хүргэе! Энэ бол түүний анхны хүүхдээ төрүүлсний дараахан өгсөн ярилцлага билээ.
Лари Кинг: Сайн уу? Танд энэ өдрийн мэнд хүргэе!
Селин Дион: Сайн. Танд ч бас.
Лари Кинг: Тантай ярилцаж байгаадаа баяртай байна.
Селин Дион: Надад ч мөн адил таатай байна.
Лари Кинг: Та яагаад нэг хэсэг уран бүтээлээ, бас биднийг орхиж явсан юм бэ ?
Селин Дион: Би урлагийн ертөнцдөө үнэхээр хайртай. Гэвч надад хувийн амьдралдаа жаахан ч гэсэн цаг гаргаж, энгийн амьдралд орох хэрэгтэй байсан юм. Миний нөхөр хүндээр өвчилсөн нь их хэцүү цаг үе надад тулгарсан. Би нөхөртөө хайртай.

Лари Кинг: Өвчин гэсэн үү?
Селин Дион: Тийм ээ, тэр өвдсөн. Миний хувьд нөхөр маань хамгийн чухал хүн. Тэр хүнд хэцүү үеүдэд нөхөр минь надад “Би чамд хайртай” гэж үргэлж хэлдэг байлаа. Ийм л шалтгаанаар гэр бүлдээ, түүндээ цаг зав гаргах хэрэгтэй болсон учраас урлагийн ертөнцөөс түр хөндийрсөн юм.
Лари Кинг: Та болон, таны нөхөр энэ бүгдийг хэрхэн даван туулсан бэ?
Селин Дион: Заримдаа ямар нэгэн зүйл тохиолдоход чамд ямар ч сонголт байхгүй юм шиг санагдана. Гэхдээ амьдрал бүхий л асуудлыг жамаараа шийддэг. Би юу хийх ёстой юм бэ? Яагаад заавал би гэж? Ийм ойлгомжгүй олон асуулт өмнө чинь тулгарна. Би хэн юм бэ? гэж өөрөөсөө асуух үе ч гардаг. Тэр болгонд би “Би бол агуу амьдралтай”, “Би хүчтэй”, “Би бол хамгийн сайн тэмцэгч” хэмээн өөрийгөө зоригжуулдаг.
Лари Кинг: Тэр үед та нөхрийгөө намайг орхиод явчих вий гэж айж байсан уу?
Селин Дион: Тэгэлгүй яах вэ. Тэр хүнд үе байсан. Намайг орхиод явах вий гэж айж байлаа. Харин одоо бүх зүйл сайхан болсон. Тиймээс үүнд талархаад ч барахгүй нь.
Лари Кинг: Та Флорида, Монреаль хоёрын алинд нь байсан бэ?
Селин Дион: Хоёуланд нь байсан. Би үнэхээр завгүй ажилладаг ч чөлөөт цагаараа хөгжим сонсож, зурагт үзэх дуртай. Тэр дундаа бусад дуучдын дууг сонсдог. Бид хоёр гэр бүлээрээ найзуудынхаараа зочлох дуртай. Мөн өөрсдийн зорилгодоо үнэхээр үнэнч.
Лари Кинг: Таныг анх жирэмсэн болоход хүмүүс хэрхэн хүлээж авсан бэ?
Селин Дион: Намайг жирэмсэн болоход гэр бүлийнхэн маань, бас найз нөхөд минь үнэхээр баяртай хүлээж авсан. Тиймээс би энэ бүгдэд маш их талархаж байна.
Лари Кинг: Та хэсэг хугацаанд тайзны амьдралаа орхисон ч хэзээ эргэж ирэхээ мэдэж байсан уу ?

