3-ыг МАХН-МҮАН эвсэл авсан, нэлээд үнэнд ойр мэдээ байна. Намын нэрээр АН тэргүүлж байгаа нь тодорхой болсон. Дор хаяж 13, дээд тал нь 16 суудал намын нэрээр авахаар байна. Үүнээс үзэхэд АН ялах нь тодорхой боловч дангаараа Засаг бүрдүүлж чадах эсэх нь эргэлзээтэй харагдаж байна. АН 36-39 суудлаар ялах бололтой.

Дэлгэрэнгүй дээр дарж шөнийн турш ирж байсан шинэ мэдээлэс сонирхоно уу.

Даяар Монгол онлайн.

Монголчууд сонгуулийн холимог системээр саналаа өгч, УИХ-ын сонгуулийн 26 тойрогт 48 нэр дэвшигчийг сонгон, улс төрийн 11 нам, хоёр эвслээс дэмжсэнийгээ гаргаж ирлээ. Нийслэлийн зургаан тойрогт сонгогчдын ирц 63,24 хувьтай, хөдөө орон нутагт 66,8 хувь буюу улсын хэмжээнд сонгогчдын 65,24 хувь нь сонгуульд оролцсон байна.

Энэ удаагийн сонгуульд урьдчилсан дүнгээр МАН, АН хоёр өөр өөрсдийн нэр дэвшигчдээ өрсөлдөн цоллож эхэлсэн ч нийслэлд АН давамгайлсан нь тодорхой болов. Тухайлбал, Баянгол дүүрэгт С.Эрдэнэ, С.Одонтуяа, Баянзүрх дүүрэгт Ж.Батзандан, Г.Ганхуяг, Сонгинохайрханд Л.Эрдэнэчимэг, Л.Эрхэмбаяр, Сүхбаатар дүүрэгт Лу.Гантөмөр, Р.Амаржаргал, Хан-Уулд Лу.Болд, Ц.Оюунгэрэл, Чингэлтэй дүүрэгт Г.Баярсайхан ялалт байгуулсан байна. Харин МАН-ын нэр дэвшигчдээс Баянзүрхэд Б.Батзориг , Чингэлтэйд Д.Зоригт, Сонгинохайрханд Д.Сумъяабазар гурав айрагджээ. Харин МАХН, МҮАН-ын “Шударга ёс” эвслээс нэр дэвшсэн МАХН-ын дэд дарга Д.Тэрбишдагва Сонгинохайрхан дүүрэгт тасархай өнгөлж, Чингэлтэйд Г.Уянга дээсэн дөрөөн дээр байна.

Aймгуудаас Арханхангайд Н.Батбаяр (АН), Баян-Өлгийд Х.Жекей, А.Телейхан хоёулаа МАН, Баянхонгорт Х.Баттулга, Д.Ганбат мөн АН-ынх, Булганд БСШУ-ны сайд Ё.Отгонбаяр, Говь-Алтайд ЗТБХБ-ын сайд Ц.Дашдорж, Дорноговь, Говьсүмбэр аймагт эрхэм гишүүн Я.Батсуурь, Дорнодод МАК-ын Н.Нямтайширын Номтойбаяр, “Дорнод гурил”-ын захирал, бие даагч Х.Болорчулуун, Дундговьд “Мон-Уран”-ы Б.Наранхүү, Дархан-Уулд үйлдвэрчний С.Ганбаатар, эрхэм гишүүн Ж.Сүхбаатар нар сонгогчдын олонхийн санал авчээ. Мөн Завханд Засаг дарга Я.Санжмятав, НАМЭХ-ны тэргүүн Д.Оюунхорол, Өвөрхангайд МАН-аасС.Чинзориг, Н.Төмөрхүү гэсэн бол АН-аас УИХ-ын дэд дарга Г.Батхүү хэмээн зарлалаа. Өмнөговьд “Ажнай”-н Д.Бат-Эрдэнэ, Сүхбаатарт “Бодь”-ийн Н.Зоригт, Сэлэнгэд Сангийн сайд асан С.Баярцогт, Засаг дарга Ж.Эрдэнэбат, Төв аймагт шадар сайд М.Энхболд, эрхэм гишүүн Су.Батболд, Увсад эрхэм гишүүн Ч.Хүрэлбаатар, Б.Чойжилсүрэн, Ховдод УИХ-ын гишүүн С.Бямбацогт, бие даагч Ш.Адьшаа, Хэнтийд аварга Б.Бат-Эрдэнэ, эрхэм гишүүн Н.Ганбямба, Хөвсгөлд MCS-ийн Л.Энх-Амгалан, бие даагч Ц.Даваасүрэн, Орхон аймагт Отгонбилэгийн Содбилэг, эрхэм гишүүн Д.Дамба-Очир нар магнайлжээ.

