траншейнд уначих гээд байна. Яаж шүү амьд явна даа” хэмээн нийслэлийн иргэд айдаст автаад, алхаж ядан бэмбэгнэх болжээ. Ингэхээс ч өөр аргагүй юм. Сүүлийн үед мөнгөтэй нэгэн нь эрх мэдэлтэнтэй сүлбэлдэж, хууль журмаас бултаж, хулгайгаар барилга барьдаг зөрчил хэрээс хэтэрч байна. Тэд бараг бүгд барилгын ажил явуулахдаа хөдөлмөрийн аюулгүй ажиллагааны журам мөрддөггүй. Мэргэжлийн байгууллагаас заавар, зөвлөмж, аваад, зөвшөөрлийн дагуу үйл ажиллагаагаа эхлүүлдэггүй. Үүний улмаас сүүлийн үед өдөр алга- сахгүй шахам барилгатай холбоотойгоор хэн нэгэн эрүүл мэндээрээ хохирч, эрдэнэт амь нь эрсдэж байна. Энэ cap гарсаар олон ч хүн харамсалтайгаар ертөнцийн мөнх бусыг үзлээ. Тухайлбал, энэ сарын 3-нд сурч мэдэх их хүслээр жигүүрлэн, хөөрч баярлан гүйж явсан 12 настай жаахан охин амиа алдсан. Түүнийг гарцаар гарч явахад нь ‘‘Төгс гүрэн” компанийн барьж буй барилгын зуурмаг шахагч машин төмөр хоолойгоо даалгүй дарж унасан юм. Энэ өдөр тэр жаахан охин амиа алдаад зогссонгүй. Баянзүрх дүүргийн тавдугаар хороонд барилга дээр ажиллаж байсан БНХАУ-ын иргэн X өргөгч кранаас унасан тоосгонд оногдон амь эрсэдсэн. Сонгинохайрхан дүүргийн 22 дугаар хороо, “Бридж констракшн” ХХК- ийн барьж байсан барилгын дөрвөн давхраас БНАСАУ- ын иргэн унаж нас барсан байна. Ийнхүү нэгхэн өдрийн дотор гурван амь эрсдэв.

Тэгвэл энэ сарын 8-ны өдөр Хан-уул дүүрэгт “Рапид харш” орон сууцны барилгын өргөгч цамхаг ачаагаа дийлэхгүй толгойн хэсгээрээ хугарснаас үүдэн краны жолооч 26 настай залуу амиа насаа алдсан юм. Энэ мэт золгүй байдал иргэдийг айдаст автуулаад удаагүй байтал өнгөрөгч мягмар гаригт дахин нэг гэмгүй залуугийн амь нас мөн л баригдаж буй барилгын уршгаас болж эрсэдлээ. Дөнгөж 19 настай хүү “Тэнгис” кино театрын урд баригдаж буй барилгын хажууд зогсч байхад дээрээс нь төмөр унаж толгойн тус газарт нь цохиж амь насыг нь авч одлоо. Өчигдөр бас л аймшигт осол гарчээ. Хан-Уул дүүрэгт 18 дугаар сургуулийн ард байдаг “Төгс-Үлэмж” компанийн барьж байгаа барилгын найман давхраас дүүжин шат тасарсны улмаас хоёр хүн унав. Нэг нь газар дээрээ нас барж, нөгөө нь эмнэлэгт хүргэгджээ. Ингэхэд улсын маань нийслэлд юу нүүрлэх нь энэ вэ гэж иргэд айн түгшиж байна. Тухайн улсын хөгжлийг хотод нь өөдийлцөн байх өргөгч крануудаар төсөөлдөг гэсэн үг бий. Бид ч улс, нийслэлээ хөгжиж байна л гэж бахархдаг биш гэж үү. Гэвч тэр хөгжлийн түрлэг хүний амиар наадах болсны учир юу вэ. Арай нийслэлд маань муу ёр шүглэчихээгүй байгаа даа. Өмнө нь хотын дарга Г.Мөнхбаяр муу ажиллаж байсан байж магадгүй ээ. Гэхдээ энэ удаагийнх шиг шил дараалсан аймшигт осол гарч байсангүй. Юу болоод байна вэ, хотын дарга, Улсын баатар Э.Бат- Үүлээ гэж асуумаар байна.