Селин Дион: Тийм ээ. Би мэдэж байсан. Урлагийн амьдралаасаа хэсэг хугацаанд хөндийрсөн ч эргэж ирэх нь гарцаагүй шүү дээ. Урлагийн ертөнцөд хөл тавьсан үеэ одоо эргээд санахад би 18 нас хүрэхдээ Англи улсад очиж сурахыг хүсэж байсан. Бас тэнд дуулахыг хүсдэг байлаа.
Тэр үед олон хүн надад “Энэ мэргэжлийг 12 настайгаасаа эзэмшиж эхэлсэн. Одоо чи олон улсын түвшинд хүрсэн дуучин болж амжилттай ажиллаж чадна” гэж хэлж байсан. Гэхдээ энэ бүхэн заримдаа миний хувийн амьдрал, амар тайван байдлыг алдагдуулах тохиолдол зөндөө гарна.
Чи тэр болгоныг хүсэхгүй нь мэдээж шүү дээ. Телевиз, сонин, радиогоор чиний эсрэг цацагдаж буй мэдээлэлд сэтгэл санаа тавгүйтэх нь ойлгомжтой. Хэрвээ чи бүхий л цаг үеүдэд дуулахыг хүсэж байгаа бол түр ч гэсэн амрах хэрэгтэй. Өнгөрсөн цаг үеэ эргэн санахад би өөрийн амьдралын хэв маягийг багахан ч гэсэн өөрчлөхийг хүсэж байсан. Учир нь тэр үед хүмүүс намайг жаахан охин шиг л хардаг байж. Хэрвээ чи өөрийгөө өөрчлөхийг хүсэж байгаа бол бодсоноосоо ч илүү сайныг хийж чадна. Гэхдээ эцсийн эцэст миний бодол өөрчлөгдсөн. Энэ нь ямар учиртай вэ гэвэл би насанд хүрсэн хүн. Өөрийгөө хэт өөрчлөх гэсэн бодол нэгдүгээрт тавигдахаа больсон. Харин надад амьдралын минь тэнцвэрт байдал чухал.
Лари Кинг: Тийм ээ, энэ таны амьдралын хэсэгхэн түүх байх тийм үү ?

Селин Дион: Тийм ээ.
Лари Кинг: Хүүхэд үрчилж авах талаар та бодож байсан уу ?
Селин Дион: Энэ талаар би бодож үзсэнээ нуухгүй ээ.
Лари Кинг: Мэдээж, тэгэлгүй яахав. Хүүхэд үрчилж авна гэдэг чинь үнэхээр гайхалтай үйлс. Тийм үү ?
Селин Дион: Тийм ээ, яагаад болохгүй гэж. Энэ чинь хүүхэд шүү дээ. Хүүхэд бол хүн төрөлхтний эхлэл. Би хүүхдэд үнэхээр хайртай.
Лари Кинг: Бид Лас Вегаст байна. Тиймээс энэ талаар ярих хэрэгтэй байх. Тийм үү ?