УИХ-ын сонгуульд бие дааж нэр дэвшсэн 31 эрхмээс Ховдод Ш.Адьшаа, Хөвсгөлд Ц.Даваасүрэн нар тодорсон нь МАН-аас шоовдорлогдсон хоёр юм. Тэдний зэрэгцээ Дархан-Уулд С.Ганбаатар, Дорнодод Х.Болорчулуун нэмэгдэн, бие даагчаас дөрөв нь эрхэм гишүүний сэнтийд хүрэх зам засав. Сонгуулийн сурталчилгааны үеэр МАНАН-г арилгана гэсэн PR багагүй байсан ч АН, МАН хоёр ана мана үзэлцлээ.

Харин намуудын саналын дүнгээр нийслэлд АН давамгайлж, хөдөө орон нутагт МАН 22 мандатын эзэн болжээ. Гадаадад байгаа санал өгсөн 2770 иргэн зөвхөн УИХ-ын сонгуульд оролцсон улс төрийн намуудаас дэмжсэнээ сонгосон байна. Тэд ИЗНН, МСДН, Эх орон болон Эх орончдын нэгдсэн нам, Хөгжлийн хөтөлбөр нам зэргийг сонгосон нь үзэл бодлоо чөлөөтэй уралдуулсныг илтгэнэ.

Гадаад дахь монголчуудын саналыг тоолж дуусав. Даяар Монгол онлайн, "Бид сонгох эрхтэй" төвтэй хамтран явуулсан "Гарцан дахь асуулга - Exit Poll" - ийн дүн үнэхээр сайн тандаж чадсан нь тодорхой боллоо.

Нийт 2770 иргэн санал өгснөөс тооллогын дүнгээр

АН-1242 буюу 45.37 хувь,

МАН-670 буюу 24.47хувь,

ИЗН-336 буюу 12,7 хувь,

МАХН-МҮАН-265,

Монголын ногоон нам-51,

Гуравдагч хүчин эвсэл-49,

Иргэний хөдөлгөөний нам 40,

МУНН-16 гэх мэтээр санал авсан байна.

Автомат машин, гар аргаар тоолсон хяналтын саналын хуудасны дүн Сүхбаатар дүүргийн нэг хэсгийн хороон дээр 800 саналаар зөржээ. Нөхцөл байдал ийм болсон тул УИХ-ын сонгуулдьд өрсөлдсөн нам, эвслүүдийн төлөөлөл СЕХ-той зөвлөлдөхөөр болсон байна.

Одоо буюу шөнийн 01.35 цагийн байдлаар АН-аас Ч.Сайханбилэг, МАН-аас Сү.Батболд, МАХН-МҮАН-ын Шударга ёс эвслээс Ч.Улаан нар СЕХ дээр ирээд байгаа юм байна. Бусад нам, эвслийн төлөөлөл удахгүй ирэх гэж буй аж.

УИХ дахь Ардчилсан намын бүлгийн дарга Ч.Сайханбилэг сая мэдээлэл хийлээ. Тэрбээр “Хяналтын тооллогыг санал хураалтын урьдчилсан дүн гараад, бүх мэдээг танилцуулсаны дараа хийх ёстой. Хяналтын тооллого хийнэ гэх нэрийн дор хэвийн явагдаж байгаа сонгуулийн бүх үйл ажиллагааг зогсоож буй нь хууль бус үйлдэл юм. Бид СЕХ-ноос ийм чиглэл өгөөгүй гэдгээ мэдэгдсэн. Тиймээс хэсгийн хороодод санал тоолох үйл ажиллагааг зогсоож байгаа энэ үйлдлээ зогсоо гэдгийг сануулмаар байна. Яг энэ шалтгаанаар Дорноговь аймагт АН-аас нэр дэвшиж байгаа Я.Батсуурь гишүүний санал тоолох явц хоёр суманд бүрэн зогсоод байна. МАН-аас санал тоолох автомат машинд итгэхгүй, бүх саналыг дахин гараар тоолно гэдэг санал тавьж байгаа нь тун хариуцлагагүй үйлдэл юм. Одоо бидэнд урьдчилсан дүн хэрэгтэй байна.