Нөгөө барилгын компаниуд нь ч бас л асуудалтай. Бурууг өөрсдөөсөө хайхын оронд бусдад чихэхдээ гаргууд юм. “Муу л бол хойд талын хар овоохой” гэгчээр “Мэргэжлийн хяналт хариуцлагагүй ажиллав. Тэд буруутай” хэмээн компани ч, нийслэлийн засаг захиргаа ч өөрсдөөсөө зайцуулдаг болжээ. Уг нь тухайн барилгад эхлээд газрын алба газрын зөвшөөрөл олгодог. Үүний дараа ерөнхий архитектур, техникийн зөвлөл, дулаан, цахилгаан, ус суваг, онцгой байдал “анхаарал" тавьдаг. Эцэст нь Барилга хот байгуулалтын яам “Энэ барилгыг бариулж болно” хэмээн зөвшөөрдөг. Харин уг барилга барих газар нь нийтийн эзэмшлийн талбай байх эсэх нь хамаагүй хэн нэгэн албан тушаалтан хувийн эзэмшилд шилжүүлчихдэг. Ингээд дээрх олон байгууллагын дундаас бичиг баримт бүрэн гарч ирсэн компанид мэргэжлийн хяналтынхан барилгын ажил эхлүүлэх зөвшөөрөл олгохгүй гээд ч яах билээ. Үүнээс гадна зарим компани дээрх зөвшөөрлүүдээ бүрдүүлэх явцдаа хэн нэгний нөмөр дор мэргэжлийн хяналтынханд мэдэгдэлгүй барилгаа бариад эхэлчихдэг. Тэдэнд завсар олдож л байвал хүний эрх зөрчих нь хамаагүй. Газрын тухай хуулийн 56.5-д Газар эзэмших, ашиглах хугацаа дууссан, тэрчлэн зохих зөвшөөрөлгүй барилга байгууламж барьсан иргэн, аж ахуйн нэгж байгууллагад газар чөлөөлөх тухай мэдэгдлийг эрх бүхий байгууллага, албан тушаалтнаас өгсөн тохиолдолд тухайн газраа чөлөөлөх үүрэгтэй гэж заасан. Хэрэв үүргээ хэрэгжүүлэхгүй бол тус хуулийн 57.3-т “Зохих зөвшөөрөлгүйгээр газар дээр барилга, байгууламж барьсан, эсхүл бусад хэлбэрээр түүнийг дур мэдэн эзэмшсэн бол аймаг, нийслэл, сум, дүүргийн Засаг дарга уг газрыг чөлөөлөх тухай хугацаатай мэдэгдэл өгнө” гэжээ. Харин 57.4-т “Заасан хугацаанд газрыг чөлөөлөөгүй тохиолдолд албадан чөлөөлөх, холбогдох зардлыг гэм буруутай этгээдээс гаргуулах” тухай тодорхой хуульчилсан байна.

Тэгэхээр мэргэжлийн хяналтынхан тухайн газар зөвшөөрөлгүй буюу хууль бусаар барилгын ажил эхлүүлсэн байвал түр зогсоох акт үйлдэж, холбогдох ЗДТГ-т мэдэгдэл хүргүүлдэг байна. Өөрөөр хэлбэл, мэргэжлийн хяналтынхан барилын компанид аюулгүй байдлын зааварчилгаа өгч, хууль, журмыг биелүүлж байгаа эсэхийг нь хянах үүрэгтэй. Нөгөө талаар тухайн барилгын компани дээрх зөвшөөрлүүдийг авахын тулд өөрийн биелүүлэх үүргээ хангасан байх ёстой. Хамгийн наад зах нь краны жолооч мэргэжлийн байхаас гадна өргөх, буулгах үед дохио зааварчилгааг мэргэжлийн хүн өгөх ёстой байна. Гэтэл барилгын компаниудад тийм хүн байхгүй буюу хэн дуртай нь өргө, буулга гэсэн дохиог хэзээ ч хамаагүй өгдөг ажээ. Өнөөдрийн байдлаар ямар нэгэн зөрчилтэй, зөвшөөрөлгүй эхлүүлсэн 79 барилга байгааг мэргэжлийн хяналтаас олж тогтоосон байна. Түүнчлэн, нийслэлийн хэмжээнд 500 гаруй барилга одоо баригдаж байгаа гэнэ. Харамсалтай нь эдгээр барилгыг мэргэжлийн хяналтын 20 байцаагч өдөр бүр хянаад зогсох боломжгүй.

