Түвшээг маань Бээжингээс алт авахад бараг л аз дайрчихлаа гэх маягтай хүн олон байсан шиг өнөө жилийн Лондоны олимпод явахад ч медаль авчрах тамирчны тоонд бас оруулах хүнгүй л байсан даа…” хэмээн бодож хэрэндээ дотроо шархиран, нутгийн найзаа харамлаж бас хайрлалаа.

Түүнийг хайрлах шалтгаан даанч олон байна. Уг нь би түүнийг тэргэнцэрт суух хэмжээнд хөл нь бэртжээ гэж бодоогүй. “Чингис хаан” нисэх буудалд газардахад нь ч мөн л над шиг олон хүн тэргэнцэртэйгээр төсөөлөөгүй нь тодорхой байв. Тийм өвдөлт, шархыг тэсч, даван оросын учраатайгаа золгохоор нүүрний хувиралгүй алхаж очоод барилдсан даг.

Мөнгөн медалиа ахиулж чадалгүй барилдааны талбайгаас бууж ирэхэд нь бүчсэн Монголын телевизүүдийн дүрс бичлэгийн дурангийн өмнө үг дуугарч чадахгүй, эг маггүй уйлахдаа тэр өөрийгөө дэлхийн хэмжээний тамирчин болохыг баталсан ч эх орныхоо нэрийг илүү өндөрт дуурсгах үнэ цэнийн төлөө шунаж гашуудсаныг бид бүгд харсан. Энэ цагийн залуу хүн бүрт байвал зохих эр, бярыг Түвшээ маань гайхууллаа.

Үнэхээр аз, золд найдаагүй, түүгээр оноо авдаггүй тамирчин болохоо батлав. Хэрвээ тэр Бээжингийн олимпоос сохор азаар алт авсан юм бол сая Лондонд нулимсаа урсгаж, цусаа дуслуулан барилдахгүй байсан. Аз бол сохор. Гэхдээ азыг атгаж, бусдыг жаргалаар дүүрэн байлгахын тулд илүү их ажиллах, илүү их хөдөлмөрлөх, илүү үнэнчээр амьдрах тусам тэр завшаан улам ойрхон давтамжтай олддог юм шиг надад санагддаг болсон.
Бусдыг аз жаргалтай байлгах шаардлагатай ч биш л дээ. Чухамдаа чи хэн байна тэр хэмжээгээр аз жаргалтай байлгах хүмүүсийнхээ хүрээ хязгаарыг зах, бүслүүргүй нэмэх юм. Харин Түвшээ аваргаас аз жаргал хүртсэн хүмүүсийн хүрээ хязгааргүй байлаа.

Тэр үнэхээр “том” юм. Үнэхээр аварга юм. Хэн нэгнийхээ амжилтаар аз жаргалтай байх хүмүүсийн хүрээ мэдээж, хайрт дотно эхнэр хүүхэд, аав ээж гэр бүл, ахан дүү, хамт олон гээд улам тэлсээр улс орон, гариг дэлхийн хэмжээнд хүрнэ. Лав Монгол гэх энэ ард түмний зүрхийг булгилуулж, баярлуулж жаргаасан нь Н.Түвшинбаяр байлаа.
Тэр азаар биш ажиллаж, хөлс дуслуулж байж амтлах баяр жаргал, амжилтыг мэдэрсэн болохоороо алтан медалийн босго давалгүй бууж ирээд ихэр татан уйлсан.
Аварга аваргаараа л төрдөг гэж аль эрт хэлэгдсэн үг хэдий ч Бээжингийн олимпийн алтан медаль аз дайраагүй жинхэнэ аваргыг тунхагласан амжилт байсан хийгээд аварга болж төрснөө Лондоны олимпоор Н.Түвшинбаяр баталсаныг л дахин дахин хэлмээр байна.

