Сөрөг хүчингүй парламент, эвсч хамтарсан эрх баригчид төрийн албыг нийтийн алба болгохоор улайрч эхэллээ. Тэд улс төрийн бүхий л албан тушаалыг дээр дооргүй хувааж авсан учир одоо төрийн алба руу гараа дүрэхээр санаархаж байгаа нь энэ юм. АН-аас сонгогдсон УИХ-ын гишүүд бүгд сайд, байнгын хороо, дэд хорооны дарга гэх мэтээр албан тушаалын бялуу амсацгаасан. Гэвч үүний цаана сонгуульд нэр дэвшээд унасан, намын жагсаалтад нэрээ бичүүлээд хоншоороороо тасдуулсан улстөрчид, сонгуульд намынхаа төлөө зүтгэсэн гишүүд нь Ерөнхий сайд Н.Алтанхуягийг өдөр шөнөгүй шалж байгаа ажээ. Тиймээс хоёрдугаар ээлжийнхнийгээ “хоолонд нь оруулах”-ын тулд АН-ын дарга арга буюу төрийн албыг тэдэндээ хувааж өгөхөөр арга чарга хайж эхэлжээ. Н.Алтанхуяг угаасаа төрийн албанд халгаатай нэгэн. Тэрээр өнгөрсөн дөрвөн жил орчим хугацаанд Тэргүүн шадар сайдаар ажиллахдаа өөрийн мэдлийн агентлагууддаа халаа сэлгээг ханатлаа хийж, хамаатан садан, найз нөхдөө төрийн албанд шургуулж, улсын ажлыг унагаж, хэл ам таталж, сүүлдээ шүүхийн хаалга татан, буруутан болж байсныг нь олон нийт сайн мэднэ.

Одоо Н.Алтанхуяг тэргүүтэй АН-ынхан сурсан юмыг сураар боож болдоггүй гэдгийг харуулж, төрийн албыг самрахаар зэхэж байна. Гэхдээ эдүгээ хүчин төгөлдөр хэрэгжиж байгаа Төрийн албаны тухай хууль эрх баригчид, улстөрчдийн дураараа дургих боломжийг хаасан маш сайн зохицуулалттай. Өөрөөр хэлбэл уг хуульд төрийн албыг улс төрөөс тусгаарласан заалтуудыг оруулж өгснөөрөө дэвшилттэй болсон гэдгийг нь хуульчид хүлээн зөвшөөрдөг. Товчхондоо бол 2008 онд батлагдсан Төрийн албаны тухай хууль олон улсын жишигт нийцсэн эрх зүйн баримт болсон гэдэг юм билээ. Харамсалтай нь энэ хуулийг дагаж мөрдөх сонирхол өнөөгийн эрх баригчдад огт алга.

Америкт 200 гаруй жилийн өмнөөс хэвшиж тогтсон төрийн албаны мерит зарчим гэж бий. Энэ нь төрийн алба улстөрчдөөс хараат бус, бие даасан үйл ажиллагаа явуулдаг байх зарчим юм. Энэ зарчмыг мөрдсөн Япон, Канад зэрэг улс орнууд хамгийн сайн засаглалтай гэдгээрээ алдартай. Харин манай улстөрчид дандаа энэхүү мерит зарчмын эсрэг алхам хийдэг. Төрийн алба мерит зарчмыг баримтлан улс төрөөс хараат бусаар ажиллаж, төрийн албан хаагчид мэргэшсэн, тогтвортой байх нь улстөрчдөд ямар ч ашиггүй байдаг болохоор тэр л дээ. Тэд өмнө нь хуулийн ганц нэг заалтыг санаатай, санаандгүйгээр зөрчдөг байсан бол одоо Төрийн албаны хуулийг бүхэлд нь хүчингүй болгож авах гэж байна. Нийтийн алба гэдэг сайхан үгээр халхавч болгож байгаад төрийн албыг төрөл садангийн алба болгож авах нь өнөөгийн эрх баригчдын гол санаархал ажээ. Энэ нь сүүлдээ Үндсэн хуулийн хил хязгаарыг давсан үйлдэл болж хувирав.