Селин Дион: Тийм ээ, би үнэхээр аз жаргалтай байна. Би өөрийн дуунууддаа хайртай. Мөн энэ газарт хайртай. Энэ бүхэн үнэхээр гайхалтай. Нэмж хэлэхэд би өөрийн ажлаас гадна сайн ээж байж чаддаг гэдэгтэй итгэлтэй байдаг. Гэхдээ ээж байна гэдэг бол үнэхээр хэцүү ажил.
Лари Кинг: 2001 оны 9-р сарын 11-ний өдрийн эмгэнэлт үйл явдлын үеэр та хаана байсан бэ?
Селин Дион: Би Монералийн хажууд орших Росмерт байсан. Тэр бол миний ээж аавын нутаг.
Лари Кинг: Тэр үйл явдлын талаар хэрхэн мэдсэн бэ?
Селин Дион: Бид үзсэн.
Лари Кинг: Зурагтаар уу ?
Селин Дион: Тийм ээ, бүгд л зурагтаар харсан.
Лари Кинг: Та тэр үед хүүхэдтэйгээ хамт байсан уу?
Селин Дион: Үгүй ээ, хүүхэд маань унтаж байсан. Тэр үе яг л хар дарсан зүүд шиг. Бид тухайн үед бодит байдалтай эвлэрч чадахгүй байсан. Тэр үйл явдлыг хараад үнэхээр их цочирдсон. Тэгээд л би шууд уйлж эхэлсэн. Бас итгэж өгөхгүй байлаа. Яагаад ч юм би шууд л хүүхэд рүүгээ гүйсэн. Харин хүүгээ унтаж байгааг хараад бага зэрэг тайвширсан. Дэлхий дахинд болж буй эдгээр үйл явдлууд үнэхээр харамсалтай.
Лари Кинг: Бүх цаг үеийн хамгийн алдартай кино “Титаник”-тай хэрхэн хувь заяагаа холбосон бэ ?
Селин Дион: Би тэр үед Лас Вегаст байлаа. “Титаник” киноны хөгжмийн зохиолч Жеймс Хорнерын байрлаж байсан буудалд биднийг ирэхэд нэгэн дууны үг бичиж байсан. Тэр үед Жеймс Хорнер бидэнд хэлэхдээ: “Титаник киноны зохиолч Жеймс Камерон энэ дууны талаар мэдэхгүй байгаа. Учир нь тэр өөрийн кинондоо ямар ч дуу хийлгэхийг хүсэхгүй байгаа юм” гэж хэлж байсан.
Лари Кинг: Хүсэхгүй байсан гэсэн үү ?
Селин Дион: Тийм ээ. Тэрээр кинодоо дуу хийлгэхийг хүсээгүй байх л даа. Харин Жеймс Хорнер өөрийн бичсэн дуундаа үнэхээр итгэлтэй байсан юм. Мөн тэр дуугаа надаар дуулуулахыг хүссэн. Тэгээд тэр “Чи энэ дууг заавал сонсох хэрэгтэй” гэж билээ.
Жеймс Хорнер шууд л төгөлдөр хуур луугаа явж очоод хөгжимдөж эхэлсэн. Гэвч би эхлээд түүнийг нь сайн сонсож мэдрээгүй. Харин дараа нь тэр дуунд үнэхээр их татагдсан.
Лари Кинг: Тийм ээ. Селин Дионы дуулсан “MY HEART WILL GO ON” дуу бүх цаг үеийн хамгийн алдартай дууны нэг гэдэгтэй хэн ч маргахгүй байх аа.
Лари Кинг: Та олон нийтийн арга хэмжээнд явдаг уу?
Селин Дион: Тийм ээ. Би олон нийтийн арга хэмжээнд явдаг л даа. Гэхдээ ихэнх цагаа студидээ өнгөрүүлдэг. Би хоолойгоо хамгаалахын тулд хүссэн амттанаасаа татгалзахад хүрдэг. Жишээлбэл: Кофеин, шоколад, кофе зэрэг бүгд хориотой. Харин хааяа хоёр ширхэг сахартай хар кофе л уудаг юм.
Лари Кинг: Таны амьдралд санаа зовоосон, шуугиан дэгдээсэн үйл явдал их тохиолдох уу ?

Селин Дион: Хааяа
Лари Кинг: Урлагт тантай мөр зэрэгцэн хөл тавьсан топуудаас дурдвал
Селин Дион: Мариа, Уитни Хьюстон зэрэг дуучид бол бүх цаг үеийн алдартнууд. Бид бүгд урлагийн ертөнцөд адилхан хөл тавьсан дуучид. Дуу бол бидний ажил. Гэвч заримдаа осолтой ажил ч юм шиг санагддаг. Эрүүл бизнес гэж л лав тодорхойлохгүй байх.
Гэтэл нөгөө талаараа урлаг чамд гайхамшигтай амьдралыг бэлэглэж чаддаг. Хамгийн алдартай машин, хаус, нэр хүнд гээд л тоочоод байвал баршгүй. Урлагийн ертөнцөд биеэ зөв авч явах асуудал маш чухалд тооцогддог. Төрөл бүрийн үдэшлэг, хар тамхи, архи зэргээс хол байх нь чухал.
Лари Кинг: Тэгвэл та шоунд явах дургүй гэсэн үг үү ?
Селин Дион: Би шоунд явах дургүй. Гэхдээ би дуугаа дуулах дуртай. /инээв/ Харин хурдхан гэртээ харьж хүүдээ дуу дуулж өгөхийг хүсдэг. Мөн гэр бүлтэйгээ хамт задгай зуухны хажууд сууж, гоймон идэх үнэхээр гайхалтай. Энэ л үе миний хамгийн аз жаргалтай мөчүүдийн маань нэг.
Лари Кинг: Бидний урилгыг хүлээн авсан танд баярлалаа. Таны цаашдын урлагийн амьдрал тань шулуун дардан байх болтугай. Селин Дион: Баярлалаа. Танд ч мөн талархал илэрхийлье. Цагийг үнэхээр сайхан өнгөрөөлөө.

Селин Дион: Урлагийн амьдралаасаа хэсэг хугацаанд хөндийрсөн ч эргэж ирэх нь гарцаагүй
Tweet
Bolod.mn