Ямар нэгэн байдлаар гэгээрсэн хүнийг одоо цагийн хэллэгээр “star” буюу од болдог гэж би хувьдаа боддог. Н.Түвшинбаярын гэгээрэл бол тэвчээр хатуужлын бэлгэ тэмдэг болсон жүдогоор Монгол Улсын нэрийг дэлхийн дэвжээнд дуурсгах явдал байв.
Тэр “төрмөл” аварга учраас Бээжингийн олимпийн алтынхаа маргааш л Лондоны амжилтдаа шунаж эхэлсэн. Америкт эмчлүүлэхээр очоод, оношлогооны хариу муухан гарсан хөл рүүгээ хараад “Миний хөл эдгэхгүй юм биш биз дээ. Би энэ хөлийг эдгээж Лондоны олимпоос медаль авах ёстой хүн шүү дээ…” хэмээн эхэр татан уйлж байсан тэр өдөр л өнөөдрийн мөнгөн медаль “төрсөн”.

Түвшээ яг л “Би Лондоны олимпод оролцох ёстой…” гэсэн ганцхан зорилгодоо эзэн байхын тулд хөлөө “эдгээж”, хоёр жилийн өмнөөс эхлэн завсар чөлөөгүй хичээллэсэн. Амаар ямар хий гарна тархи түүнийг гүйцэтгэнэ гэдэг. Аварга Н.Түвшинбаяр Лондоны олимпоос медаль авахыг өөртөө аль эрт “тушаасан” байлаа.
Миний Булган хангайд сайхан зуншлага болж байна. Булган аймгийн урд захын сумдын нэг болох Гурванбулагаас олимпийн аварга Н.Түвшинбаярын Сайхан сум уруу хойш чиглэн өртөө хүрэхгүй газар давхин ахан дүүгийнхээрээ саяхан бууж мордоод ирлээ.

Хур бороо нь өвс ногоо ундаалаад үлгэрийн орон шиг л оюу номин өнгөөр намиатан байна, Булган. Угаас өнөө жил Монгол эх орны хатаж ширгэсэн, хаагдаж боогдсон 800 шахам гол, горхины ус ундарга нь оргилсон зун болж байгаа. Өвөл төр засагтаа үнэлэгдсэн ахан дүүс маань “Сайн малчин”, “Сайн тариаланч”-ын алдраа угаагаад хөлгүй найр, хүндлэл ёс заншлаа дэвсэн аварга хүүгээ хүлээж байна.

Чихэнд хоногшиж, аманд цээжлэгдсэнээрээ анхдагчдын өлгий Булган Хангайнхан анхдагчдын түүхийг бүтээсээр... Өнөө жил тэд олимпийн хошой медальтан төрүүлсэн амжилтаар анхдагчдын түүхээ үргэлжлүүлэн бичиж байна. Хөл, толгойгоо олохоо байсан хэрүүл маргаантай улстөржилтөд нуруугаа авахуулсан монголчуудын ямар ч золгүйг давж болдогт итгэж найдах сэргэн мандалтын бэлгэ тэмдэг Н.Түвшинбаяраар тэр л анхдагчдын түүх үргэлжилж байна.
Түвшээ үеийнхээ залуусыг, маргаашийн Монголын эздийг чадах бүхнээрээ эх орондоо эзэн байх, ард түмнээ гийгүүлэхэд хөтлөх амьд биелэл болж байна. Тийм л аварга Н.Түвшинбаяртаа чин сэтгэлээсээ баярлалаа.

Б.ХАЖИДМАА

Эх сурвалж: unen.mn

Н.Түвшинбаярын Бээжингээс авчирсан ”алт” аз байгаагүй
Tweet
Bolod.mn

Сэтгэгдэл (29)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
төр өгөхгүй шагналийг ард түмэн өгөя хандив өгөя хөлөө эмчлүүлэг данс нээж

2012-08-08 | 00:42:22 | 27.123.213.5 |

Зочин
аз жапгал xусиө.баатап мини амжилт xусэж байна.