Яагаад гэвэл Үндсэн хуульд нийтийн алба гэсэн үг огт байхгүй. Харин төрийн алба, төрийн байгууллага, төрийн албан хаагч гэсэн нэр томъёо л бий. Тэгэхээр өнөөгийн эрх баригчид, хууль санаачлагчдын хэлээд байгаа нийтийн алба гэдэг нь хууль зүй хувьд оновчгүй, ойлгомжгүй, утгагүй нэр томъёо болж хувирч байна. Эвслийн Засгийн газар байгуулан, эрх мэдлийн сэнтийд заларсан АН, МАХН-ынхан үүнийг үл тоон Нийтийн албаны тухай хуулийн төслийг боловсруулан батлуулахаар яаравчилж байгаа ажээ. Ингэхдээ маш богино хугацааны дотор хуулийн төсөл боловсруулахаар болж, цөөн хэдэн хүнийг Их тэнгэрт цуглуулан өдөр шөнөгүй суулгаж байгаа гэнэ. Аливаа хуулийн төслийг боловсруулахдаа салбарынх нь эрдэмтэд, хуульчдын санал бодлыг тусгаж, олон нийтийн дунд өргөн хэлэлцүүлэг явуулдаг тэр зарчмыг АН-ынхан ор тас мартаж орхисон нь харамсалтай. Уулын аманд бүгсэн хэдэн нөхөр төрийн албыг бусниулах хуулийн төслийг тун идэвхтэй боловсруулж суугаа мэдээлэл олон нийтэд хэдийнэ хүрчээ. Нам нийлж, сэм хуйвалдан байж боловсруулсан Нийтийн албаны тухай хууль батлагдаж гэмээнэ Монгол Улс төрийн албаны шинэчлэлээсээ бүрэн ухрах болно. Өнгөрсөн 20 гаруй жилийн хугацаанд төрийн алба намын харъяалалд, улстөрчдийн халаасанд явж ирсэн гашуун түүх ийн эргэн давтагдах нь. Парламентад аль нам олонхи болно, тэр намын гишүүд төрийн албанд томилогдож, харин сөрөг хүчнийх нь намын гишүүд хэдэн зуугаараа гудамжинд гардаг, дараагийн дөрвөн жилд нь нөгөө нам нь хариугаа авч өөрийн гишүүдээ төрийн албанд толгой дараалан шургуулдаг тийм жишиг 2000 он гартал үргэлжилсэн. 2000-аад оны эхний жилүүдэд ч төрийн алба тогтворгүй, улстөрчдийн гарын аясаар ганхдаг байв. Ингээд 2008 онд баталсан Төриийн албаны тухай хуулиар энэ бүх бусармаг байдлаас гарах гарц, улстөрчдийн хүсэл зоригоос ангид байх зохицуулалт бий болсон. Харин одоо энэ ололтыг АН-ынхан үгүй хийхээр улайрч байна. Төрийн эрх барьж байгаа дээрээ хүссэнээ хийж авах, дураараа дургиж, дунд чөмгөөрөө жиргэх нь тэдэнд чухал болохоос Монгол төр хүчгүйдэж, төрийн алба зарчимгүй, тогтворгүй болох нь огт хамаагүй ажээ. Төрийн албыг самрах энэхүү санаархалаа хэрэгжүүлэхийн тулд АН-ынхан хүчтэй сөрөг хүчин МАН-ын бүлгийг хүлээн зөвшөөрөлгүй гэдийж, ар хударгаар нь албан тушаал эрх мэдэлд шунасан “Шударга ёс” эвслийнхэнтэй хамсан Нийтийн албаны тухай хууль гэгчээ парламентаар батлуулахаар цахилгаан дайны төлөвлөгөө боловсруулсан ажээ.

Тиймээс ч төрийн албанд халаа сэлгээ хийх, төрийн албыг бужигнуулах тухай ил цагаан мэдэгдлүүдийг эрх баригчид хийж эхэлсэн. Тухайлбал МАХН-МҮАН-ын хэвлэлийн албанаас сонин, сайтуудад тараасан албан мэдээнд АН болон МАХН-МҮАН-ын эвсэл засагт хамтарсан харьцаагаараа агентлагуудыг хувааж авна хэмээн ил цагаан дурдаж байв. Тэр ч байтугай агентлагийн даргаар томилох хүмүүсээ “Шударга ёс” эвслийнхэн шууд нэрлэсэн байдаг. Б.Анхныбаяр, Л.Батсайхан, Б.Туяа, Б.Санчир, М.Ангараг нарын залуусаа тэд агентлагийн дарга болгоно гэдгээ хэлжээ. Агентлагийн дарга бол төрийн жинхэнэ албан хаагч. Тиймээс аль нэг нам эвсэл биш Төрийн албаны зөвлөлөөс агентлагийн даргыг сонгон шалгаруулдаг. Гэтэл парламентад 11 суудал авсандаа эрдсэн МАХН-МҮАН-ын эвслийнхэн төрийн албыг гишүүддээ хувааж өгөх албан тушаалын бялуу гэж ойлгосон байна.