Албаны хүний хэлснээр ямар нэгэн ажил эхлүүлэх гэсэн хүмүүсийн олонхи нь “Таньдаг хүн байна уу” гэж асуудаг аж. Энэ нь хуулиас зайлсхийх оролдлого. Хэрэв хөдөлмөрийн аюулгүй ажиллагааны стандарт биелүүлээгүй шалтгаанаар баригдвал хуульд зааснаар 250 мянган төгрөгөөр торгуулдаг учраас тэд цочрол авдаггүй гэсэн үг. Харин хотын дарга Э.Бат- Үүл “Зөвшөөрөлгүй барилгуудыг буулгана” хэмээн том дуугарсан нь саяхан. Гэтэл сүүлийн үед “Нэгэнт баригдсан барилгуудыг буулгана гэж юу байхав. Болохгүйг нь хурааж аваад ашиглая” гэх болжээ. Тэрбээр нийслэлийн нутаг дэвсгэрт баригдаж байгаа нийт барилга байгууламжид холбогдох асуудал бүрийг шалгах, гэрчилгээжүүлэх тухай захирамжийг энэ сарын 7-нд гаргасан. Хариуцлагагүй байдлаас үүдэж иргэд амь нас, эрүүл мэнд, эд хөрөнгөөрөө хохирох явдлыг цаашид гаргуулахгүй байх, буруутай албан тушаалтанд хариуцлага тооцох, шаардлагатай гэж үзвэл барилгын тухайн гүйцэтгэгч компанийн тусгай зөвшөөрлийг цуцлах хүртэл арга хэмжээ авахаа мэдэгдсэн. Гэтэл энгийн иргэдийн амь нас өдөр бүр эрсэдсээр л байна. Ер нь энэ асуудлыг яаж шийдэх вэ, хотын дарга аа. Зөвшөөрөлгүй барилгуудаа хураах уу, нураах уу.Ер нь юу болоод байна вэ.

М.Наранболд

unen.mn

Юу болоод байна вэ, хотын дарга аа
Tweet
Bolod.mn

Сэтгэгдэл (11)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
Одоо таний огцрох л улдлээ.

2012-09-21 | 10:43:57 | 203.91.112.12 |

Зочин
хар мөртэй засаг төр гарч иржээ арай ч ийм ихээрээ гардаггүй л байсан юм цөөхөн монголчуудаа эвтэй байя л даа нэг л асуудал болохоор нэгнийгээ хэтэрхий доромжлох юм

2012-09-20 | 17:27:59 | 124.158.74.8 |

Зочин
Хотын дарга хар мөртэй л байхгүй юу, урьд өмнө ийм юм сонгоогүй юм байна

2012-09-20 | 16:05:07 | 122.201.18.141 |

Зочин
Энэ газрийн муу муухай булхай Энэбишийн уэс эхлэлэтэй. М.Энхбөлд эрөнхий архитэктөрч байсан Цэлмэг 2 с хойш аймаар болсон шу дэ. Тэр Цэлмэг гэж нохрийг одоо олох хэрэгтэй дэ!!!