Дараагийн чухал асуудал бол намуудын рейтингийн асуудал юм. Намын жагсаалтаар АН-аас хамгийн олон нэр дэвшигч орно гэдэг нь тодорхой болсон. Бид бүхэн дараагийн мэдээллийг цаг орчмын дараа хийх болно” гэв.

Сонгуулийн дүнг зөвшөөрөхгүй байх уур амьсгал бүрдэж эхлэв

Санал тооллоготой холбоотой гомдол СЕХ-нд ирсээр байгаа бөгөөд МАХН-аас нэр дэвшигч Ч.Улаан, Т.Батцэрэг нар Шударга ёс эвслийг төлөөлөн бүх хэсгийн хороонд хяналтын тооллогыг гараар хийж, саналын хайрцгуудыг битүүмжлэхийг шаардаж СЕХ-нд ханджээ.

Гурван мандаттай Сонгинохайрхан дүүргийн 40, 41 –р хэсгийн хороонд мөн зөрчил гарсан бөгөөд МАН-аас нэр дэвшигч Д.Сумъяабазар автомат тооллогоор 4 саналаар дутуу явсан ч гар аргаар хийсэн хяналтын тооллогын явцаар 120 хүний саналаар өрсөлдөгчөө илүү гарч санал тоолох явцад зөрчил гарсан нь илэрчээ. Нийт хэсгийн хороодын 5 хувьд хяналтын тооллого хийнэ гэсэн СЕХ-ноос гаргасан журмын дагуу хяналтын тооллогыг нэр даруй гар аргаар тоолж, олон нийтийн дунд бий болоод байгаа эргэлзээг тайлах нь зүйтэй гэж МАН, ИЗН, МАХН-МҮАН Шударга ёс эвсэл, ЭЧХ нам болон бусад нам эвслүүдээс шаардаж байна. Журмын дагуу 100 гаруй хэсгийн хорооны саналын дүнд хяналтын тооллого хийх ёстой бөгөөд хэрэв дээр дурьдсантай ижил төстэй зөрчил илэрвэл орон даяар сонгуулийн хуудсыг гар аргаар тоолох ёстой гэж улс төрийн нам, эвслүүд үзэж байгаа аж.

МАХН УБ-ын хэд хэдэн тойрогт гараар тоолох санал хүргүүллээ. Ер нь нэлээд хэдэн тойрогт урдуураа таслуулсан нэр дэвшигчид гараар тоолох шаардлага гаргах шинжтэй. СЕХ хэрхэн шийдэх нь сонирхолтой байна.

Нийслэлд АН ялах нь тодорхой болж байна. 30 суудлын 20-26-г баттайяа авсан аж. Үүл баатар Хотын дарга болж, дорвитойхон өөрчлөлт хийвэл сайн сан.

Хөдөө орон нутгийн мэдээ бага багаар зөрж ирсээр байна. Бие даагч Адишааг гарсан гэсэн мэдээ ирсэн байсан бол сүүлчийн мэдээгээр Бямбацогт, Батцогт гэсэн баз хүргэчүүл ялсан мэдээ бас байна.

Хоёр том нам аль аль нь эсрэг талынхаа луйврыг илчилснээ, булхай орж байгааг мэдээлсэн бол МАХН удахгүй аль алиных нь эсрэг мэдэгдэл хийхээр төв байрандаа цуглаад байна.

Хан-Уул Багахангай Багануур дүүрэгт луйвар орсон талаар мэдээлэл ирлээ. Автомат машины дүнг гараар тоолж үзэхэд хэсэг бүрт 1000 гаруй саналын зөрүүтэй тооллого илэрсэн байна. Баянзүрх дүүрэгт хэсгийн хороонд дарга нь санал тоолох машины чипийг авч зугтаж яваад цагдаад баригдсан мэдээлэл байна.

Чингэлтэйд МАХН-МҮАН-аас нэр дэвшигч Уянга-ын нэр АН-ын Г.Баярсайханыг давж эхэллээ. Энэ чигээрээ явбал Энхбаярын намаас нэгээс хоёр хүн (нөгөөх нь Тэрбишдагва) сонгогдож мэдэхээр байна.

Яг одоо гадаадаас сонгуулиа өгсөн иргэдийн саналыг тоолж байна

Энэ удаагийн сонгуульд нийт 31 бие даагч нэр дэвшин оролцсон билээ. Сонгуулийн урьдчилсан, албан бус дүнгээр Дорнод аймагт Х.Болорчулуун, Хөвсгөлөөс Ц.Даваасүрэн, Дархан-Уулд С.Ганбаатар, Ховдоос Ш.Адьшаа ялах магадлал өндөр байна.

