Тэжээсэн бяруу тэрэг эвдэнэ… УИХ-ын гишүүн У.Хүрэлсүхийн өнцгүүд
Өнцөг №1: Ардын намын журамт цэрэг ээ хө өө өө… У.Хүрэлсүх нам гэж хэлд орсон.
Өнцөг №2: Намынхаа сэлэм, бамбай болж хатуу тэмцэх “ам”-тай… Намаа аврах гээд алчихдаг л болохоос.
Өнцөг №3: Борви нь тэнийгээгүй “бяруу” байхад нь Н.Энхбаяр туслахаараа авч өөд татсаныг мартсан… Тэжээсэн бяруу тэрэг эвдэнэ ээ гэж.
Өнцөг №4: Н.Энхбаярыг “хүүхэн, мөнгө боддог ерөнхийлөгч” гэж даапаалж явсан… Өөрөө бол энэ талаар ёстой “no” гээд байгаа ш дээ.
Өнцөг №5: Мал тэжээвэл ам тосдоно, У.Хүрэлсүхийг тэжээвэл “толгой”… Чадаж байгаа хүнийг яах юм.
Өнцөг №6: Н.Энхбаярыг “хулгайч, луйварчин Ерөнхийлөгч биш шоронд байх ёстой хүн шүү” хэмээн мэдэгдсэн… Одоо түүнийг мэдэгдэл ёсоор болсон.
Өнцөг №7: Уг нь Н.Энхбаяр байгаагүй бол хэн ч бишээрээ л үлдэх байсан… Зодооноороо бол нэрд гарах л байж.
Өнцөг №8: МАСЗХ-г МАХН-ын “жорлон” болгосон түүх бий… Ерөнхийлөгчөөр нь мандаж явсан үе ч бий.
Өнцөг №9: Гамшгийн сайд хийгээд ганц хийсэн ажил нь Л.Гүндалайг аврах шахсан… Гайтай юм шиг сарс, боом, эргүү, галзуу, шүлхий гаараагүй юу…
Өнцөг №10: Мэргэжлийн хяналтын сайд хийгээд Д.Дорлигоог “рекет”-лэж явсан… Далдуур яасныг хэн мэдлээ.
Өнцөг №11: Улс төрийг судалдаг мэргэжилтэй ч огт мэддэггүй хүн шиг аашилдаг… Гайтай “Х” үсэг хамгийн том баримт.
Өнцөг №12: Цэргийн сургууль гар хөл нь амнаасаа түрүүлчихээд байдаг зуршилтай болгож… Амьд гэрч бол Монгол даяараа л байна.
Өнцөг №13: Яагаав цагдаа зодож, найзыгаа хэвтэрт ортол балбаа биз дээ… Армид алба хаахдаа хатуужих бус дэглэхийг нь сурснаас болсон.
Өнцөг №14: УИХ-ын гишүүн асан Э.Мөнх-Очирыг “Намын ажлыг би мэдэх үү, чи мэдэх үү?” хэмээн нармайг нь нээж, дэглээгүй юу… Одоо харин Г.Баярсайхан нүдээ таглуулах шахлаа ш дээ.
Өнцөг №15: У.Хүрэлсүхийн синдром МАН-д халгаатай… Уранхай тугаар шоудаж, нэрээрээ тоглож, намаа “шүдний сойз” болгосон нь багадаад байгаа.
Өнцөг №16: Хадгаламжийн банкны мөнгөнөөс казинодсон хэрэгт нэр холбогдож, аавынд морилох шахсан… “Цолмон эгчээ намайг уучлаарай” гэсэн онигоо гарсан.
Өнцөг №17: У.Хүрэлсүхэд хужаагийн ген байхгүй, хулгайчийн ген байхгүй, худалчийн ген байхгүй. Ийм л Монгол хүн гэж өөрийгөө тодорхойлсон… “Нуун дарагдуулагч” монгол.
Өнцөг №18: Н.Номтойбаяраас 600 саяын авилга авсан гэгддэг… Монголчууд 100 сая төгрөг нэг хайрцаг болдгийг мэдсэн ш дээ.