2012-09-20 | 15:16:13 | 203.169.55.185 |

Зочин
ЭНЭ БОЛ МАН-ИЙНХАН УРИД НИ ХИЙСЭН БУЗАР БУРТГУУД НИ ЗАД ТАТАЖ БУЛСАН СХ БУЛТАЙНА ДАРСАН СХ ДАРДААНА ГЭДЭГ НИ БОЛЖ БАЙНА.БАТ-УУЛД ОГТХОН СХ ХАМААГУЙ.ОДОО ТУЙЛБАРТАЙ ХАТУУ ТЭМСТЭЛ УБУУЛАХ ХЭРЭГТЭЙ

2012-09-20 | 14:03:42 | 103.10.22.2 |

Зочин
БАТҮҮЛЭЭ ЧАМАЙГ ДЭМЖИЖ БАЙГАА ШҮҮ УЛААНБААТАРЧУУДАА ДЭМЖЭЭРЭЙ

2012-09-20 | 13:10:18 | 49.0.136.135 |

Зочин
Ш ш Бат ҮҮл минь Чи дийлэхээ өнгөрсөөн бүх юм хошного холойгоороо холбогдсон дампуу Монголчуудын энэ нохой шиг амьдралыг хэн ч цэгцэлж чадахгүй эх орон үр хүүхдээ алдаж байж энэ заваан амьдрал нэртэй там, хөдөө хотынхон нийлж бөөс хуурс шиг алгын чинээ газрыг шороо утаан зэтгэр болгосны эхний тулгын чулууг Та өөрөө эрхбиш тавилцаа биздээ Энхболдонгууд бол ерөөсөө та нар шүү дэ мэлзэх зам байхгүй

2012-09-20 | 12:35:39 | 202.131.244.180 |

Зочин
Хэдэн хүний амиар МАН-ын тарьсан балгийг дарах ёстой болж байна аа. УБ хотыг идээ бээр, хатиганд бариулсан хүмүүс нь зүгээр л байж байна, энэ идээ бээрийг Бат-Үүл тэргүүтэй АН-ынхан шахаж цэвэрлэх ёстой шүү. Нийслэлийн ИТХ-д байгаа МАН-ын хэдэн тэнэгүүд завсарлага авч улс төр хийснээс болж эдгээр ослууд болж хүний амь эрсэдсээр байна ш дэ. Тэгээгүй бол эдгээр барилгын ажлуудыг зогсоох гэж байсан ш дэ. МАН-ын балаг хэзээ арилах вэ

2012-09-20 | 11:36:50 | 122.201.18.141 |

Зочин
3 жилийн өмнө манай ах бас байгууллагынхаа буруугаас барилга дээрээс унаж нас барсан. тэр үед МХЕГ-с дүгнэлт авах гэтэл Содбаатар дарга /одоо их хурлын гишүүн/ манайд хамаагүй, манай байцаагч дүгнэлт гаргаж өгөх ёсгүй гэсэн. СБД-ийн прокурор Үүлэн, Лхагвасүрэн, мөрдөн байцаагчид манай ахыг өөрөө унасан, амиа хорлосон, тэр компани нь барилгын компани бтш учир ХХАА сахиулах шаардлагагүй гэсэн дүгнэлтүүд гаргасан. Бид аюултай нөхцөлд амьдарч байгаа, мөн хүн үхэхээр мөнгөтэй хүмүүс ямарч дүгнэлт гаргуулаад уснаас хуурай гардгыг би нүдээрээ үзсэн. Осол гарах бүрт холбогдох хүмүүст нь хариуцлагыг нь хүлээлгээд явсан бол ард иргэд ажилчид ийм байдлаар харамсалтайгаар хорвоог орхихгүй байх байсан даа.

2012-09-20 | 11:06:17 | 202.179.20.173 |

Зочин
тийм шүү бүх юм ил тод болж байгаа нь энэ. дээрх зочинтой санал 1 байна

2012-09-20 | 10:50:14 | 182.160.61.53 |

Зочин
М. Энхболд Ц. Батбаяр Мөнхбаяр гэх мэтийн газрын наймаачид луйварчдын хийсэн гай хууль бус газар олголт хууль бус зөвшөөрөл тэдний авилга хээл хахууль хэрээс хэтэрсэний гай одоо гарч байна Тэднийг шүүх хэрэгтэй урьд нь ч осол зөндөө гардаг байсан тэд нуух бултуулах хаацайлах гэдгийг мэргэжлийн хийдэг байсан Одоо харин төр тунгалаг болж байгаа учраас бүх юм ил байна даа ард түмэн минь

2012-09-20 | 10:17:28 | 202.179.16.229 |

Мэдээ
Гадаад мэдээ
Видео