядууралд захирагдаж Монгол улс уналтанд орж... Хөгжиж байгаа нь хаана байна? Хөгийн алтаа алдаж байхад Дэвжиж байгаа нь хаана байна? Дэндүү ахархан бодолтой байхад Улс төр л гэж ярьцгаагаад Ухаанаа биш амаа л хөдөлгөх юм Уул уурхай гэж дэмий хуцацгаагаад Уруудуулж байна Монгол улсыг маань Барилга байшин нь хэврэг болоод Багахан чичрэлтэнд нурж уналаа!!! Хүн ард нь халамж аваад Хөдөлмөр хийхээс залхуурч орхилоо!!! Сонгууль гээл ярих л юм Сонин юм юу байгаан тэнд... Төрийн толгойд гарсан хүн Төөрсөн ишиг шиг майлаад байхад Засгийн газрын хэдэн новшнууд Залилан хийхээс өөр юм хийхгүй байхад Монгол улсыг удирдагч 76 Шударгаар үнэнийг өгүүлэхгүй байхад Хөөрхийлөлтөй хэдэн гар хөл нь Хөрөнгө мөнгөөр удирдаж байхад Хууль ёсоо уландаа гишгээд Хуурамч журам баталж байхад Өөрсдийн эрх ашгаа түрүүнд тавиад Өрх айлыг хохироож байхад Өнгө мөнгө тархийг нь эзэмдээд Өрөвч сэтгэлтэн байхаа больж Туслья гэсэн бодолтой хүн Тун цөөхөн болчихсон байна Хөгжүүлье гэсэн сэтгэлтэй хүн Хөөрхөн нялх үрс минь л байг !!! Хүний төлөө гэсэн бодолтой хүн ХЭН Ч БИШ ЗӨВХӨН ЧИ Л БАЙ !!! монгол ардын намыг дэмжиж байна!!!!!!!

2012-06-26 | 12:01:02 | 202.55.184.173 |

Зочин
МАН, АН - ын ЛУЙВАРЧИД, АЛУУРЧИД, ЦУС СОРОГЧИД, ХУЖААГИЙН ЭРЛИЙЗУУДЭЭР ДУУРСЭН ХОГИЙН САВНУУДЫГ ЭНЭ СОНГУУЛИАР БӨМБӨГДӨЖ НЭГ МӨСӨН ГАЗРЫН ХӨРСНӨӨС АРЧИЖ ХАЯЦГААЯ????? МОНГОЛ ХУН МОНГОЛ НУТАГТАА САЙХАН АМЬДРАХ ЦАГ НЬ ИРСЭН?????? МАХН - МҮАН - ын ШУДАРГА ЁС ЭВСЭЛ ЭНЭ СОНГУУЛЬД ЯЛАХ НЬ ТОДОРХОЙ БАЙНА ?????????

2012-06-26 | 11:42:44 | 124.158.73.17 |

Зочин
50+1 gj neg yum baisan shuu dee ta buhen ene talaar joohon sudlaad uzeerei ardchilsan nam 1996 ond 50 suudaltai +1 n baihgu ibaisan uchraas yuch hiij chadahgui 3,4 sar MANiinhniig huleej ter hemjeegeerei uls ornii hogjil doroitson MAH uneheer Mongoloo bodoj baisan bol uls toriin sonirholoosoo bolj 3,4 sar ajil hayj olon zuiliig doroituulahgui l baisan baihdaa eniig ta buhen neg bodood uzeerei

2012-06-26 | 11:23:48 | 124.158.124.156 |

Зочин
АН гэдэг улстөрийн хүчнийг дийлэнх олонхийн санал авчих вий гэхээс өмдөндөө шээс алдах нь холгүй сандарч, үймж байгаа нь илт.

2012-06-26 | 11:20:33 | 124.158.124.156 |

Зочин
АН гэдэг улстөрийн хүчнийг дийлэнх олонхийн санал авчих вий гэхээс өмдөндөө шээс алдах нь холгүй сандарч, үймж байгаа нь илт.

2012-06-26 | 11:20:32 | 124.158.124.156 |

Зочин
Үнэн юм үнээрээ сайхаан гэж МАН-хны буруу шдээ битгий луйвар хий гээд гуйгаад байхад зүгээрээ гээл хийгээд байсын золигнууд чинь за одо яаая гэхэв ээж нь зөндөө хэлсэн ингээд илт болчихоор чинь ээж нь ичээд байна шдээ миний МАН-н хүүхдүүд одо бүгдээрээ баяжцан юм чинь зүгээр л гэртээ сууж байя тэгхүү АН юу хийхийг нь хараал байж байяа уул нь би лав ингэж хүмүүжүүлээгүй дэээ чойбалсан аав нь л ингэж зааж өгсөн гэнэ лээ

2012-06-26 | 11:19:24 | 124.158.124.156 |

Зочин
ARdchilsan namiig demjij baigaa. MAN tor bariad baigaliin baylag mine bidnii grt irsen yum u ? MAHiinhnii gart ochsaon gedgiig sanaarai. Ongorsond hiigeegui humuus ireedui ch hiihgui gedgiig sanaarai. TSAAS CHICHEES NAAH TSOORDOGGUI HUN HELHEES NAASH OILGODOGGUI MAH-iinhan baigaliiin baylag bidniih tednii noyrholiig duusgah humuus baigaa gedgiig oilguulah tsag n bolson. AHiig demjij bna

2012-06-26 | 11:18:56 | 124.158.124.156 |

Зочин
Сант марал” сангаас долоо хоногийн дараа болох УИХ-ын 2012 оны сонгуулийн өмнө хийсэн судалгааг саяхан гаргажээ. Энэ судалгааны дүн нэлээд сонирхол татав. МАХН нэрээ сольж МАН болж, экс Ерөнхийлөгч хуучин намын бууриа сахиж үлдсэн нь 90 жилийн түүхтэй энэ намын саналыг хоёр хуваахад хүргэсэн бололтой. Тодруулбал, судалгаанд оролцогчдын 42,4 хувь нь энэ удаагийн сонгуулиар АН-ыг дэмжинэ гэсэн бол МАН-ыг 27,9 хувь нь сонгоно гэдгээ илэрхийлжээ. МАН-д нэлээд аюул тарьж мэдэх Н.Энхбаярын намыг сонгогчдын 23,9 хувь нь дэмжинэ гэсэн байна. Энэ прогнозоор МАН-д найдвар тун бага бөгөөд Н.Энхбаярын “Шударга ёс” эвсэл эдний саналыг хуваалцах нь гэж төсөөлөгдөж байна.

2012-06-26 | 11:18:27 | 124.158.124.156 |

Мэдээ
Гадаад мэдээ
Видео