Өнцөг №19: “Хадгаламж” банкнаас мөнгө авах нь бүү хэл орж ч үзээгүй, Мэдэхгүй” гэж гүрийсэн түүх бий… Энэ худалчийн генгүй хүний үг байх нь.
Өнцөг №20: Шаггүй “бүдүүлэг” аальтай болохоо харуулсан… Тэр УИХ-ын гишүүний бүрэн эрх гэж юу байдгийг мартсан байх…
Өнцөг №21: Хадгаламжийн хэргээсээ “дархан эрх”-ийн хамгаалалтан дор мултарч байсан түүх бий л дээ… Санаж болдог л байхгүй.
Өнцөг №22: Харин УИХ-д суух санаархал дөрвөн жил мулт болсон… Гэсэн ч МАХН-ын Ерөнхий нарийн бичгийн даргаар сонгогдсон.
Өнцөг №23: Би эр хүн шиг ажиллана гэж амласан… Өмнөх нарийн бичгүүд бүгд “манин” байсан байх нь…
Өнцөг №24: Миний ажил хөлбөмбөгийн багаар бол холбон тоглогч гэж тодорхойлсон… Начир дээрээ У.Хүрэлсүх ба бусад нь.
Өнцөг №25: Тиймдээ ч нүцгэлж морь унаад, шалдалж голын усанд зогсоод л… Эхлээд В.Жириновский, дараа нь В.Путин түүнийг “дуурайгаад” л зургаа авахуулсан байдаг.
Өнцөг №26: МАХН МАН болов… “Сонгуульд ялагдвал хариуцлагыг нь би үүрнэ” хэмээн ам гарсан.
Өнцөг №27: С.Батболдын зөөлөн нь дэндэж, У.Хүрэлсүхийн хурц нь хэтэрч, дунд нь МАН нэгдмэл удирдлагагүй мэт харагдах болов… МАН-ын дарга чинь У.Хүрэлсүх байгаагүй билүү.
Өнцөг №28: Түүний“сэлэм эргүүлэлт” МАН-ын нэр хүндийг унагасан алдааны тал хувийг эзэлж мэднэ… Өөрөөр хэлбэл Н.Энхбаярыгаа хурцлах шиг болсон.
Өнцөг №29: Парламентад давхиж ороод намынхаа гишүүдийг “ална шулна” гэж цамнаж гарсан… Д.Дэмбэрэлийн ангийнхан гэрчилнэ.
Өнцөг №30: Н.Энхбаяр МАХН нэрээ авлаа… У.Хүрэлсүх дээд шүүх ажлаа хийсэнд ихээхэн харамссан боловч өнөөх шүүхдээ хандсан гэж байгаа.
Өнцөг №31: Нийслэлийн иргэн гэж намтарлачихаад Сонгууль болохоор Хэнтий явчихдаг… Энэ удаад харин намын жагсаалтаар “даам” гарчихсан.
Өнцөг №32: Сонгуулийн ялагдалд намаа хүргэчихээд жагсаалтаар УИХ-ын гишүүн болчихдог… Нарийн бичгээсээ огцроо л биз дээ.
Өнцөг №33: Улс төрийн албан тушаал хашиж байж хурандаа цол өвөртлөөд зодоон хийсэн… Хурандаа цол бол хувийн өс, намын нэр аврахад зориулсан бамбай.
Өнцөг №34: Муу хүнд үг бүү дуулга, мухар үхэрт худаг бүү үзүүл… Хууль гууль болж, хурандаа “Гарьдхүү”-д томордог байгаа.
Өнцөг №35: Намаа өмөөрч байвал цэргийн эргэлт хийсэн ч чадна гэдгээ харуулсан нь тэр гэнэ… Ц.Нямка ч дэмжээд, өмгөөлөөд сүйд.
Өнцөг №36: Ер нь бол МАН-д далайдаг У.Хүрэлсүх, хэрэлддэг Ц.Нямка хоёр өнгөлсөөр ирэв… Үр дүнд нь МАН-д гудамжинд өнөөх хоёр их хуралд.
Өнцөг №37: У.Хүрэлсүхийн дараагийн алхам… “Гарьдхүү” яах вэ, АН-ыг Н.Алтанхуягтай нь нам цохиод өөрөө Путин шиг эзэгнэх.
Э.Болор .shuum.mn