гэсэн сургаар тус дүүргийнхэн төдийгүй нийслэлийн олон мянган иргэн уг дархан цаазат бүс рүү уулгалан “дайрцгаасан”. Хөлтэй нь хөлхөж, хөлгүй нь мөлхөж ирсэн тэдгээр иргэдийн хийсэн энэ үйлдлийн гол шалтгаан нь өнөөх л сонгуулийн популист амлалттай холбоотой. УИХ-ын болон НИТХ-ын сонгуульд Ардчилсан намаас нэр дэвшигч Л.Болд, Ц.Оюунгэрэл нар Хан-Уул дүүргийнхнийг өөрийн гэсэн газартай болгоно гэж амласан. Бүр сонгуулийн маргаашнаас л та бүхэн газар гэдэг өмчтэй болно хэмээсэн гэнэ. Гэтэл өнгөрсөн бямба гаригийн оройноос л “Яармаг дахь Хан-Уул дүүргийн Нэгдсэн эмнэлгийн зүүн талд газрыг чинь олгох гэж байна” гэсэн зар тарсан байна. Бусдаас түрүүлж тэгш газартай болох гэсэн иргэд тэр даруйдаа орон гэрээ ачаад Нүхт, Арцат, Энхтайвны ам руу ирж, эзэнтэй гэсэн тэмдгийг шон, чулуу, дугуй, утас гээд өөрт байгаа бүхнээрээ шав тавьж, гадас хатгаж орхисон байна. Юу юугүй нүүгээд ирсэн бөөн иргэдэд Богд хан дархан цаазат уулын хамгаалалтын захиргаа, Хан-Уул дүүргийн Газрын алба, Засаг даргын Тамгын газрынхан “Энд газар өгөх боломжгүй, буцаад нүү” гэдгийг тайлбарлаж, ухуулж, шаардаж, гуйж үзээд тусыг эс олсон тул аргагүйн эрхэнд Дотоодын цэргийн хүчийг дайчилсан сурагтай. Уржигдар шөнөөс тус дархан цаазат газраас иргэдийг гаргах ажиллагаа эхэлж, өчигдөр үдээс хойш сүүлийн хүмүүс нь гэр, бараагаа ачаад буцаж байлаа. Биднийг энэ талаар сурвалжлахаар очиход өмнөх өдөр нь сумын наадам болж байна уу гэлтэй цугласан “газар горилогчид”-ын сүүлийн айл нь гарч явсан юм. УИХ-ын болон НИТХ-ын сонгуульд манай тойргоос нэр дэвшсэн Л.Болд, Ц.Оюунгэрэл, Б.Түвшин нар сурталчилгааныхаа үеэр бидэнд энэ газрыг олгоно гэж амласан. “Баячууд болохоор дархан цаазат газарт амьдарч болоод байхад өмчлөх ёстой газраа ч авч чадаагүй байгаа та нарт Богд уулын энэ хоёр амыг дархан цаазгүй болгоод өмчлүүлнэ” гэсэн. Тийм учраас бид тэднийг сонгосон хэмээн санаа алдаж байв. Өдөр ирэх тусам механикаар өсч үржиж буй хүн амаа багтаахаа больсон нийслэл хотод газар гэдэг амин зуулга л гэсэн үг. Өмчтэй болох гэсэн эдгээр иргэдийн буруу биш. Харин ухвар мөчид, улстөрчдийн худал амлалт тэднийг ийм үйлдэл хийлгэн нэг үгээр иргэдээр даажигнаж байна. Биднийг очиход Хан-Уул дүүргийн Тохижилт үйлчилгээний хэлтэс 30 орчим хүний бүрэлдэхүүнтэй хоёр хэсэг баг гарган худал амлалтаас болж цуглаж бужигнасан иргэдийн хаясан хогийг цэвэрлэн, шатааж байсан юм. “Уржигдрын үйл явдлаас болж энэ газарт их хэмжээний хог гарсан. Хурдан цэвэрлэж ачихгүй бол хур хогийн цэг үүсчихнэ” хэмээж байлаа. Мөн Богдхан уулын хамгаалалтын захиргаанаас Арцат, Энхтайван, Нүхтийн амны байгаль хамгаалагчид иргэдийн хатгасан шон, татсан олс, овоолсон дугуйг нь хурааж байв. Тэдгээр ам руу ордог замыг цагдаа нар хаасан байв. Биднийг очиход “Машин оруулмааргүй байна. Тэнд орчихоороо газар авна гэж хэвтчихээд түвэгтэй юм” хэмээсэн.

Цэвэрлэгээ хийж буй иргэдийг ахалж буй нэгнээс зарим зүйлийг тодруулсан юм. Тэрбээр нэрээ хэлэхийг хүсээгүй юм.

-Ц.Оюунгэрэл, Л.Болд нар “биднийг дэмжвэл газар өгнө” гэсэн батламж тараасан гэсэн. Энэ үнэн үү?

-Энэ талаар мэдээлээл алга байна. Э.Бат-Үүл Нийслэлийн Иргэдийн хуралд гарвал газар өгнө гэсэн. Гарсан учраас газраа авна гэж хүмүүс ярьж байна.

-Иргэдийн хаясан хогийг цэвэрлэх гэж багагүй хэмжээний зардал гарна биз?

