Монгол Ардын Нам улстөрийн ардчилсан хүчин болохоо баталлаа

2012-07-26

Монгол Ардын Намын Бага хурлын гишүүд хоёр өдрийн турш өнгөрсөн сонгуулийн алдаа, оноогоо ардчилсан

байдлаар шүүн хэлэлцэв. Хуралд оролцсон 200 гаруй хүний тал хувь нь санаа бодлоо илэрхийлж, шүүмжлэл өрнүүлэв.
Намын дарга, Ерөнхий нарийн бичгийн дарга, Удирдах зөвлөл үүрэгт ажлаа хүлээлгэн өгч, улстөрийн хариуцлага хүлээх шийдвэр гаргасныг ажиглагчид улстөрийн том соёл байлаа.
Хариуцлага хүлээх тухай ойлголт хэдийнэ устсан өнөөгийн улстөрд Монгол Ардын Нам дотооддоо асуудлаа ил цагаанаар хэлэлцэн, хариуцлагаа хүлээж байгааг ажиглагчид онцолж байна.
Цаашид орон нутаг, Ерөнхийлөгчийн сонгууль гээд хаяанд ирсэн хариуцлагатай “наадамд” эхлүүлсэн ажлаа дуусгалгүйгээр шийдвэр гаргасан намын удирдлагадаа сэтгэл ханамжгүй байгаагаа дуулгасан Бага хурлын гишүүн ч байв. Гишүүдийн хэлж, ярьж буй нийтлэг зорилго нь намаа улам бүр шинэчлэх, чөлөөт ардчилсан байлгах, залуу үедээ зөв үлгэр дуурайл үзүүлэх үүднээс хамгийн зөв алхам нь энэ сонгуульд намаа удирдсан хүмүүст хариуцлага тооцох явдал гэж байв.
Ийнхүү халуун яриа, хүчтэй шүүмжлэл, оновчтой саналаар үргэлжилсэн хуралдаанд Бага хурлын гишүүд санал солилцсоны эцэст нэгдмэл шийдэлд хүрлээ.
Цаашдын чиг хандлагаа оновчтой тогтоохын тулд намын даргыг өөрчлөх хэрэгтэйд санал нэгдэж нэр цэвэр, туршлагатай төрийн түшээ Өлзийсайханы Энхтүвшинд итгэл хүлээлгэсэн юм. Үндсэн хуульд заасан эрхийнхээ дагуу Ө.Энхтүвшинтэй өрсөлдөхөөр УИХ-ын гишүүн асан Р.Раш нэр дэвшсэн.
Ер нь Монгол Ардын Намын үе үеийн дарга нар нийгмийн захиалгаар гарч ирдэг. Энэ удаад ч Ө.Энхтүвшин Монгол Улсад цорын ганц институци болсон улстөрийн хүчин Монгол Ардын Намын хариуцлагатай өндөр албанд томилогдлоо.
Улс орны эдийн засгийн хөгжлийг авч явах, бизнесийн таатай орчин бүрдүүлэх, ард түмнээ төлөөлсөн хүчтэй сөрөг хүчин байхад улстөрийн туршлагатай, нийгэм эдийн засгийн мэдлэгтэй улстөрч Ө.Энхтүвшин 90 гаруй жилийн түүхтэй ууган намыг толгойлох нь зайлшгүй байв.
Харин энэ шаардлагад нийцсэн хүнээр Ө.Энхтүвшинг Бага хурлын гишүүд нэрлэлээ. Монгол Ардын Намын улстөрийн амьдралын өнгөрсөн түүхийн явцад нам дотор жигүүр байгуулан шинэчлэлийг манлайлж явсан Ө.Энхтүвшингийн зорилго, санаачилга ажил хэрэг болсныг Бага хурлын гишүүд хүлээн зөвшөөрч байна.
Цаашид илүү ихийг бүтээж, шинэчлэл өрнүүлж чадах, эсрэг улстөрийн хүчнийхээ өмнөөс Монгол Ардын Намын туг байх лидер хэмээн үнэлэв.
Ийн Бага хурлын гишүүдийн 89 хувийн саналаар ирэх орон нутгийн сонгууль, Ерөнхийлөгчийн сонгуульд МАН-ыг Ө.Энхтүвшин ахалж орохоор боллоо. Тэрбээр, МАН-ын Төв Хорооны дэргэдэх Нийгмийн ухааны институтэд эрдэм шинжилгээний дэд, ахлах ажилтан, “Ардын эрх” сонины парламентын тоймч, хэлтсийн эрхлэгч, хариуцлагатай нарийн бичгийн дарга, МҮОНРТ-ийн Хэрэг эрхлэх газрын дарга, “Монголын үнэн” сонины ерөнхий эрхлэгч, МАН-ын нарийн бичгийн дарга, Улаанбаатар хотын МАН-ын хорооны дарга, УИХ дахь МАН-ын бүлгийн дарга, Монгол Улсын Засгийн газрын гишүүн, Монгол Улсын сайд, ЗГХЭГын дарга, Монгол Улсын Засгийн газрын гишүүний хүнд хүчир улстөрийн албыг нэр төртэйгөөр хашиж ирсэн.
Бага хурлын дараагийн чухал шийдвэр бол Монгол Ардын Намын Ерөнхий нарийн бичгийн даргыг сонгосон явдал байлаа. Улстөрийн ууган, том хүчний Ерөнхий нарийн бичгийн дарга бол намын гал тогоо, үндсэн асуудлыг зангидаж байдаг хамгийн чухал алба билээ.
Тус Бага хуралд Ерөнхий сайд Сү.Батболдын илтгэлд дурдсанаар 1996-2000 оны хооронд Ардчилсан намын төр барьж, ард түмнийг сөхрүүлсэн цаг хугацааг сэргээн босгоход Монгол Ардын Нам сүүлчийн 12 жилийн хугацааг зарцуулсан юм. Өнөөдрийн эдийн засгийн өсөлттэй нийгмийн авчирч чадсан Монгол Ардын Намын тэрхүү гавъяаны нэгээхэн хэсэг нь үе үеийн Ерөнхий нарийн бичгийн дарга нарын ачаа, үүрэг даалгавараа амжилттай гүйцэтгэж, мэргэн ажиллаж ирсний үр дүн байлаа.
Чухамдаа Монгол Ардын намын дарга хийгээд Ерөнхий нарийн бичгийн даргын алба бол намынхаа төдийгүй Монгол Улсын хөгжил, дэвшлийн асуудлыг шийдэж, авч явдаг үүрэг. Энэ албанд дарга тодруулахын тулд нууцаар санал хураалт явуулж, 115 хүний дэмжлэгтэйгээр Гадаад харилцааны сайд Г.Занданшатар сонгогдлоо.
Санал хураалтад 207 гиш үүн оролцсоноос 115 нь Г.Занданшатарын төлөө өгсөн бол 98 нь Байгаль орчин, аялал жуулчлалын сайд Д.Цогтбаатарт өгчээ.
Гадаад харилцааны сайд Г.Занданшатар нь Бизнес, худалдааны коллежийн Маркетинг бизнесийн судалгааны төвийн судлаач, Зах зээлийн коллеж буюу өнөөгийн Худалдаа үйлдвэрлэлийн дээд сургуульд Санхүү, эдийн засгийн багш, Монголбанкны Банкны сургалтын төвд менежер, ХААН банкны дэд захирал, Хүнс, Хөдөө Аж Ахуйн дэд сайд, УИХ-ын Төсвийн зарлагын дэд хорооны дарга, Монгол Улсын Их Хурлын гишүүн, Монголын Ардчилсан Социалист Залуучуудын Холбоо ны Ерөнхийлөгч, Монгол Ардын Намын Удирдах зөвлөлийн гишүүн, УИХ дахь Монгол Ардын Намын бүлгийн даргын орлогч, Монгол Улсын Засгийн газрын гишүүн, Гадаад харилцааны сайдын алба хашин төр засгийн болон улстөрийн арвин туршлага хуримтлуулсан шилдэг боловсон хүчин юм.