МАН-аас хөдөө орон нутаг дахь 34 тойргоос 28-ыг нь авлаа хэмээн мэдэгдэв.

Ч.Сайханбилэг: "Улаанбаатар хотын УИХ-ын 14 мандатаас 11-ийг нь АН-ын нэр дэвшигчид аваад байна. Бид энэ удаа нийлэл хотод үнэмлэхүй ялалт байгуулж байна гэж хэлэхэд таатай байна. харин НИТХ-ын 30 тойргоос АН 24-26 нь авч АН ялж байна" гэж мэдэгдлээ.

Харин Баянзүрх дүүргийн гурван мандаттай тойрогт нэр АН-ын хоёр нэр дэвшигч ялах нь тодорхой болоод байгаа аж. Гэсэн ч саналын дүнгээр гуравт бичигдэх хүнийг тодруулах явцад хэсгийн хорооны ажилчид ажиглагчдыг хөөж, хаалгаа цоожилж байгаа гэв. Тиймээс энэ үйлдлийг нь анхааралдаа авахыг СЕХ-ноос АН-ын зүгээс хүслээ. Баянзүрх дүүрэгт АН-аас нэр дэвшигч И.Нарантуяа гуравт бичигдэх магадлалтай байгаа гэдгийг мөн хэлсэн юм.

Ардчилсан нам нийслэлийн дүүргүүдэд ялалт байгуулсаар байна.

Сүхбаатар дүүрэгт Р.Амаржаргал, Л.Гантөмөр нар илт давуу ялалт байгуулаад байгаа бол Хан‑Уул дүүрэгт Л.Болд, Ц.Оюунгэрэл нар мөн ялжээ.

Харин Сонгинохайрхан дүүрэгт н.Эрдэнэчимэг, Л.Эрхэмбаяр, Баянзүрх дүүрэгт Д.Ганхуяг, Ж.Батзандан нар ялаад байна. Урьдчилсан байдлаар нийслэлийн 14 мандатын 11-ыг нь Ардчилсан нам аваад байгаа аж.

Мөн НИТХ‑д Баянгол дүүрэгт Ардчилсан намаас нэр дэвшсэн дөрөв дөрвүүлээ ялалт байгуулсан байна. Нийслэлийн ИТХ 45 суудалтай. Одоогийн байдлаар тойрогт өрсөлдсөн 30 мандатын 26-д нь АН аваад байна.

МАН хөдөө орон нутагт 26 суудал аваад байна гэлээ.

МАН-ын хэвлэл мэдээллийн албанаас мэдээлж байгаагаар тус намаас нэр дэвшигчид орон нутагт 26 суудал аваад байгааг мэдээллээ. Тодруулбал, Увс аймагт Ч.Хүрэлбаатар, Б.Чойжилсүрэн, Ховд аймагт С.Бямбацогт, Хэнтийд Б.Бат-Эрдэнэ, Дархан-Уул Д.Хаянхярваа, Орхонд Д.Дамба-Очир, О.Содбилэг, Архангай Ж.Мөнхбат, Ё.Баатарбилэг, Баян-Өлгий Х.Жекей, А.Телейхан, Баянхонгор Г.Занданшатар, Булган Ё.Отгонбаяр, Говь-Алтай Ц.Дашдорж, Дорноговь Ж.Батсуурь, Дорнод Н.Номтойбаяр, Дундговь Л.Амарсанаа, Завханд Д.Оюунхорол, Өвөрхангайд Чинзориг, Төмөрхүү, Хөвсгөл Л.Энх-Амгалан, Төв аймагт М.Энхболд, Н.Энхболд нар ялалт байгуулаад байна.

Улаанбаатарт АН, хөдөөд МАН ялах нь бараг тодорхой болж байна. Хоёр намын найдвартай авчихсан хэмээн зарлаж буй суудлын тоо яг адил 17, 17 байна. Намын нэрээр харин АН арай илүү гарах бололтой. Нийслэлийн хүн амын тоог ч бодсон тэр. АН бага хувиар ялах боловч дангаараа Засгийн газар эмхэлж чадахгүй дүр зураг харагдаж байна.

