Хайр дурлалын хувьд бүх зүйл танаас, таны амьдралын үзэл, эргэн тойрны хүмүүсээс шалтгаална. Гэр бүлтэй үхрийнхэн дотны хүмүүстээ тэвчээртэй хандаж, санаандаа орсон бүхнийг хэлэхгүйг хичээгээрэй. Таны хэлэх үг, хийх алхам хайртай хүнийг тань шархлуулах вий хэмээн сайтар бод. Өөрийгөө хянаснаар та гэр бүлийн олон зөрчил маргаанаас зайлсхийж чадна. Нэг, гурав, есдүгээр сар, 11 дүгээр сарын дундаас оны эцэс хүртэл сэтгэл хөдлөлөө сайн хяна. Харин та гал голомтоо бадраах талаар бодож байгаа бол жилийн сүүл хагаст бодит зүйл болж хэрэгжинэ. Аз жаргал тун ойрхон ирсэн байж магадгүй. Үүнийг зөвхөн харах л хэрэгтэй. Хэрвээ та гэрлэлтээ батлуулах зэрэг гэр бүлийн байдлаа өөрчлөхөөр төлөвлөсөн бол тааламжтай үеийг сонгосон нь дээр. Энэ жил, ялангуяа жилийн эхний хагаст гэр бүлээсээ гадуур явдалтай хүмүүсийг тааламжгүй сюрприз хүлээж байна. Бүх нууц холбоо тань ил гарч ирж болзошгүй. Тиймээс ханилсан ханиа хуурч явдаг хүмүүс гэр бүлээ эрсдэлд учруулах хэрэгтэй юу гэдгээ бодох хэрэгтэй. Бүх зүйл одоо таны гарт байгаа гэдгийг санаарай.

Мэлхий(6/22-7/22)

Бат бөх гэр бүл, ойр дотны хүмүүс, итгэл даах найз нөхдийн нөлөөгөөр та ажил төрөл болон бусад асуудлыг хойш тавих бололтой. Тэд таны амьдралд чухал байр суурь эзэлдэг аж. Ихэнх мэлхий амьдралын утга учрыг тавлаг орон гэр, хайртай хань, үр хүүхдээсээ олж харна. Хэрэв та ийм үнэт эрдэнэсээ олж амжаагүй бол сэтгэлээр бүү уна. Та 2012 онд хайртайгаа учрах, гэр бүл зохиох, хүүхэд төрүүлэхийг хүсвэл зорилгодоо хүрч чадна. Хамгийн гол нь өөрийн хүчинд итгэ.Нэгдүгээр сарын дундаас хоёрдугаар сарын эхэн үед та шинэ шохоорхол, хайр дурлалд нээлттэй байна. Ганц бие мэлхий заяаны ханьтайгаа учирна. Наймдугаар сар, есдүгээр сарын эхэн, 11 дүгээр сарын сүүлийн хагас, 12 дугаар сард эерэг үйл явдал тохиох тул аз жаргалаа үргээчихгүйн тулд бүхий л хүчээ дайчил.

Арслан(7/23-8/22)

2012 онд олон зүйл таны хүсэл мөрөөдөл, төлөвлөгөө, амьдралыг үзэх үзэл бодлоос тань ихээхэн шалтгаална. Ихэнх арслан гэр бүлийн амгалан тайван амьдрал, төгс зохист харьцаанаас таашаал авах болно. Гэр бүлтэй арслангууд бүрэн дүүрэн аз жаргал эдлэх хамгийн гол зүйл бол тав тухтай гэр орон, төрөл садны сайхан харилцаа гэдгийг ухаарна. Иймээс тэд ирэх онд хувийн амьдралд ямарваа өөрчлөлт шинэчлэлийг хүсэхгүй. Түүнчлэн зарим нь ам бүл нэмэх магадлалтай.Хэрэв хувийн амьдралд ямар нэг хүндрэл бэрхшээл гарч ирвэл та тэвчээр гарган хүлээ. Санамсаргүй алдаа гаргасан, болгоомж сэрэмж алдсан эргэн тойрны хүмүүсийг хатуу шүүмжлэх хэрэггүй. Ганц бие амьдралдаа сэтгэл хангалуун явдаг арслангуудын хувьд байдал хэвээр байх бололтой. Гэхдээ 2012 он арслангуудын хувьд гэр бүл зохиох, ам бүлэх нэмэхэд тун тааламжтай жил. Арслангууд 2, 4, 5, 6, 8, 9 дүгээр сард хуримаа хийвэл илүү таатай.