Монгол Ардын Намын дарга Өлзийсайханы ЭНХТҮВШИН

Монгол Улсын Их Хурлын гишүүн

Төрсөн огноо: 1958 оны аравдугаар сарын 30

Төрсөн газар: Хөвсгөл аймгийн Цагаан-Уул сум

Үндэс угсаа, гэр бүлийн байдал: Хотгойд, ам бүл 6 Төгссөн сургууль, мэргэжил: 1976 онд Хөвсгөл аймгийн Мөрөн хотын 10 жилийн дунд сургууль, 1980 онд Монгол Улсын Их Сургууль Түүхч, түүхийн багш мэргэжлээр, 1989 онд ЗХУ-ын КНТХ-ны дэргэдэх Нийгмийн ухааны академи төгссөн.

Эрдмийн зэрэг, цол: Түүхийн ухааны доктор

Шагнал: 2001 онд Хөдөлмөрийн гавьяаны улаан тугийн одон, 2006 онд Их Монгол Улс байгуулагдсаны 800 жилийн ойн медаль

Гадаад хэл: англи, орос

Монгол Ардын Намын Ерөнхий нарийн бичгийн дарга Гомбожавын ЗАНДАНШАТАР

Төрсөн огноо: 1970 оны гуравдугаар сарын 8

Төрсөн газар: Баянхонгор аймгийн Баацагаан сум

Үндэс угсаа, гэр бүлийн байдал: Халх, ам бүл 5 Төгссөн сургууль, мэргэжил: 1987 онд Нийслэлийн 10 жилийн 77 дугаар дунд сургууль, 1987-1992 онд ОХУ-ын Эрхүүгийн Улс Ардын Аж Ахуйн Дээд сургууль Санхүү, эдийн засагч мэргэжлээр, 2003-2004 онд Маастрихтын Их сургууль төгссөн.

Эрдмийн зэрэг, цол: Магистр

Гадаад хэл: англи, орос

Д.ГАНБААТАР

Монгол Ардын Нам улстөрийн ардчилсан хүчин болохоо баталлаа
Tweet
Bolod.mn

Сэтгэгдэл (4)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
ХУРЭЛСУХ, ЗАНДАНШАТАР, СОДБААТАР, МӨНХБАТ Б vГД БАНК ДЭЭРЭМДЭГЧИД, КАЗИНОЧИД, ГАРАМЖАВ ГЭЖ ЭНЭБИШ ДАРГЫН ТОЛГОЙГ ЗАЛГИСАН АЛУУРЧИН АВГАЙ Х v vТЭЙ НЬ ХАМТ НАРИЙН БИЧГИЙН ДАРГА. МАН С vЙРЧЭЭ????? УМ МА НИ БАД НИ ХУМ???????

2012-07-26 | 11:16:27 | 124.158.73.17 |