УИХ-ын 2012 оны сонгуулийн урьдчилсан мэдээгээр, МАН-аас Дархан-Уул аймагт нэр дэвшигч Ж.Сүхбаатар, Д.Хаянхярваа, Архангай аймагт МАН-аас нэр дэвшигч Ж.Мөнхбат, Ё.Баатарбилэг, Дундговь аймагт МАН-аас нэр дэвшигч Д.Амарсанаа, Дорноговь аймагт МАН-аас нэр дэвшигч Ж.Батсуурь, Завханд МАН-аас нэр дэвшигч Д.Оюунхорол, Ховдод МАН-аас нэр дэвшигч С.Бямбацогт, Хөвсгөлд МАН-аас нэр дэвшигч Л.Энх-Амгалан, Д.Мөнхбаатар, Булганд МАН-аас нэр дэвшигч Ё.Отгонбаяр нар жагсаалтыг тэргүүлж байна. Мөн Увс аймагт МАН-аас нэр дэвшигч Ч.Хүрэлбаатар, Ж.Чойжилсүрэн, Сэлэнгэд АН-аас нэр дэвшигч С.Баярцогт, МАН-аас нэр дэвшигч Ж.Эрдэнэбат өнгөлж байна. Харин нийслэлд АН-ынхан Сүхбаатар, Сонгинохайрхан, Баянзүрх, Баянгол дүүрэгт ялах нь тодорхой болжээ.

Бие даагч нараас Дарханд С. Ганбаатар, Ховдод Адишаа нар, бусад бүх суудлыг АН, МАН авах хандлагатай байна. Улаанбаатарт ганцхан Чингэлтэй дүүрэгт МАН-ын Д. Зоригт ялж байгаа бол бусад бүх суудлыг АН авч байга бололтой. Харин хөдөө орон нутагт МАН илүү олон суудал авч байна.

Сэлэнгэ аймагт АН-аас нэр дэвшигч С.Баярцогт тэргүүлж эхэлжээ. Харин түүний араас Цогт-Очир, Эрдэнэбат нар өгөө аваатай явж байгаа аж.

УИХ-ын сонгуулийн 15-р тойрог буюу Увс аймагт МАН-аас нэр дэвшигч Б.Чойжилсүрэн, Ч.Хүрэлбаатар нар илт давуу яллаа гэсэн мэдээ ирж байна.

АН, МАН хоёр энд тэнд түрүүлж байгаа мэдээгээ ирүүлсээр байгаа бол анх удаа сенсаац гэмээр мэдээ орж ирлээ. ховдод бие даагч Адишааодоогоор өнгөлж байгаа мэдээ ирэв.

Өвөрхангай аймагт санал тооллого явагдаж байна. Уг тойрогт Ардын намаас нэр дэвшигч Д.Чинзориг нэгээр гарч ирж байгаа гэсэн мэдээлэл байна. Хоёрдугаарт Ардчилсан намаас нэр дэвшигч Г.Батхүү явж байгаа аж.

Чингэлтэй дүүрэгт Ардчилсан намаас нэр дэвшигч Г.Баярсайхан ялалт байгуулах нь бараг тодорхой болоод байгаа бол түүний араас Ардын намын нэр дэвшигч Д.Зоригт явж байгаа гэх мэдээлэл байна.

Өмнөговь, Сүхбаатар аймагт байдал нэгэнт тодрохой болж байгаа бөгөөд Д.Бат-Эрдэнэ, М.Зоригт нар гарсан бололтой.Харин Орхон аймагт Ардын намын нэр дэвшигч О.Содбилэг нэгээр явж байгаа гэсэн мэдээлэл байна. Говь-Алтай аймгийн тухайд Ардын намын нэр дэвшигч Ц.Дашдорж 60 гаруй хувийн санал авч ялах нь бараг тодорхой болсон байна.

Төв аймгийн Зуунмод, бусад 20 сумаас авсан урьдчилсан мэдээгээр, УИХ-ын 2012 оны сонгуульд МАН-аас нэр дэвшигч С.Батболд, М.Энхболд нар ялалт байгуулжээ. Харин АН-аас нэр дэвшигчид тус аймгийн Архуст суманд олонхийн саналыг авсан аж.

Баянзүрх дүүрэг АН-аас нэр дэвшигч Ж.Батзандан албан ёсны бус мэдээллээр тойрогтоо тэргүүлж эхэлсэн гэнэ.