-Мэдээж тэгэлгүй яах вэ. Бид одоохондоо жижиг хогийг нь цэвэрлэж байна. Машин тэрэгтэй явахгүй бол энэ их хогийг гараар арилгана гэж байхгүй юм байна. Бас газар өгнө гэсэн мэдээллээс болж иргэд өөрсдийн хоол хүнс, машин, бензин тос гээд үргүй зардал баахан гаргаж энд ирсэн байх.

-Өчигдөр энд цугласан зарим хүн газраа булаацалдаж зодолдсон гэж байсан. Энэ талаар та юм дуулав уу?

-Хоёр хүүхэн нэгнийхээ газар луу орлоо гэж зодолдсон бололтой. Аваагүй байгаа газар дээр ингэж байгаа юм чинь авсан хойноо нэгийгээ алах юм шиг байна билээ.

Барагцаагаар хэд орчим хүн цугласан бол?

-Хоёр гурван мянган хүн цугласан байх шүү.

СОНГОЖ БОЛСОН ЮМ ЧИНЬ ЭРГҮҮЛЭН ТАТАХ НЬ БИДНИЙ ЭРХ

Яармагийн морин тойруулга орчмоос нүүж байгаа хэсэг хүн худал амлалт өгч, иргэдийг төөрөгдүүлсэн Л.Болд, Ц.Оюунгэрэл нарыг эргүүлэн татах бичигт гарын үсэг цуглуулсан гэж байв. Тэдний нэг Хан-Уул дүүргийн нэгдүгээр хорооны иргэн Б.Алтангэрэлтэй цөөн хором ярилцсан юм.

-Та бүхэн ямар үндэслэлээр Л.Болд, Ц.Оюунгэрэл нарыг эргүүлэн татах бичиг үйлдэж байгаа юм бэ?

-Ардчилсан намаас нэр дэвшсэн хүмүүс та бүхэн бидний төлөө саналаа өг, тэгвэл газар өгнө гэж хэлсэн. Үүнээс болж бид бүгд энд цугласан. Гэтэл өчигдрөөс эхлэн цагдаа нар хөөлөө. Дээрээс өгсөн үүрэг даалгавраа биелүүлж яваа хүмүүст буруу юу байх вэ. Харин гол буруутан нь худал амлалт өгсөн улстөрчид шүү дээ. Ард түмэн эдгэээр хүмүүсийг сонгож болсон юм чинь буцаагаад татаж яагаад чадахгүй гэж. Тийм эрх нь бидэнд бий. Бага хурал хийдэг ч юм уу, ямар нэгэн байдлаар арга хэмжээ авна. Хэдий болтол жирийн иргэдийг ингэж доромжлох вэ дээ.

-Та энд хэд хоносон бэ?

-Нэг хоносон.

-Газар өмчлүүлэх тухай хаанаас сонсов?

-Хүмүүсийн ярианаас сонссон, ард түмэн үнэхээр ядуу амьдралтай байна. Баячууд нь хэдэн зуун сая төгрөг цацаад газар аваад байхад бид бүгд ч гэсэн газраа авчихаад тэдгээр хүмүүст яагаад зарж болохгүй гэж. Тиймээс энд ирсэн.

-Амлалт өгсөн гишүүдтэйгээ уулзая гэдэг хүсэлтийг та бүхэн тавиагүй юу?

-Тавилгүй яах юм бэ. Сураг сонсохнээ өчигдөр өөрийнх нь сонгуулийн штабт ажилласан хүмүүсийг дагуулаад амралтад явсан гэнэ. Юун бидэнтэй уулзах манатай, баяр хийж яваа юм биш үү. Нөхцөл байдал ийм болсон юм чинь Э.Бат-Үүл, Ц.Оюунгэрэл, Л.Болд, Б.Түвшин нар Хан-Уулын иргэдтэй ирж уулз. Хэрвээ бидний шаардлагыг хүлээж авахгүй бол бид тэднийг эргүүлэн татах эрхтэй. Угаасаа тэд хууль зөрчиж сонгуульд гарсан. Энэ удаагийн сонгуульд ямар нэгэн амлалт өгөхийг хориглосон. Гэтэл тэд гарын үсэгтэй батламжийг сонгогчдод тараасан. Тиймээс эдгээр хүмүүсийн нэрийг татах эрхтэй. Ер нь хан-уулчуудын сонголтод тэдний тараасан энэ батламж л нөлөөлсөн шүү дээ.

Б.ЭНХЖАРГАЛ

asunews.mn

Э.Бат-Үүл, Л.Болд, Ц.Оюунгэрэл нар Яармагт үүссэн газрын дажиныг хүчээр тараажээ
Tweet
Bolod.mn

Сэтгэгдэл (3)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
Аргагуй ш дээ ардцилсан намын худалч хүүхүн худалаа яриад сонгуульд ялчихаад амралт хэсээд алга болчихоор чинь ард түмэн бухимдана ш дээ

2012-07-05 | 09:39:16 | 24.186.48.229 |

Зочин
Юу яриад байгаа хумуус вэ дээ.

2012-07-05 | 02:45:23 | 122.201.18.129 |

Зочин
Мал шиг хүмүүс нь юмны учир зангилааг ойлгодог ч болоосой

2012-07-04 | 18:23:36 | 101.119.26.106 |