2012-08-08 | 00:09:44 | 27.123.213.11 |

Зочин
bayr hurgie chi jinhen baatar huu shuu chamaar baharhaj bna sain saihanig hugie

2012-08-07 | 20:57:08 | 202.126.91.180 |

Зочин
Даруухан сайн Залуу .Ийм хуутэй ээж аавд баяр хургье

2012-08-07 | 19:41:12 | 203.194.115.251 |

Зочин
аварга аваргаараа төрдөг юм. Өөр хариулт хэрэггүй. Тэгэж ярьж байгаа хүмүүсийг хаг шид

2012-08-07 | 15:52:23 | 203.194.115.136 |

Зочин
түвшээь чи бидэндээ аль авсан л юм шиг санагдаж байгаа. чиний авсан медаль мөнгө биш. алт шүү нутгийн дүү минь...........

2012-08-07 | 15:08:26 | 124.158.91.33 |

Зочин
тийм бнаа аз байгаагуйн бна. би уг ни тэгж боддог бсийн

2012-08-07 | 15:06:23 | 122.201.18.144 |

Зочин
Түвшинбаяраа чамаар бахархаж бна.Жинхэнэ аварга гэдгээ баталж чадсан шүү,

2012-08-07 | 14:30:31 | 124.158.109.14 |

Зочин
CHamaar baharhaj bna.CHi bol 2 udaa Mongolchuud bidniig muu zuilees dandaa holduulj bgaa tengeriin elch yum bna.2008 ond Mongolchuud bid yalaa!!!!!!!!!!!!!!!!!!!!!!!! 5 hunee buuduulchihaad tolgoi gudaidsan, aimshigt udruudiig min Altan narnii tuya shig asaasan,ene jil Ehkbayariin muu yoriin shuuh hurlaas bidniig angiraaj chadsan chamaaraa baharhaj bna.Mongolchuud bidendee setgeliin ih demiig ugch ,uram hairlasan ene saihan udruudiig Mongolchuud bid ueiin ued tsatssaraaj yvah bolno.

2012-08-07 | 14:07:42 | 202.179.2.98 |

Зочин
Сайн хүү. Хөлөө сайн эдгээгээрэй. Аз жаргал, эрүүл энх, сайн сайхан бүхнийг хүсэн ерөөе.

2012-08-07 | 13:50:42 | 202.131.231.130 |

Зочин
Төр засаг нь баатар цол өгөхгүй л байна биз. Ард түмэн чинь хүүдээ баатар цолыг чинь аль хэдийн өгсөн шүү.

2012-08-07 | 13:41:53 | 124.158.69.161 |

Зочин
Ард түмний баатар дүүдээ баяр хүргэе. Эх орны хүү, монголын ард түмний хүү.

2012-08-07 | 13:40:23 | 124.158.69.161 |

Зочин
Түвшинбаяр үнэхээр мундаг бөх байна. Ард түмэн ийм хүүхэдтэйгээрээ баярлах хэрэгтэй. Даанч хөлний гэмтэл............. Бид агуу ард түмэн Илүү ихийг хүсч, хүлээж байгаа

2012-08-07 | 13:01:45 | 203.91.112.186 |

Зочин
унэхээр аварга хун юмдаа нягт нямбай барилдаантай юм дууссан хойно л дууслаа гэдэг аварга бна лээ. баяр хургиэ.монголчууд бид л азтай хумуус юмдаа.

2012-08-07 | 12:43:37 | 202.179.20.208 |

Зочин
хэн азаар аврага бсон гээд бга юм бэ.дэлхийн шилдэгүүд өрсөлдөж байxад азаар хүн аврага болдог юм уу. энэ ёстой үнэн үг бна ёстой гоё хэлсэн бна. аваргадаа эрүүл энхийг хүсэе та бол монгол улсийн баатар

2012-08-07 | 12:20:11 | 202.55.182.82 |

Зочин
Бид харин азтай

2012-08-07 | 12:19:32 | 203.91.117.4 |

Зочин
Түвшинбаярт болон тэдний багш дасгалжуулагчид бэлтгэл хангагчдад баяр хүргье. Түвшинбаяр бол их ухаалаг юманд буурьтай, нягт нямбай, хариуцлагатай сайн тамирчин байна лээ. Монгол улс чамаар бахархаж байна. Ганц Булганых нь ч биш, энэ бол Монгол улсын нэрийг дэлхийд гаргасан сайн тамирчин. Дэлхийд Булган гэж ярихгүй байгаа биз дээ. тэгэхлээр манайхан хэтэрхий энэ нутаг ус гэж хазайхаа болимоор юм. Хөлөө сайн эмчлүүлээрэй, Гэр бүлд хамт олонд баяр хүргье.

