Эдийн засгийн их өсөлтийг олон яам байгуулахад зориулаагүй шүү

2012-07-30

Их үймээн дэгдээж, өдгөөгийн Ерөнхийлөгч Ц.Элбэгдорж Сүхбаатарын талбай дээр гарч ирсэн жил нь 2008 оны

“долдугаар сарын 1” хэмээн түүхэнд хараар тэмдэглэгдэн үлдэв.

Дэлхий нийтийг хамарсан санхүүгийн хямрлын сүүдэр Монголыг ид бүрхэж байх үед тэд жагсаал цуглаан зохион байгуулж, тавын таван хүний амь хохирч сонгуульдав.
Ялагдсан улстөрийн хүчний хар балгаар таван хүний алтан аминд хүрсэн их сонгуулийг ардаа хийснээр Монгол Ардын Нам 46, АН 25 суудал авч УИХ-д олонхи цөөнхийг бүрдүүлсэн. Ард түмний саналаар олонхи болсон Ардын намын хувьд Засгийн газраа бүрдүүлэх, эдийн засгийн их хямрлыг даван гарах, ядуурал, мөнгөний хомсдол, сөрөг хүчний явуулга гээд бүх бэрхшээлийн өмнө нуман тулгуурт орж, ачааны хүндийг үүрэх болсон нь саяхан. Ачааны хүндийг аргагүй л нуруундаа тээж дүүрч эхэлсэн тэр цаг саяхан.

Ардчилсан нам төв талбайд гаран жагсаал цуглаан үүсгэсний алаг тавын таван ардын хүүхэд амь насаараа хохирч байсан тэр үед найман хувьд хэлбэлзэж байсан Монголын эдийн засаг огцом буурч –1.6 хувьд очиж байсан. Чухамдаа сонгуулийн үр дүнгийн дараа, өдгөөгөөс дөрвөн жилийн өмнө Монгол Ардын Намын толгойлсон Засгийн газар ажлын гараагаа эхлэхэд -1.6 хувьтай байсан эдийн засгийг өдгөө 17.3 хувьд хүргэсэн нь түүхэнд байгаагүй өсөлт байлаа. Эдийн засгийн өсөлт бий болгосон Засгийн газарт ард түмний сэтгэл санаа өндөр буюу хангалттай дүн тавьсан ч инфляцийн өсөлт, валютын ханшийг зохистой хэмээнд барьж өнөөдөртэй золгосон юм.

Тийнхүү Монгол Улсын эдийн засгийн өсөлтийг Монгол Ардын Нам бий болгосон тухай амтай бүхэн ярьж байхад Ардчилсан намынхан “Энэ бол уул уурхайгаас орж ирсэн хиймэл өсөлт. Зүгээр л цаасан дээр байдаг тоо...” хэмээн ханилж явсан нөхрөө гудиггүй муучилж суусан.

Тэр ч бүү хэл, 2012 оны нэгдүгээр сарын 6-ны өглөө гэнэт л Засгийн газраас гарч, сөрөг хүчний тоглолт хийж эхлэнгүүтээ шатахуун, өргөн хэрэглээний барааны үнийг улстөрийн зорилгоор өсгөж хүртэл ажиллаж байсан ч ард түмний нуруунд бэрхшээл үл хүргэн хазаарлаж чадсан нь С.Батболдын Засгийн газрын гавьяа байсан.
Тийн эдийн засгийн өсөлт байхгүй гэж хэлээд зогсохгүй эдийн засгийн хямрал бий болгох ажиллагааг гардан зохион байгуулж байсан нөхөд өнөөдөр гэнэт л “Улс орны эдийн засаг тэлж, өргөжиж байна...” хэмээн шагширч буй нь ямар учраас урган гарсан башир арга болохыг өгүүлье.

Олон болоогүй Ардчилсан нам одоо МАХНМ ҮАН-ын “Шударга ёс” эвсэлтэй хамтрахаар барианы зурхайгаас нэгэнт хөдөлж, эхний тохироонууд нь хийгдсэн тухай хэвлэл мэдээлийн хэрэгслээр цацагдах болоод бараг хоёр долоо хоног шахам өнгөрч байна.

Магадгүй, Ц.Элбэгдоржийн нэр дэвшин оролцох Ерөнхийлөгчийн сонгууль болоод, өрнөөд, дүн нь гараад дуусах хүртэлх хугацаагаар хязгаарлагдаж байгаа Н.Энхбаярын улстөрийн хүчинтэй нэгдэж байгаа үзэгдэл л яамдын тоог нэмэх шалтгаан болоод байгаа юм. Сонгуулийн үр дүн бараг л бүрэн гараагүй байхад “Манай яамдын бүтэц нүсэр байна.
Задалж хөдөлгөх хэрэгтэй...” хэмээн хэлтэй амтай хүмүүсээрээ хэвлэлээр тайларлуулах болсон нь хоёр салгах гээд байгаа яамдын асуудлын хүнд буюу чухал хэсгийг өөрийн намдаа авч үлдэн сүүдрийн буюу ач холбогдолгүй асуудлуудыг хариуцуулсан хэсгийг бас нэг яам болгон салгаж Н.Энхбаярын “Шударга ёс” эвслийг хуурах гэсэн болдлоготой нь холбоотой байлаа.