АН-ынхан ч “Шударга ёс” эвслийнхнээс дутахгүй шударга бус аашлах болсон. Тэд төрийн албан хаагчдыг халж солино гэдгээ ил тод мэдэгдсээр байгаа. Тэр ч бүү хэл Төрийн албаны зөвлөлийг татан буулгах тухай хүчтэй ярих болов. Төрийн өмч хөрөнгийг идэж шамшигдуулсан нь шүүхээр тогтоогдож, ажлаасаа халагдсан О.Отгонсайханыг Стандартчилал, хэмжил зүйн газрын даргаар, ажлын хариуцлага алдаж төрийн албанаас зайлуулагдсан Шударга өрсөлдөөн, хэрэглэгчийн төлөө газрын дэд дарга асан Доржпаламыг буцаан уг агентлагийн даргаар томилуулах яриа сүүлийн үед хүчтэй яригдаж эхэлжээ. Түүнчлэн Эрдэс баялаг,эрчим хүчний дэд сайдаар ажиллаж байхдаа хариуцлагагүй мэдэгдэл хийснээсээ болж албан тушаалаа өгсөн Б.Ариунсан ч гэсэн Ерөнхий сайд Н.Алтанхуягийн ойр шадар хүний хувьд аль нэг агентлагийн дарга, эсвэл төрийн нарийн бичгийн дарга болохоор хөөцөлдөж байгаа гэнэ. Төрийн албаны зөвлөлөөс сонгон шалгаруулж томилуулдаг төрийн албанд Ерөнхий сайдын ойр шадар хүн гэдгээрээ далайлган очих гэсэн хүн энэ мэтээр олон байгаа ажээ.

Тэгэхээр Төрийн албаны зөвлөлийг татан буулгана, Төрийн албаны тухай хуулийг хүчингүй болгож, Нийтийн албаны тухай хуулийг батлуулна гэж улайрч байгаа АН-ынхны цаад санаа тун богинохон, ердөө л албан тушаалын бялуу хуваах, төрийн албыг ойр дотныхондоо бэлэглэх гэсэн санаархал гэдэг нь харагдаж байна. Ингэхийн тулд тэд парламентад олонхи болж чадаагүй тул МАХН-МҮАН-ын “Шударга ёс” эвсэлтэй тохироо хийхээр чармайж, цаадуул нь АН-ынхны эмзэг газар нь ээлжлэн цохиот хийж, эв нь таарахгүй бол завсарлага авна хэмээн айлгаж байгаа ажээ. Зөвшилцөл бол фашизм гэдэг үгийг эвслийн Засгийн газрынхан ийнхүү харуулж байна.

“Хоёрдугаар ээлжийнхэн”мг хоолонд оруулах хөтөлбөр буюу төрийн албыг үгүй хийх улайрал
Tweet
Bolod.mn

Сэтгэгдэл (7)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
гоооооооо,м

2013-06-07 | 22:50:31 | 103.10.22.28 |

Зочин
ж9пхжн

2013-06-07 | 22:50:06 | 103.10.22.28 |

Зочин
Лалрийн хухунуудийг хуу арилгах хэрэгтэй

2012-09-13 | 18:13:01 | 122.201.18.143 |

Зочин
КОМУНИСТУУДИЙГ халах хэрэгтэй. ДЭМЖИЖ байна сайда

2012-09-13 | 17:46:01 | 202.55.183.181 |

Зочин
Би Алтанхуяг, Бат-Үүл 2-той хамт их сургуульд байсан, Дарга хийвэл хийнэ шүү дээ. гэж ярьсан хагас галзуу хүмүүс олуулаа явж байна цаана чинь. Мэдрэл нь огт зүгээргүй хүмүүс л тэгж явах байх даа хөөрхий. Би ч Билэгттэй их сургуульд хамт сурч байсан. Дарга хийвэл хийнэ гээ л явах юм уу хаашаа юм.

2012-09-13 | 12:59:13 | 202.131.225.122 |

Зочин
Төрийн ч бай нийтийн ч бай тэндээс ху болон хуху угшилтай улаан коммунистуудыг хөөж гаргах хэрэгтэй

2012-09-13 | 12:53:12 | 202.179.8.90 |

Зочин
ZALUUSIIN HUGJLIIN TSOGTS SURGALT BOLOH ZALUU HATAGTAI NOYODIIN SURGUULI 9 SARIIN 17 EHLEH GEJ BN.. 2laa irvel 20% hunglulttei. 11317989,, 91195713, 99046352, 99039673, 99043671

2012-09-13 | 11:55:26 | 119.40.99.221 |

Мэдээ
Гадаад мэдээ
Видео