Охин(8/23-9/22)

Амьдралаа эергээр өөрчлөхийг хүсдэг бүхий л охиныхны хувьд тун таатай он болж өнгөрөх төлөвтэй. Хэрвээ та баяр баясал, зовлон гунигаа хуваалцах хүнээ олж чадаагүй яваа бол нөхцөл байдлыг өөрчлөх бодит боломж гарч ирнэ. Зорилготой, шаргуу, тэвчээртэй байвал сонирхол татам олон танилтай болно. Энэ хүмүүсийн дунд таны хүлээж байсан цорын ганц, дахин давтагдашгүй нэгэн байж мэднэ. Гэхдээ та хувь заяатайгаа учрах ямар ч бэлтгэлгүй үедээ түүнийгээ олно. Тиймээс аливаад үргэлж бэлэн байх хэрэгтэй. Гурав, наймдугаар сарын хоёрдугаар хагас, 10, 12 дугаар сард онцгой анхаар. Энэ үеэр хайр дурлалд эерэг өөрчлөлт гарах өндөр магадлалтай. Түүнчлэн энэ үеэр хуримаа хийх, бал сарын аялалд гарах зэрэг чухал арга хэмжээг төлөвлөж болно. Хэрвээ та үр хүүхэдтэй болохыг хүсч байгаа бол энэ онд хамгийн тохиромжтой. Харин хүүхэд төрүүлэхгүйгээр бүл нэмье гэвэл гэрийн тэжээвэр амьтан худалдаж ав. Амьтад таны орон гэрийг баяр баяслаар дүүргэх болно.

Жинлүүр (9/23-10/22)

Энэ жил таны сэтгэл зүрхэнд голлох байр суурийг гэр бүл, хайртай хүмүүс эзлэх болно. Ямар ч хүндрэл бэрхшээл тохиолдсон тэд л таны найдвартай ар тал, түшиг тулгуур болох нь ойлгомжтой. Таны хайрт 2012 онд албан тушаал дэвшиж, улмаар сэтгэл санааны төдийгүй материаллаг тусламжийг танд үзүүлэх бололтой. Тэр таныг хайр энхрийлэл, халамжиндаа бөмбөрүүлнэ. Хэрэв та хайртайгаа учраагүй яваа бол энэ онд байдал өөрчлөгдөх магадлалтай. Санамсаргүй, гэнэтийн учрал бүхнийг шийднэ. Танилцах газар ч санаандгүй байх тул та бэлэн биш байна. Хувь заяаг тань шийдэх энэхүү уулзалтын төлөө та хөлсөө дуслуулах хэрэгтэй. Өөрөөр хэлбэл чөлөөт цагаа гэр орны ажил хийж, зурагтынхаа өмнө өнгөрөөх хэрэггүй. Олон нийтийн газраар явж, айл хөршийндөө зочил. Янз бүрийн хүлээн авалт, арга хэмжээнд оролцсоны дүнд та өөрт хэрэгтэй нэгнээ олно. Оны сүүлийн хагаст маш анхаарал сэрэмжтэй байгаарай. Есдүгээр сарын эхээр хувь заяа гэнэтийн, таатай бэлэг барина.

Хилэнц (10/23-11/21)

2012 онд та танилын хүрээгээ тэлж, сонирхолтой хүмүүстэй уулзаж, цорын ганц, дахин давтагдашгүй хүнээ олж чадна. Хэрвээ та амьдралаа хамтдаа туулах хүнтэйгээ учирч амжаагүй яваа бол, мөн гэрлэхээр шийдсэн бол есдүгээр сараас он дуустал таатай үе ирнэ. Энэ жил хуримаа хийвэл бат бөх гэр бүл болж чадна. Та ч гаргасан шийдвэртээ харамсахгүй.Мөн гэр бүлийн амьдралын туршлагатай хилэнцүүдэд ч таатай он болж өнгөрөх төлөвтэй. Эвтэй найртай гэр бүлүүдэд ямар ч таагүй зүйл тохиохгүй бөгөөд харилцаагаа улам бэхжүүлж чадна. Харин дотны хүнээ гомдоосон хилэнцүүд өмнө нь гаргасан алдаагаа засах магадлалтай. Мэдээж энэ нь гал голомтоо хадгалж үлдэх хүсэлтэй, хайр дурлалаа эрхэмлэдэг хилэнцүүдэд хамаатай. Энэ жил ихэнх хилэнц аав, ээж болохыг хүснэ. Тэр бүү хэл аль хэдийнэ аав, ээж болсон хилэнцүүд ч хүүхэдтэй болох асуудлыг дахин сөхөх бололтой. Ерөнхийдөө ирэх он таны хувьд гэр бүлийн жил гэж хэлж болно. Яагаад гэвэл гэр бүлтэй хилэнцүүд харьцаагаа улам бэхжүүлнэ. Ганц бие хилэнцүүдийн зарим нь амьдралын ханиа сонгох байх. Мөн нь нэг хэсэг нь ам бүл нэмэх магадлалтай.