Ийнхүү төлөвлөгөө ёсоор бол НХХЯыг Нийгмийн хамгааллын яам, Хөдөлмөрийн яам гэж хоёр хуваах, ХЗДХЯ-ыг Хууль зүйн яам, Дотоод хэргийн яам, Сангийн яамыг зөвхөн орлого зарлагаа хариуцдаг Сангийн яам, Эдийн засгийн хөгжлийн яам, БСШУЯ-ыг Боловсрол шинжлэх ухааны яам, Соёлын яам, ХХААХҮЯыг Хөдөө аж ахуйн яам, Хөнгөн үйлдвэрийн яам, ЗТБХБЯ-ыг Зам тээврийн яам, Барилга хот байгуулалтын яам, БОАЖЯ-ыг Байгаль орчны яам, Аялал жуулчлалын яам, ЭБЭХЯ-ыг салгаж, Эрдэс баялагийн яам, Эрчим хүчний яам гэхчилэн хуваах тухай ярих болсон.

Эндээс харвал хуучин хийгээд шинээр “өрх татсан” нийт 16 яамдыг дагасан хэлтэс, агентлаг гээд төрийн нүсэр том аппараттай бий болохоор. Үүнийг УИХ-д хүчтэй сөрөг хүчин бүрдүүлсэн Монгол Ардын Нам таалахгүй байх учир нь, хуучин 10 хүрэхгүй яамтайгаар Монголын эдийн засаг түүхэндээ байгаагүйгээр өсгөж чадсан хөдөлмөр зүтгэлтэй нь холбоотой. Мөн татвар төлөгчдийн мөнгөөр дэндүү нүсэр аппарат бий болгохоор Ардчилсан намынхан зүтгэж байгаа нь Монгол Ардын Намынхан ч бус ард түмнээрээ эсэргүүцэх л ёстой асуудал мөн.
Хүн бүхэн, Монгол даяараа эсэргүүцэж байхад Ардчилсан намынхан олон яам байгуулахаар шуудран ханцуй шамлажээ. Олон яам байгуулах нь шаардлагагүйн тухай сэтгүүлчдийн асуултад “Жишээлэхэд Эрдэс баялагийг Эрчим хүчний асуудалтай хамт байлгаж болохгүй. Ер нь яамдыг салбар салбараар нь салгахад болохгүй зүйлгүй. Учир нь, манай эдийн засаг тэлсэн.

Эдийн засгийн өсөлт 17.3 хувьд хүрсэн...” гээд Монгол Ардын Нам эдийн засгийн өсөлт бий болгоогүй, худлаа цаасанд эрээчсэнээрээ ард түмний тархийг угааж байна, “Эдийн засаг өссөн нь үнэн л юм бол яагаад ядуурал буурахгүй байна вэ, худлаа л өсөлт байхгүй юу” хэмээн зүхэж харааж байсан хүмүүс “Эдийн засаг өссөн хүчтэй, чадалтай байгаа юм чинь хэдэн ч яам тэжээж чадна...” гэсэн утга учиртай яриатай зогсоно.

Энэ мэтчилэн Ардчилсан намын олон фракцын тулгалт, МАХН-МҮАН-ын “Шударга ёс” эвслийн шаардалтад орж, төрийн аппаратыг түүхэнд байгаагүй нүсэр бүтэцтэй болгохоор яарч байна. Цаана нь сайдын суудал мөрөөдсөн олны бялдуучлал Н.Алтанхуягийг шахсаар УИХын даргаа хүртэл хууль бусаар баталлаа.
Хамгийн гол нь, одоогоос дөрвөн жилийн өмнө -1.6 хувьтай байсан эдийн засгийн өсөлт өнөөдөр 17.3 хувьтай болсон нь Ардчилсан намын хүч биш. Тэр тусмаа МАХН-МҮАН-ын “Шударга ёс” эвслийнхэнд бүр ч хамаагүй. Тэдний хамтарч байгаа Засгийн газартаа шинээр бий болгох гэж яарах яамдыг төрүүлэх гэж Монгол Ардын Нам Эдийн засгийн өндөр өсөлт бий болгож хөлсөө дуслуулан ажиллаагүйг ойлгох хэрэгтэй байна.

С.УУГАНБАЯР

Эх сурвалж: unen.mn

Эдийн засгийн их өсөлтийг олон яам байгуулахад зориулаагүй шүү
Tweet
Bolod.mn

Сэтгэгдэл (4)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
яг унэн ард тумнийг доромжилж байна олигарxууд

2012-07-30 | 21:27:17 | 49.0.157.147 |

Зочин
энэ унэн шдээ зов хэлсэн бна

2012-07-30 | 18:37:51 | 202.126.91.178 |

Зочин
олон яам байгуулах нь маш буруу,түүнийгээ дагаад олон авилгач,хүнд сурталтнууд л нэмэгдэнэ.АН худлаа амласан суудлынхаа тоог гүйцээх гэж л тэгж байгаа.Төсвийн мөнгөөр үр ашиггүй тоглох гэж байгаа муусайн юмнууд,дандаа л өөрсдийнхөө л эрх ашгийг бодно уу гэхээс ард түмнээ ер бодохгүй шүү.

2012-07-30 | 14:35:18 | 202.131.248.145 |

Зочин
Зөв энийг л сайн бичээд байх хэрэгтэй байна даа хүмүүс яг гол учирыг нь сайн ойлгохгүй байгаа учираас будлаид байна. Дээрээс АН луйварчингууд мөнгө цацаж олон түмний толгойг мөн ч их эргүүлэх юм даа аргагүй л мөнгөтэй хулгайчууд цугласан гэдэг үнэн юм даа

2012-07-30 | 13:12:43 | 202.131.225.251 |