2012-08-07 | 12:17:03 | 202.126.89.195 |

Зочин
Үнэхээр агуу тамирчин, бэртэлээ хурдан эдгээгээрэй. Танай гэр бүлд болон аав, ээж төрөл төрөгсөд чинь аз жаргал, хагийн сайн сайхны хүсье.

2012-08-07 | 12:14:51 | 203.91.119.100 |

Зочин
одоо ёстой ногоо ходолморийн баатар, торийн шагналаа огох хэрэгтэй шдээ, хэн ч биш шалдан банди Болдод огсон шагналтай харитсуулахад энэ залууд бол яг таарсан шагнал.

2012-08-07 | 12:11:05 | 24.254.9.107 |

Зочин
Аз байсан ч яалаа!!Спорт бол уулаасаа аз эз байдаг юм шүү дээ!!Тэр өдрийн од за гэж нэг юм бнаа бн

2012-08-07 | 12:11:00 | 202.179.20.251 |

Зочин
ХЭН АЗААР АВСАН ГЭЭД БГАА ЫУМБЭЭ

2012-08-07 | 12:00:31 | 49.0.161.91 |

Зочин
түүнд улсын баатар өгөх хэрэгтэй

2012-08-07 | 11:53:13 | 112.214.199.111 |

Зочин
Түвшинбаяр бол орчин цагт төрсөн монгол баатар. Бидний үлгэр дуурайл, дагаж зүг чигээ гаргах алтан гадас.

2012-08-07 | 11:49:28 | 202.21.105.245 |

Зочин
монгол хун бур чамайг хайрлаж бахарханаа дуу мини эрүүл энхийг хусий

2012-08-07 | 11:46:33 | 202.179.20.184 |

Зочин
жинхэнэ баатар!!!!!!

2012-08-07 | 11:46:25 | 217.24.73.207 |

Зочин
Түвшинбаяр аварга хүн ямар байдгийг бидэнд харууллаа. Наадмаас нэг цол авсан төдийд жигтэйхэн өөрийгөө мундаг гээд бодчихсон бөхчүүд олон байдаг. Жаахан томроод цол аваад мөнгөтэй нэр алдартай болоод ирэхээрээ хамраа сөхөөд эхнэр хүүхэд за юу байдгаа солиод амьдралаас тасраад явчихдаг аварга цолтонууд энэ хүнээс үлгэр дууриалал авч, жаахан ч гэсэн ичиж амьдраасай гэж бодожийно.. Олимп битгий хэл наадмаа тоохоо байгаад ард түмнээ хүндлэхгүй барилдахаа больсон бөх нэртэнүүд олон байгаа шүү.. Тэгэхэд Түвшинбаяр ямар байна. бөх хүн аварга хүн ийм л байдаг юм байна. Сайн харцгаах хэрэгтэй...

2012-08-07 | 11:44:20 | 202.179.7.6 |

Зочин
Аргагүй л Булганыхан Анхдагчын өлгий нутаг юмдаа. нутгийн минь уул ус хардаг байлгүй дээ. энэ жил Булган хангайд маань сайхан зуншлага болж сайхан байна лээ.

2012-08-07 | 11:40:58 | 202.126.91.149 |

Зочин
азаар авсан гэх хүн олон бсаан

2012-08-07 | 11:39:47 | 125.140.219.182 |

Зочин
хэн азаар аврага бсон гээд бга юм бэ.дэлхийн шилдэгүүд өрсөлдөж байxад азаар хүн аврага болдог юм уу.түвшинбаяр бол жинхэнэ баатар.тэр түүхийг бүтээж чадсан.

2012-08-07 | 11:24:13 | 115.187.90.3 |

Мэдээ
Гадаад мэдээ
Видео