Нум (11/22-12/21)

2012 он таны хувийн амьдралд эерэг өөрчлөлт авч ирнэ. Ихэнх нум хүмүүстэй харьцахдаа нээлттэй, нийтэч, сонирхолтой яриа өрнүүлдэг тул олон танилтай болж, санаа нэгтнүүдээ олоход хялбар байдаг. Энэ нь мөн хайртай хүнээ олоход танд тусалдаг. Ганц бие бөгөөд заяаны ханиа хайж байгаа нумынханд ийм боломж тохионо. Харин та хайртайгаа нэгэнт учирсан бол хуримаа хийх таатай өдрийг сонгох л үлджээ. Хоёрдугаар сарын сүүл болон гурав, есдүгээр сард, мөн оны сүүлээр амрагийн харилцаагаа хууль ёсны болгоход хамгийн тохиромжтой.
Гэр бүлтэй нумууд дөрөвдүгээр сараас наймдугаар сарын сүүл хүртэл сонор сэрэмжтэй байвал зохино. Энэ үеэр таны хамгаас илүү нууцалж явдаг зүйл илэрч болзошгүй. Иймээс хайртыгаа араар тавьдаг нумууд ухаан суух цаг болжээ.

Матар (12/22-1/19)

Ихэнх матрууд хувийн амьдралдаа өөрчлөлт хийх хүсэлгүй байна. Яагаад гэвэл тэд ажил төрлөө нэгдүгээрт тавьж, хайр дурлал, гэр бүлийн асуудалд анхаарал бага хандуулах төлөвтэй байна. Зарим матар одоогийн байгаа байдалд сэтгэл хангалуун байх бол зарим нь гэр бүлийн байдлаа өөрчилж чадахгүй явах аж. Гэхдээ тэд хүчин чармайлт гаргаж, аливаа зүйлийг өөрчлөхөөс залхуурч байна. Харин ганц бие амьдралаасаа үнэхээр залхаж байгаа бол шинэ он гармагц санаачилгыг гартаа авч, хувь тавиланг тань өөрчлөх нэгний эрэлд гараарай. Ийм арга хэмжээ авахаасаа өмнө амжилтын замаа зас. Хамгийн түрүүнд дотоод сэтгэлээ өөрчилж, гадаад төрх, хувцаслалтдаа анхаар. Ер нь гадна, дотно аль ч талаараа бүрэн хувьсахыг хичээгээрэй. Тэгвэл таныг шинэ хайр угтах болно. Хайр дурлалд эерэг өөрчлөлт хийхэд гурав, 10 дугаар сар, оны сүүлч таатай.

Загас
2012 он бат бөх харилцааг эрхэмлэдэг загаснуудын хувьд тайван, амгалан жил болно. Юуны өмнө та гэр бүлийнхэн, ойр дотныхныгоо илүү ойлгож, тэдэнтэйгээ улам ойр байх шаардлагатайг мэдэрнэ. Орон гэр бол таны эрх чөлөөтэй, тав тухтай байгаагаа мэдрэх газар. Харин та гэр бүлээ хайр халамжаар дутаахгүй байвал тэд ч таныг мөн адил халуун дулаан уур амьсгал дунд байлгана. Дөрөвдүгээр сарын хоёр дахь хагас, тавдугаар сар, бүтэн зуны турш ойр дотны хүмүүсээ гомдоох үйлдэл хийхээс татгалзах хэрэгтэй. Мөн энэ үеэр тэднийгээ хуурахгүйг хичээ. Өөрийгөө хамгаалж, худлаа ярьснаар тэдний сэтгэл зүрхийг шархлуулж болзошгүй. Иймээс биеэ барьж, төрөл төрөгсдөдөө муухай ааш бүү гарга. Харин ганц бие загаснуудын хувьд хайр дурлалын адал явдлаар дүүрэн он болж өнгөрнө. Азтай нэг нь хайртай хүнээ олж, хамтын амьдралаа зохиох төлөвтэй.
Ер нь нэгдүгээр сарын сүүлийн хагас, хоёрдугаар сар, наймдугаар сарын сүүлч, есдүгээр сар, 11 дүгээр сарын сүүлийн 10 хоног, 12 дугаар сар хайр дурлалын сайхан дурсамж үлдээнэ.