Одоогийн байдлаар Нийслэлийн Сүхбаатар, Баянгол, Хан-Уул дүүрэгт Ардчилсан намын нэр дэвшигчид ялалт байгуулж байна гэсэн мэдээлэл Ардчилсан намаас өгч байна. Харин гурван мандаттай Баянзүрх, Сонгинохайрхан дүүрэгт Ардчилсан намын хоёр, МАН-ын нэг нэр дэвшигч ялж яваа гэсэн мэдээлэл байна. Сэлэнгэ аймагт С.Баярцогт нэгээр гарч, Ж.Эрдэнэбат хоёроор, намын жагсаалтыг Ардчилсан нам тэргүүлж, МАХН хоёрт жагссан гэнэ. Төв аймгийн Архуст суманд Ардчилсан намын нэр дэвшигчид эхний нэг, хоёроор гарч, М.Энхболд, Су.Батболд нар гурав, дөрвөөр жагсчээ. Одоогоор Хэнтий аймагт Ардчилсан намаас нэр дэвшсэн Д.Гарамгайбаатар, М.Хүдэрбаатар нар аймгийн эхний зургаан суманд нэг, хоёроор гарсан бол Өмнөговь аймагт АН-аас нэр дэвшсэн Д.Бат-Эрдэнэ аймагтаа нэгээр гарсан тухай мөн Ардчилсан намаас мэдээллээ.

Төв, Булганд МАН-ын нэр дэвшигчид ялалт байгуулжээ

Албан бус эх сурвалжийн мэдээлж байгаагаар Төв, Булган аймагт МАН-аас нэр дэвшигчид ялж байна. Мөн Орхон аймагт МАН-ын О.Содбилэг ялж байгаа мэдээ байна.

Харин Ардчилсан намаас гаргаж байгаа мэдээллээр нийслэлийн Сүхбаатар, Баянзүрх, Хан-Уул дүүрэгт болон Өвөрхангай, Хэнтий, Баянхонгор, Дундговь аймгуудад тус намаас нэр дэвшсэн улстөрчид ялж байгаа тухай цацагдаж байна.

Д.Бат-Эрдэнэ ялалт байгуулах нь тодорхой боллоо

Өмнөговь аймагт санал тооллого бараг дуусч байгаа гэсэн мэдээлэл ирлээ. Уг тойрогт найман хүн өрсөлдөж байгаа бөгөөд Ардчилсан намаас нэр дэвшигч Д.Бат-Эрдэнэ үнэмлэхүй ялалт байгуулж байгаа аж. Нэр дэвшигч Д.Бат-Эрдэнэ 60гаруй хувийн санал авч бусад нэр дэвшигчдээ хол тасархай орхисон гэсэн мэдээлэл ирлээ. Харин тус аймагт Ардчилсан нам 50 орчим хувийн санал авсан гэх мэдээлэл байна.

Сүхбаатар, Баянзүрх, Хан-Уул дүүргийг Ардчилсан нам авлаа

УИХ, НИТХ-ын сонгуулийн дүн гарч эхэллээ. Одоогийн байдлаар Нийслэлийн Сүхбаатар, Баянзүрх, Хан-Уул дүүрэгт Ардчилсан намын хоёр нэр дэвшигч Лу.Гантөмөр, Р.Амаржаргал нар, Баянгол, Баянзүрх дүүрэгт мөн Ардчилсан намын нэр дэвшигчид илт давуугаар ялалт байгуулж явна. Харин Баян зүрх, Сонгинохайрхан дүүрэгт Ардчилсан намын хоёр, МАН-ын нэг нэр дэвшигч ялж яваа аж. Сэлэнгэ аймагт С.Баярцогт, Д.Цогт очир нар эхний нэг, хоёроор гарч байна.

Харин Сэлэнгэ аймагт С.Баярцогт нэгээр гарч, Ж.Эрдэнэбат хоёроор, намын жагсаалтын Ардчилсан нам тэргүүлж, МАХН хоёрт жагсчээ. Сүүлийн таван сонгуульд Ардчилсан нам ялалт байгуулж байгаагүй үзээгүй хамгийн “улаан” гэгддэг Төв аймгийн Архуст суманд Ардчилсан намын нэр дэвшигчид эхний нэг, хоёроор гарч, М.Энхболд, Су.Батболд нар гурав, дөрвөөр жагсчээ. Одоогоор Хэнтийн аймгийн эхний зургаан суманд Ардчилсан намаас нэр дэвшсэн Д.Гарамгайбаатар, н.Хүдэрбаатар нар нэг, хоероор гараад байна.Бусад тойргууд дээр хэсгийн хороодын пүн эцэслэн гараагүй байна.

http://dayarmongol.com/index.php?option=com_content&view=article&id=7411:2012-06-28-13-59-22&catid=26&Itemid=300053