Ихэр

Энэ гарч буй онд таны хүсэх эсэхээс үл шалтгаалан шунан тэмүүлэх хүсэл амьдралд чинь ирнэ. Ойрын үед шинэ танилтай болох тул бэлтгэлтэй байгаарай. Ингэтлээ хүсэн тэмүүлэх шинэ харилцаа таны амьдралын хэв шинжид нөлөөлөхгүй. Хэрвээ ямар нэг гуниг зовлон байгаад түүнийгээ санаатайгаар нуух гэж оролдож байгаа бол эрүүл ухаанаар зөв шийдэлд хүрэхийг хичээх хэрэгтэй. Үүссэн нөхцөл байдалд шүүмжлэлтэй хандах, зөв шийдвэр гаргах чадвартай гэж өөртөө хэт найдах хэрэггүй. Тантай ойр дотно байдаг хүн өөрт чинь илүү ихээр итгэж, харилцаагаа бэхжүүлэх боломж олгон таатай уур амьсгал бүрдүүлэхийг хичээх болно. Шийдвэр нь эцсийн дүнд амжилт биш амьдралыг чинь төвөгтэй болгох хайр сэтгэлийн явдал өөрийг чинь залхааж ядраасан бололтой. Ихрийн ордныхныг 4-8 сарын хооронд сэтгэл алдрах олон зүйл хүлээж байна. Хэрвээ та хайртай хүнээ олсон бол таны амьдралыг шийдэх сүр дуулиантай хурим хийх, эсвэл хагацаж салах гэсэн хоёр хувилбартай үйл явдал болж болзошгүй байна.

Хонь
2012 онд хонины ордынхны хайр сэтгэл, хувийн амьдрал үйл явдлаар арвин яг л Америкийн уулс шиг байх нь. Одгаригийн нөлөөгөөр та ойр дотны хүмүүстэйгээ хэл үгээ ололцохгүй, тэдэнд нөлөөлж чадахгүй болно. Та өөрийн хандлага харьцаагаа зөөлрүүлэх нь хань ижлээ ойлгоход тань туслана. Хайр сэтгэлд дотоод дуу хоолойгоо сонсох нь чухал. Хэрвээ та ганц бие бол зөн совиндоо итгэн, этгээд ааш авираа дарж чадвал насны хайртайгаа учрах магадлалтай. Зурхайд чинь энэ оны сүүлийн хагаст од эрхэс таатайгаар нөлөөлөн та улам сэтгэл татам болно. Энэ он ухаарч сургамж авах, апиваа зүйл учраа олон өөрийн байраа эзлэх үйл явдал арвинтай байна, Иймд хонь таны гэр бүл таагүй уур амьсгалтай байгаа бол илүү тайван нөхцөл байдалд бүхнийг эргэцүүлж, харьцуулж ухаарах хэрэгтэйг зориуд сануулж байна. Та ингэж чадвал сэтгэл зүрхээ нээсэн сайхан харьцааг мэдрэх болно. 2012 оны намар эрч хүчтэй хөнгөн явдалтай орооцолдож болзошгүй. Ямар ч үр дүнд хүрч магадгүй. Өөртөө хань болох хүнийг сонгох боломж, салж хагацан гуниг цөхрөлд орох хоёрын аль нь ч таны гаргах шийдвэрээс шалтгаална.

Хумх
Энэ онд таны хайр сэтгэлийн харилцаа хэвийн, тогтвортой. Оддын нөлөөгөөр танд харагдах болсон нууцхан айдас, ойр дотны хүний чинь сэтгэлийг түгшээнэ. Оны эхэнд харилцаа гайхалтай сайхан байна. Та харилцаагаа улам бэхжүүлэх шинэ эх сурвалж олж, энэ нь та хоёрын өдөр тутмын амьдралд таатай сайхан уур амьсгал авч ирнэ. Хэрвээ та ганц бие бол өөрийгөө таньж мэдэх, чухам юу хүсээд байгаагаа эргэцүүлж бодох сайхан боломж гарч ирж байна. Уулзалт болзоо, шинэ танил гээд “анхны харцаар дурлана” гэдэг үлгэр биш болохыг мэдэрнэ.